إذا سرق فيهم (الشريف) !ا
11-03-2012 09:44 AM

إذا سرق فيهم (الشريف) !

الفاتح جبرا
[email protected]


أيها الإخوة والاخوات والأبناء والبنات السودانيين والسودانيات داخل وخارج الوطن اليوم تبلغ (واوات كسرتكم الثابتة) حداشر (واو) .. نعم حداشر شهر (وكم يوم كده) منذ أن إعترفت الدولة رسمياً بأن هنالك من قام ببيع خط لندن أو الخط المعروف بخط هيثرو؟ وبعد أن استقصت اللجنة البرلمانية التي تم تشكيلها في الوصول إلى الحقيقة الأمر ومن ثم دفعت بملف (القضية) إلى النائب العام أو هكذا يعتقد!!
ولأننا دولة إسلامية رسالية ذات مشروع حضاري لا ياتيها الفساد من أمامها ولا من خلفها مسئوليها غر الجباة بيض الايادي من كثرة الوضوء وكل دقيقة والتانية يقولو ليك (العندو ادلة على الفساد اليجيبا) فقد ظننا وليس كل الظن إثم إن (قصة الخط دي) ح تعامل بالشدة المعروفة في شرعنا الحنيف تجاة تنفيذ العقوبة على السارق والذي لن يكون باي حال أفضل من (فاطمة بنت محمد) التي لو سرقت لقطع (صلي الله عليه وسلم) يدها ، كما أننا كنا نعتقد بأن (شركاء الجريمة) لن يفلتوا من العقاب عملاً بقول نبينا الكريم صلى الله عليه وسلم في الحديث الذي رواه البخاري والذي جاء فيه : «إنما أهلك الذين قبلكم، أنهم كانوا إذا سرق فيهم (الشريف) تركوه، وإذا سرق فيهم الضعيف أقاموا عليه الحد» !....
ولكن للاسف الاسيف يبدو انو (الإسلام) وتعاليمه (حاجة) وما يحدث على (الأرض) عندنا حاجة تانية خالص رغم الشعارات المرفوعة و(ما لدنيا قد عملنا) وبقية الهتافات التي ما أن تسمعها حتي تعتقد أنك جالس في احدي سوح (قريش) .
عموماً لن نكل ولن نمل من السؤال ونحن على أعتاب الإحتفال قريباً بالذكري السنوية للكسرة الثابتة عند بلوغ (واواتها) 12 لن نكل ولن نمل من السؤال حول الكيفية التي تم بها بيع (الخط) وكم قبض (شركاء الجريمة) من ثمن؟ وفي حساب من وضعت (الفلوس) ومن الذي إستلم (الكومشن) وكيف تم التخطيط لهذه (السرقة العبقرية) ! هذه التساؤلات المشروعة الحائرة التي نحتاج إلى سماعها من أجهزتنا العدلية التي قالت بأنها قد تمكنت من فك شفرتها وكشف خفاياها .
وختاماً إن كان لابد من نصح فهو إن الصمت و(الطناش) والإعتماد على نعمة (النسيان) حيال هذه القضية (وأي قضايا فساد مجمدة أخرى) لن يجدي بل يهز مصداقية المواطن في أجهزته العدلية وفي قادته الذين ما فتئوا يرددوا بان (تمسكهم بالإسلام) هو (الجاب ليهم الكلام) !

كسرة :
أها المرة دي الكسرة الثابتة عاوزنها كيف .. كده (ووووو و ووووو) وللا كده (وووو ووو وووو) ولا أحسن كده (ووو ووووو ووو) وللا كده (وو ووووووو وو) وللا أقول ليكم كده أحسن (و ووووووووو و) ؟؟
كسرة ثابتة :
أخبار ملف خط هيثرو العند النائب العام شنو؟ (إختار واحدة من الفوق ديل) !!


تعليقات 51 | إهداء 0 | زيارات 8713

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#503208 [NASRELDEEN ALI]
4.07/5 (5 صوت)

11-05-2012 02:06 PM
الأخوة بالراكوبة
لكم تحية صادقة
آخر تعليق كتبته هو الموجود هنا وبعدها كل ما أكتب تعليق واكتب صورة التحقق يجينى رد بأنى لم اكتب صورة التحقق بصورة سليمة
ده يكون من شنو ؟!
بالله عالجوا لى الموضوع ده عشان نتواصل وكده
ــــــــــــــ
غير المتصفح بتاعك
قوقل كروم / فير فوكس


#502321 [كمال]
4.07/5 (5 صوت)

11-04-2012 01:41 PM
الأخ الفاتح هثرو
خط جبرا ده كان كتبت فيهو مرة أخرى بتفرح الجماعة ديل وبقولوا إنه نفسك قرب ينقطع ودي الدايرنا عشان كده إكتفي بالواوات وبس


#502148 [الوردة الحمراء]
4.07/5 (5 صوت)

11-04-2012 10:17 AM
يا استاذ جبرا الواوات ما حتحلك لكن بقترح عليك عشان ما تاخذ spaceان تستشير (استاذ جبر ) او علي الاقل الناس تقعد تفكر وتشغل نفسها بالمعادلة بدل ما تفتش عن الخط الضائع ( واو اس 2 + واو اس 2+ 3 ) او ( واو اس 2 + واو اس 2 +واو اس 2 - 3 ) بعدين واعلنها مسابقة عديل كده وفيها جائزة انشاء الله تذكرةسفر بس لما نلقي الخط ومن ثم قدم لموسوعة قينس واسالهم عن الحالة بتاعة ضياع الخط والبحث عنه وكده وهل مرت عليهم حالة زي دي عشان نعرف ال records


#502137 [ابو مصطفي]
4.07/5 (5 صوت)

11-04-2012 10:06 AM
كسرة تانية بعد 12 شهر .. اخبار بيوت السودان في لندن شنو ؟؟؟؟؟؟؟


#502107 [عبدالواحد المستغرب أيما إستغراب!!]
4.07/5 (5 صوت)

11-04-2012 09:39 AM
الاستاذ/جبرا والله الواحد بيحسدك على نضالك وكفاحك ومثابرتك فى سبيل إنتزاع حق من حقوق الشعب (الضايع مورتو!!) ويقينى إذا احزاب التوالى كانوا نصبوك ناطق رسمى لهم وفكوك للجماعه ديل لكانوا وصلوا لنتيجه مع هؤلاء العلوج منذ زمن بعيد وبهذه المناسبه اليك ولقرائك هذه الطرفه..يقال أنه كان لاحدهم دين مالى قديم إمتد أجل سداده لفتره طويله والمديون ما إنفك يماطل ويلاوع فى تسديده وأشار اليه أحد أصدقائه بأن شخص يعرفه يستطيع نزع دينه قبل أن يرتد اليه طرفه بشرط أن يعطيه نصف المبلغ ووافقه على الفور وجاء الرجل وهو فى كامل هندامه وأخر برفانات باريسيه فاخره!! وطلب منه أن يعطيه عنوان المديون وما هى لحظات وعاد الرجل وبيده كامل المبلغ وما إن دخل عليه أمسك الدائن آنفه وراح يصيح فيه (رجعا..رجعا..انا مادايرا) وأتضح أن الرجل كان (يُدلِك) نفسه وملابسه بفضلات بشريه ويذهب للمديونين لتسديد ما عليهم!! وانا أعتقد مطالبتك المثابره هذه لكى تتحقق تحتاج لشخصيه مثل هذا الرجل المبتكر حتى ترجع الحقوق لاهلها!! وما ظنيتم حاسين بيك او جايبين ليك خبر (واواتك) حتى لو كانت كزبد البحر وهؤلاء القوم (أتلام) جمع تلم!!والتلم هو الذى خاتى بالو لما تعنيه وفاهم ما تقوله له لكنه (يصهين ويعمل ليك أضان الحامل طرشاء) ولا سيما هم فى الحته دى بالذات يؤمنون (بمن ستر مؤمنا فى الدنيا ستر الله عليه يوم القيامه) وناس (ما لدنيا قد عملنا) حرى بهم عدم مخالفة السنه النبويه الشريفه!!.


#502090 [تاج]
4.12/5 (8 صوت)

11-04-2012 09:26 AM
من ربا فاطمة بنت محمد صلى الله علية وسلم كان قد احسن تربيتهالذلك ضرب المثل وهو متيقن تماما انها لن تفعل, لاكين قولو لى ديل الرباهم منو؟


#502059 [خالد فارس]
4.19/5 (6 صوت)

11-04-2012 09:02 AM
العم الفاتح جبرا عدد اللعيبة اصبح 11 لاعب ممكن تلعب بيهم مع النائم العام اقصد النائب العام وطريقة اللعب تكون (3/5/3) يعني (ووو ووووو ووو) والح يقلب ح يقابل فريق شركة الاقطان للفساد المتصدرة للمجموعة والغالب من خط هيثرو وشركة الاقطان يقابل الخطوط الجوية السودانية (الانتنوف) وهذه ليها لعيبة محترفين في اوربا وتحت تحت سمعة السودان حيشيل كاس الفساد العالمي بخبرة 23سنة


#502056 [صلاح مصطفي أحمد]
4.07/5 (6 صوت)

11-04-2012 09:02 AM
الاخ الفاتح جبرا كل عام وانت بخير وصحة وعافية وخليك منتبه لصحتك ديل لو عملت ايه مافي زول بيقولك انت بتقول في شنو وربك يفرجها من عنده واحيانا انا اشك فيك معليش ما البلد دي ما بقي فيها زول ود ناس عشان تثق فيه والفيك بدر بيوه والحمد لله علي نعم الله علي الشعب السوداني بكرم النسيان


#502020 [مسلم غيور]
4.07/5 (5 صوت)

11-04-2012 08:25 AM
ما تكون انسان طيب وبريئ اكثر من اللازم ..خط هيثرو شنو قصاد الوطن بحالو ...ديل باعوك وباعوني وباعو وطن كان ليه شنة ورنة وسط الاوطان ..جاي تقول لي اخبار خط هيثرو شنو ..خلو عندكم وطنية اكتر من كدا وواجهوا هؤلاء الطغاة واسالوهم لماذاانفصل الجنوب ولماذا اصبحت بلادنا مباحة ومستباحة لكل من هب ودب ولماذا اصبحت سيرتنا للتندر والتفكه بين الامم والسؤال الاهم هل بالضرورة ان تحكمنا هذه العصابة الايوجد من هو اكفأ وانزه منها ..الا يوجد في هذه البلاد رجل واحد رشيد وشجاع يقف في وجه هؤلاء ويقول كلمة حق واحدة فقط ..وجاي تقول لي اخبار خط هيثرو شنو ..اسال عن اخبار الخبز اللحمة والطماطم والخضار واللبن والملح هذا ما يفهمه المواطن البسيط الذي لا حيلة له الا الصبر والصبر والصبر والصبر والصب والص وال......


#501933 [دهشان]
4.13/5 (6 صوت)

11-04-2012 06:13 AM
الشريف مبسوط منى
الشريف للتجارة
الشريف لو سرق ستروهو وفضحوا الضعيف


#501890 [nader]
4.07/5 (5 صوت)

11-04-2012 01:24 AM
حلوه جاب ليهم الكلام دى


#501872 [عبيط]
4.07/5 (5 صوت)

11-04-2012 12:03 AM
والله تعبوك ديل تعب شديد ما تخليها كدة { 11 و} لانو لمن يصلو 1000 ماممكن تستمر راصيهم كدة.


#501790 [الكليس]
4.19/5 (7 صوت)

11-03-2012 09:16 PM
انت عارف ياجبره خطك ده شوفو عايز يتم كم ولي هسه زول ساهي شافو مافي ولكن ..
( اذا دعوا الى الله ورسوله ليحكم بينهم اذ فريقٌ منهم معرضون , وان يكن لهم الحق ياتوا اليه مذعنين)
كدي شوف بالله في كم دولار تم اعدام مجدي في أقل من 48 يوم وشوف الدولارات بتاعت الخط كم والسودان خسر
كم ؟والزول قااااااااااااااااعد وزول شنقوا مافي . أقصد سجنوا ساهي مافي ولا استدعاء ساهي .


#501788 [مني طه]
4.19/5 (6 صوت)

11-03-2012 09:14 PM
استاذ الفاتح لك التحيه
طيب خط هيثرو دى الباعوا ما معروف لكن المره دي كبيره والتحول من اولاد الشيوخ لي الشفت مدير الطيران المدني اللذي دفن الطيران المدني وخلي الحمير ارتعا فيه فلا اجواء ولا ارض انا ما عارف بدل ضرب اليرموك ما كانوا اضربوا التنفيذين ديل يوم الاحد ولا الاربعاء وعقاب شهر


#501754 [Kaman]
4.16/5 (6 صوت)

11-03-2012 08:11 PM
عمك قال قال واااااااااي عشان تاني ما تجري وراء الواوات ..شكلك قلت الرووووب يا جبرة


#501745 [nubian]
4.07/5 (5 صوت)

11-03-2012 07:49 PM
تقدر تورينا دخل الفرد فى الشهر من واواتك دى كم يا استاذ جبرة


#501724 [mohammadsaad]
4.18/5 (7 صوت)

11-03-2012 07:29 PM
يا جماعة الخير عيب عليكم وانتو عارفين أهل الإنقاذ ديل "كلهم شرفاء"


#501706 [ابو على]
4.19/5 (6 صوت)

11-03-2012 06:44 PM
شكرا لك يا اخ الفاتح جبرا ونحن نشد على يدك وصبرك طوال 11 شهر وتذكيرك للناس الكبار بالملف - نعرف يا الفاتح احسن شئ انك اقمت الحجة عليهم علشان يوم القيامة ما يجوا ويقولوا نحن ما كنا نعرف واصلوا ما سمعنا بهذا الموضوع - لانهم يستخفون من الناس ولا يستخفون من رب العباد - ختاما اقترح بعد ان يبلغ عدد الواوات 12 أي سنة ان يقوم واحد من المعجبين بك بإنشاء موقع على النت ومن ثم يقوم اناس متطوعين بترجمة ذلك لعدة لغات علشان نفضحهم لربنا وخلقه


#501679 [ahmmed]
4.19/5 (6 صوت)

11-03-2012 06:05 PM
من عند جبرة قام الهط من الخرطوم
ابكرشا متمسح قدومو وش الشوم
هيثرو ديه مزة ساي في شريعة القوم
والببلع صحيح مرتاح وخاتي اللوم
شقة وبيت وبيت وبقرا كتار بالكوم
ياجبرة العوير يا كيشة ياملخوم
بلدك كلو بيع وات فوقها هيثرو تحوم
بر بحرا وجو باعوه علية قوم
وانا وات والعقاب نرجه القيامة تقوم


ردود على ahmmed
United States [ساميه] 11-03-2012 10:50 PM
يااحمد يااخوى مابنرجى القيامه تقوم .. نحنا الكادحين والغلابه عموم .. حالفين مابنخاف وحندخل الخرطوم .. ونخلى الجماعه السارقين للقوم ... يتمنوا الممات من غضبة المحموم ...واصلا ماحنضعف ولانخاف وننوم ... وحنظل نطالب بحقنا المهضوم ود جبره الحريف عارف طريقة اللوم ..والواوات مهما تكتر لابد يجيها اليوم ... تظهر وتنجلى ووتزول غيوم وسموم


#501622 [بت أمدرمان]
4.19/5 (6 صوت)

11-03-2012 04:32 PM
أنا بقترح و x ؟ أى واو ضرب كذا و إنشاءالله تحتفل معانا بعيد ميلاد الواوات ال 100 لو نا الإنقاذ خلوا لينا عمر


#501615 [الجعلي]
4.19/5 (6 صوت)

11-03-2012 04:18 PM
انت حتولول ما في واحد من الحرامية ديل حيشتغل بيك


#501577 [القرم تفاحة ابل]
4.19/5 (7 صوت)

11-03-2012 03:39 PM
الفورة 1000


#501575 [سلك]
4.18/5 (7 صوت)

11-03-2012 03:38 PM
يا استاذ الفاتح خط هيثرو هذا رجس من عمل الشيطان لذلك باعوا


#501570 [حسكنيت]
4.19/5 (7 صوت)

11-03-2012 03:34 PM
إحصائية لمطار ( Heathrow) للعام 2011
الحجم الكلى للمطار 1227 هكتار
حركة الطيران السنوية 2011 = 476197 رحلة
متوسط الرحلات اليومية = 1305 رحلة
عدد الخطوط المتاحة = 86 خط طيران
الدول المرتبطة بالمطار= 90 دولة ( 183 مطار)
الخطوط المفضلة : نيو يورك ، دبى ، دبلن ، فرانكفورت ، أمستردام.
عدد المسافرين والواصلين يوميا = 190100 مسافر
عدد المسافرين والواصلين للعام 2011 = 69.4 مليون مسافر
عدد المسافرين الدوليين = 64.7 مليون مسافر ( 2011).
البضائع (2011) = 1.48 مليون طن مترى
الخطوط العربية والأفريقية : أبو ظبى ، أكرا، أديس أبابا، الجزائر ، عمان ، البحرين ، القاهرة ، كيب تاون ، كازابلانكا، دمشق ، الدمام ، دار السلام ، الدوحة ، دبى ، عنتبى ، جده ، الكويت ، لواندا ، لوساكا ، مسقط ، نيروبى ، الرياض ، طرابلس ، تونس .
*********
إختفى إسم الخرطوم والخطوط الجوية السودانية من القوائم بفعل فاعل


#501564 [أبوأسامة المهاجر]
4.19/5 (9 صوت)

11-03-2012 03:29 PM
استاذنا جبرة أنا أقترح عليك وعلى محبيك ومعجبيك أن يتم عمل حولية كبيرة عند تمام الواو الثاني عشر وأن يتم عمل سرادق للعزاء بمناسبة وفاة الأمانة وأن يتم ذبح ثور أسود ويدعى الخال الرئاسي ليقوم بذبح الثور.


#501562 [السارق مالنا ودمنا]
4.19/5 (6 صوت)

11-03-2012 03:27 PM
ياجبره هي جات علي خط هثرو اذا كان البلد نفسها مسروقة من1989م يبقى حيفضل شنو تاني ما حيسرقوه والمصيبة انهم علمو كل الناس بمختلف قطاعاتها السرقة حتى اصبحت عندهم حلال عديل والناس جعانه ومرتباته تعبانه وشايفه الكل بيسرق احتارت تعمل شنو. بس نقول حسبنا الله ونعم الوكيل فيهم


#501545 [inadoS]
4.07/5 (5 صوت)

11-03-2012 02:58 PM
ووووووووووو امك الحرامى مات


#501526 [كمال]
4.19/5 (6 صوت)

11-03-2012 02:35 PM
الخط ده باعو تمساح كبير وتأخيره عند النائب العام عايزين يشوفوا ليهم طريقة يضايروه وكان ما لقوا طريقة إستعد لبيت الأشباح ياجبره وإنت بالضغط والسكري العندك سوطين في ضهرك بتطلع ليك بواسير


#501525 [كمال]
4.19/5 (6 صوت)

11-03-2012 02:28 PM
لو واواتك ديل عملت ليك بيهم برواز ليصفحتك دي ما بشتغلوا بيك ديل بطنهم غرررررررررررررررررررررررررررررررررررررررررررررررررريقه


#501507 [مورم]
4.19/5 (6 صوت)

11-03-2012 02:03 PM
اصلو يا الفاتح ما تقيف واصل ونحن معاك وادعوكم محبي الفاتح الشهر القادم ان نعمل مهرجان الذكرى السنوية الاولى للطناش عن خط هيثرو وان يكون فى جميع المنتديات والفيس بوك وفى يوم واحد و يتبعه فى اليوم الثانى ندوة فى احد القاعات ويكون فيها متحدثين .
كسرة:
شركة الاقطان الحصل فيها شنو؟


#501469 [اسير الشوق]
4.07/5 (5 صوت)

11-03-2012 01:14 PM
يا استاز جبرا انا لو كنت مكان صاحبنا اللهط القروش ده بقول ووووروووروووك قتلوووووووووووك ولاجوووووووووووك جوووووووووووك


#501445 [ابو السباع]
4.19/5 (7 صوت)

11-03-2012 12:56 PM
ياجبره تحياتي

الخط وين راح خطفو التمساح
الخط وينو خطفو الدودوووووو

هو النائب العام ده منوووووو؟؟؟؟؟؟؟؟


ردود على ابو السباع
Saudi Arabia [أبوأسامة المهاجر] 11-03-2012 03:31 PM
الدودووووو دا تم واواتو 11


#501423 [ابو مبارك]
4.19/5 (6 صوت)

11-03-2012 12:16 PM
على اعتبار انو البلد دي بقت ما بلدنا وكده وانحنا بقينا لاعبين في ارض الخصم وكده ، مما يحتم علينا اللعب بالخطة الدفاعية الشهيرة (عشرة ورا وواحد قدام والخائن الله يخونه) يعني كده (وووووووووو و)
او على خطة مؤسسة الاقطان الجزم المتعفنية اقصد الحزم التقنية ، يعني كده (0)

او على خطة ( شريعة الله ما بنابها لكن الفيكم) اتعرفت ، يعني كده )0(


#501419 [NASRELDEEN ALI]
4.19/5 (9 صوت)

11-03-2012 12:05 PM
أقترح أن تكون الواوات متصلة وأن تختم بباء واحدة ففى ذلك شفاء لموجدتنا وحرقة القلب التى نعانيها كما أنها ستكون موسيقية وقد تصلح مقدمة لأغنية مما تتغنى به مفنناتنا ( الميم فى أول الكلمة مقصودة ) أو السحاسيح العاملين فيها فنانين الأيام دى
و ........... واواتو الفى جضيماتو


ردود على NASRELDEEN ALI
Sudan [قفة] 11-04-2012 10:57 AM
حلوة

Saudi Arabia [فرقتنا] 11-04-2012 02:16 AM
احلي تعليق واغنية معبرة


#501415 [KALIFA AHMED]
4.07/5 (5 صوت)

11-03-2012 11:58 AM
يا ود جبرا...مالك حاكيها شديد وعايز تعمل لكسرة خط هيثرو حولية كمان !!!! ياخي الجماعة باعو هواء ساكت وحتي الجزء الوطني من هواءنا الممتد من الحدود المصرية للخرطوم بدون سحاب وخفيف وهم بالشطارة كدا وبدل ما يموت في يدنا شايلوهو مع البيعة ورفدو الخزينة العامة والخزائن الخاصة بالدولار.... ناس تفتيحة وشطار بطلو الحسادة وأهتف معي هي لله... هي لله.. لا لسطة أوجاه!!!!!! وكل عام وأنتم بخير

كسرة غير ثابتة :
بالمناسبة.........أخبار ملف خط هيثرو العند النائب العام شنو؟


#501411 [قال تمكين]
4.19/5 (7 صوت)

11-03-2012 11:54 AM
القصاص مسك الدرب من لندن الى تخوم القصرالجمهورى الذى تحوم حوله الشبهات واسباب انتشار الفساد فى السودان


#501401 [وحيد]
4.07/5 (5 صوت)

11-03-2012 11:41 AM
( لو سرق فيهم " الشريف" تركوه ) قصدك الشريف بدر؟؟؟


ردود على وحيد
Saudi Arabia [فرقتنا] 11-04-2012 02:17 AM
لا الشريف يرموك

Saudi Arabia [الزوُل الكَان سَمِحْ] 11-03-2012 12:42 PM
إنتا رايك شنوظظياوحيد!!!يعنى جا يكون شريف مايدوغرى؟؟


#501399 [man in the merror]
4.19/5 (6 صوت)

11-03-2012 11:39 AM
السلام عليكم الاستاز الفتح جبرا
الناس ديل ما بنفع معاهم الا كلام حبوباتنا (المابتقدر تضاربو دعيي )
اجيهم بالساحق والماحق والبلا المتلاحق


#501392 [abuwagar]
4.07/5 (5 صوت)

11-03-2012 11:34 AM
مؤذن مالطا


#501390 [البشير على نافع الجاز الفللى]
4.19/5 (7 صوت)

11-03-2012 11:31 AM
ياخى خط هيثرو لا سرقناه ولا حاجة
الخط اكلو الدودو
بعدين الدودو مشى الحج ولسع ما رجع ويمكن بعد مايرجع يكون جايينا تائب تب ونظيف ذى ما خرج من بطن امو
اها عندك كسرة تانى؟


#501388 [هجم النمر]
4.19/5 (6 صوت)

11-03-2012 11:30 AM
إن شاء الله حضور في إحتفالات الذكري الأولى للكسرةالثابتة يا استاذ بس ورينا الزمان والمكان


#501353 [free]
4.19/5 (8 صوت)

11-03-2012 11:03 AM
بصفتي أول من دعا للإحتفال بـ ( الواوية الهيثروية ) في تعليق سابق أول شيء خلينا نحتفل بالذكري

السنوية وحلها بعدين بسيط ما تشيل هم والحل هو لما تصل الرقم (13) بقترح تكون كالآتي :

(12)+و

ثم التي تليها (12)+وو وهكذا..

ولما تصل خمسة وعشرين شهراً تكون هكذا (24)+و... وهكذا.....

الله يا أستاذ جبرة كيف بالله تفوت عليك دي !!!!! تتعمل زي المعادلة الحسابية أو زي المفتاح الدولي

للإتصالات. ويلا نشوف إقتراحات بقية الشباب

مع تحياتي لك بدوام الصحة والعافية و يخليك لينا يارب


#501349 [ثائر ضد الفساد]
4.19/5 (6 صوت)

11-03-2012 10:59 AM
انا اقترح عليك يا الفاتح ات تعمل الكسرة الثابتة حيييييييييييييييييييييييييي وووووووووووووووووووووووووووووووووووووووووووووووووب
وانت راجل ديمقراطي اعرضها للتصويت


#501327 [alsmaha]
4.19/5 (6 صوت)

11-03-2012 10:34 AM
الاستاذ الفاضل/ جيرا أسمح لي أن أذكرك بالمقولة المعروفة " حاميها حراميها " المفروض نفهم ونتفهم ان ما يجرى الان عند النائب العام هي كيفية طبخ القضية والاتفاق مع الكبش للقيام بدور الذبيح وكيفية تمثيل ذلك أمام الرأي العام وصقل احاسيس الذباح لتحمل منظر الذبيحة وهي تمثل الذبح وسرعة مواراتها عن الانظار لعدم اكتشاف ألرأي العام حقيقة اللون الاحمر ( الكوبيا) والثمن الذي سيتقاضاه الكبش مقابل ذلك ....... وكذلك نوعية البهارات ( الشمارات وكده ) التى يتم إضافتها للطبخة حتى يستسيغها الرأي العام....
أن ما يرسى له من حال وصلنا له أصبحنا لا نفرق بين ما هو حلال وما هو حرام ومن هو الشريف ومن هو الوضيع
أعزي الشعب السوداني في الاجهزة العدلية والقائمين عليها وموظفيها.......
أعزى الشعب السوداني في الاخلاق والقيم والشيموالامانة التى يتصف بها......
أعزى الشعب السوداني في كل ما أفتقده خلال فترة إنقاذه .........
لك الله يا وطني ................


#501308 [مدحت عروة]
4.19/5 (8 صوت)

11-03-2012 10:15 AM
الله يهديك يا الفاتح جبرا يعنى كيف يحكموا شرع الله بدون قروش وامكانيات ما لازم يبيعوا خط لندن عشان يمولوا المشروع الحضارى واهو كله فى سبيل الله !!!!!!!


#501304 [منير محمد نور]
4.19/5 (7 صوت)

11-03-2012 10:11 AM
ايها السارق المستمتع بكسرة اخبار ملف خط هيثرو العند النائب العام
مبروووووك عليك الخط بس امانة عليك تورينا السرقة دي اتعلمتها كيف ماهو لازم تكون بديت من تحت خط ركشات مثلا ؟ امجادات ؟ حافلات شرق ؟ حافلات الحاج يوسف ؟ اموووووت واعرف الزول دا بدي بي سرقة خط شنوووووووووووو؟
واخيرا اقترح
وووووب ووووب


#501303 [الزوُل الكَان سَمِحْ]
4.19/5 (7 صوت)

11-03-2012 10:11 AM
يا استاذ

حجاج بيت الله الحرام..يوجد منهم الألاف من حجاج الجو الذين مازالوا فى مكة والمدينة فى إنتظار الطائرة الوحيدة التى تعمل كالبنطون بين رفاعة والحصاحيصابعد أن لهطت ملايينهم التى إحتسبوها فى سبيل أداء الفريضة..وأمراء الأفواج ( الحاجين ملح) على حسابهم قد غادروا بلاد الحرمين محملين بما خف وزنه وغلا ثمنه..ولا عزاء للمنتظرين..وتقول لى خط هيثرو..والحكومة تحتفظ بحق الرد ..


#501281 [Petro]
4.13/5 (7 صوت)

11-03-2012 09:52 AM
والله يا جبرة اول مرة تطلع ماسورة عمودك عامل زي الدراب


الفاتح جبرا
الفاتح جبرا

مساحة اعلانية
تقييم
5.41/10 (7 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة