المقالات
الشعر
أسماء الجنيد
ما تتضارا أ مرق بره
ما تتضارا أ مرق بره
12-09-2012 07:49 PM


ما تتضارا أ مرق بره

أسماء الجنيد
[email protected]


image


ما تتضارا أ مرق بره
اكسر حاجز الصمت الحرا..
وكورك فينا مليون مرة ..
بى الصاراهو دواخلك..
جوه... وبره
على النبره وشيل العبره
انفض غبار السمح الجوه ..
وازرع فرحك فينا وما تتضارا..
تكبر شدره .. تطرح ثمره
تشيل اليابس ..تطفى الجمره
****
شتت لونك فى لوحات الزمن الاغبر ..
لون بيه الفاضل منو..
يمكن يكبر ويمكن يظهر ..
ويمكن يسطع ويمكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح ألاخضر
لحن نغم الشجن الباكى ..
دندن نغمو الفيك متحكر
وما تتضارا أمرق بره
اكسر حاجز الصمت الحرا

وكورك فينا مليون مره

*********
التحية لنضال الشعب السوداني الحر
ثورة حتى النصر
أسماء الجنيد

تعليقات 4 | إهداء 0 | زيارات 2546

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#532867 [محمدالنقر]
0.00/5 (0 صوت)

12-10-2012 07:09 PM
والله يابت الجنيد اسبتى انو لسه فى روح نضال فى الشعب السودانى انا رقم مرارة القربه كان همى كلو ت كيف نتخلص من الكيزان ديل بعد ان ياست من استسلام الشعب بالواقع الحاصل فى البلد ولاكن بعت ان تابعت كتاباتك فى الراكوبه ادركت انو لسه فى روح الوطنيه والنضال فى شباب السودان الواعى لكل اكازيب الكيزان وانا متابع فى الفترة الاخيره لكل مقالاتك الجريئه تدل على ثقافتك ومتابعاتك للواقع الفى البلد المكلوم ربنا يوفقك ويحميك من الظالمين


#532310 [ضل الفيل راجع]
0.00/5 (0 صوت)

12-10-2012 08:12 AM
التحية لنضال الشعب السوداني الحر
ثورة حتى النصر-يلا معانا ندخل القصر نزيل الباغى الزرد حلقومنا نكبرو كبر الشوك نزنقو زنقة كلب الطاحونة - حجرى و حجرك نشتر كلاب الحلة الاكلت غداء عم عيسى ما نفرز كلب اكان مربوط اكان مطلوق
نحن فداك يا عم عيسى


#532297 [awad]
0.00/5 (0 صوت)

12-10-2012 07:58 AM
حربية يابت الجنيد أحى فيك شجاعتك وشجاعة الكثير من المناضلات وهذا أمتداد للثائرات أمثال مهيرة ولينهض المارد من قمقمه ويدك عرش الماسونيين زلنسقى الحرية الغالى من دماءنا.وثورة..ثورة حتى النصر.


#532009 [مصعبه على روحو]
1.00/5 (1 صوت)

12-09-2012 08:16 PM
حرية سلام و عدالة ...الثورة خيار الشعب


أسماء الجنيد
أسماء الجنيد

مساحة اعلانية
تقييم
9.69/10 (5 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة