10-29-2010 01:29 PM

الدولة والركشة وموية الفول ضد سعادة الانسان السوداني

إستيلا قايتانو

في دراسة بثتها احدى القنوات كانت الدراسة تتحدث عن اسباب سعادة الفرد وربطت سعادة الفرد بسبعة أشياء أنا اختصرها بلغة العساكر بان اهم سبعة اشياء في سعادة الانسان هي خمسة ، التغذية السليمة (يتمثل في الغذاء الصحي) والرياضة وهدوء البال وهذا الثلاثي يؤدون الى الاربعة الباقية، وهو النوم سبعة ساعات على الاقل وتاني البسهرك شنو اذا كان بالك هادي. والحب والمقدرة على المحبة والاحساس بحب الاخر ودي طبعاً يتوفر بتوفر الاكتفاء من الاشياء الضرورية والاساسية والاحساس بانو مافي زول ذاريك ويهدد استقرار جيبك المادي، والكل مبسوط منك لانو قادر نوفر التزاماتك ناحيتهم ومبسوط من روحك لانك قايم بواجباتك تمام بدون ما تحس بانو الحاجات فوق طاقتك.

الثلاثة الفوق في العنوان ديل مهددات رئيسية لسعادة الانسان السوداني ، الدولة القاعدة مركلسة ونحن بنصرف عليها ، هو نحن قادرين نصرف على رقبتنا - وبعد دا كلو نقناقة وكلامها كتير ومشاكلها اكثر من صوف راس كل السودانيين حتى المصلعين منهم ده ، غير نكد الشريكين الليلة اتصالحو وبكرة اطلقوا وجهجهة قلب الطلقوها لا يصيب سواء الانسان السوداني المسكين الذي يفكر من يوم بكرة وياربي حيكون كيف!

ثانياً الركشة غير ازعاجها طررررر النهار كلو خلت الناس ما تتمشي وتمارس الرياضة المشي البقوموا بيها كل السودانيين ساي بعفو الخاطر لانو المشوار الكان بسيط وبتمشي بقت الركشة تقوم بدور التوصيل زمان ما كنتو بتمشو المشاوير دي اهو منها رياضة وتواصل اجتماعي لانو المشيوير دا تلاقي كم واحد نسلم عليهو ونسأل من احوالو ، لكن الركشات دي جات وادتها الاحساس ببعد المسافات وراكمت الشحوم وزادت الكلوسترول في الدم بالذات اخواتنا ناس بري ، والله بعيدين ياود جيب ركشة او يضربوا لبتاع الركشة الزبون المعتمد ، يا اخونا امشوا المشي مفيد مادام مافي رياضية بتمارسوها والفين الركشة دي بالقديمة طبعاً اشتري بيها خضار وفواكه لأنها بتمنع السرطان يعني تشيلي برتكانة تقشريها وانتي ماشة افضل لصحتك الف مرة من الازعاج وضياع القريشات.

موية الفول نوع واحد للغذاء وجبة واحدة في اليوم ليس صحي باي حال من الاحوال اذن يدخل بجدارة الى مثلث عدم سعادة الانسان السوداني .

وبعد عدم الحاجات دي كلها نتمنى السعادة والصحة للجميع.

تعليقات 12 | إهداء 0 | زيارات 5040

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#41703 [زهرة السودان]
4.13/5 (11 صوت)

10-31-2010 05:52 PM
وحشتيييييييييييييينا


#41423 [waheed]
4.07/5 (6 صوت)

10-30-2010 11:33 PM
عرفناك والله مبدعة وخفيفة الدم فى مقالاتك والان اكتشفنا انك مدبرة ومقتصدة كمان والاقتصاد نصف المعيشة ممتازة يا استبلا ونموزج ناجح هنيئا لكى وهنيئا لزوجك نعم الزوجة ونعمة العشرة 0 وفقك الله وانشاء الله ما نفقدك بعد الانفصال وربنا ينتقم من الكانو السبب 0


#41136 [صلاح فضل السيد حامد]
4.07/5 (5 صوت)

10-30-2010 11:54 AM
مالك قاطعه رزق الشباب الغلبان ده .


#41126 [ود العوض]
4.14/5 (8 صوت)

10-30-2010 11:35 AM
الأخت أستيلا ، لك التحية ,, والله السودان لو لم يفقد إلا واحدة مثلك لكفاه من شرور الإنفصال،،، والله يجازي اللي كان السبب.


#41081 [سيك سيك]
4.11/5 (9 صوت)

10-30-2010 10:33 AM
أخيرا ظهرتي يامبدعة؟


#40974 [الاغبش بن المهمش]
4.16/5 (7 صوت)

10-30-2010 12:00 AM
لك التحيه سوريلا -اخت-استيلا ولكن ما تطولي الغيبه يا ام الابداع;) ;)


#40924 [ف م ع]
4.10/5 (8 صوت)

10-29-2010 07:57 PM
انا معاكي ياختي المشي رياضه في المقام الاول لدرجة انه في الدول الاخري يدفعوا ليكي مال عشان تتريضي ويشجعو الرياضه وشوفي المارثون لاية مسافه يتسابقون حتي الاطفال في اورويا والعجزه يمشون لدرجة ان تحسي بالعالم في صحه ونشاط مش ذي اهلنا صغار ولا يتحركون الا بالركشه ويشكون من داء المفاصل بربك مش هذه مصيبة


#40913 [طشااش]
4.11/5 (8 صوت)

10-29-2010 07:07 PM
الرائعةة استيلا....سماحتك انتي السكر الروعة تفشي المغصة والوجعة وتقوم في الشنب صلعة......................مقالك بمثابة مائدة دسمة مفردلته كقطع الدجاج المشوية والمقلية يجد النسان عيناها تلتهم اسطره بشراهة وتلذذ....معانيه كعصير البرتقال بكوب اتقنته يد الصانع ...مصنوع من مادة شفافة كما البلور في نقائها وهي الصدق والبساطة....عندما يرتشفه الانسان ينساب في عروقه في خفة كما الركشة اقصد كمنا القهوة يشعر بنشوة واسترخاء....ينسي معه مهاترات الشريكين...وضجيج الركشات....وموية الفول ....;) ;) ;)


#40898 [خالد المبارك]
4.12/5 (8 صوت)

10-29-2010 05:09 PM
يا استيلا يا عجيبه
بس عاوز اسالك ليه بطولي علينه كده الواحد بنتظر عمودك بفارغ الصبر


ردود على خالد المبارك
Iran (ISLAMIC Republic Of) [IMAD] 11-17-2011 05:59 PM

كلم مكسرين ... ساي ....


#40881 [مهندس : آدم عبد الرحمن]
4.13/5 (9 صوت)

10-29-2010 03:46 PM
مبروك المولود يا أستيلا ، قد سمعنا أنّك أنجبت ولدك الثاني .... إن شاء الله يكون من الصالحين والمصلحين زيّك كِدة .


#40876 [محي الدين]
4.11/5 (9 صوت)

10-29-2010 03:14 PM
الفتاة تمتلك خفة ظل وروح دعابه ياخساره وياأسفاه تركنا مقاليد امورنا في يد الحثاله(قياده من الاقزام تحكم شعب عملاق )


#40857 [ابو فيصل]
4.16/5 (10 صوت)

10-29-2010 02:17 PM

اختنا استيلا قايتانو ( حمامة السلام)

حمدلله على السلامه. اصلوا الحكومه جابت الركشات علشان طرررررررررر دى تكون
طوالى شغاله علشان المواطن ما يلقى فرصه يفكر فى الحاصـــــــــــــــــــــــــــــل
اصلوا مخنا اتلحس من صوت الركشات.......


والحكومه خليهــــــــــــــــــــــــــــا على الله...


وموية الفول علشان الفته والنوم طوالى.......


إستيلا قايتانو
إستيلا قايتانو

مساحة اعلانية
تقييم
2.62/10 (123 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة