أضحكي
12-01-2012 11:28 AM

اضـــــحـــــكـــــــي ...

عروة علي موسى
[email protected]

بسم الله الرحمن الرحيم

اضحكي ...
اضحك النيل الملازم لي عيونك
ادفق الفرح المفرهد لي الشواطيء العابسة دونك
ولما لبس الضحكة كونك
وعمرت الساحات بي لونك
وصارت الأنغام فنونك
ضحكت الدنيا وزمانا
لما شافت شهقة الضحكة وحنانا
وشافت الشوق البنطط من عيونك
زي رذاذ من مطرة جانا
يا ضحك كل المجاز
يا فرح من ناس عزاز
يا حقيقة من حلم صارت ملاذ
خوف القلوب الاحتراز
واضحكي
لي تباريح الزمن و الاندهاش
ولي سحابات المطر ساعة الرشاش
شبق الارض إلقاها بي شوق وإرتعاش
وتغيب معاه في جوفها كم صابو الغباش
اضحكي يا الحنينك جوة في أعماقي ماش
زي طولة النفس البجبدو
لامن أحسك جاية في نسمة دعاش
اضحكي
يا خفقة الحلم البتشمل كل تفاصيل الحواس
اضحكي
لي بنيات الكلام الهابشة لي عصب التماس
والساكنة في سحّارة الحبوبة من زمناَ قبيل ذهباَ و ماس
اضحكي يالروايعك باقية لي الذوق اقتباس
وأرسمي من كل لوناَ بشبهك سر ضحكتك
خلي الخلوق تتشابا لي سر فرحتك
وتعرف كمان كيف قوس قزح أخد الجمال من ضحكتك
اضحكي
وخليني البس ضحكتك !

عروة علي موسى ،،،


تعليقات 2 | إهداء 0 | زيارات 2745

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#526332 [ود الراوي]
1.00/5 (1 صوت)

12-02-2012 01:30 PM
شكرا عروة على هذه المفردات الجميلةالتي طوفت بنا الى عوالم ساحرة كنا ننعم بها...

وفقك الله


#525429 [ماجد عبدالله]
1.00/5 (1 صوت)

12-01-2012 11:38 AM
جميل يعود بي لحظة الى الوراء الى انغام الزمن الجميل

اخوكم من المملكة العربية السعوديه تحية الى الاشقاء السودانيين


عروة علي موسى
مساحة اعلانية
تقييم
5.75/10 (3 صوت)


الاكثر تفاعلاً/ق/ش

الاكثر مشاهدةً/ق/ش




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة