(واقي) لكل (ذكر)..!!!
06-07-2012 12:16 PM

بالمنطق

(واقي) لكل (ذكر)..!!!


صلاح الدين عووضة
[email protected]


* مشاكلنا كلها( اتحلَّت) - بحمد الله- ولم يتبقَّ أمامنا سوى مشكلة( الذكر!!)..
* والذكر هذا مشكلته تتلخَّص في أنه لا يريد أن يلزم (حدوده!!) الشرعية التي قالت
الإنقاذ إنها جاءت كيما تبينها للناس..
* فهو يصر على (التمرُّد!!) غير عابىءٍ بديننا وأخلاقنا وأعرافنا وعاداتنا..
* وبما أن الذكر هذا لا يمكن أن ( يلعب!!) لوحده فهنالك (المقابل الأنثوي!!) له الذي يقاسمه التمردُّ ذاك..
* ولو أنَّ التفلُّت الأخلاقي هذا كان في زمان لا يعرف شيئاً اسمه( الإيدز) لما كانت
هنالك مشكلة إطلاقاً..
* فالمشكلة الآن في مرض نقص المناعة المذكور وليس في( عدم الانضباط!!) الذكري..
* والتشخيص هذا لا نقول به نحن- للعلم- وإنما جهات حكومية( رسالية!!)..
*جهات تباهت في البرلمان - قبل أيام - قبل أيام بأنها- بالصلاة على النبي- نجحت في توزيع(كذا مليون!!) واقي ذكري على ذكور سودانيين..
* تباهت بذلك- الجهات هذه- إلى درجة أنها كادت أن تلوح بالعصي عالياً في الهواء وهي تصيح:( الله أكبر!!)..
*كادت أن تفعل ذلك لولا أن بعضاً ممن لازال بدواخلهم شيء من الحياء- من أعضاء البرلمان- بادروا بصيحات استباقية خلاصتها:(استحوا على دمكم شوية ياهؤلاء)..
* وأكثر الأعضاء المذكورين صياحاً كانت سعاد الفاتح التي صرخت في غضب:( داخليات بناتنا في خطر!!)..
* صحيح هي في خطر، وكذلك واقعنا (الأخلاقي!!) كله..
* ولكن الأخطر من هذا هو الواقع الاقتصادي الذي سيتفاقم إلى درجة الكارثة عقب رفع الدعم عن الوقود..
* وربما لأنَّ سعاد الفاتح هذه - وأخواتها وإخوانها في الله - لا يعيشون معاناة الغالبية من أبناء السودان فهم يبصرون( أعراض!!) الأزمة ويتعامون عن (جوهرها!!)..
* فبلادنا لم تبلغ الدرك الأسفل هذا في مجال ( الأخلاق!!) إلا خلال عهد اُستغلَّ فيه الدين لأغراض السياسة..
* إلا خلال عهد ( شبعت!!) فيه القلة و(جاعت!!) الأغلبية..
* إلا خلال عهد (صعد!!) فيه الموالون و ( هبط!!) الآخرون..
* وصاحب" الانتباهة" كان قد تساءل مرة في ومضة خاطفة من صحوة ضمير - عبر زاويته اليومية- إن كان ( حلالاً!!) ما يرفل فيه (الإخوان) من ( نعيم!!) فات حدود التصور، أم هو (بلاء!!) هم عنه غافلون..
*(وكتر خيرو والله برضو) - صاحب الانتباهة هذا- على طرحه مثل التساؤل المشار إليه..
* فإخوانه في الله غارقون في (النعيم!!) هذا إلى آذانهم ولا وقت لديهم يبددونه في ترف مراجعة الذات (الديني!!) مثل الذي مارسه الطيب مصطفى..
* إنهم نسوا تماماً (قسم!!) الحق تعالى في كتابه الكريم:( ثم لتسألن يومئذ عن النعيم)..
* وكذلك مما سيُسأل عنه المتنعمون هؤلاء- ربما- ما آلت إليه أحوال ( رعيتهم!!) من ضنك في العيش جوَّز الإسلام معه الخروج على الحاكم بإشهار السيوف..
* وفي ظل واقع معيشيٍّ متردٍّ مثل هذا يمكن للأخلاق أن تنفلت من عقالها ولو كانت مما ( يعقل!!) مع (التوكل!!) في زمن مضى..
* ولن يجدي نفعاً - والحال هكذا- أن ننشغل بأعراض المشكلة ونضرب صفحاً عن مسبباتها..
* لن يجدي نفعاً- على سبيل المثال- أن نمد من (مظلة!!) الواقي الذكري كيما نغطي (ذكور!!) السودان أجمعين..
* ثم تفاخر حكومتنا بعد ذلك بإنجاز سياسة (واقٍ لكل ذكر!!!).



الجريدة




تعليقات 32 | إهداء 1 | زيارات 7331

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#387717 [ود عويضة]
5.00/5 (1 صوت)

06-09-2012 11:46 AM
التجارة في المنتجات الجنسية (الواقي الذكرى وخلافة ) من الاشياء التي تجمع الكيزان واليهود والحركة الماسونية العالمية- فالذين يتاجرون في هذه الاشياء هم كبار مشايخ الجبهة - وممكن تسالوا عن ذلك الشيخ على عثمان ليس باعتباره تاجر او كبيرهم ولكن باعتباره نائب امير المؤمنين - ولكن الاهم في نظرى يا ودعوضة (الفياغرا المضروبة) التي اودت بحياة الكثيرين - قد لا يتفق معي من صوت للشجرة الملعونة ان التجارة في الواقي الذكرى والشفاط والفياغرا ليس للقوم دخل فيها - هذا الدفاع والمكابرة والجدال بالباطل ترد علية ملفات فساد ديوان الزكاة وناس الارشاد والاوقاف التى اعترف به النظام - نقول لهؤلاء اتق الله قال تعالى (هَاأَنتُمْ هَـؤُلاء جَادَلْتُمْ عَنْهُمْ فِي الْحَيَاةِ الدُّنْيَا فَمَن يُجَادِلُ اللّهَ عَنْهُمْ يَوْمَ الْقِيَامَةِ أَم مَّن يَكُونُ عَلَيْهِمْ وَكِيلاً ). صدق الله العظيم ...


#387677 [السودانى]
5.00/5 (1 صوت)

06-09-2012 11:10 AM
الشعب ما محتاج للواقى الذكرى .السعيد مننا بياكل وجبتين احسنهم السخينة ودى موية وشوية دكوة فول وشوية بهارات لو عندك وبصلة صغيره وتديهم النار وبعد كدا شوف لو عندك رغيف او كسره دا ميسور الحال من الشعب الغلبان .
واحد متزوج حلف بالله انو فى الشهر بضاجع زوجتو مره واحده يعنى بعد شوية بيكون زى مرتو . بصراحة نحنا ما محتاجين للواقى دا بوزعوهو الكيزان والمؤتمرجية على نفسهم واولادهم لانهم شبعانين وواولادهم سمان الواحد فى اليوم ممكن يعمل اربعة او خمسة عشان كدا بتزوجوا مثنى وثلاث ورباع لانوا عندوا القدرة المادية والبدنية.
اللهم يا عزيز شتت شملهم وفلرق جمعهم واجعلهم غنيمة لنا يا الله.


#387336 [Asim]
5.00/5 (1 صوت)

06-09-2012 12:13 AM
انصر دينك عووضة .. و لكل ظالم نهاية .


#387226 [عادل عبدالقادر عمر]
5.00/5 (1 صوت)

06-08-2012 08:12 PM
والله يا ود عووضة شعار آخر زمن ( واق لكل ذكــــر ) واللى إستحوا ماتوا ... شكرا لك ( ثورة الإستنقــــــاذ ) لاحـــظ حرف (التاء) لما تقدميه لهذا الشعب المسكين والمغلوب على أمره ... ولا يسعنى إلا أن أقول ( حسبى الله ونعم الوكيل ) منكم يا من تتحكمون فى حياتنا ومعيشتنا ورزقنا ... اللهم أرنا فيهم يوم أسود حالك السواد ...آميــــــــــــــــــــــــــــــــــن .


#387018 [KALIFA AHMED]
5.00/5 (1 صوت)

06-08-2012 01:00 PM
ولد داااااااااا !!!!!!!!!!!!


#386974 [صغيرون]
5.00/5 (1 صوت)

06-08-2012 11:26 AM
انه الفساد الذي ضرب باطنابه وانت يا استاذ عووضة تغرد خارج السرب انت لن تستطيع ان تقول الي حرامية دي عيب وهم في انتظار الوقت لم يعد النهار الذي يكشفهم فهم علنا سوف يسرقون والسرقة
فنون فمنهم من يسرق قوت الغبش الكادحون ومنهم من يسرق السكة التي يسير عليها القطار المنكر الوطني
جلهم حرامية سوف يسرقون ويسرقون اين الية الفساد واين ابو قناية السودان الان يعيش في التركية السابقة لماذا هذا الجحيم لماذا اصبحت الحياة صعبة في هذا البلد الذي يعد بانه سلة غذاء العالم
الزراعة اخر التدمير كان مشروع الجزيرة والمتعافي الذي لا يتعظ بحادث الطائرة والله لو اني كنت مكانه احرم الراتب واتذكر ساعة المحنة ولكنهم دائما يعودن لما نهوا عنه بيعت كل شي بثمن بخس لماذا طبعا اليوم الاخر عند ناس المؤتمر الوطني غير موجود والي الخرطوم يستعبط ويزداد عبطه بعد عودته من كل سفرة اخر ترهاته انه سوف يبيع شارع النيل هولاء قوم جاوا لاذية الشعب حسبنا الله ونعم الوكيل


#386866 [الجعلي]
5.00/5 (2 صوت)

06-08-2012 08:45 AM
ناس النظام العام ديل بعملو قي شنو مش هو شغلهم ومهمتهم الاساسية مراقبة ومتابعة الاعضاء التناسلية للشعب السوداني والمشكلة دي منهم وفيهم لان الشعب السوداني كله جعان وانا متاكد ما قاعد يستحدم اعضائه التناسلية دي الا للاخراج فقط . هسة عليك الله يا ابو صلاح ده موضوع يناقشوه في البرلمان انا اناشد وزير الداخلية بتسريح كل ضباط وعساكر النظام العام


#386740 [hassan]
5.00/5 (1 صوت)

06-08-2012 12:08 AM
اخر الزمن


#386728 [بدريتو]
5.00/5 (2 صوت)

06-07-2012 11:45 PM
هو يا عووضة الداهى ده شغال مع الهموم الحاصلة وصحن البوش ان وجد
غايتو سعاد الفاتح دى خرفت ساكت قولوا ليها بنات الداخليات انوموا قفا العوجة ما بتجيهم بس ايعدوا من اولاد الكيزان وناس الحلاقيم الكبيرة الهتيفة وناس المرور واكلى اموال السحت يعنى بالحساب كده الخمسين الف واطئ من الكيزان والمطبلاتية وحارقى البخور الباقين من الشعب ما منهم خوف هو الداهى ده الا البسوا فى الاصبع .
صحى نحن شعب ام بوالة وادينا الشجرة ونوابنا شغالين بالواقى وناسين الباقى


#386718 [بكرة احلي]
5.00/5 (1 صوت)

06-07-2012 11:05 PM
ويقولو مشروع حضاري وصناعة انسان يخس عليكم


#386712 [التاجر]
0.00/5 (0 صوت)

06-07-2012 10:55 PM
وانت بتستعمل برضو؟؟


#386711 [بكرة احلي]
5.00/5 (1 صوت)

06-07-2012 10:54 PM
ويقولو مشروع حضاري وصناعة انسان يخس عليكم


#386666 [tshtash]
5.00/5 (2 صوت)

06-07-2012 09:34 PM
this very sad to have all member of the parliament talking about these faked things there are some people who can't survive for one single day ,no water ,electricity and medicines
may be the speaker of the parliament himself who imported these condoms for his own and then distributed to all government members specially those who could not take 2 or 3 or 4 wives please i am thick i want to vomit arhamouna yarhamkum allah


#386640 [احمد الحارث]
4.50/5 (2 صوت)

06-07-2012 08:56 PM
شكرا استاذ عووضة . بدل الواقي الزفت علمو الاجيال الاخلاق وين وين وين الدين في مشروعكم الحضاري حضارة اسرق ونحن بنستر عذب واغتصب ونحن بنقول خونة وطابور خامس .... وين همة الشعب السوداني وين صانع الثورات وين محطم القيود؟؟؟؟؟؟؟؟؟ خدعتونا باسم الدين خدعتونا باسم الدين لم نكفر بالدين حاشي للة ولاكن كفرنا بكل مدعي اصحاب اللحي الدجالين اصحاب النفوس الضعيفة من مثني وثلاث ورباع والفارهات البرادو واخواتها وناس عمارة عمارتين خمسة ستة شركتين ثلاثة بائعي الوهم للغلابة , الموت قريب الموت قريب


#386589 [Shah]
5.00/5 (1 صوت)

06-07-2012 07:30 PM
ناكل مما نزرع ... نلبس مما نصنع ... نتقى مما نوزع. وإمريكا دنا عذابا.


#386580 [عبدالفتاح]
5.00/5 (2 صوت)

06-07-2012 07:16 PM
ود عووضة خليك جادى ياخ ضحكتنا خلينا ازمة البنزين والمحروقات


#386533 [يكره الكيزان]
5.00/5 (2 صوت)

06-07-2012 06:00 PM
اللهم نسألك أن تدمر هؤلاء الكيزان وتشتت شملهم وتجعل الدائرة عليهم يا رب العالمين
واقي لكل ذكر استغفر الله


#386506 [الهرة بنت عم الأسد]
5.00/5 (1 صوت)

06-07-2012 05:11 PM
بالله مش حلجة محرجة إنو الولد يوصف بأنه "ذكر"؟ الحمد لله البنت لا توصف بما يقابل ذلك!!!


ردود على الهرة بنت عم الأسد
United States [Shah] 06-07-2012 06:52 PM
يا "برة" لكن صراحتك مذهلة.


#386502 [سر الختم]
5.00/5 (2 صوت)

06-07-2012 05:10 PM
(وكتر خيرو والله برضو) - صاحب الانتباهة هذا- على طرحه مثل التساؤل المشار إليه..- كتر خيرو على شنو ؟ رجل جعل رزقه انه يشتم الناس ويتعنصر على كل من هو من أصل عربى,, لاكتر خيرو ولا بارك الله فيه.


ردود على سر الختم
United States [Abu Al Khair] 06-08-2012 03:43 AM
عربي مين ياعم ، السودان كله القدم بالقدم


#386487 [الزول الكان سَمِحْ]
5.00/5 (3 صوت)

06-07-2012 04:54 PM
يا ود عووضة
إلى درجة أنها كادت أن تلوح بالعصي عالياً في الهواء وهي تصيح:( الله أكبر!!)..

التلويح بالعصا خير من التلويح بالواقى الذكرى...فالعصا لمن عصى لكن الواقى لمن زنى

قال تعالى : { وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيراً }الإسراء16

مترفيها...هم أولئك الذين ذكرهم صاحب الإنتباهة فى غفلة من الزمن


ردود على الزول الكان سَمِحْ
United States [الهدهد] 06-09-2012 09:31 AM
يمكن رفع العصى بعد تلبيسها بالواقي .. رحمة الله عليك يا بلد


#386477 [ربش]
5.00/5 (2 صوت)

06-07-2012 04:45 PM
تسلم يارائع و صح لسانك و الله إكون في عون السودان و شعبه . عار ثم عار عليكم أيها الأبالسه الملاعين ذكوراً و إناثاً .


#386473 [خي فاطنة]
5.00/5 (2 صوت)

06-07-2012 04:39 PM
واذااصيب القوم في اخلاقهم .........فأقم عليهم مأتما وعويلا


#386434 [jaaah]
5.00/5 (3 صوت)

06-07-2012 03:40 PM
انا اموت واعرف هم بوزعوهو كيف
يعني بسألو الزول لو بتاع دعاره ولا كيف؟
بالمناسبه الواقي الاصلي بكونو ادوهو اولادهم و بناتهم
و الموزع دا صيني و الدليل المايقوما
هو في زول عندو قروش دعاره غيرهم


#386398 [ali murtey]
4.75/5 (5 صوت)

06-07-2012 02:44 PM
ياهوى ياناس انا عاوز الواقى بتاعى قبل ما يتلحس كما اتلحس بترول وذهب السودان بواسطة المؤتمر الوثنى


#386384 [سامر المدنى]
5.00/5 (3 صوت)

06-07-2012 02:23 PM
لن يجدي نفعاً- على سبيل المثال- أن نمد من (مظلة!!) الواقي الذكري كيما نغطي (ذكور!!) السودان أجمعين..
* ثم تفاخر حكومتنا بعد ذلك بإنجاز سياسة (واقٍ لكل ذكر!!!).

كل واحد يخلى باله من واقى ذكره .. وتيب الواحدات ديلن يسون شنو؟ ماصرفتوا ليهن واقى انثوى والا بتصرفوا ليهن حبوب منع الحمل .. تفووو عليكم ياحثالة الحكامو يافرملة الشعوب


#386381 [محمد مصطفى]
5.00/5 (4 صوت)

06-07-2012 02:21 PM
واقى لكل ذكر كوز ، عشان الما كوز ما عندو قدرة للحاجات دى.


#386373 [الصادق علي موسي]
5.00/5 (3 صوت)

06-07-2012 02:13 PM
عووضه عالم جميل


#386371 [attractive title]
0.00/5 (0 صوت)

06-07-2012 02:12 PM
att title


#386326 [حسن القوصي]
5.00/5 (2 صوت)

06-07-2012 01:11 PM
خلاص الكيزان ما لقوا حاجه يشغلونا بيها غير هذا الامر إختشوا ياصعاليك


#386307 [الكلس]
5.00/5 (3 صوت)

06-07-2012 12:53 PM
أنا عاوز أعرف الواقي دا بوزعوهو كيف ؟؟؟!!! يعني الكوتة كم ؟؟؟!!!
.......................
والله محن آخر زمان
اللهم لا تمحنا لا تبلينا


#386294 [mazin]
5.00/5 (2 صوت)

06-07-2012 12:37 PM
واقي لكل ذكر و لولب لكل أنثى !!!!!!!!!!!!!!!!!!!!!!!


#386289 [Mustafa]
4.75/5 (4 صوت)

06-07-2012 12:33 PM
ثم تفاخر حكومتنا بعد ذلك بإنجاز سياسة (واقٍ لكل ذكر!!!). أنا عايز حقي .... !!!


ردود على Mustafa
United States [Sudani Sai] 06-08-2012 06:21 AM
حقك بجيك بس محتاج لواسطة قوية أو تتنازل عن نصف الكوته لزوم الأتعاب ولا ما كده يا ود عوووضة سرا ناغمي كومبو

United States [ادروب] 06-07-2012 03:05 PM
حقك يجيك بس الصف طويل وكدا


صلاح الدين عووضة
صلاح الدين عووضة

مساحة اعلانية
تقييم
10.00/10 (17 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة