01-13-2013 12:34 AM

الشعبي يعارض والوطني يحكم ومريم تعارض وعبد الرحمن يساعد!!!

مصعب الصديق
[email protected]

كم هي من بليه تصيب السودان واذا كان الخصمان ينامون في بيت واحد ويتبادلون التهم خارج البيت ويوزعون الابتسامات داخله فالناظر لقضية السودان ما بين معارض وحاكم نجد ان مصير السودان بين كفين وكلا الكفين ليس بامين فالمؤتمر الشعبي الذي خرجت الحكومه من صلبه هي ابنه البار وحكومة المؤتمر الوطني تعتبرابر ابناء الشعبي وبعد رضا الاب عليها اختارها الله برا بالوالد واكرمها بالحكم ورفقا بالمواطن المسكين ابعد الله الاب لانه اشد قسوة من الابن فنجد ان كل اغلب اعضاء المؤتمر الشعبي لهم اخوة اشقاء بالوطني وهكذا هو الحال في البيت يتناقشون في ثرواتهم وخارجه هذا يتظاهر بالمعارضه وهذا يتظاهر بالدفاع عن الحكومه فما اكثرها من البليه ان الجلاد والمتهم واحد الشعب السوداني صار اضحوكه بين معارضة وحكومه ووصل به حد الدمار من كل جانب واصبحت تاتينا المصائب من كل اتجاه وليس الا بنفاق المعارضة والحكومه وسذاجة الشعب الذي يابي ان يخرج ضد الكل .
وبالجانب اخر نجد ان اسرة المهدي مريم توقع علي اتفاقيات المعارض وعبد الرحمن يساعد الرئيس وحكومته علي الهدم واخته تحاول ما يهدمه اخوها ان كانت تصدق فهذا هو الحال وتجد حركات دارفور ابناء عموتهم واخوتهم بالحكومه ولاة وبرلمانين والاخرون يحملون السلاح فما اعظمك ايتها المصيبة تتفنين فينا كل يوم جديد .
نورا شافت في رواها طيرة تاكل في جناها
حيطة تتمطي وتفلع في قفا الزول البناها
الخلق عرفت الله والشمس بلعت ضحاها
فسرت رواها قالو جنت ما براها
رحم الله القائل محمد الحسن سالم حميد فالسودان هو نورا واصبح حلم نورا هكذا الجن وكلنا نفسر حلم السودان بالنهوض في ظل وجود البيوتات علي راسه جن وجن (كلكي) فحواء السودان عجزت ان تنجب من يقوم بواجبه تجاها وتجاه الظل الذي يحميها .
ذكر الترابي ونقولها تجريدا من لانه يستحق التجريد حتي من الجنسيه انه كان يفكر باستجلاب الصينين للامتزاج بالنسل السوداني (عشان تطلع خلطة بتاعة دكوه والله شنو) هل كان بنيته الانتاج لانه راي الصينين بعذبوا الناس في التدريب كيف الحمد لله ربنا انجي السودان من قبضة الصينين اما وجدت غير هؤلاء الصينين ايها (الغراب) اما رايت في الامم من هم احسن نسلا لتاتي لنا بالقصار كي تاخذ السجون اكبر عددا من الناس وتنتج وانت ترفه هكذا هو حال السودان في ايدي خائنه منذ ان طلعو الانجليز الذين كانو امينين اكثر من ابناءه .
اللهم اجعل رحم حواء السودان منتجا وخصبا وغير ما به من سوء!!1








تعليقات 1 | إهداء 0 | زيارات 1129

خدمات المحتوى


التعليقات
#557333 [سودنى محتار]
0.00/5 (0 صوت)

01-13-2013 08:43 AM
اخ مصعب السلام عليكم كلامك موضوع وتشخصك للواقع السودن تشخص سليم وأمثالك برغم إنهم قليلون ولكن هم الأمل الوحيد فى خلق الوعى لد الشعب لأن المخرج الوحيد لمافية من مصيبة هو يكون الشعب واعيا يعرف كيف يكتسب حقوقة وكيف يحافظ عليها@


مصعب الصديق
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة