10-14-2012 10:08 AM

علماء السلطان بين زواج القاصرات وتقسيط الضأن

سيد محمود الحاج
[email protected]

الجماعة ديل الدين بقى عندهم طاقة قماش وبدل كيزان غَرِف تحولوا لي ترزية يفصّلوا ويخيطوا زي ما دايرين … بالله شوف الناس في شنو وهم في شنو.. البلد تواجه في المصائب من كل نوع.. شيء حروب وشيء عدم وشيء مرض وهم في العرس..يعرّس ركبيكم يارب… وليه تجويز زواج الصغيرات بالذات والبايرات أكتر من الهم.. بنات مكملات السماحة وأعمارن فاتت التلاتين والأربعين عشان الشبّان مكسّرين ومالقين شغل..الواحد ما قادر يشيل نفسه !! هسع أوْلى تحلوا مشاكل الشباب اللا ليها اول ولا ليها آخر والاّ تقبلّوا على الشافعات القاصرات… أقطع ضراعي الحكاية دي إتْلقي وراها نيّة مبيّتة..تلقاكم يا المساخيت راميين ليكم شبكة في بحر.. ما إنتوا جرّبتوا المتعة بجميع أنواعها ودايرين تغيّرو النمط القديم .. سبحان الله .. سِبَحْكم تطقطق بالنهار وبي الليل ترموا في الشباك… يكون ياربي ظهرت حالات إيدز على إمام المسجد بتاع شرق النيل والتلاتة المعاه والا
على ابو(الأربعة) الفي نهار رمضان والاّ والاّ والاّ……!!؟

بعدين يا شيوخنا طالما جوّزتو الضحية بي الدين يبقى خلاص كلموا أخوانكم بتاعين مكتب الزكاة المرطبين ديل يسلفوا الناس الما قادرين يضحوا لأن مال الشعب كله أصبح في يد 05% من الناس فقط ..وإنتو ذاتكم اي واحد فيكم قادر يضحي لي عشرة والا عشرين من جيرانه فليه ما تعملوا زي ما عمل الرسول عليه الصلاة والسلام .. بعدين يا حضرات الشيوخ نحن الضحية بي الدين ماجديدة علينا بس انتو ما جايبين خبر ..نحن لينا سنين بنضحي بي الدين..يعني ما منتظرين فتاويكم الجوّزت من قبل قطع يد السرق خمسة جنيه وسكتت علي يد السرق مليارات.. والحكمت برجم فتاة أغتصبت وحملت سفاحاً وسكتت على الزنى بأربعة فتيات وفي نهار رمضان..كفاكم فتاوي يفتفت عضامكم زي ما فتفتوا بلدنا وفتفتّوا الأخلاق .







تعليقات 4 | إهداء 0 | زيارات 1541

خدمات المحتوى


التعليقات
#490316 [صخر]
0.00/5 (0 صوت)

10-17-2012 02:11 AM
زمان ما قلت ليكم ديل كانوا جعانين من الاكل والشرب والجنس ودلوفتى غنوا وعايزين يعوضوا الفاتهم بعد ما ملوا كروشهم بالاكل الكان محرومين منه وجيوبهم بالمال المسروق وفروجهم من عمل قوم لوط - عايزين دلوقتو يكملوا دينهم - نسوانهم العاشوا معاهم المرة عايزين يرموهم بالشباك وعاوزين البنات الصغار يمكن بيهم يرجعوا شبابهم - ما كفاهم نسوان رفقاهم المقبورين فى الحروب - ياخوى ديل دايرين يتفشوا ولو بالزنى


#490099 [إبن السودان البار -----]
0.00/5 (0 صوت)

10-16-2012 01:35 PM
ألأم مدرسةُ اذا أعددتها أعددت شعباً طيب الأعراق ؟؟؟
أذكر في الصغر كان لنا جار ناظر مدرسة اولية كبير في السن وعلي ماأذكر كان سنه فوق الأربعين متزوج من طفلة وعلي ماأذكر كانت في سن 9 الي 10 سنوات ضعيفة البنية ولم تظهر عليها مظاهر الأنوثة حيث لا أذكر ان لها حتي بداية ظهور للثدي ؟؟؟ وكان حضرة الناظر يسهر في احد الأندية الرياضية في لعب الورق وعندما يأتي ليلاً متأخراً يطرق بابنا باحثاً عن زوجته ؟؟؟ فهي تقضي معظم الوقت مع الأطفال في بيتنا الذي يعج بالأطفال في اللعب والجري ؟؟؟ وفي الليل تنام وسطهم وكانوا يناموا في الحوش في كل سرير 3 او 4 مرهقين من الحر وكثرة اللعب ؟ وعند سماع طرق الباب تصحوا والدتي رحمها الله لتبحث بين الأطفال عن زوجة حضرة الناظر ؟؟؟ وعندما تجدها نائمة وسطهم تحملها كالعصفورة وهي غاطة في نوم عميق وتسلمها للأيادي الممدودة من زوجها حضرة الناظر ؟؟؟ وفي ذلك الزمان وكنت في عمر 13 سنة تقريباً لم يلفت نظري هذا التصرف العجيب من ناظر مدرسة في عمر أكبر من 40 سنة يتزوج طفلة ضعيفة البنية في عمر 9 سنوات ؟؟؟ وهذا التصرف في نظري الآن جريمة بشعة لا جدال في ذلك؟؟؟
وفي قصة أخري ابن أختي ميكانيكي له أحد زملائه الميكانيكة طويل القامة وضخم البنية في عمر أكثر من 35 سنة يحمل في محفظته صورة خطيبته وهي بنت خالته اتي الينا في زيارة لابن أختي الذي يسكن معي وأطلعه علي صورة خطيبته؟؟؟ فأنفجر ابن اختي بالضحك وناداني لأشاهد خطيبة او ضحية المستقبل ؟؟؟ رأيت طفلة صغيرة بريئة النظرات ولم أعلق ؟؟؟ وسأله ابن أختي كم عمرها ؟ قال له 12 سنة ؟ فقال له أبن أختي ياخي حرام عليك دي بيبي ؟؟؟ رد وقال ما حا اعرسها الآن لكن السنة الجاية انشاء الله وتكون بقت 13 سنة ؟؟؟ رد عليه ابن أخي هل انت جادي في كلامك ؟؟؟ رد وقال ايوه بتقدر تشي.. ؟؟؟؟؟؟؟ ولله في خلقه شؤون ؟؟؟


#489811 [إبراهيم التجاني]
0.00/5 (0 صوت)

10-16-2012 03:54 AM
إن زواج القاصرات يعتبر ظلم قانوني وقضائي ومن فقهاء لم يفقهوا مقاصد الشريعة فالقانون لم يوفر الحماية القانونية الكافية للقاصر والقضاء لم يقم باحتهادات جريئة تحمي القاصر والفقهاء يتمسكون باحاديث لاعلاقة لها بزواج القاصر والكارثة كل الكارثة على الامة الاسلامية من امثال هؤلاء الذين يتحدثون باسم الدين ولم يفقهوه او فقهوه ولكن فتاواهم حسب الطلب


#488784 [وحيد]
0.00/5 (0 صوت)

10-14-2012 10:48 AM
يظهر انو الجماعة بتاعين الايدي المتوضئة بعد ان تطاولت سنين جلوسهم على مقاعد السلطة و بعد ان كنزوا الاموال و الثروات و عاشوا في القصور الفخيمة و نكحوا ما طاب لهم مثنى و ثلاث و رباع ، يبدو انهم قد اصابتهم امراض النعمة المحدثة و قلت مروتهم و لكنهم يريدون اغتراف مزيد من المتع و يريدون رخصة شرعية تبيح لهم اللحم الرخص....


سيد محمود الحاج
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة