09-05-2012 10:35 AM

إليكم

الطاهر ساتي
[email protected]

مدير الجمارك .. أحسنت ..!!


** على سبيل المثال، الأخ عبد الرحمن صالح - بشركة مجموعة الجريسي بالسعودية - يسأل حائراً ويائساً : ( الأخ ساتى، السلام عليكم ورحمة الله تعالى وبركات..تابعت كتاباتكم، سؤالى لك : هل هنالك من اجابات او استجابات لما تكتب؟، بصيغة اخر ى ماهو تقييمك انت لما تكتب وهل هنالك جدوى؟..ولك تحياتى الخالصات، عبدالرحمن صالح، شركة مجموعة الجريسى، الممكلة العربية السعودية، الرياض) ..هذا نموذج يائس، وصلتني رسالته مساء البارحة، وما أكثر الذين فقدوا الأمل في إصلاح الحال العام، بحيث صار لسان حالهم يخاطبني يومياً ( ياخ إنت بتنفخ في قربة مقدودة)، وقد صدقوا..لكن، العزاء أن ضمير سلطة الصحافة لاتكتب لضمائر سادة السلطات الأخرى فقط، بل يكتب ويوثق لذاكرة الأجيال القادمة أيضاً.. فاليوم - بكل مواقفه وشخوصها- يمضي سريعاً، ولكنه يبقى راسخاً في تاريخ أهل الغد .. ولهذا نكتب ونوثق - بلايأس - يا عزيزي صالح، أي ليلعنهم التاريخ ..!!

** على كل حال، أصدر اللواء الدكتور سيف الدين عمر سليمان، مدير الإدارة العامة للجمارك، توجيها بالتحقيق في القضية التي أثارتها الزاوية في الأيام الفائتة، وكانت القضية سرداً موثقاً عن طرائق تحصيل العقيمة لقيمة الجمارك بمطار الخرطوم، وما يشوبها من شوائب ومخالفات وشبهات وعذابات.. نعم، لقد شرع اللواء الدكتور عبد الرحيم أبوالقاسم، مدير فرع إدارة المخاطر بالمجارك، منذ ضحى البارحة بالتحقيق والتحري وجمع المعلومات والوثائق ..قبل الإسترسال توضيحاً وتذكيراً، هناك ثمة ملاحظة تستوجب الثناء، وهي متابعة إدارة الجمارك الجيدة لما تكتبها الصحف، ثم الإنتباهة اليقظة - مُش بتاعت ناس افصلوا الجنوب وما عايزين سلام ديك - وكذلك رد الفعل السريع..نعم، قبل أن تمضي على زاوية الأحد (72 ساعة)، وكذلك قبل أن تمضي على زاوية البارحة (12 ساعة)، إنتبهت إدارة الجمارك للحدث ثم تحركت نحو الإصلاح، أوكما وعدوني بذلك..!!

**وعليه، بلا مكابرة - وبدون لف دوران - بل بذات وضوح مفردات النقد الفائتة، لاخير فينا - ولا فيما نكتب - إن لم نقل لمدير عام الجمارك : لك الشكر، ولقد أحسنت عملاً بهذه الإستجابة السريعة، وهذا يعكس - للرأي العام - إحساسك بمسؤوليتك، ثم تقديرك لمسؤولية الصحافة..وكما أكرر دائماً، فالغاية من أحرفنا هذه، أيها السيدات والسادة، كانت - ولاتزال وستظل - هي إصلاح ما يمكن إصلاحه في حياة الناس والبلد، ولن يتحقق هذا الإصلاح المنشود ما لم تتكامل مسؤوليات كل السلطات - من الأولى حتى الرابعة - تكاملاً مسؤولاً تجاه قضايا الناس، وبلا إستعلاء سلطة على أخرى كما يحدث بالمصادرة والإيقاف والترهيب، وبلا تحقير سلطة لدور سلطة أخرى، أو كما يحدث بالتجاهل أوبالرشاوي.. وعذراً للقارئ على هذا الإسهاب، إذ في ثنايا أسطره تلك رسائل لبعض السادة ، ثم بعض الحزن على ما نصبح عليه من شتائم وما نمسى عليه من متاعب حين نشير الى أخطاء أولئك الذين يظنون بأنهم - هم فقط - ملاك هذا الوطن، بيد أن الناس والصحف مجرد (خادم فكي)، وعليها أن تطيع وتمدح وتصلي عكس القبلة إن - هم - أمروها بذلك.. نحن - شعباً وصحافة- أولاد بلد، وليس لأحدكم فضلاً عليناً لنكون خدماً وتكونوا السادة، وقوة السلطة زائلة ولكن صدق الإنتماء للوطن كان ولايزال وسيظل راسخاً في نفس المواطن يا سادة (الترهيب والترغيب).. !!

**المهم، نرجع لإستجابة إدارة الجمارك، إذ تلقيت إتصالاً من اللواء الدكتور عبد الرحيم، ثم تشرفت بزيارته، وتعاونت معه تعاوناً أرضاه وأرضاني، إذ سلمته وثيقة كانت بطرفي ثم وثائق أخرى تلقيتها من بعض أصدقائي بالخارج، وهم من الذين مروا بتجارب تعكس شوائب ومخالفات وأخطاء وعذابات جمارك مطار الخرطوم، ولذلك تجاوبوا مع الزاوية وأرسلوا تجاربهم بوثائقها، ولهم الشكر على المتابعة والإنفعال الإيجابي..ونأمل أن يكتمل التحقيق، ليس بإدانة زيد أو تحفيز عبيد، ولكن بإصلاح شامل يبعد الشرطة عن الشبهات، وكذلك لايرهق المغترب، ثم يضع المال العام في ماعون ( أورنيك 15) .. وننتظر ونتابع، وبالله التوفيق ..!!

تعليقات 31 | إهداء 0 | زيارات 7981

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#462498 [wedhamid]
0.00/5 (0 صوت)

09-06-2012 02:34 PM
تعليقك وصلنا اكثر من مرة يا wedhamid


ردود على wedhamid
Sudan [wedhamid] 09-06-2012 04:27 PM
لك التحية وعادة التأخير يكون لكثرة المواضيع


#462415 [Moto]
0.00/5 (0 صوت)

09-06-2012 12:15 PM
نحنا تاني ما ماشين أجازه السودان لكن ممكن نعمل ليكم زياره عشان تجمركونا


#462285 [Moto]
0.00/5 (0 صوت)

09-06-2012 10:42 AM
ياخي نحنا لابنعرف الطاهر سآتي ولا د.عبد الرحيم
بنعرف حاجه واحده بس هى مقاطعة الإجازات
بالسودان وبعد دا وين يلقوا زول يجمركوهو


#462192 [عاشق الهلال]
5.00/5 (3 صوت)

09-06-2012 09:08 AM
الم يكن من الافضل ان ترجىء الاشادة الى حين معرفة ما سيسفر عنه التحقيق !!! هذا اذا اسفر التحقيق عن شيىء و الدليل كم من المواضيع التى اغلق الحديث عنها بلجان تحقيق لم لن تظهر نتائجها لسنوات و الدليل خط هيثرو و سكر النيل الابيض و حوادث الطيران المتكرره و حتى لا اطيل ارجو ان تستشهد اخى الطاهر بلجنة واحدة خلال العقدين الماضيين افضت لنتيجة ولك ودى على ان يكون المنطلق من كتاباتك التوثيق فقط


#462108 [كاسترو عبدالحميد]
0.00/5 (0 صوت)

09-06-2012 04:40 AM
شكرا يا استاذ / الطاهر ساتى ونرجو منك المتابعة وذلك بأن تذكر القراء بكسرة فى نهاية اى مقال تكتبه كما يفعل الأستاذ / جبرة حتى لا يظن المسؤول انك نسيت الموضوع .
كسرة :
أخبار ملف خط هيثرو العند النائب العام شنو(ووو ووو ووو)؟
اخبار فساد مسؤولى البنك الزراعى شنو ؟
الخ ... من القضايا التى تم اثارتها فى الصحف عن الفساد وشكرا .


#462098 [سوداني متقاعد]
5.00/5 (2 صوت)

09-06-2012 03:33 AM
والله حيرتنا ياالطاهر فيك ..يعني معقوله انت مصدق المدير ماعارف اهم مكتب تحته- بتاع المطار -مابحصل بطريقة صحيحة؟


#462073 [tarig]
5.00/5 (4 صوت)

09-06-2012 01:51 AM
أحسنت بتاعة فنيلتك ؟؟ يعني الزول ده ما كان عارف القروش دي بيتحصلوها كبف ..وجا عرف من مقالك ده؟؟ امال قاعد متوهط في كرسي المدير كيف ومعلومة زي دي ما عندو؟؟..كفاية يا عالم 23 سنة ولسة قايلننا عندنا قنابير...جاتكم القرف مليتو البلد


#462055 [MOHAMED]
5.00/5 (2 صوت)

09-06-2012 12:56 AM
دقست يا ود ساتي وانا قايلك تفتيحة وبالله لم تشرفت بزيارتو واكلتو التمر والفول حجات ول بتاعين الجمارك بكونو عندهم حلاوة ماكنتوش بالذمة سألتو عن الكان شاغلو ك مديرة ادارة عن مشاكل ادارتو ول استحيت عشان الضيافة وكدة ومقالتك دي وهمية يا استاذ


#461992 [ود الحاجة]
2.00/5 (1 صوت)

09-05-2012 10:10 PM
لمكافحة الفساد لماذا لا يتم تسديد الرسوم و ما شابه في حسابات محددة للمالية في البنوك بدلا من العشوائية و الزيطة هذه


#461978 [اساسى]
0.00/5 (0 صوت)

09-05-2012 09:34 PM
واصل يا ود ساتى وما تشتغل بالمرجفين الى الامام عسى ولعل ينصلح الحال


#461868 [moro]
0.00/5 (0 صوت)

09-05-2012 06:23 PM
قبل ان تقول له احسنت يا الطاهر اسألو لينا عمل شنو فى قصة العربية البرادو بتاعت الدكتور السرقوها الجماعة


#461838 [اللاحس كوعه فرع الصعيد]
5.00/5 (1 صوت)

09-05-2012 05:42 PM
إذا اردت أن تقتل قضية فساد فكون لها لجنة تحقيق
أذا اردت ان تدمر مشروعاً فعين له المتعافي


#461832 [بحر مالح]
0.00/5 (0 صوت)

09-05-2012 05:38 PM
انت لو ما دخلت كلمة ( البارحة) دى اصلو ما بترتاح,,,,,راجعوا مقالات الطاهر ساتى كرهتنا زاتو البارحة لبارحة,, غير شوية قول امس ولا بالامس,,,,,,,,!!!!!


#461794 [عبدالرحمن أحمد المهيدي]
0.00/5 (0 صوت)

09-05-2012 04:30 PM
لا لا يا الطاهر الشايل اسمك باذن الله . كما قال احد المعلقين الحكاية دي مش في صالح المواطن أبدا عشان كدة لقيت الاهتمام وحظيت بالمتابعة وفعلا سيتم وضع ضوابط يعجز عن حملها المغتربون وليس من يعرفون كيف يعبرون من على جسر ما سيخط من قانون أو يفعل إذ أنه لا بد موجود . كدي أكتب لينا في ضرائب ومخالفات المرور واورنيك 15 - كدي عرج على ضرائب المحليات للمحلات . كدي شوف لينا غلاء فواتير الكهرباء والماء . وكدي ......... وهناك الكثير .
يعني بس جات على ضرائب بضائع الدخول في مطار الخرطوم وهي ناموسة في أضان فيل !!!!!
لا لا يا الطاهر ( حردت ) وناشدناك وناشدوك ناس الراكوبة عشان انت المعبر عما فينا . لكن بصراحة المرة دي وبكل أسف الموضوع كله فشنك في فشنك .


#461790 [منير سعد]
5.00/5 (2 صوت)

09-05-2012 04:20 PM
بكريقتك دي بتأكد نظرية إنك شغال (تنفيس) يعني حاجة كدا زي الصادق المهدي . تحقيق شنو اللي وعدك بيو , وجاي تقول عليه؟ يعني هو ما كان عارف؟ ما في يوم واحد تفقد المنفذ دا ولو في وردية ساى؟ بعد ياكلو اللي بياكلو ويجو وردوا الباقي للرئاسة ... ما شاف مستندات التحصيل دي؟ ما عندو قريب ولا صديق مغترب ولا مسافر حكى ليهو زي الكلام دا؟ عليك الله ما ( تغشمنا) وخلينا في تقديرنا لما تكتبه.


#461755 [كدوس]
5.00/5 (1 صوت)

09-05-2012 03:29 PM
الاخ ساتي لدي اقتراح بسيط على قدر مااملك من معلومة لك او القائمين على ادارة الجمارك في الوقت الراهن او في العهد الجديد باذن الله فمعظم القادمين من الخارج يسكنون في مدن السودان الواسع وهمهم هو ملاقاة اهلهم وذويهم واما ماتقوم به ادارة الجمارك فالكل يعلم مدي الضبابية العقيمة في (تحديد رسوم الجمارك) وهي تحديد البضائع و رسوم جماركها في نشرة تفصيلية توضع في سفارات السودان بالخارج وحتي لمن لم يستطع توفير قيمة الجمارك لاي ظرف عند الوصول بها الى الوطن ان تقوم ادارة الجمارك بوضع ختم تحت مسمي (تسوية جمركية) مقدارها كذا...... ويمكن تحصيل تلك القيمة في زمن محدد او عند تاشيرة الخروج او تجديد الجواز مثلا وهو مجرد اقتراح يمكن للقائمين ان ياخذو به او يرمو به الى سلة المهملات


#461739 [ابوالجعران]
5.00/5 (4 صوت)

09-05-2012 03:10 PM
ابشرك وثايقك راحت عندك منها صور تحفظ بيها مواجهاتك القادمه مع تماسيح الانقاذ لانه لايمكن لاي كان ان ينقذ السودان المنكوب من الفساد علما بانه سياسه رسميه لنظام استمر في الحكم اكثر من عشرون عاما الم تسمع بان التمكين هو سياسه الدوله الرسميه لاهل الولاء وان فقه الستره لمن تفوح روائحهم النتنه حتي تصل لامثالكم هي السياسه الرسميه الفساد محمي بالقانون والنظام والشرطه والجيش وممنوع من النشر واذا ما نشر شئ منه للعامه تتم المصادره للصحيفه المعنيه وبعد الطبع تا ديبا لمالكها وموظفيه لعلمك واهل الولاء والمرتزقه الذين لحقوا بالقطار معهم لا يستطيعون العيش بدون فساد وافساد ومحسوبيه ورشوة لانها من اركان النظام وللي عاوز وظيفه او عاوز يعيش من المال الحرام(في نظرهم هو مال الله وهم وكلاء فيه- يعني حلال ) يلحق بهم ليست لديهم طريقه اخري واساءل مجرب ونحمد الله الذي مكنا من الهجره بعيدا عنهم حتي نربي اولادنا بالحلال بمشئه الله وعقبال ليك قبل ما تدخل في واحد من بيوت اشباحهم المهينهوالادهي والامر ان كل ذلك يتم باسم الاسلام دين التسامح والعدل والمساوة بين بني البشر


#461703 [كوكو]
4.63/5 (4 صوت)

09-05-2012 02:25 PM
يا أستاذ الطاهر ...ما اوردته في مقالك من وقائع هي ليست وقائع فساد حدث في نقطة جمارك حدودية نائية ، وانما في المنفد الدولي الجوّي الرئيسي للبلد ، وهي ليست واقعة معزولة ودونك مارواه المعلقون على المقال من قصص مشابهه حدثت لهم ولغيرهم ... يعني هي ممارسة اعتاد عليها موظفي الجمارك في المطار، وبالمعني الواضح أكتر يعني المسالة لا يمكن ان تكون بإي حال من الاحوال بمنأي عن علم مدير الجمارك او المسؤولين اللآخرين ، وفي رأي الشخصي ما قام به مدير الجمارك من اهتمام بالموضوع واستقبالك و دعوتك لتقديم ما لديك من مستندات وفتح تحقيق في الموضوع لا يعدو الا ان يكون مسأله علاقات عامة قصد منها ان تكتب ما كتبته اليوم في مقالك... اتمنى صادقاً ان اكون مخطئاً في حدثي هذا.. والله يكضّب الشينه.


#461697 [يحيي العدل]
4.63/5 (4 صوت)

09-05-2012 02:19 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زي ما قال المبدع الفاتح جبرا : طلعت أي كلام يا الطاهر ساتي . !!!!!!!!!!!!!!!!!!!!!!!!!

وإليك الأسباب :
أنت صحفي مبدع ومجتهد لكنك مسكين أوي وعلي نياتك . يعني كيف تصدق حكاية لجنة تحقيق دي ؟؟؟؟؟؟
قدامك سنة ونص خليهو الجدع ده يورينا نتيجة لجنته دى !!!!!
دي يا ود ساتي تخديرات يجب أن لا تمر فيك .
نحن معاك أن الواجب الكتابة والمزيد للتاريخ فقط .
هؤلاء قوم لا يعنيهم الأصلاح في شيئ .

هذا المسؤول كان وين ؟؟؟؟؟


#461690 [sudani]
4.00/5 (1 صوت)

09-05-2012 02:09 PM
الاخ الطاهر ساتى السلام عليكم
كنت اتمنى ان تتناول راى الدين الاسلامى فى هذا الموضوع:
1- ما حكم الاسلام فى الضرائب والجمارك ؟
2- وما حكم من عمل فيهم من المسلمين؟
للاسئلة اعلاه راجع فتاوى اللجنة الدائمة بالسعودية ...
والله اسال ان يغفر لك على الضرر الذى سوف يقع على المسلمين بكتابتك عن الجمارك لان ماسوف يحدث هو ان يتم رفع قيمة الجمارك وتثبيتها على اعلى قيمة فالشاشة 32 بوصة بدلا من 150 دولار بحساب الجمارك سوف تصبح 32 *17 = 544 دولار ! ولن تتغير طريقة الدفع اذ المبالغ الضخمة التى تؤخذ من جمارك الحاويات سوبا تسدد بهذه الطريقة ايضا!
الله اسال ان يغفر لك على الضرر البليغ الذى سوف يقع على المسلمين من كتاباتك عن الجمارك.
والله من وراء القصد


#461636 [الزول الكان سَمِحْ]
5.00/5 (4 صوت)

09-05-2012 01:17 PM
بالله ياطاااااهر

عشان ينال إستحسان كل الناس خلى يفسر لينا بنود الفاتورة الإنتا أرفقتها فى مقالك السابق


البندالأول فى الفاتورة..قيمة قيمة ضريبة جمارك السلعة المستورة Import Duty tax

البند الثانى...ضريبة مضافة Additional Tax( حقت شنو؟؟)

البند الثالث... ضريبةتنمية Development Value Tax

البند الرابع ... ضريبة القيمة المضافة( راجع البند التانى) Value Added TAX


#461625 [الزول الكان سَمِحْ]
5.00/5 (4 صوت)

09-05-2012 01:05 PM
يا طاااهر

بمناسبة مواعين ( أورنيك 15 )..

طنــــون جاب مايثبت تحويل بيع قروش إسعاف مستشفى الصداقة الإتحولت لى ناس غزة؟؟؟؟


#461624 [بو خالد]
0.00/5 (0 صوت)

09-05-2012 01:05 PM
انا خايف يا استاذ الموضوع تحقيق في تحقيق يلحق امات طه اقصد خط هيثرووو ووو ووو


#461531 [حسكنيت]
4.00/5 (1 صوت)

09-05-2012 11:57 AM
لم نعد نثق فى أن أحدهم ستتم محاسبته ( بالسجن أو الفصل من الخدمةوالحومان من الخدمة العامة) وكذلك لا نشك فى أن أصحاب اللحى سيمرون من خلال بوابة الجمارك مرور النسيم العليل


#461505 [عادل محمد]
5.00/5 (2 صوت)

09-05-2012 11:29 AM
شكرا يالطاهر ساتى على كل الجهود التى تقوم به من اجل المواطن والوطن المغلوبين على امرهم فى الزمان الذى اصبح فيه الفساد يمشى برجليه فى مفاصل الدوله ولااحد قادر على ايقافه ولكن ماتقوم به جهد تشكر عليه يثبت بانك كبير ومن طيبة الكبار وان قلمك ليس للبيع من قبل المفسدين فى الارض الذى اسرفوا فى الفساد وتفننوا فى المشى فى طرقه الملتويه نسال الله العلى القدير ان يحفظك الى هذا الوطن وانها والله لااعظم الجهاد ان تجاهد بكلمه حق فى وجوه كل الظلمه والفجار الذين اسرفوا فى الفساد يرونها بعيده ونراها قريبه ان الله يمهل ولايهمل


#461504 [ود البلد]
5.00/5 (1 صوت)

09-05-2012 11:29 AM
من الاول كان وين وبسوي في شنو ؟ يالطاهر ساتي فكنا من كلامك الكلو مجاملات مسؤل ماتابع شغلو ولا اجهزتوا يتشتغل كيف ده بتشكرو علي شنو عشان قعد معاك ياخ اتقوا الله في ماتكتبوا ياساتي السؤال المهم حايعمل شنو وهو فشل في ادارة الشغلانة اتمنى انك تكون شجاع ونصحتو بالاستقالة


#461498 [يحيي يعقوب]
4.25/5 (3 صوت)

09-05-2012 11:23 AM
يعني هو سعادة اللواء ده ما متابع من زمان ولا شغال شنو بالله ورونا ولا السمع فايت قعر اضانه ولا رايك شنو يا ود ساتي


#461490 [سهشاى ...]
0.00/5 (0 صوت)

09-05-2012 11:14 AM
نأمل الا يكون الأصلاح فقط فى مطار الخرطوم بل فى كل المنافذ
البرية و البحرية و خاصة ميناء سواكن


#461487 [ubedalla]
0.00/5 (0 صوت)

09-05-2012 11:13 AM
الاخ العزيز/ساتي
كلماتك دايما صادقة ومعبرة لذلك تكون الاستجابة بسرعةمن بعض اللمسئولين او الجهات ذات الصلة ولكن هل هذة السرعة هذة لكي يتلم الموضوع وان لايتداول كثيرا ام انها سرعة تخص المعاجة والعلاج علي الجرح نامل ان تكون هنالك معالجات واصلاح رغم اني اشك في ذلك؟


#461471 [مسلم صادق]
0.00/5 (0 صوت)

09-05-2012 10:53 AM
سيد الطاهر
اللواء الدكتور الحاج المعلم الأستاذ
يا أخي جننتونا بالالقاب الزائفة دي
كفاكم نفاق وأرجع لأهلك ناس الجهاز
سممتوا البلد ولحبطتوا عقولنا


#461465 [karlos]
5.00/5 (3 صوت)

09-05-2012 10:46 AM
المشكلة التحقيق حيستمر الى ما لا نهاية و السلوك بتاع ناس المطار ما حيتغير ذى خط هيثرو و الجبايات وووووووووووووو فى النهاية بقول ليك يا الطاهر ساتى و يا مدير الجمارك القربة المقدودة ما حتتغييير ال بتغير شامل و كامل لمنظومة الفساد انا ماشى السودان الاسبوع القادم و حاجيب معاى تلفزيون بلازما و حارسل ليكم الاوراق انشاء الله بعد ما ارجع نشوف بتاع الجمارك حيسوى شنو ....


ردود على karlos
Saudi Arabia [مكتوي] 09-05-2012 02:54 PM
تلقيت إتصالاً من اللواء الدكتور عبد الرحيم، ثم تشرفت بزيارته، وتعاونت معه تعاوناً أرضاه وأرضاني

أكيد يكون مسح ليك شنبك قلت لي أرضاك


الطاهر ساتي
 الطاهر ساتي

مساحة اعلانية
تقييم
10.00/10 (6 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة