06-29-2012 09:56 PM


بالدارجي



اعلاميون .. معاكم .. معاكم ..عليكم ..عليكم

ايمان حموري
kolshylela@hotmail.com

اعلاميون معاكم معاكم عليكم عليكم هم بعض من جزء يعني نسبهم السياسي لاهم من اخوات واخوان نسيبه دغري ، ولاهم من شذاذ الافاق باللفة ، مع انو ملامحهم الخارجية اقرب لشذاذ الافاق !! ايدولجيا اسلوبهم في الكلام اشبه باسلوب اخوان واخوات نسيبه، وفي الزي زيهم اقرب لزي شذاذ الافاق ، و احيانا يكون العكس.هذا طبعا سيؤثر سايكولجيا علينا كشذاذ افاق ، وبالتاكيد سيؤثر علي اخوان واخوات نسيبه، يعني مسك العصايه من النص ليس في صالحنا كخصمين، ووضع البلد حرج جداً ، وكذاب من يقول لا هو مع شذاذ الافاق ولا هو مع الحكومة ، ويجب ان نحترم كل من يقولها بالفم المليان انه مع الحكومه وهذة حريته بغض النظر اذا كانت الحكومه سيئه اوجيدة ، واحترم واجب ايضا لكل من قالها بشجاعه انه ضد الحكومة ومع شذاذ الافاق بغض النظر اذا كانت معارضته صح اوخطأ ، ولكن ..... ناس معاكم معاكم عليكم عليكم ديل يقولوا عليهم شنو؟ هناك بعض الاعلامين لم يتجابوا مع الوضع الراهن نهائي لاسلباً ولا ايجاباً ، يعني مش عايزين يقولوا للمتظاهرين ارجعوا بيوتكم ! ولا عاوزين يقولوا للحكومة رجعي الدعم ! وهنالك بعض الاعلامين (يدخل ليك بي حمد ويمرق بي خوجلي ) بيكون عاوزيؤيد (المرتب) اقصد الحكومه وعاوز يويد المظاهرة باعتبار( ماسيكون) يعني شغال كتابة (يا يدي شيليني ختيني في بيت الله العاجبني ) يعني ما تفهم منو اي حاجة.!! ومن الصعب ان تعرفو هل هو شاذ افاقياً ولا نسيبه اخوياً ؟ قبل ايام قرأت قائمه باسماء بعض الاعلاميين قيل انهم موالين للحكومه ، نعم قد يكون بعض منهم موالين للحكومه سياسيا وهذاحقهم مستحيل البد تكون كلها معارضه. وقد يكون منهم موالين للحكومه عملياً نسبة لظروف العمل وكذا ولكن سايكلوجياً هم شذاذ افاق ، واخشي ان يكونوا قد ظلموا لانو ( مابريدك ولا بحمل بلاك ) او لان (الخواف ربي عيالو) ارجو ان لايكون هذا التصنيف مجحف في حق بعض الاعلاميين .
اخر الشاي
لاتوجد منطقة وسطي ما بين الجنة والنار

تعليقات 10 | إهداء 0 | زيارات 2006

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#412512 [ودابرك]
0.00/5 (0 صوت)

06-30-2012 05:45 PM
رد علي كسلاوي وكاره كل متمرد انت شخصيه واحدة باسمين ولانك من ناس نص نص خليتو الموضوع كلو وقبلتو علي الاخطاء الاملائيه يا عم كل ما بت حموري تكتب بتجي تحسب الاخطاء الاملائيه مع انو انت ذاتك ما عندك املاء (قللتي الاخطاء الاملائيه كتير ) والصحيح كثير وليس كتير ويا كسلاوي انت كاتب (احطاء املائثيه شنيعه ) اول حاجة انتو الجوز الاتنين ما بتعرفو املاء وعاملنها ظاهرة بتجو تحبط المعنويات وتمشوا بت حموري دي رسالتها وصلت كان عندها املاء ولا ما عندها وكان بالفصيح ولا بالدراجي وارجل منكم الاتنين لانها مابتخاف ويا استاذة نحن معاك ولايهمك


#411711 [كاره كل متمرد]
0.00/5 (0 صوت)

06-30-2012 09:14 AM
بس بصراحة قللتى الاخطاء الاملائية كتير


ردود على كاره كل متمرد
United States [كسلاوى] 06-30-2012 12:27 PM
والله فعلا كلامك صحيح مرة قريت يمكن فى سطر واحد يمكن خمسة احطاء املائيثة شنيعة.. زى دى المفروض تتغطى وتنوم


#411574 [بت عجاج]
5.00/5 (1 صوت)

06-30-2012 03:33 AM
ليس الاعلاميين فقط وحتى السياسيين ليهم وجه مع الحكومة ووجه معارضة نتذكر وقت عودتهم وكان طلبهم الوحيد تقسيم الثروات وفعلا شيكات عشان كل واحد الحكومة تريح اضانها والشعب ياكل هواء والان ايضا سيركبون الموجة علي ظهر الشباب البموت ويتعذب هم مش فارقة معاهم وعلي ذكرة الاخ القال الصادق برا وابنه جوا الصادق برا وجوا في ان واحد والان دخل لينا مصر في اختيار البديل ونحن للان بندفع ثمن خيارات مصر ومش حندفع تاني مافي عمر ليه ومش حنضيع اولادنا ربنا يحفظ الشباب وينصرهم


#411550 [شاذ الافاق]
5.00/5 (1 صوت)

06-30-2012 02:33 AM
رد علي عم الزين المثل القالتو بت حموري صحيح (لا بريدك ولا بحمل بلاك ) المقصود بيهو يعني انا مش عايزك لكن ما بقدر اخليك بتقصد يعني في ناس ما مع الحكيومه لكن مصلحتهم بتخليهم يكون معاها يعني اعلامي نص نص وحبيبي قرب بص بص


#411544 [واحد]
5.00/5 (1 صوت)

06-30-2012 02:13 AM
شكرآ خالد عويس
الامام قاس 50 مره والرائع خالد ناوله المقص في ال 51
شكرآ شباب السودان
شكرآ اهلي الرائعين


#411372 [ودالبلد]
5.00/5 (1 صوت)

06-29-2012 11:03 PM
يابتى ما تغلبى نفسك البلد ماشى كده الصادق المهدى بره وولده فى الحكومه


#411365 [sakhar]
5.00/5 (1 صوت)

06-29-2012 10:56 PM
بالدارجى كمان :
والله ناس ديل مابدورم ولو فلبو لينا موية البحر عجين - كلامهم من عدم كلامهم كل واحد ن وعمرو الخواف ما رب عياله تربية كويسة والماشى فى ضل الحيطة ما بيعرف اذا كانت الحيطة ستقع عليه ولا لآالسجمان خالد وفيهم وفيهم .......... ياستى والله كله مكتوب والشارع ما حيرحم أى واحد ايدوا اتلضخت - وعمروا اكل العيش ما خلى زول ما يقول الحق ، ناس زى ديل اخير منهم الميتين العرفوا ديارهم
ثم تانيا الشكف بتاع الصحفيين الامنجية ما فيه كلام كله تمام والحساب ولد يوم الحساب ( طبعا دى مافيه عنصريةبس المثل بيقول كده)
والله الكشف كبير مش ناس الاعلام وبس فيهم الرباطة والجهادية زى ما قال رئيس العصابة والضابط بدم اولادنا وبناتنا او من سرق المال الحرام وبنى ليه قصصر ولا وداه فى حسابوا فى الخارج - كل شى حيكون تمام التمام بعد وليداتنا ديل ومعاهم اهلنا كلهم يكنسوا الوساخة من القصر - وناخد حقنا مش بالقانون بأيدنا لو ما راحوا بأخوى واخوك


#411352 [عم الزين..]
5.00/5 (1 صوت)

06-29-2012 10:44 PM
القلم يا أستاذة / أمانة أولا وأخيرا ، لكن طبعا هنالك صحفيين اتخذوا منه وظسفة بشكل تقليدي وجالسين وراء مكاتبهم منذ عقود ، ولا يتأثروا بتعاقب الحكام ، ولا شغالين بالعجب ولا جربوا الصيام في رجب ، وطبعا من البديهي حتى في وسط الصحفين أصحاب المواقف ، الا يكونوا كلهم في جانب واحد من فرق الصراع السياسي ، ومن يكون مع الحاصل اليوم قد يتبدل موقفه في منعطف آخر، والا لما وجدت كل الأنظمة التي سسقطت من دافع عنها حتى رمقها الأخير ، لانه أحيانا المسالة تخرج من زاوية المبادي الى ارتباط المصلحة الذاتية الى درجة الخوف من طرف الفرد على حياته في حالة زوال هذا النظام أو ذاك ،
المنطوق الصحيح للمثل الذي ورد في مقالك يا بنت أخوى هو ( لا بريدك ولا بحمل فيك ) وليس له علاقة بالحمل والولادة ، وانما هو يحكي عن قصة سيدة اشتكت زوجها الذي كان يضربها وبسيء معاملتها للحاكم ، فأمر بجلده ، ولما رأت هي منظره تحت السوط ، رق له قلبها ، وبكت ، فأطلق عليها المثل بصيغته تلك ، كناية على كرهها لزوجها ولكنها ، أيضا لا تحمل منظر ضربه من أجلها!


#411347 [wafi]
5.00/5 (1 صوت)

06-29-2012 10:35 PM
نعم لا توجد منطقة وسطي بين الجنه والنار

ياايمان احيك واحي كل ثائر ، واحيي شباب الميدان


هؤلاء هم مشكله السودان ، انهم يكتبون عن الديمقراطيه وعندما يسألون يتحدثون عن ديموقراطيه الانقاذ ، وصدقيني حين ينتصر الثوره ستجديهم يتحدثون عن ديموقراطيه الثوار .

كذلك السياسيين سيتحدثون عن قيام الثوره بعد مشاركتهم للحكومه حيث ساعدوا علي تقويضها من الداخل .

هذه ثورتكم يا ايمان لا تدعوها لغيركم ، وكما يقول الكيزان [ المامعانا يبقي ضدنا ] نحمد ربنا انو حتي الان ما في شهيد ، اذا حدث واستشهد بطل لن يكون هنالك أي قبول لاعتزار لأنه من اليوم دم اي سوداني غالي علينا

وسننتصر اختي ايمان وهم قبل غيرهم يعلمون ذلك


#411327 [Ali osman]
5.00/5 (1 صوت)

06-29-2012 10:16 PM
العزيزة إيمان حمورى إذا كانت المشكله هى فقط رفع الدعم عن المحروقات وخلافه فالأحسن أن يبقى هؤلاء المجاهدين.أما عن الإعلامين فهؤلاء عبيد مرتباتهم ومصالحهم.وحاولى راجعى ماكتبوه خلال ال23سنة الماضية لن تجدى إلأ ما يطمم بطنك من الكلام الفارغ والمواضيع الهايفة.اللهم إلا من رحم ربى.ولكن القضيه أكبر من دعم المحروقات القضيه فى الزراعة وفى التعليم وفى الصحة وفى وفى وفىوألأهم من ذلك فى إحترام عقولنا التى برمجت على الإجماع السكوتى والتى بحق ادت بنا لأن نكون شذاذ شنو هو قال


ايمان حموري
ايمان حموري

مساحة اعلانية
تقييم
4.50/10 (3 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة