11-26-2015 12:01 AM


زاهر بخيت الفكى

أسأل مِنو..؟
عن الدمار الشايفوا ..
عن هذا الخراب..؟
عن الفساد..؟
استشرى دمّر للعباد..
وين وِلادِك يا بِلاد..؟
وين الشباب..؟
الفارقوا الوطن الحبيب..
خلوهُوا أرضُوا بقت يباب..
ما لاقى أبداً من يُجيب..
وصّونى واللهِ الصِحاب..
شافونى بسأل عن فلان..الكان فقير..
والمات زمان فيهوا الضمير..
باللهِ ما تسأل كتير..
خليك بعيد لا تقترب..
يا سيدى والموضوع خطير..
ساعدنا يا خُوى بالسُكات..
أوعاكا أبداً لا تَجيب..
سيرة فلان.. الشال وفات..
أو صاحبوا داك القالوا مات..
خايفين عليك من سِكة ودت للقبُر..
خايفين عليك تصبح رُفات..
أنسى فارق للطريق..
بير الفساد ..بلحيل عميق..
يبلع لكل الكان قريب..
لا عندو صاحب لا رفيق..
أنسى ..والموضوع خطير..
بُكرة من وطنك تطير..
من غيرنا تنتظر الفتات..
كيف السُكات..؟
قايلين بموت ناقص عُمُر..؟
أنا منكم ..أنا ما غريب..
عندى حق فيها الأرِض..
الباعوا فيها واشتروا ..
باعوها ركبوا الفارهات..
وين القبيل شايفنوا قلنا أخو البنات..؟
أكل الحرام هتك العَرِض..
وروُنى كيف الحاوية جات..؟
شايلة الدمار شايلة الخراب..
مليانة قالوا مُخدرات..
أسأل منو..؟
واللهِ غالبنى السُكات..

بلا أقنعة..
الجريدة...

[email protected]





تعليقات 1 | إهداء 0 | زيارات 1895

خدمات المحتوى


التعليقات
#1375789 [radar]
0.00/5 (0 صوت)

11-26-2015 08:39 AM
هل من مجيب هل من مجيب هل من مجيب


زاهر بخيت الفكى
زاهر بخيت الفكى

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة