في



حين يزني المسؤول " رباعياً"..!!!
08-27-2012 01:09 PM

بالمنطق

حين يزني المسؤول " رباعياً"..!!!

صلاح الدين عووضة

* لعلكم تذكرون ما كتبناه من قبل تحت عنوان( فتاتان لا واحدة يا مفتري؟!)..
* كان ذلك إثر (ضبط!!) مسؤول كبير في وضعية (شاطر ومشطور وبينهما طازج!!) بفندق ولائي شهير..
* فقد ظننا حينها - وبعض الظن (سذاجة) - أن (الجوز!!) هو أقصى ما يمكن تخيله إزاء أنواع (الضبط!!) هذه بهدف (ضبط الجودة!!) الآثمة..
* ثم نكتشف الآن أن صاحب (الاثنتين!!) ذاك هو محض (هاوٍ!!) قياساً إلى نظير له آخر لا يقل عنه تقلداً لمنصب (مسؤول!!)..
* لا يقل عنه (رفعة في المنصِب!!) وإن كان يبزه - بالتأكيد - (رفعة!!) في (المركِب!!)..
* فقد ركب على (مراتب!!) أربع كل منها (تهوي!!) به بمقدار ما أنفق من سنوات لـ(يرتقي!!) إلى (المراتب الوظيفية!!) التي نالها في زماننا هذا..
* ولا ندري ما فعل بالمسؤول الرفيع هذا- سياسياً- ولكن (جنائياً) تم حبسه وجلده وتغريمه..
* تمت معاقبته بموجب المادتين (155) و(152) من القانون الجنائي (ممارسة الدعارة والأفعال الفاضحة)..
* (يعني) الدعارة ثبتت حسب الخبر الذي أوردته الزميلة (آخر لحظة)..
* (طيب) ؛ لماذا لم يُقم عليه حد( الرجم) - أسوة بالتي حُكم عليها بالرجم (تلك) - إن كان محصناً؟!..
* أو يجلد مئة جلدة إن لم يكن كذلك؟!..
* أليست هذه هي العقوبة (الشرعية!!) في دولة تقول حكومتها إنها لا تساوم في (شرع الله)؟!.
* نحن نتساءل - هنا- براءة فقط ولا نقدح في حكم المحكمة الموقرة..
* ويكفيها فخراً - المحكمة هذه - أنها لم تلتفت إلى ما يشغله (المضبوط!!) من مناصب بما أنه لا (كبير!!) على القانون..
* وتساؤلنا هذا دافعه أن لا يقال :( إذا زنت فيهم "المسكينة" حُكم عليها بالرجم ، وإذا زنى "الشريف" حُكم عليه بالجلد والغرامة)..
* وبعيداً عن أحكام الشرع والقضاء والقانون نطرح تساؤلاً آخر غير ذي براءة هذه المرة : كيف يستقيم عقلاً ومنطقاً وعرضاً و(صحة!!) أن يختلي رجل بفتيات أربع (حتة واحدة)؟!..
* هل يمكن أن يكون رجلاً (طبيعياً!!) هذا ، أو بنات (طبيعيات!!) هؤلاء؟!..
* أم أن بعضاً منهن يقمن بدور (المقبلات!!) وحسب (يا ترى)؟!..
* والضبط (الرباعي!!) هذا يبدو أنه (ينسجم!!) - على أية حال - مع عديد الظواهر (الشاذة!!) التي تشهدها بلادنا الآن..
* فما لم يكن معروفاً في مجتمعنا السوداني من قبل - على سبيل المثال - ظاهرة (اغتصاب الأطفال!!)...
* وظاهرة (قتل الأبناء آباءهم!!)..
* وظاهرة (مواقعة المحارم!!)..
* وظاهرة (تفشي!!) الشذوذ بين الجنسين..
* وظاهرة اللقطاء(المايقوميين!!)..
* ولكن الظواهر هذه كلها (كوم) ،وأن يضبط (مسؤول رفيع!!) بمعية فتيات أربع (كوم لوحده)..
* وإن كنا قد عبرنا عن دهشتنا إزاء المسؤول الأول ذاك - (بتاع البنتين) -بعبارة ( فتاتان لا واحدة يا مفتري؟!) فإن الثاني هذا لا ندري ما نقوا تجاه(فعلته التي فعلها!!)..
* اللهم إلا أن نقول : أربع فتيات (مرة واحدة؟!)..
* (منك لله !!!!!!).


الجريدة





تعليقات 33 | إهداء 0 | زيارات 6775

خدمات المحتوى


التعليقات
#456147 [كشندكى]
0.00/5 (0 صوت)

08-28-2012 10:30 PM
خليهم فى متعتهم يعمهون يوم اسود ينتظرهم فى الدنيا وحساب الله باق لكنهم لا يعرفون الله واللى يعرف الله مايسوى اللى يسووه تفو تفو عليكم ياعفن ياقليلى الحياوين هى لله لا للدنيا ولا للجاه ياكذابين ياسفله ياحراميه صحيح الثورة تعثرت لكن غضب الله باق يا ابو العفين يامفترى تعرف اللى حصل للقذافى فى اخر لحظاتو حيصير عليك لانى حلمت كده واغلب احلمى بتتحقق


#456143 [ابواربعة]
5.00/5 (1 صوت)

08-28-2012 10:26 PM
ياعلى الراجل خائف من الحر والسجن وهو محمول وعندو كوم لحم خليه يتفش حبه دون ذكر اسماء وحليفة


#455851 [الرومنطيقي]
0.00/5 (0 صوت)

08-28-2012 02:05 PM
ياخوانا اتقو الله من فيكم واحد خالي من العيوب انا ليس معه ولكن كفايه خوض في هذا الموضوع وإن كان للجد حده الرجم إذا كان متزوج وثبتت عليه التهمه والمحكمه مسئوله امام الله أولاً إذا لم يتم محاكمته بالشرع وشكراً


ردود على الرومنطيقي
Saudi Arabia [الزول الكان سَمِحْ] 08-28-2012 03:52 PM
ياتو محكمة ..يا إسمك إيه؟؟ بتعت فقه السترة..وشريعة الإنقاذ؟؟ يا أخى إتقى الله إنت...شفت واحد من الناس ديل تمت محاكمتو طيلةال23 سنة المضت؟؟


#455779 [يحيي يعقوب]
5.00/5 (1 صوت)

08-28-2012 12:41 PM
يا جماعة اولا المسئول ده منو ويمكن عندو سكري فاطر او يمكن بيبلع الفياغرا 3 مرات في اليوم بعد الاكل ويخزن وبعد كده بياخذ في التفجير كم ساعة كده كل علي حده ولاانا غلطان بس وروني هو ده منو عشان نساله من السر


#455744 [تختخ]
5.00/5 (1 صوت)

08-28-2012 12:00 PM
والوزير في الفلم عشان يقنع الولد قال ليهو:(( يامحروس نحن بنخدم البلد دي وعشان نخدم صاح لازم نبقي مرتاحين)وهي العبارة التي استعملها الواد (محروس)بعد ذلك.فياجماعة المسؤول لازم يكون مرتاح عشان يخدمنا وفي راحة أكتر من كدا؟؟؟؟؟!!!!!!!!!!!!!!!


#455705 [شاذ بن كتاحة لاحس الكوع]
5.00/5 (1 صوت)

08-28-2012 11:25 AM
الاخ صلاح الدين عووضة هناك فرق في السرعات بين المسئول الاول والتاني


#455687 [كبسول]
5.00/5 (1 صوت)

08-28-2012 11:06 AM
يجب ان نناقش هذه المشاكل علي الهواء الطلق وان لا نتستر بشعارات جوفاء مثل (نحن معروفين ناس محافظين وما من عاداتنا ما عارف شنو كميه من الكلام المنفصل عن الواقع والبلد مقدودة وما خفي اعظم في كل المؤسسات والشركات الخاصه


#455641 [abdu]
5.00/5 (1 صوت)

08-28-2012 10:24 AM
المؤكد انو المسئول ده متعود ودى ما اول مرة وطبعا اى مسئول معاه جماعة برفعوا عنه تقارير للفوق عشان اول ما يفرنب يمرقوا ليه التقارير وصاحبنا يلبد فى علبه . بس الظاهر صاحبنا استكان للمسألة والظاهر انوا كان دافع للجماعة لكن الجماعة حبوا يطيروا من الكرسى والحزب عشان كده لبدوا ليهو وجابوا فى التايم . طيب البت المسكينة القالوا انو قبضوها كم مرة وانها متمرسة والاعلان عن العقوبة مسالة شرعية (كما يقول العسكرى المرافق للجلاد)ليه صاحبنا ده ما اعلنوا اسمه وعنوانه والجماعة المعاه والا المسالة قرصة اضان لصاحبنا عشان ما يلعب بديلهو زى بما بقولوا المصريين والله انا سمعت من صاحبة محل نسائى انوا فى مسئولين متعاقدين معاها لجلب بنات هوى وشرط (بنات اسر) وديل بعضهم مفروض يحمى الدولة والقانون للاسف . لكن نقول شنوا غير حسبنا الله ونعم الوكيل ( يمهل ولا يهمل )
والله اعلمنا ان كل من منحه سلطة او مال ثم طغى وتجبر ان يكون مصيره مصير السابقين وان شئتم اقرؤا قوله تعالى (ان الانسان ليطغى ان راه استغنى )وقال تعالى ( واذا اردنا ان نهلك قرية امرنا مترفيها ففسقوا فيها فحق عليها العذاب فدمرناها تدميرا)
والله ما اهلكت قرية الا بسبب اصحاب المال والسلطة المفسدين ( لانوا الفقراء اهل الجنة )


#455586 [عصمتووف]
5.00/5 (1 صوت)

08-28-2012 09:10 AM
الراجل محروم مسكين استغل حوجة البنات في وظيفة او محتاجات لقروش قام لعب بذيلة واحتمال مدامه شينة وناشفة وضعيفة قام لقي المربربات ديل وعيييييييييييييك المحيرني 4 موديل الدينمو بتاعو شنو ده السؤال المفترض نساله وكذلك هل تمت هذه العملية نهارا ام ليلا وام هذا المتموص رمضان عندو بالنهار وكديسته تموا بالليل


ردود على عصمتووف
Saudi Arabia [الزوُل الكَان سَمِحْ] 08-28-2012 12:11 PM
والله يا [عصمتووف] الشاعر محمد الحسن بن عوف فى مسدار النصيحة زكر قصة المربربات فى المكاتب دى واتمنى من الكل سماع ذلك المسدار متضمناً حكاية أسرار المكاتب دى فإللى الرابط

http://www.youtube.com/watch?v=oPxTzHYzHAk

ــــــــــــ
كل عام وانت بخير


#455520 [المتغرب اوانطه]
5.00/5 (1 صوت)

08-28-2012 07:02 AM
اللهم اني اسالك العفو والعافية في الدنيا والاخرة في ديني ودنياي واهلي ومالي اللهم استر عوراتي وامن روعاتي واحفظني من بين يدي ومن خلفي وعن يميني وعن شمالي ومن فوقي واعوذ بعظمتك ان اغتال من تحتي . اللهم فرج هم السودان والسودانيين بزوال حكم المرابين والدجالين والمطففين والمفسدين والفاسدين اللهم زلزل الارض تحت اقدامهم انشر سقطاتهم وافضح افعالهم وارحنا منهم راحة لا تعقبها ندامة لنقيم سودان الحق سودان العدل والطمانينة لنعود لما كنا عليه قبل فجر الانقاذ الكالح وجورها الفادح برحمتك ياكريم يا رحيم اميييييييييييييييييييييين وصلى الله على محمد واله وصحبه اجمعين والحمد لله رب العالمين


#455451 [RMC]
5.00/5 (1 صوت)

08-28-2012 12:29 AM
شذاذ مسؤول


#455407 [شكاك]
5.00/5 (1 صوت)

08-27-2012 11:06 PM
والفندق يخليهم يدخلوا كيف ، لو اي زول من المساكين جاء ومعاهو عروسو حنتهم في ايديهم ما بدخلوهم الا يكون عندهم قسيمة


ردود على شكاك
United States [عصمتووف] 08-28-2012 09:03 AM
حليلك يا اخوي انت علي نياتك ثقافة الشقق المفروشة والشقق المؤجرة اصبحت اخطر من حوادث الطائرات (اليوشن والانتينوف ) والسيارات ******* جشع اصحاب الشقق جعلهم يغالون في اسعار ايجارها غير حق السمسار واصبح ايجاراتها مشكلة وخساره بس كشكش بالنكتوت يدوك المفتاح


#455386 [عبدالواحد المستغرب أشد الاستغراب!!]
0.00/5 (0 صوت)

08-27-2012 10:28 PM
ياود عووضه لو سمحت كلف نفسك والقى نظره وحياة ماما وبابا فى رسالة الماجستير بتاعة البشير جائز تلقى الاجابه الشافيه والكافيه لتسأولاتك وبالمره اعتبرها المرجعية لكل تسأولاتك فى المستقبل وقطع شك الرئيس لم يضيع وقته كما كنا نحسب فى الماضى فالرجل كان منهمك فى الاعداد لرسالة الماجستير المؤدى للدكتوراه !!ولانه (مافيش حد احسن من حد)واحيانا الظروف ليها احكام وربما والله اعلم الرئيس ومستشاريه تنبهوا لدعواتى التى تطالب بالحاح بضرورة وجود (مرشد) وخاصة فى ظل وجود (مرشدمدنكل)فى دولة الجوار !!والاهم من ده ليس فى مصلحة الدوله الرساليه أن تظل بدون مرشد والطمعانين والرامين عيونهم فى موقع المرشد كتار وشرط تولى المهمه ان يكون حاصلا للدكتوراة وكل من هب ودب داخل المؤتمر الوطنى استطاع ان (يتليم) على شهاده دكتوراة (لزوم تحبيسه)للفساد الذى مارسه وفى بعض الاحيان كنوع من انواع الاحتفاء لنجاحه فى ممارسته للفساد ولم يجد من يضبطه او يزجره!!ولعلمه ان الشعب السودانى بسيط ويضع حملة الدكتوراة فى مصاف الرسل والانبياء!!ثم يجب ان لا ننسى ان المعركه القادمه شهادة الدكتوراة هى التى ستحسم المعركه بين الرئيس ونائبه الاول وكما ترى فالنائب الاول يحمل ليسانس حقوق من جامعة الخرطوم فهو إذن متقدم على رئيسه الذى فشل فى دخول الجامعه واتجه الى الجيش بشهادته الثانويه وتدرج فى الرتب حتى وصل رتبة العميد واما نائبه لم يضيع وقته فى ممارسة تخصصه و البحث عن شهاده ارفع (فالشهاده ملحوقه)كما نرى وله فى امين حسن عمر إسوه فالتحق بالحركه المتأسلمه وتفرغ لخدمتها وإستطاع من خلال مكره وخبثه التى فطر عليهما شق طريقه ويأخذ مكانه بجوار شيخه الذى كان برى فيه صورته فقربه اليه!!والان الاوضاع اختلفت والصراع اصبح محتدما وهنا لابد من أن يتميز احدهما بما لا يملكه الاخر والمستشارين يعدون فى النقاط ويعلمون انه فى حال غياب الرجلين لايمكن تسمية (النائب الثانى) لانه معين (سدطلب) ورئيس المجلس الوطنى خارج المنافسه من يوموا ثم ان طموحه وقف عند حد (رئيس مجلس صورى) وقانع بالمرتب والامتيازات،وإذا لاقدر الله وتمكن البشير من إلحاق الهزيمه بنائبه علينا ان لا نعجب عندما نفاجاء بأن رسالة الماجستير (تبع الريس)من اهم المقررات التى سوف تفرض على رياض الاطفال حتى يشب النشء على افكار الرئيس الذى فشل على مدى عقدين ونصف من إيصال وترسيخ فكرته الرساليه لروؤس شعب (متبلد الاحساس والتفكير)ورضى بأن يعيش كافرا ومرتدا على راى الشيخ/سعد وهيئة العلماء (الموكرين)ورسالتى لهم ان الشعب لن يؤمن حتى يروا المرشد جهره00عندكم ليهم مرشد اهلا وسهلا00مافيش مرشد يفتح الله00كلام واضح على ما أظن!!0


#455384 [محمد]
0.00/5 (0 صوت)

08-27-2012 10:24 PM
والله ما خليت لينا حاجه نقولها ياودعووضه...ده مسؤل!!!!!!وده المضبوط...وماخفى أعظم.... حتى القضاء يجب تطهيره من الفساد..


#455371 [بدر]
5.00/5 (1 صوت)

08-27-2012 09:56 PM
ياودعووضة دي فاتت عليك كيف ؟ ماسمعت بنكتة ( اربعة واطة ) ؟؟؟ الراجل مشغولياته كتيره, والتعب كتير,, ولذلك اربعة ممكن يساعدوه فى ( دفرة )العربيه وكدا يعنى ؟؟؟


#455360 [garfan khalis]
0.00/5 (0 صوت)

08-27-2012 09:33 PM
اربعه وفي رمضان كمان .


ردود على garfan khalis
Ukraine [alx] 08-28-2012 12:47 PM
يعني اربعه و ما خمسة مثلا,,,,, يعني حسب الشريعه برضو


#455319 [yasso]
0.00/5 (0 صوت)

08-27-2012 08:28 PM
*كل اناء بما فيه ينضح المسئول بيكشف اخلا قو وبيمارس ممارسات ابويه وزوجاتو وبناتو واولادو فهو ما غلطان ابدا وهو عنوان لي بيتو وعايلتو
* ويجيك واحد زي سيدنا بلال يقول ليك المسكينة اعترفت علي نفسهاعلم الله واسع


ردود على yasso
Oman [Moneer] 08-27-2012 10:52 PM
بصراحة بعض البنات السودانيات
إبداع!!!!!1
الله المستعان


#455299 [المشتهى السخينه]
0.00/5 (0 صوت)

08-27-2012 07:46 PM
يااستاذ عووضه . هل هناك عقوبة رجم فى دين الاسلام ؟ ان كانت الاجابه نعم .. فانت تؤمن بالاية التى تقول .. الشيخ والشيخه اذا زنيا فارجموهما البته . وهى اية غير مضمنه بالمصحف الشريف . لان الصحيفة التى كتبت فيها اكلتها داجنه .. وضاعت .. هذا ما ورد فى الصحيحين . استغفر الله العظيم مائة مره .


#455274 [ود الحاجة]
0.00/5 (0 صوت)

08-27-2012 07:15 PM
استعمال كلمة الدعارة غير مناسب و المفترض في هذه الحال ان تسمى بالافعال الفاضحة أو خلوة غير شرعية و ال80 جلدة هنا عقوبة تعزيرية و

أما وجود 4 فتيات مع جلكين واحد فامر غريب حقا و ربما كانت الثلاث الاخريات مرافقات رفقة شائنة للمحبوبة للحصول على هدايا من سرقات الولائيين


#455231 [fax]
5.00/5 (3 صوت)

08-27-2012 05:57 PM
ده مسئول ( دفع رباعي )


#455223 [ود الشريف]
0.00/5 (0 صوت)

08-27-2012 05:47 PM
منك لله يا المشير وفرت المالالحرام فأين يذهب المال الحرام ]ها المشير الرسالي وسعت دأئرة الحرام عندما كان البترول إلا لمن أبى (المؤتمر الوطتي طبعا ) جعلت لكل مسؤول الحق في أن يكون له قانونا خاصا يدير به الأموال المقتلعة جباية من أفواه الجياع سير سير سير ................والخوف عليك من أمريكا التي تعاديك في هذا الدين


#455221 [abusabeeb]
5.00/5 (2 صوت)

08-27-2012 05:42 PM
ياودعووضه ده اسمه الخيار الحضاري!!!!!!!!!


#455212 [بنياس]
5.00/5 (2 صوت)

08-27-2012 05:27 PM
الله يلعن ابو الفقر و الفياغرا يا صديقي
الفقر الذي يحبس شبابنا في محطة ( داير اقرا)
و يصعد بهذا التيس لارفع (المرا تب).

كسرة:

باقيلك الزول دا بياكل نعيمية؟؟؟؟؟؟؟


#455207 [awad]
0.00/5 (0 صوت)

08-27-2012 05:18 PM
هذا زمانك يامهازل فامرحى قد عد كلب الصيد من الفرسان.ألازال كثير من الناس فى وطنى يعتبرون هؤلاء مسلمين قلباوقالبا,كلا فالأسلام منهم برئ هؤلاء ياناس عصابة أتت بليل وأستلمت مقاليد الأمور وكل همهم الأغتناء حراما بدل الفقر الذى كانوافيه وكل همهم فعل كل حرام من زنى ولواط وتحليل للربى فماذا نرجومنهم لقد غيرواأخلاقيات المجتمع السودانى لأسوأ المجتمعات وخربوا الذمم.هؤلاء أتونا بعقد نفسيه بداخلهم,هؤلاء ليسوا أسوياء قاتلهم الله أنا يؤفكون.حتى فقه السترة القادنا به هذا يستعملوه لناسهم فقط حتى فى الحدود الحدية لعنت الله تغشاهم.اللهم عليك بهم فأنهم لايعجزونك.حسبى الله عليهم.


#455185 [د.اسعد حبة]
0.00/5 (0 صوت)

08-27-2012 04:46 PM
طيب يتاربي دى يكون البشير المحضر فيها ماجستير اسلامية المعرفة


#455115 [سيد إبراهيم محجوب]
3.00/5 (1 صوت)

08-27-2012 03:00 PM
هل عرف البشير من هم شذاذ الآفاق .؟؟؟؟؟


#455092 [علي ابو ضراع]
4.50/5 (4 صوت)

08-27-2012 02:41 PM
ياولد عووضة انتو ليه ماتعلمتوا من المصريين الشجاعة واللله الصحفيين المصرييين ارجل منكم لانهم بيسموا الاشياء باسمائها اذا ضبط فلان يتم نشر غسيله بالاسم وبالصور كمان في صفحة الحوادث مهما كان مركزه مسؤل فنان لاعب .. سياسي ... رجل اعمال ... اين انتم من هذا ياخي قديت راسنا مسعول مسعول مسعول قول فلان الفلاني الوزير او المدير او الوالي وريحنا .. واكان رفضوا النشر انشر هنا بالراكوبة بنصدققك واكان كنت كضاب ساكت تكون المصيبة الاكبر .. وانا باعتبرك كضاب لحدي ما تذكر لينا الاسامي ....


#455073 [عبدالرحمن أحمد المهيدي]
5.00/5 (1 صوت)

08-27-2012 02:30 PM
طالما الأمر وصل المحاكم ونقلتوه لنا فنحن نريد أن نعرف أسم (الزول ) دا - ما علينا من إسم الزولات . رجاء الافادة حتى ولو على الايميل - a.almihaidi@yahoo.com


#455072 [بلال]
5.00/5 (1 صوت)

08-27-2012 02:27 PM
(طيب) ؛ لماذا لم يُقم عليه حد( الرجم) - أسوة بالتي حُكم عليها بالرجم (تلك) - إن كان محصناً
اثبات الزني لاقامة الحد له شروط وشهود ، اما التي اقيمت عليها حد الرجم فقد اعترفت علي نفسها وانت استاذ وصحفي له مقام يا عوووضه


#455037 [د/يوسف الطيب/المحامى]
5.00/5 (1 صوت)

08-27-2012 01:52 PM
نسأل الله أت يجنب وطننا الحبيب أمثال هولاء اللامسئولين وأن يبدلنا بخير منهم. رجال أخوان بنات يعاملون كل امرأة سودانية كأنها شقيقتهم والمثال السىء من الرجال الذى ذكرته ياأستاذ/صلاح فى مقالك المقرؤ يجب أن يشهد عذابهم طائفة من المؤمنين حتى يكونوا عظة لغيرهم وكما قال الامام على كرم الله وجهه ما أكثر العبر وما أقل الاعتبار.


#455035 [قفة]
0.00/5 (0 صوت)

08-27-2012 01:51 PM
حسبنا الله ونعم الوكيل إن شاء الله ربنا ما يخسف بينا الأرض بسببهم حسبنا الله ونعم الوكيل مليار مرة من هؤلاء


#455007 [Shah]
0.00/5 (0 صوت)

08-27-2012 01:30 PM
( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا ) النساء/2-3.


ردود على Shah
Saudi Arabia [الزوُل الكَان سَمِحْ] 08-28-2012 08:08 AM
معقولة يا[Shah] يكون المسؤول ده.فهم نص (رباع) من الآية حسب تفكيرو وقام طبقو؟ دى تبقى حكاية


صلاح الدين عووضة
صلاح الدين عووضة

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة