01-30-2013 10:56 PM

الجمال نعمة الله على عباده .. فالحق عز وجل جميل وخلق الإنسان في أحسن حال ... وخلق الأنبياء في أحسن صورة... والرسول -صلى الله عليه وسلم -أجمل خلق الله ...وكان الصحابة رضوان الله عليهم لا يستطيعون النظر مليا في وجهه صلى الله عليه وسلم من جماله واحترامهم له ... فإذا رأيت أي شيء جميل ينشرح صدرك وتحس بالسعادة والفرح بهذا الجمال .. والإنسان يحب الجمال .. جمال الخلقة .. جمال الطبيعة .. جمال الأخلاق .. جمال السلوك والمعاملة ..
الجمال في كل حياة إنسان .. كن جميلا ترى الوجود جميلا ..
فإذا أراد الرجل الزواج :فإنه يبحث عن المرأة الجميلة .. في شكلها وأخلاقها ... وفي جمال حسبها ونسبها ... وفي جمال دينها .......
قال أحد العاشقين : إلهي أنت جميل , خلقت الجمال , تحب الجمال ,فكيف عبادك لا يعشقون .
غنى الفنانون للجمال . وتغزل الشعراء في الجمال وقالوا فيه أجمل الشعر وأحلى الكلام ... فالجمال نعمة ... ولكن لحكمة يعلمها الله يسلط علينا حكومة ناسها كلهم شينين .. يقطعوا الخميرة من البيت ..شينين في شكلهم وشينين في طبائعهم وشينين في تعاملهم... فالإنسان الجميل تجده جميل في كل شيء والزول الشين شين في كل شيء ... بالله عليك أتتخيل "انك قائم الصباح فتاح يا عليم رزاق يا كريم يقابلك نافع الما نافع بي شناته اليخوفوا بيها الشفع.. طبعا حتتقفل في وشك وماحتشوف أي خير ...والعجب لو لاقاك البشير العوير ولا علي عثمان محمد طه الكديس ولا عبدالرحيم أبو ريالة ولا أمين حسن عمر النخناخ وفي واحد عينة اسمه الزبير أحمد الحسن .. وبكري حسن صالح وعوض الجاز والقائمة تطول . حتى مصطفى اسماعيل كان شوية مقبول ,لكن الان وشه مطبق ... وبعد شوية حيكون وشه زي الجزلان القديم .." وعن نساء الحكومة فحدث ولا حرج ومافي داعي لذكر أسماء .. هن عارفات نفسهن , وحتى الصحفيين المعاهم . اتخيل انك داخل على بيتك ومعاك اولادك وعايزين تنوموا ... يقوم يلاقيك اسحاق احمد فضل الله ولا ابراهيم دقش ... بالله ممكن يحصل ليك شنو ؟؟
فالناس الشينين ديل ديل شوف عملوا شنو في السودان ...
تمزقت البلاد , الكل يحمل السلاح , أطلت القبلية بوجهها القبيح, الفساد الأخلاقي والمالي... عم الفساد كل أنحاء السودان ... الفقر والجهل والمرض ... الجريمة في السودان فاقت كل الجرائم في العهود السابقة ..مرض الإيدز . الزواج العرفي .. المخدرات .. اغتصاب الاطفال . . وأمور لم نسمع بها من قبل ..ودة كله ... لأنه الناس الشينين ديل ... مابيخافوا الله ... وقلبهم مليء بالحقد .. وعشان هم شينين .. عايزين كل السودان يكون شين زيهم .....
ولأنه الشعب السوداني شاء قدره وحظه العاثر أن يمسي ويصبح الناس الشينين ديل ...الجابوا لينا الجلا ... عشان كدة الإنسان السوداني في ضيق وفقر ومرض ومهموم اليوم كله لانه بينوم على وش الما نافع ...وبيصحى على وش علي الكديس .. ونص النهار عبد الرحيم أبو ريالة .. والمغرب أمين النخناخ ....
يا الله سلط عليهم عجائب قدرتك فإنهم لايعجزونك ... إنهم طغوا وتجبروا وعاثوا في الارض فسادا .. إنهم اذاقونا الذل والهوان ...
أفرغونا من كل جمالياتنا التي كنا نتحلى بها .... الادب .... الاخلاق المعاملة .. اصبحنا في حالة يرثى لها.. اصبح العدد الاكبر من السودانيين في زمرة المساكين ..
الذين يستحقون الزكاة ... والشينين ديل يعيشون في عالم اخر ... إلهي إنهم تجبروا علينا وأنت الجبار ...اللهم احصهم عددا واقتلهم بددا ولا تغادر منهم احدا . يا الله ياحنان يامنان... نسالك ونحن في ذكر مولد النبي صلى الله عليه وسلم . أن تنقذنا من الناس الشينين ديل .. وترزقنا بحكومة ناسها سمحين في كل شيء... الهي هذا حالنا لايخفى عليك ... وهذا ضعفنا ظاهر بين يديك ... فعاملنا بالاحسان ذا الفضل منك واليك .. ربنا ولا تسلط علينا بذنوبنا من لايخافك ولا يرحمنا ... اللهم جد علينا واكرمنا بولاة امر يخافونك ويرحمونا ... أنت قادر على كل شيء .. وسلام على المرسلين والحمدلله رب العالمين.


bosha6601@hotmail.com

تعليقات 6 | إهداء 0 | زيارات 1647

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#573436 [هدهد]
1.00/5 (1 صوت)

02-01-2013 07:00 AM
يا اخى حرام عليك حتى نافع كمان انت لا تعرف الجمال يااخى نافع دا الشلوخ العلى جضومو دى أجمل من شلوخ تاجوج ست البنات فى عهدها . أخى لا خير فى هؤلاء القــوم والطيور على اشكالها تقع ولكن كما ذكرت الرجل الفبيح النتن امثال هؤلاء تزينهم الاخلاق الكرية وتقوى الله والصدق فى القول مثل هذه الصفات تجعلك تحترم صاحبها وتحبه من داخل قلبك لكن هؤلاء لا خلقة ولا اخلاق فالحنظل يرجع فى المرارة لأصله


#573110 [سم زعاف]
3.00/5 (2 صوت)

01-31-2013 06:50 PM
والله العظيم أن ذاتي بستغرب من دمامة وقبح هذه الجماعة خلقة وأخلاق. مافيهم واحد يا كافي البلاء يكف العين. التفسير الوحيد أن هذا القبح لا ينفصل عن سوء أخلاقهم وتعاسة تربيتهم وغضب الله عليهم. نسأل الله السلامة وسرعة الخلاص.


#572829 [بت تاجوج]
1.00/5 (1 صوت)

01-31-2013 11:51 AM
وناس المعارضة اللي عايزين يحكمونا بعد ديل كيف ؟ أقصد ناس جستن بيبر ودي كاربيو وتوم كروز !!


#572749 [المتجهجه بسبب الانفصال]
1.00/5 (1 صوت)

01-31-2013 10:31 AM
أنا كنت مركز على شناة افعالهم ولكنك لفت نظري إلى سمة أخرى لم أكن اركز عليها ،،، فعلاً أشكالهم تقطع الخميرة من العجين،،


#572556 [صدقونى]
5.00/5 (1 صوت)

01-31-2013 06:44 AM
والله صدقتى
شناة وقبح وبذاءة
عليكم الله شفتو احمد عباس الوالى سمح كيف!!؟؟


ردود على صدقونى
United States [سم زعاف] 01-31-2013 06:53 PM
دا كمان نوع فريد عصره بس ترابيزة لحام. هو كان عندو جدري ولا شنو. وبهذه المناسبة عملو شنو للمعتمد قريبه الذي كان يزني مع المرأة المتزوجة ديك حسب متا جاء في الأخبار الفضيحة.23


#572521 [فرقتنا]
5.00/5 (1 صوت)

01-31-2013 03:25 AM
اااااامين


أبو فاطمة الزين
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة