10-08-2012 09:38 AM

عفواً صلاح إدريس

عبدالله صالح جولاي
[email protected]

صلاح إدريس رجل أعمال ناجح – شق طريقه بكل ثبات – وفقه الله سبحانه وتعالى وبسط له الرزق في بلاد الحرمين – كان يعمل في البنك الأهلى التجاري مع آل بن محفوظ منهم الشيخ خالد بن محفوظ – وفقه الله ومنحه الجنسية السعودية التي بها بفضل الله كوّن ثروته وإستثماراته التي بلغت وطنه الأم السودان – لم ينكر فضل السودان عليه قدم له الكثير وساعد الرياضة والرياضيين إنتمى للهلال والأهلي شندى - الجاحد الذي ينكر نجاحاته نسأل الله له التوفيق – ولكن الأقلام التي تقلل من ذلك فهذا من باب الحسد والحقد – وآلآن نرى التدخُل في خصوصياته وما أباحه له الشرع وديننا الحنيف في التعدد بمباركة زوجته وأهله وأولاده والحاسدين الذين لم يعجبهم هذا الزواج وفضلوا نفث سمومهم ومحارقهم ما هكذا أخلاق السودانيين – بدل أن نبارك لهذا الصلاح الناجح وندعو له بالخير والذريّة الطيبة وأن يجمع الله بينهم على خير أبت تلك الأقلام السيئة إلاّ أن تفرز سمومها – هكذا كان حالنا نحن السودانيين ما أن نرى ناجحاً إلاّ ونســـتهزأ به ومن يريد التعــــدد إلاّ أن نحرّم عليه ما حلل الله له .
وهذا هو حال السودان والسودانيين الذي نراه آلآن من التأخر والتخلف والإنحطاط الأخلاقي وأنا أسأل الشامتين ما العيب في هذه الزيجة ؟ ولماذا هذه الأساءة ومن حق الأستاذ صلاح أحمد إدريس رفع دعوى قضائية لمن أساؤوا إليه – وعلينا أن نلتفت لما هو أهم والبعد عن أعراض الناس وخصوصياتهم لأن جروحنا كثيرة في وطننا الأم وما نعانية من هم المعيشة وضنك العيش – وما نعانية من وضعنا السياسي المزُرى في كل نواحي الحياة والإبتلاءات التى ألمت بنا .
عذراً للأخ صلاح إدريس – عذراً لعروسه الشاعرة نضال الحاج – وأنا أقول لكل من أساء للأخ صلاح إدريس يجب عليه أن يبرأ نفسه ويكتب إعتذاره على الملأ كما خط أساءته على الملأ – لأن الشتيمة والإساءة والحسد والحقد لا تكون وبالاً إلاّ على صاحبتها وكما قال " صلى الله عليه وآله وسلم - ليس المؤمن بالطعان ، ولا اللعان ، ولا الفاحش ، ولا البذي عن أبي هريرة - رضي الله عنه - قال: قال رسول الله -صلى الله عليه وسلم-: لا تحاسدوا، ولا تناجشوا، ولا تباغضوا، ولا تدابروا، ولا يبع بعضكم على بيع بعض، وكونوا عباد الله إخوانا، المسلم أخو المسلم، لا يظلمه، ولا يخذله، ولا يكذبه، ولا يحقره، التقوى ها هنا، ويشير إلى صدره ثلاث مرات، بحسب امرئ من الشر أن يحقر أخاه المسلم، كل المسلم على المسلم حرام دمه وماله وعرضه رواه مسلم
هذا الحديث أصل في حق المسلم على المسلم، وفيما ينبغي أن يكون بين المسلمين من أنواع التعامل.
قوله:" لاتحاسدوا" هذا نهيى عن الحسد, والحسد هو كراهة ماانعم الله على اخيك من نعمة دينية او دنيوية سواء تمنيت زوالها ام لم تتمن, فمتى كرهت ما اعطى الله اخاك من النعم فهذا هو الحسد .

"ولا تناجشوا" قال العلماء :المناجشة ان يزيد فى السلعة ,اى فى ثمنها فى المناداة وهو لا يريد شراءها, وانما يريد نفع البائع او الاضرار بالمشترى .
وهُنا نحن نبغض الإضرار بالأخ صلاح إدريس ونسأل الله له التوفيق ويبارك له في زيجته وأهله وماله ويجمع بينه وبين زوجته على خير ويرزقه السعادة في الدارين . إنه سميع مجيب – ويهدى المسيئين العفو من الله وفي من أساؤوا إليهم.

تعليقات 20 | إهداء 0 | زيارات 6546

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#486761 [المتفائلة جدا]
0.00/5 (0 صوت)

10-10-2012 04:59 PM
وهذا هو حال السودان والسودانيين الذي نراه آلآن من التأخر والتخلف والإنحطاط الأخلاقي ؟؟ هذه الفقرة من مقالك..
أنت كتبت هذا المقال لتنتقد من أساء لشخص واحد وتدافع عنه ..لكن أنظر ماذا فعلت لقد أسأت لشعب كامل .فلا تنهى عن خلق وتأت بمثله ....
انا بحزن لما أسمع أحد يشتم السودانيين وخاصة لو كانت الشتيمة من سودانى فهى أمر..وأقولها وأنافى الغربة لى سنين طويلة..والتقيت بشتى صنوف البشر.. عرب ,عجم.. شرقيين وغربيين..عملت معهم..تحدثت إليهم حتى عن السودان والسودانيين ..وأقولها دون تحيز ودون جهل لم أرى فى حياتى من هم أفضل من السودانيين ولو لم أكن من السودان لتمنيت أن اكون منه ..وتمناها الكثير من من هم ليسوا بسودانيين لا لشىء إلا لإعجابهم بأخلاق السودانيين وبعادات وتقاليد السودانيين وتعاملهم كأسر ..كزوج وزوجة.. لم أرى زوج يتعامل بإحترام وكرم للزوجةواهلها ويحنو على أبنائه مثل السودانيين..
الشعب السودانى الذى جار عليه الزمن شعب كريم وحر وأبى أى والله أبى وعزيز لا يقبل المزلة..وخليكم جميعا على ثقة إن ما ظهر على السطح من أخلاقيات لا تمت للشعب السودانى الأصيل بصلةو ماهو إلا قد أصاب القليل..والقليل جدا وإنشاء الله لم ولن يؤثر هذا فى السواد الأعظم من شعبنا الكريم وهنالك وجوه كثيرة مشرقة من أبناء هذا البلد العظيم بأهله..وهنالك ثلة يحلو لى دائما أن اسميهم بسودانييى الزمن الجميل..وأتمنى أن تكتبوا عنهم ..ووالله فى سودانيين أعرفهم وكل واحد فيكم يكون قابل أمثال هؤلاء ..وقفوا مواقف لا توجد إلا فى زمن الصحابة..سوداننا العايش فى وجدادننا بخير تفاءلوا..
وعايزة أقول ليكم ياجماعة الخير زى ما بتقول حبوبتى الله يرحمها خلوا الخلق لى خالقه وكلا مى هذا للجميع لأصحاب المقالات والمداخلات خلونا من الأخبار الما بتودى ولا تجيب وشوفوا مأسات البلد وأهلنا العايشين فيه دى قضية أكبر من كل شىء تانى ..
أما صلاح إ دريس( رغم عدم معرفتى بالرجل إلا من حديث الناس) يا ناس ما تشوفوا الجانب المشرق فيه الا يكفيه إنه بعد أن حمل جنسية دولة أخرى مازال مرتطبت بالسودان ألا تحسب هذه له حسنة ..


#486625 [زول]
0.00/5 (0 صوت)

10-10-2012 01:30 PM
- صلاح ادريس قادر على الرد على الذين تجاوزوا وعلى أولئك الذين يفترشون الاقلام يرجون قنطار جنيهات ورطل دولارات من الذين يتحدثون على لسانه ويمجدون له .. وكأنه احمد زويّل السودان ..
- صلاح إدريس .. نعم رجل اعمال وامثاله كثيرون من الناجحين
- صلاح ادريس شاعر وملحن وكاتب .. وماأكثر من يجيدون فنون الابداع فى بلادي أكثر منه كماً ونوعا وتألق
- صلاح ادريس تبوأ ادارة الهلال .. وماأكثرهم أولئك الذين أجزلو العطاء .!!
- صلاح إدريس وماأدراك ماصلاح إدريس ؟؟
- من لجراح السودان الغائرة اذا انصرف الكلام الى صلاح وزيجاته .!!
- خارج النص :

صلاح شاعر وملحن ونضال شاعرة .. باقى فنانة .. مجرد اقتراح لسيد صلاح : رايك ايه نديك فوفو كوستي ,,. !!؟؟


ردود على زول
United States [الأمر بالمعروف] 10-19-2012 03:04 PM
صدق كاتب المقال وهذا هو حالنا - ويجب علينا ردع الحاسدين والحاقدين من التطاول على الناس وكان يجب عليك ان تنى عن المنكر وتامر بالمعروف - لأن كات المقال أمر بمعروف وتكلم عن مشكله من مشاكلنا ونقل الشمارات والفارغه التي هي أصبحت صفه جاثمه على ظهر السودانيين - وانت ونحن والكٌل ليس ببعيد عنها - ونسأل الله العافية للجميع ونبارك لصلاح ادريس هذه الزيجه ونسأل الله له التوفيق.


#486579 [ياسر محمد طيب الاسماء]
0.00/5 (0 صوت)

10-10-2012 12:18 PM
بسم الله الرحمن الرحيم
الصلاة والسلام علي رسولنا الكريم سيدنا محمد وعلي آله وصحبه وسلم
والله لو كان صلاح أدريس رجل ليس ثري وصاحب مال ما كان في زول كتب فيه وكثير من الرجال (شخصيات عامة) ما في زول تعرض لخصوصياتهم وما جولاي زاتو دافع عنهم ولا كتب مقال شغل به الناس .
أما تعبيرك عن السودانين حاسدين ولا يحبون الخير للغير فهذا كلام في غير محله ولا تعمم الكلام فهذا جهل بالسودانين واخلاقهم . فنصيحتي لك ان تطلع من المحيط حقك دة لانو ما كويس وفي الكويس ولكن جريك وراء أخذ المنح والعطاءات هو الذي جعلك تحصر السودانين في الحسد وعدم حب الخير للاخرين.


#486137 [سوداني ضائع في بلاد الله]
0.00/5 (0 صوت)

10-09-2012 06:52 PM
يا سلاااااام عليك يا جولاي يا رجل يا أصيل يا ريت كل الناس بمثل أخلاقك يا رجل يا كبير وده حالنا لكن نعمل شنو - أنا مره بنيت لي حيطه وضربتها جير اصفر الجماعه جننوني جن لما الحيطة وقعت - شوف حالنا كيف نحنه شغالين بالفارغة والمقدودة. ونبارك للأرباب صلاح ادريس والشاعرة الفاضلة نضال الحاج . وربنا يصلح حالنا معاهم - تسلم عبدالله صالح يا امير .


#485655 [HAMZA]
0.00/5 (0 صوت)

10-09-2012 07:59 AM
صلاح إدريس رجل أعمال ناجح – شق طريقه بكل ثبات .. صاااااااح كبيرة


#485581 [الامين حسين]
0.00/5 (0 صوت)

10-09-2012 01:07 AM
السيد صلاح احمد ادريس رجل محترم ونشهد له بحسن الخلق وكريم الخصال وهو اخو اخوان لمن يعرفونه لم اسعد بلقائه فى حياتى ولكنى سعدت بسماع كرمه الفياض على كثير من الأسر والشخصيات وايضا دعمه السخى للرياضة والرياضيين وهو شخصية عامة عرضة للنقد ولكن التدخل فى الأمور الخاصة ليس من شأن الكرام نسأل الله العظيم رب العرش العظيم ان يوفقه حيثما حل وان يجعل زواجه مباركا وان يبارك له فى زوجه وان يحقق امانيه وان يحفه بعنايته وكرمه ورحمته وعطفه


ردود على الامين حسين
United States [HAMZA] 10-09-2012 08:00 AM
صلاح إدريس رجل أعمال ناجح – شق طريقه بكل ثبات ؟؟؟ صاااااااح كبيرة


#485493 [ركابي]
1.00/5 (1 صوت)

10-08-2012 09:01 PM
من هو صلاح ادريس ؟؟؟؟ خلاص مشاكل الوطن اتحلت وبقينا مشغولين بالتفاهات ...خلالص اوناسيس اتزوج جاكلين كينيدي ههههههههه


#485440 [محمد عبدالرحيم]
3.00/5 (2 صوت)

10-08-2012 06:44 PM
كتير من السودانيين غير الدهنسة والجمجره ما عندهم حاجة ودا المخلي شذاذ اصحاب رؤوس الاموال

الما معروف جابوها من وين زيو وزي عديله جمال الوالي يدمروا في السودان كل يوم .

فقروشهم الما معروف اصلها شنو ومافي واحد يقول لي كان شنو وكان شنو لانو امريكا عندما ضربت

مصنع الشفاء عارفة القروش التي في شكل مصنع دواء اصلها من وين .

يا اخي دا متواطي مع البشير في عذاب السودانيين ويدعم في الميرغني وناسو لكن نوعيتك دي يا

عبدالله صالح تنطبق عليها مقولة الكلب بحب خناقو وبعد دا ما حا تطلع من صلاح ادريس بحاجه وكل

القلتو دا ما حا يصيب صلاح عووضة بحاجه.


ردود على محمد عبدالرحيم
United States [الامين حسين] 10-09-2012 01:09 AM
كل اناء بما فيه ينضح وكتابتك تدل على سلوكك وتربيتك اترك الخلق للخالق وتمسك بأخلاق القرآن


#485402 [ابو الخير]
5.00/5 (2 صوت)

10-08-2012 05:34 PM
والله يا جولاي دا فعلا كسير تلج وكمان بتاع القطب الجنوبي
انت ايه دخلك في صلاح ادريس وزواجه
شوف ليك موضوع تاني افضل من ذلك
والشعب السوداني ايه ذنبو
اقول ليك اي شخص معروف حتى في امريكا واوروبا الناس بتتبع اخباره
خلي الموضوع يمشي
عادي وانت ايه رأيك انو صلاح ادريس فرحان وسعيد بهذه الكتابات
لأنه حسب ظني وخبراتي المتواضعة بيحب ذلك وفيه شوية نرجسية
ويمكن يكون تزوج هذه البنت عشان الناس تكتب عنه
لأنه لم يعد رئيسا للهلال ولا احد يدري به
عائز يقول نحن هنا
وممكن الشاعرة تكون طامعة في الجواز السعودي عشان تعمل ليها سجل تجاري تجيب ناس قريتها كلهم
وتستقر في السعودية بعد ما اتفرتك بلد المليون ميل مربع


#485354 [البيين]
5.00/5 (1 صوت)

10-08-2012 04:34 PM
انا مريخابي حاقد جدا ( حلو الاعتراف ده مش ) وكنت بكره صلاح ادريس جدا ومسميوه مرجان احمد مرجان تيمنا بالفنان عادل امام في الفيلم الشهير ولكني الزواج سنة الله ورسوله والشرع احل اربع ونقول وبصدق الف مبروك للسيد صلاح ادريس والشاعرة المرهفة نضال وبيت مال وعيال وكل من يتحدث في هذا الامر بغير ذلك فهو انسان حاسد لا اكثر


#485333 [Abu Hussam]
3.00/5 (2 صوت)

10-08-2012 03:59 PM
صدقت اخي الكريم .. وجوزيت خيرا .. وبأمانه لا أعرف الأستاذ / صلاح لا من قريب ولا من بعيد ولكن للرجل أعمال جليلة حسب ما نقرأه واستفاد منها البعض من أفراد الشعب السوداني سواء في منطقته أو في مناطق السودان المختلفة .. وأيضا هناك بعض المشاريع التي قام بها ويكفي أن هذه المشاريع استوعبت الكثير من الخريجين .. فتخيل كم خريج التحق بالعمل في احدى هذه مشاريع وكم عدد من فرد من أفراد أسرته يعوله .. فهل يستحق منا الاستاذ / صلاح غير الشكر وكل الشكر على ما يجود به من نعم الله الواسعه عليه وعلى وطنه ومواطنيه.. أم يكافأ بالتعرض على أدق خصوصياته .. فهنيئا له بالزواج الأول والثاني وعقبال الرابعة إن شاء الله .. وأتركوا الخلق للخالق عز وجل.


#485236 [زووول مبسوط جداً]
5.00/5 (1 صوت)

10-08-2012 01:09 PM
يا جماعه العرس ده بالفاتحة يا ناس ما حلال - نسأل الله لهم التوفيق ودوام العُشرة - ما في داعي للحسد - لكن صنفوا قالو الشعب السوداني من أكثر الشعوب في العالم حسداً - عشان كده ربنا جابنا كده حاقدين على بعضنا وتاني ما بنتقدم مدى الحياة إنشاء الله . مبروك لصلاح إدريس ونضال .


#485230 [هاله سنهورى]
5.00/5 (2 صوت)

10-08-2012 12:54 PM
أستاذ/ عبدالله - هذه ضريبة الشهره والمشهورين لابد من أن تنالهم السهام - وشوف الزول القرفان بدل أن تقول خيراً أو تصمت قرفك الله وزادك قرفاً .


#485211 [mohamad]
5.00/5 (3 صوت)

10-08-2012 12:18 PM
(هكذا كان حالنا نحن السودانيين ما أن نرى ناجحاً إلاّ ونســـتهزأ به ومن يريد التعــــدد إلاّ أن نحرّم عليه ما حلل الله له .)
أخى أنت تتحث عن موضوع شخصى صرف فلماذا تعمم على كل السودانيين.؟
تحرى الصدق والدقة فى ما تكتب .


#485202 [بدر النهار]
4.50/5 (3 صوت)

10-08-2012 12:00 PM
إقتباس(وهذا هو حال السودان والسودانيين الذي نراه آلآن من التأخر والتخلف والإنحطاط الأخلاقي)
ماعلاقة السودان والسودانيين بمن أساء لصلاح إدريس وزوجته هل إكتشفت أيها الكاتب الهمام أن السودان والسودانين متأخرين ومتخلفين ومنحطين أخلاقياً لان البعض أساء لصلاح ونضال هذا السودان والسودانيين هم من انجبوك وأنجبوا صلاح إدريس ونضال فإن كانت صفات شعبنا وسوداننا فهذا يسري عليك وعلي ودالأرباب ونضال ونقول لكم تحسسوا أقلاكم قبل الكتابة وحروفكم وكلماتكم قبل النشر إن كنتم تقبلون الإساءة لانفسكم رافلين في نعيم ود الأرباب فنحن لانقبل الإساءة للسودان والسودانيين ... حسبنا الله ونعم الوكيل بتأثركم بثقافة الإنقاذ .


ردود على بدر النهار
United States [واحد من البشر] 10-08-2012 09:33 PM
ومن قال لك ان كاتب المقال سودانى


#485180 [baboy]
3.00/5 (2 صوت)

10-08-2012 11:42 AM
how much you get ..... ice cracker


#485177 [Abu Areej]
5.00/5 (1 صوت)

10-08-2012 11:39 AM
صحيح ان الزواج بصورة عامة حالة شخصية ولا يجب الخوض فيها ويجب عدم الاساءة والتجريح .. ولكن في المقابل السيد صلاح ادريس شخصية عامة معروف وبالتالي يلقى حظه من الاعجاب والنقد حتى في الحالات الشخصية بعيداً عن الاساءة والتجريح كما اسلفت (ولك ان تعدد كم شخص غير معروف للناس تزوج مثنى وثلاث ورباع ولم يجد من ينتقده او يمدحه)..

ثانياً السيد صلاح ادريس قادر جداً على الرد على كل من اساء له ويعرف يأخذ حقه وكم دافع عن الهلال ولا اعتقد انك وكيل عن السيد صلاح ادريس..

اعتقد انك بهذا المقال اثرت قضية ما كان للناس الاستمرار فيها يعني فتحت باب جديد للتعليق ..


#485131 [صالح عام]
4.00/5 (4 صوت)

10-08-2012 10:48 AM
دفع ليك كم بالدولار ولا بالجنيه ولا بالريال يا راجل اختشى دا تملق واضح وشحده


#485095 [زول قرفان جداً]
4.00/5 (5 صوت)

10-08-2012 10:10 AM
شكلك عايز تطلع حق الضحيه بكسيرك للتلج يا اخي فكنا صلاح ادريس قادر يرد على الناس ديل بس انت اطلع منها


#485083 [سوداني مغترب مظلوم]
5.00/5 (1 صوت)

10-08-2012 10:01 AM
وفقت عبدالله صالح فيما تقول - وجزاك الله خيراً ونسأله التوبه والإعتذار للمسيئييين .


عبدالله صالح جولاي
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة