المقالات
مكتبة كتاب المقالات والأعمدة
محمد عبدالله برقاوي
بعد محطة هيثرو ..ننعى لكم خط الخليج ..الفاتحة !
بعد محطة هيثرو ..ننعى لكم خط الخليج ..الفاتحة !
12-02-2012 02:21 PM

بعد محطة هيثرو ..ننعى لكم خط الخليج ..الفاتحة !

محمد عبد الله برقاوي..
[email protected]

أخيرا تفتقت عبقرية الادارة الجديدة لما تبقى من امبراطورية الخطوط الجوية السودانية التي كانت رائدة
قديما وهي في أوج عظمتها كالامبراطورية البريطانية حيثما ذهبت تجد أشعة الشمس تصطحب أجنحتها الميمونة ، فقررت تلك الادارة ( فجأتن ) ايقاف خط الخليج العامر بالذكريات وطرائف استعلامات المطارات عن دلال ستهم وقد تملكها الخرف في عهد الفساد المبرمج ، بعد بيع خط هيثرو الذي ظل زميلنا الظريف الأستاذ الفاتح جبرا يهلوس به حتى اصبح توقيعا ثابتا يزيل مقالاته بالسؤأل عن أخبار قضيته في أضابير ديوان النائب العام !
أربعون عاما من عناق مطارات الخليج تنتهي الى فراق بالدموع الحرى ، وتبرير الادارة الجديدة التي يقول العالمون ببواطن الأمور أنها تفتقر لأبسط مقومات وأهلية ادارة خطوط الركشات وعربات الكارو في الخرطوم ، ان هذا الخط الذي يشمل كل دول مجلس التعاون ماعدا السعودية لا جدوى من تسيير الرحلات اليه في ظل اشتداد المنافسة من شركات الطيران الأخرى التي تسيدت الأجواء السودانية !
وهو منطق غريب والكل يعرف جيدا أن منطقة الخليج قد أصبحت و منذ سنوات طويلة منطقة جذب للركاب قدوما ورواحا لاسيما بالنسبة للركاب السودانيين الذين تضاعفت أعدادهم بما يحتم تدعيم الخدمة لهم في هذا الخط و زيادة الحوافز والمغريات بدلا من اعدام هذه الخدمة نهائيا !
ولعل شدة التنافس كان بنبغي أن تصبح الحافز الأكبر الذي يجب استغلاله في دراسة خطة محكمة للجذب ، لا تعليق الفشل عليه كشماعة ، وكل مواطن سوداني يعلم أن السبب هو الفساد الذي استشرى في هذه المنشاة العريقة وبدد تاريخها التليد في رياح هذا العهد ، الذي لا يعطي العيش لخبازه ولو أكل نصفه !
مؤسسة تولاها أباطرة الادارة أمثال عبد الباقي محمد والسر حسن بشير والكابتن زمراوي الذين فاخروا بها عند أعلى سحابات الاتجاهات المختلفة، انتهى بها الأمر ، آخر المطاف الى أيد ادارية رخوة المعرفة ، همها التخلص مما هي ليست جديرة بتطويره ، فتلجأ الى أقصر الطرق ، اما بيع عزيز ذل الى من لايستحق واما الاغلاق دون تبصر الوسائل التي تؤدى الى حل ثالث !
سيداتي أنساتي سادتي الركاب الأفاضل يؤسفنا أن ننعى لكم بكل الحزن ، وفاة خط الخطوط الجوية السودانية الى الخليج خنقا بيد التخبط وعدم الادراك بأهميته المعنوية وفشل تلمس الأبواب لزيادة فوائده المادية ، وقد كنا مرتضين بهم ناقلنا الوطني الراحل عنه ، اعتدادا به من منطلق وطنيتنا التي نخشى أن تباع هي الآخرى في سبيل أن تكون المواطنة حصريا على الكيزان وقد غرفوا كل شيء في السودان ، حتى النيل لم يعد يفي بسقيا أهل أهله الذين باتوا يرددون في حسرة العطش أغنية صديقنا الحلنقي بصوت حمد الريح !
( عطشان والبحر جنبك )

نرجع لنعزيكم في خط الخليج العزيز ولنا في محطاته حكايات وحكايات ، و لا نملك حيال وداعه الى مثواه الأخير الا أن نترحم عليه بقراءة ( الفاتحة )
وانا لله وانا اليه راجعون .

تعليقات 21 | إهداء 0 | زيارات 4251

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#527683 [اركا بركة]
0.00/5 (0 صوت)

12-04-2012 07:46 AM
ديل قسموا السودان ما يسرقوا هيثرو والخليج كخطوط عالمية ...


#527570 [abusafarouq]
0.00/5 (0 صوت)

12-04-2012 01:17 AM
أستاذنا البرقاوى دائما تذكرنا بالماضى الجميل . ست الطائرات أصابها الوهن بالرميتزم والزهيمر تقلع وقت ما تقلع وتهبط وكت ماتهبط مصابة بشلل كامل وعالم الطيران أصبحت متصارع مافى زمن .الناس فى تطور مستمر لاوقت لدى الناس تضيع والخطوط السودانية بعد وصول الكيزان الملاعين جعلوه ملكا بعدد المؤتمرجية السفر مجان اليدفع المغترب فقط مكاتب السودانية فى الخليج مدير مكتب السودانية وفود حكومية دقون داخلة ودقون مارقة أجتماعات كأنو مكان جامع للصلاة أفقرو الطيران والان يالبرقاى طيران دول الخليج أستغلت تلك الظروف ووظفت أحسن توظيف خط مثل خط السودان أهمية بمكان .والحمدلله الرحلة من دول الخليج للسودان ذهابا وايابا أقل من سفر الباخرة فى بعض الاحيان للسودان والسودان لن تستطيع المنافسة مهما عملت لا أمكانيات تمكنها مجارات الطيران الاخرى على الاطلاق وبالتالى الانسحاب وترك المجال الجوى مسيطر للمتفوقين دقة تفاصيل الرحلات أعلام الراكب بأدق تفاصيل الرحلة المواعيد من حيث التأخير أو أى ظروف طارئ عن طريق موبايل مسج هذه ما تفتقره الخطوط السودانية لم تجد معلومة عن الرحلة الا أن تتفاجأ بحطورك المطار . وبعيد عنك تصل بالرحلة السودانية للخرطوم كأنك جاى فى ضهر لورى من القرى مغبر حدومك مكرمش مبهدل من إنبطاح فى صالة المطار اللهم أقلع الكيزان الافقرونا وخلونا نمشى حفيانين ..


#526905 [الغاضبة]
0.00/5 (0 صوت)

12-03-2012 07:59 AM
نرجع لنعزيكم في خط الخليج العزيز


تعزي منو يا أستاذ، خلينا نعزي كلنا على أرواحنا وعلى حياتنا وعلى سوداننا المات من زمااااان هي جات على خط الخليج، وأحسن انو مات بدل الفضائح والاحراج العاملاهو سودانير، نعزي في شنو ولا شنو في الصحة أم التعليم أم الانسان السوداني المطار الميت مطار الخرطوم المدني حتى لا يرقى الى دولي... والله يا اخوانا كتر عليناوما عندنا حيلة غير الكلام، الكلام ، الكلام الذي لا يحل ولا يربط...


#526884 [محمد]
0.00/5 (0 صوت)

12-03-2012 07:48 AM
إلى اللقاء في الخط القادم...
وأبشركم أن سودانير لن تبارح خط6.


#526672 [سوداني زهج]
0.00/5 (0 صوت)

12-02-2012 11:12 PM
نحن نتساهل شطارتنا التنظير بس انشاء الله الكيزان يبيعو النيل بي مويتو الفائده شنو الشعب مات قولو الفاتحة علي الشعب السوداني


#526651 [ذوالنون]
0.00/5 (0 صوت)

12-02-2012 10:11 PM
و ما تنسوا الخطوط البحريه هو الما يعرف يعوم بيعرف يطير


#526645 [سن ألفيل]
0.00/5 (0 صوت)

12-02-2012 09:58 PM
بعد شوية ح يكون مطار الخرطوم معروض للبيع لعدم وجود طائرات سواء محلية او دولية لانه غير طالح للملاحة الجوية وسيتم ازالة المباني الموجودة فيه ويتم التقسيم خطة اسكانية المتر المربع حوالي المليون دولار وغدا ناظره لقريب


ردود على سن ألفيل
United States [Ali Saleh] 12-03-2012 10:33 AM
هو ياصديقي مبيوع مسبقاً. بإعتبار المطار الجديد.. شكلك كده ما أشتريت بهناك ؟


#526641 [خالد الجراري]
0.00/5 (0 صوت)

12-02-2012 09:49 PM
خليك محضر خير يااستاذ برقاوي وارجوك بلاش نقد في خطوطنا السودانية انا عارف انها انهارت واصبحت اكثر اسطولها يتلاشي شيئا فشيعا مع مرور الايام وهذه كله بسبب الحصار الظالم علي بلادنا العزيزة علي قلوبنا لكن مهما كان انا شخصيا لا احب غير الخطوط السودانية ولا اظنني في يوم اركب غيرها حتي ولو نموت في الجو..وحسبي الله علي الكان السبب


#526604 [Zingar]
0.00/5 (0 صوت)

12-02-2012 08:32 PM
ألا توافقنى الرأى أستاذ برقاوى طرح هذه المواضيع أصبح مملا ولا جدوى منه..وإذا كان القصد منه تحريك هذه الضفادع البشريه فدعنى أحبطك.
هناك مقوله شهيره من اللواء حسن بشير للفريق عبود بأن يلهى الشعب بهلال مريخ..وأنا أعكسها لك إذا عايز تحرك الشعب أسجن ليهو محمود عبدالعزيز.


#526582 [محمد علي]
0.00/5 (0 صوت)

12-02-2012 07:39 PM
طيب شوفوا ليهمخطمافيه اي منافسه..... الى المقابر يا حراميه


#526578 [محمد]
0.00/5 (0 صوت)

12-02-2012 07:36 PM
المدير العام اسمو عادل سيخه


#526545 [ود توتي]
0.00/5 (0 صوت)

12-02-2012 06:43 PM
يا أخ برقاوي في الحقيقة نحن نستحق العزاء في كل ما هو سوداني


#526512 [كاسنجرابى]
0.00/5 (0 صوت)

12-02-2012 05:50 PM
انه محمد عبدالعزيز مدمر مجموعة جياد للسيارات افسد وباع كل شىء فكان الجزاء النقل لسودانير قبل 4 اعوام عشان يلحقها امات طه ولا حول ولا قوة الا بالله ولك الله ياسودان او بالاصح ما تبقى من بلدنا


#526464 [صقر الجو]
5.00/5 (6 صوت)

12-02-2012 04:27 PM
أوعة تكون عايز تعمل ليك كسرة ثابتة برضو ؟؟؟ !!!!


#526447 [fan]
5.00/5 (1 صوت)

12-02-2012 04:08 PM
احسن تقل الحوادث كتير ,,,,,,,,


#526442 [اوندي]
5.00/5 (4 صوت)

12-02-2012 03:56 PM
الله اكبر
الله اكبر
لا اله الا الله
إنجاز جديد لعهد رشيد
سير سير يا . . . . . (هو اسمو منو ؟)


ردود على اوندي
United States [ود الجد] 12-04-2012 12:39 PM
اسمو منو ................ حلوة دي


#526441 [زهجان من الغربه.. ما تمشوا خلونا نرجع]
4.32/5 (5 صوت)

12-02-2012 03:52 PM
والله الخوف يا برقاوي الواحد لو عايز انزل اجازة في المطارات الخليجية يقولو ليهو انت ماشي وين الجماعة ديل باعوكم لينا


#526427 [ود الراوي]
5.00/5 (1 صوت)

12-02-2012 03:27 PM
من باب الشئ بالشئ يذكر : الخطوط الأثيوبية والتي بدأت بشراء (السكند هاند) من طائراتنا تساهم حاليابـ 70% في بند أجور ورواتب الأثيوبيين ... ولكم أن تتخيلوا المفارقة!


#526410 [ربش]
0.00/5 (0 صوت)

12-02-2012 03:12 PM
زماااااااااااااااااان كان في بلد إسمو السودان . وسلامتكم.


#526407 [حسام تومابى]
5.00/5 (2 صوت)

12-02-2012 03:08 PM
من اسبوعين كنت مسافر الى السودان و افادونى بان الخطوط السودانية الرياض الخرطوم متوقفة ولم اعلم السبب حتى كتابة هذا المقال


#526389 [[email protected]]
5.00/5 (3 صوت)

12-02-2012 02:45 PM
اغلب الظن ان خط الخليج تم بيعه لشركة تاركو المحلية والتي نجحت في استجلاب طائرة A320لتشغيلها علي هذأ الخط وغالباسيكون احد الجبهجية الكبار مشاركا اصيلا في رأس مال الشركة@


ردود على [email protected]
United States [alx] 12-02-2012 07:03 PM
اممممممممممممك جبره واواتو حتزيد والله ممعاهو


محمد عبد الله برقاوي
محمد عبد الله برقاوي

مساحة اعلانية
تقييم
10.00/10 (3 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة