12-08-2012 04:58 PM


بالمنطق

(هِيَّا حصَّلت يا شعبولا)؟!!

صلاح الدين عووضة
[email protected]

* المذيعة تسأل أحد المتظاهرين أمام قصر الاتحادية بمصر - ولا تدري أنَّه (محشش) - عن رأيه في الذي يجري..
*و(المحشش) يرد على سؤال المذيعة بتساؤلات تجعلها (تموت على روحها من الضحك)..
*قال لها - متسائلاً- وهو زائغ النظرات :(هوَّا في إيه؟ ومين دول؟وأنا فين؟)..
*فقد وجد نفسه (مدفوساً) وسط تظاهرة لا يعنيه من أمرها شيء..
*أو ربما ظنها طوابير خاصة بـ(فراخ الجمعية) ليكتشف أن القصة فيها مرسي والبرادعي وعمرو موسى..
*ومطرب مصري لا يختلف كثيراً عن(المحششاتي) المذكور - من حيث الخروج عن (الشبكة) - كان قد تغنَّى لعمرو موسى هذا فتم (خلعه) من منصب وزير الخارجية..
*وغنَّى لمنتخب الفراعنة فـ(اتنفض) من الأدوار الأولية لبطولة أمم إفريقيا..
*وغنَّى لحسن شحاتة فيكاد الآن أن يدرب نادي أسمنت أسيوط..
*وغنَّى لجمال مبارك- كي يضحى وريثاً لأبيه- فـ(راح هو وأبوه في الباي باي)..
*وغنَّى لأمير خليجي فأوشك أن يصبح مثل كاتب هذه السطور..
*والقاسم المشترك بين الأغنيات التي تغنَّى بها المطرب هذا لهؤلاء جميعاً هو(إييييييه) الشهيرة (بتاعتو)..
*إنَّه المطرب (الظاهرة) شعبان عبدالرحيم الذي صار (يكوي) الكلمات بعد أن كان يكوي (الخلجات)..
*(أها) ، الآن(إيييييه) هذه (بتاعة) شعبولا تتجه جنوباً نحو السودان بعد أن أقحمها في أغنية عنه..
*أو هي تتجه - تحديداً- نحو الحاكمين في سوداننا هذا..
*وحتى لا يفرح المعارضون ويظنوا أن (نحس) شعبان عبدالرحيم سوف يصيب الحاكمين هؤلاء نقول لهم إنَّه لم (يمدحهم)..
*فالنحس (الشعبولي) - فيما يبدو- مرتبط بأغنيات المديح تحديداً..
*أما أغاني الذم والهجاء و(السخرية) فليس لنا علم بأثرها على المُستَهدَف..
*والمقاطع الخاصة بالسودان في أغنية شعبان المشار إليها ليس فيها سوى السخرية و(التريقة)..
*فهو يتحسَّر - من خلالها- على حال مصر الذي سيغدو كحال السودان في ظل الحكم (الإسلاموي) هنا وهناك..
*و(حال) السودان هذا - للعلم- بات (مادة دسمة) للكثير من الكُتَّاب والصحفيين والمثقفين العرب في الآونة الأخيرة..
*ولكن أن ينضم إلى القائمة هذه من لا فرق بينه وبين (بتاع) تظاهرة قصر الاتحادية ذاك فهذه هي المشكلة..
*وبدلاً من أن يُقحم شعبان بلادنا في شأن يخص بلده - وهو يبكي- كان عليه أن (يمدح) مرسي بواحدة من أغنياته (اللي هِيَّا) ..
*وقبل أن(ياخد نفسه) من (إييييييه) يكون مرسي هذا واقفاً أمام الاتحادية متسائلاً - من غير تحشيش) - (هوَّا في إيه؟ ومين دول؟ وأنا فين؟)..
*ثم لا يُشاهد بعدها إلا وهو يطوف- مُدروشاً - حول ضريح (المرسي أبو العباس)!!!!


الجريدة



تعليقات 12 | إهداء 0 | زيارات 3759

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#532013 [عصمتووف]
0.00/5 (0 صوت)

12-09-2012 09:23 PM
اعزروه هذا المكوجي كان يغسل ويكوي في ملابس العامة لما كان السوداني يذهب لمصر محملاً بالمعجون والشاي والتسالي والكركدي وامواس الحلاقة لحلق( عانته) لما كان السودان يستورد مدرسين مصرين (نمشي السودان عشان نشبع لحمة) وبريطانيين الزمن دوار


#531698 [ayubadem]
0.00/5 (0 صوت)

12-09-2012 03:26 PM
هنبقي زي السودان
إنشاء الله هتبقي زي السودان شمال وجنوب ولسه كمان
انبوب بترول الفين كيلو مسكن للصراصير والجعارين
والآبار إتصدأت لا تصدير والجوع الكافر في البيت الإيسار واليمين
كتار من السودانيين ما نصحوكم وعملتم يابمبا تفتيحا وطرشانين
والورّاق كتب وحاضر كتير انخدعنا بإنقلاب والمرشد سجين
اسأل المجرب ولا الطبيب والبجرب المجرّب عقله تلفان ومخرب
شلتم إيديكم وجغيتم عينَّيْكم وأبيتم الابقار وإخترتم التيران
ديل دينهم يورو ودولار ديمه عمره وحج وقريبه عريان وجيعان
نسوان رباع وماملكت يمينهم وقاصرات وفقه ستره وضروره وتمكين كمان
شفت حاجه ده المواطن يفطر ويتعشي بوش والقلوط نشفان
خلو بالكم يوم تصحو لا ملوخيه ولا جبنه قديمه أم ديدان
بحرمة الجار والجار بالجنب اسمعوا منّا شويه وامخاخكم ما يبقي تخان
نريد ليكم السلم والخير قبطي مسلم يهودي الكلو مصري في امان
شعب خبره ربع قرن مع الكيزان جهاد ووعود بالجنه والحور القاصرات
ومشروع حضاري اسمه المايقوما خلونا مضحكه للعجم والعربان
سيبو الفرعنه والنفخه والاستكبار ده الله يحط حكمته في اضعف انسان


#531508 [ود النعيم ودحمد]
0.00/5 (0 صوت)

12-09-2012 11:29 AM
طيب والزعل شنو في الكلام دا نعم دي الحقيقة والواقع وشعبلة ماجاب شي من عندو ,,السودان حالو السياسي بقي معرووف حتي البنقالة المابعرفوا حاجة عن السودان عرفو إنو السياسة الفاشلة قسمت السودان لإتنين ,,ولا إنت ياعوووضة لسة فاكر السودان ذي زمااان


#531241 [واحد]
0.00/5 (0 صوت)

12-09-2012 07:39 AM
وبرضو نقول واييييييه


#531115 [الراية]
5.00/5 (2 صوت)

12-09-2012 12:05 AM
فعلا شعبان ما يجيب للى يغنيلو الا النحس

فقد غنى للاخون

يا اللى بتكره الاخوان ، حتروح من ربك فين !!

وفعلا اليومين دول متنيلين آخر نيلة !!

وقبل كدة غنى لمحلات تجارية فى السودان ، واسمها هلا وما عارفين اخبارها ايه دلوقت ، ان شاء الله لسه واقفة على حيلها ..

بعدين تحت تحت كدا ،احتمال قال كلمتين حلوين فى قوش ...


#531043 [مدحت عروة]
5.00/5 (1 صوت)

12-08-2012 09:35 PM
الحركة الاسلاموية يا اخ صلاح حركة انتيكة وحقوا يغيروا اسمها للحشاشين!!!!!!


#531004 [وانا زول غلباااااان]
0.00/5 (0 صوت)

12-08-2012 08:38 PM
هو شعبان عبدالرحيم براهو (بيتريق ع السودان)الحكاية جابت ليها حبش كمان وهذه قصة حدث معاي شخصيا لما كنت بحلق عند واحد حبشي وقولت ليهو جيهني تمام عشان انا مسافر برة السودان تتصور قال لي وبكل ثقة(أخير ليك تتطلع برة تستفيد والله البلد دي ما بتقدم قدام وما بتستفيد منها) اها الحبش بقو عارفين حالنا السجمان دة، مش أخير المصريين ماهم برضو شمال الوادي ونحن جنوبو وكلنا اولاد النيل ،نيلة تاخد الحكومة والشعب الحير العالم دة.ما خلاص بقينا ملطشة لليسوى والما يسواش.


ردود على وانا زول غلباااااان
[واحد] 12-09-2012 07:41 AM
الحبش حلوين خلاص ابابا رأس


#530995 [ودامبعلو]
5.00/5 (2 صوت)

12-08-2012 08:23 PM
هو في ايه يا جدعان انا فين
الناس مرقت الشارع وله لسه
ألبلد بتاعت مين نحن وله الكيزان
ياخراببببييبي


بس خلاص


#530975 [ابو سكسك]
5.00/5 (2 صوت)

12-08-2012 07:31 PM
كلمات الاغنية المعنية:

مبروك يا إسرائيل مبروك يا أمريكان
أدينا خلاص هنبقى زي العراق والسودان
بجد لعبة لذيذة اتلعبت وبحماس
ورسالة “كونداليزا” أتحققت خلاص
فعلا بقينا شرق أوسط جديد
حروب في كل حتة وإضراب عمال يزيد
مصر الحلوة الجميلة مش عارفة إيه المصير
نصها قدام الجامعة والنص في التحرير
افرحي يا أم المطاهر ابنك بيعيط ليه
ده بكرة هيطلع يتظاهر ويأخذ خرطوش في عينيه
مصر انقسمت اتنين والشر بقاله تأثير
المسلم عند الجامعة والكافر في التحرير


#530958 [badrudin]
0.00/5 (0 صوت)

12-08-2012 06:57 PM
بلى. لنا علم بما حدث للمستهدف. فاسرائيل استهدفت بالذم, فانتعشت. مع خالص التحايا لك.


#530930 [ابوالهول]
1.00/5 (1 صوت)

12-08-2012 06:03 PM
ما هذا؟..وما الذي تريد ان تقوله بالضبط ..يا بلدياتنا ؟؟بالله عليكم واستحلفكم ..الواحد لو ما عندو موضوع ..ما يقدنا ..؟؟هوا احنا ناءصين ...؟؟


#530925 [محمد احمد السوداني]
1.00/5 (1 صوت)

12-08-2012 05:55 PM
سبحان الله - حتي المطربين الهلافيت بيعقدوكم


صلاح الدين عووضة
صلاح الدين عووضة

مساحة اعلانية
تقييم
10.00/10 (5 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة