12-17-2012 04:15 PM


د. علي أبووضــاح
ali@abuwadah.com


كتمت وجابت ريحه (قصيده)

كتمت كتمت
كتمت كتمت وجابت ريحه
وفيها بشاير عاصفة قوية
ماها غبار ولا تلقيحه
كان قلبوها
أو خلوها
خلاص اتفتحت ودفق قيحه
جرحها نوسر
دِمِّلْ ينزف ريحته كريهه
والناس الغافله
النايمه تحت من خط الفقر
صحت من نومها بقت تفتيحه
وصاحت تعلن
صيحه صريحه
كتمت كتمت وجابت ريحه
كتمت كتمت وراجيه الهبشه
وظهرها ما بيتحمل قشه
بترولها هرب في الغابه وطشَّ
ودولارها ركب طياره وطار
وجنيهنا وارهو راكب ركشه
والركشه تطقطق
كتمت كتمت راجيه الهبشه
كتمت كتمت وناسها اختلفوا
عَدْ ما اتعاهدوا عَدْ ما حلفوا
قدر ما كبروا فوقنا وهتفوا
مَعَطوا
أكلوا
شالوا ولغفوا
جغموا
ولحسوا
وشربوا ورشفوا
وغنوا وذكروا
وبرجوا رقصوا
مدحوا ووصفوا
كتمت كتمت وتاني اختلفوا
كتمت كتمت واصله الحد
كتمت كتمت يا ناس بالجد
لا بنفع فيها طريق لا سد
لا اسرائيل
لا حق الرد
ما دايره أحزاب مليانه مرض
دايره رجال للأمه سند
يتحزموا قِدا يد باليد
ياخدوهو الحق يبنوها بلد
كتمت كتمت دايره ولد

تعليقات 2 | إهداء 0 | زيارات 2513

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#538125 [محموم جدا]
2.54/5 (6 صوت)

12-18-2012 10:07 AM
كتمت كتمت كتمت و جانا دعاش
يجري لي جوه النايم بره فراش
يجري لي بره النايم جوه غباش
كتمت كتمت كتمت وجانا رشاش
القسيبة ما بتكفي الضيف الطاش
شوف أحمد بالسمحة بقى طشاش
شوف العزه بعد الزرقة فوقه الشاش
كتمت كتمت كتمت و جانا دعاش


ردود على محموم جدا
United States [طشاش] 12-18-2012 11:57 AM
كتمت كتمت سويتوا السد
شن الفايدة قسمتوا بلد

البوليس يسحل يقتل حيلو انهد
والبونبان لابد من ينفد

الللمبي الاهبل بصرو ارتد
وعبد العاطي كضب ونفاق فات الحد

البزرع شر لابد من يحصد
والليل لو طال بيعقبو الغد


#537762 [طشاش]
2.60/5 (7 صوت)

12-17-2012 06:50 PM
كتمت كتمت ماها لعب
كتمت كتمت الدور بالجد

شعبا صابر ما بتراجع
وحد صفوا واقف تود

يسأل ربو يالله مدد

وكانت اجابت الدعوة
وكان في الحال الرد


اب جاعورة حلقو انســــــــــــــد
علي عثمان جسمو إســــــــــــود

الطيب سيخة عقلو شــــــــــــــــرد
واب عفين من سوء خلقو كربو اشتـــــد

كل الشلة فاقت سوء الظن

والسودان ملوهوا محن


د. علي أبووضــاح
د. علي أبووضــاح

مساحة اعلانية
تقييم
5.50/10 (5 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة