07-11-2012 08:59 PM


تسقط تماثيل الحجارة

عقيل حسن
[email protected]

تسقط تماثيل الحجارة
فى برك مليانة طين
ومسكونة بالجن من سنين
وفى هوة ما بنعرف قرارة
ما اصلو تمثال من حجر
ما ممكن يحيا مع البشر
ويستلم دور الصدارة
لو كان نقول انو الزهور
ممكن تقوم فوق القبور
يانعة وموشحة بالنضارة
لو كان نقول انو الظلام
حا يكون دوام
ماسح الصبح بلون قبح
وتحيا الشمس فى جوف مغارة
لو كان نقول انو الحنين
يشرد سنين
من لهفة الام للجنين
ومن قصة الحب والاثارة
ممكن نقول
انو الحجر
غلب القدر
وساد البشر
لا ..اكيد ده كلام عوارة
ما هو الحجر
مهما كبر
حايكون جماد ما مقتدر
وحا يعيش حقيقتوا المستعارة
ما هو الحجر
مهما كبر
حا يكون جماد ما مقتدر
وحا يعيش حقيقتوا المستعارة





تعليقات 0 | إهداء 0 | زيارات 712

خدمات المحتوى


عقيل حسن
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة