المقالات
السياسة
ارشيف مقالات سياسية
لماذا إسوداد وجه علي عثمان؟!
لماذا إسوداد وجه علي عثمان؟!
02-04-2013 01:47 PM

السطر الأول::
( لماذا إسوداد وجه علي عثمان؟! )
قبل فترة الناس كانت بتتساءل وش علي عثمان محمد طه لي بقى أسود كدا، لناس بقت تألف القال دا من المرض والقال دا من الكبر غايتو محن بس، بس الناس العارفين سيرة الزول دا بعرف إنو الإسوداد والحالة النفسية الي عايشه الزول دا. واذا ذكرنا حادثة واحدة بس يمكن الناس الحتقرأ السطر دا حتعرف السبب نقول محاولة إغتيال حسني مبارك في أثيوبيا سنة 95 ودي ما اعترفت بيها الحكومة إلا بعد الثورة المصرية، كدي المهم في الموضوع إنو المحاولة بتاعة الإغتيال طلعت في النهاية بي تصفيات جسدية وهم 5 أفراد 2 منهم كانو في اديس في الزمن داك وكان عندهم صله بالمحاولة ولمن فشلت المخابرات السودانية صفتم طوالي عشان المخابرات الأثيوبية ما تلقى اي معلومة بالعملية، بالنسبة لي الثلاثة الفضلوا فصفوهم في الخرطوم وبأشكال مختلفة. والله الارواح الي اريقت دي حتطارد علي عثمان محل مشى وهو عارف كدا، وكل زول اتسبب في قتل الأبرياء وما تنسوا اللعنات الي بتنصب عليكم، يا كيزان انتو قايلين الواحد لمن يتسبب في موت البشر دي حاجة هينة . نقطة سطر جديد.
ﺍﻟﺴﻄﺮ ﺍﻟﺘﺎﻧﻲ::
ﺍﻟﺘﻤﺴﺎﺡ ﻣﺤﻲ ﺍﻟﺪﻳﻦ ﻋﺜﻤﺎﻥ
ﺭﺟﻞ ﺍﻟﺪﻳﻦ ﺍﻟﻜﺎﺫﺏ ﺫﻭ ﺍﻟﻠﺤﻴﺔ ﺍﻟﺴﻮﺩﺍﺀ ﺍﻟﺘﻲ ﺗﻌﺸﻖ ﺍﻟﺤﻨﺎﺀ ﺭﺟﻞ ﺗﺴﺒﺐ ﺑﺸﻜﻞ ﻣﺒﺎﺷﺮ ﻓﻲ ﺗﺴﻔﻴﻪ ﺃﺣﻼﻡ ﻭﺗﺪﻣﻴﺮ ﺣﻴﺎﺓ ﻋﺸﺮﺍﺕ ﺍﻵﻻﻑ ﻣﻨﺬ ﺃﻥ ﺗﻔﺘﻘﺖ ﻋﺒﻘﺮﻳﺘﻪ ﻭﻋﺒﻘﺮﻳﺔ ﻣﻦ ﻛﺎﻧﻮﺍ ﻳﻘﻔﻮﻥ ﺧﻠﻔﻪ ﺃﻣﺜﺎﻝ ﻧﺎﺋﺐ ﺍﻟﺮﺋﻴﺲ ﻋﻠﻲ ﻋﺜﻤﺎﻥ ﻋﻠﻰ ﻣﺸﺮﻭﻉ ﻫﻼﻣﻲ ﺃﺳﻤﻪ )ﺍﻟﺘﺎﻛﺴﻲ ﺍﻟﺘﻌﺎﻭﻧﻲ( ﻭﻫﻮ ﻣﺸﺮﻭﻉ ﻻ ﺯﺍﻝ ﺍﻵﻻﻑ ﻣﻦ ﺿﺤﺎﻳﺎﻩ ﻳﺼﻄﻔﻮﻥ ﺃﻣﺎﻡ ﻧﻴﺎﺑﺎﺕ ﻳﺴﻤﻮﻧﻬﺎ ﻧﻴﺎﺑﺎﺕ ﺍﻟﺜﺮﺍﺀ ﺍﻟﺤﺮﺍﻡ ﻟﻨﻴﻞ ﺣﻄﺎﻡ ﺗﻌﻮﻳﻀﺎﺗﻬﻢ ﻣﻦ ﻫﺬﺍ ﺍﻟﺮﺟﻞ ﺍﻟﺪﻣﻮﻳﺔ. ﻣﺤﻰ ﺍﻟﺪﻳﻦ ﻋﺜﻤﺎﻥ ﺍﻟﺬﻱ ﺗﺼﺪﺭ ﺑﻠﺤﻴﺘﻪ ﺍﻟﻤﺨﻀﺒﺔ ﺑﺪﻣﺎﺀ ﺍﻟﺒﺴﻄﺎﺀ ﻇﻞ ﻛﻤﺎ ﻋﻠﻘﺖ ﺍﻟﺼﺤﻒ ﻋﺼﻴﺎ ﻋﻠﻰ ﺍﻟﻤﻼﺣﻘﺔ ﺍﻟﻘﺎﻧﻮﻧﻴﺔ ﻭﻟﻜﻨﻪ ﻓﻲ ﻫﺬﻩ ﺍﻻﻳﺎﻡ ﻳﺘﺼﺪﺭ ﺍﻟﺼﺤﻒ ﻻ ﻛﺒﺎﺋﻊ ﻟﺒﺼﺎﺕ ﻭﻣﺮﻛﺒﺎﺕ ﺻﺪﺃﺓ ﻳﺄﺗﻲ ﺑﻬﺎ ﻣﻦ ﻭﺭﺵ ﺍﻟﺘﺸﻠﻴﺢ ﺍﻟﺨﺎﺻﺔ ﺑﺎﻟﺴﻌﻮﺩﻱ ﺟﻤﻴﻞ ﺧﻮﻗﻴﺮ ﻣﻦ ﺻﺤﺮﺍﺀ ﻣﻜﺔ ﺍﻟﻤﻜﺮﻣﺔ ﻟﻴﺒﻴﻌﻬﺎ ﺑﻌﺪ ﻃﻼﺋﻬﺎ ﻭﺗﻨﻤﻴﻘﻬﺎ ﻵﻻﻑ ﺍﻟﻤﻨﺘﻈﺮﻳﻦ ﻭﻟﻜﻨﻪ ﻳﺘﺼﺪﺭ ﺍﻟﺼﺤﻒ ﻫﺬﻩ ﺍﻟﻤﺮﺓ ﻛﺜﻤﺮﺓ ﻣﻦ ﺛﻤﺮﺍﺕ ﺿﻐﻂ ﺍﻟﺸﻌﺐ ﻭﻓﻲ ﻭﻗﺖ ﺃﺻﺒﺢ ﻫﻨﺎﻟﻚ ﻣﺠﺎﻝ ﺑﺴﺒﺐ ﺍﻟﻀﻐﻂ ﻧﻔﺴﻪ ﻟﻠﺼﺤﻒ ﺃﻥ ﺗﺘﻨﻔﺲ ﻗﻠﻴﻼ ﻭﺗﺨﺮﺝ ﻟﻠﺸﻌﺐ ﻣﻦ ﻛﻮﺓ ﺿﻴﻘﺔ ﺗﺤﺪﺛﻪ ﻋﻦ ﻗﺼﺔ ﻓﺴﺎﺩ ﺃﺯﻛﻢ ﺍﻷﻧﻮﻑ ﻧﺒﻊ ﻫﺬﻩ ﺍﻟﻤﺮﺓ ﻣﻦ ﻋﺮﺵ ﺍﻟﻨﺎﺋﺐ ﺍﻷﻭﻝ ﻭﻭﻛﻴﻠﻪ ﺍﻟﺘﻨﻔﻴﺬﻱ ﻣﺤﻰ ﺍﻟﺪﻳﻦ ﻋﺜﻤﺎﻥ ﻭﻏﻴﺮﻩ ﻧﻘﻄﻪ ﺳﻄﺮ ﺟﺪﻳﺪ.
ﺍﻟﺴﻄﺮ ﺍﻟﺘﺎﻟﺖ::
ﺯﻱ ﻣﺎ ﻗﺎﻝ ﺍﻟﺸﺎﻋﺮ:
)ﺯﻣﻨﺎ" ﺳﺠﻢ ﺣﺘﻰ ﺍﻟﻈﻠﻢ ﻓﻴﻬﻮ إنظلم )
ﺑﺒﺴﺎﻃﻪ ﻛﺪﺍ ﻳﺎ ﻧﺎﺱ ﻭﻻﻳﺔ ﺍﻟﺨﺮﻃﻮﻡ ﺍﺗﻔﺎﻗﻴﺔ ﻗﺮﺽ ﺍﻟﺼﻴﻨﻴﻴﻦ ﺍﻝ ﺑـ 20 ﻣﻠﻴﻮﻥ ﺩﻭﻻﺭ ﻋﻤﻠﺘﻮ ﺑﻴﻬﺎ ﺷﻨﻮ؟ ﻭﺍﻟﻌﺠﺐ ﺍﻟﻜﺎﻥ ﺣﺎﺿﺮ ﺍﻟﺘﻮﻗﻴﻊ ﺍﻟﻮﺍﻟﻲ ﻋﺒﺪﺍﻟﺮﺣﻤﻦ ﺍﻟﺨﻀﺮ ﻭﻭﺯﻳﺮ ﺍﻟﻤﺎﻟﻴﺔ ﻭﺍﻟﺰﺭﺍﻋﺔ ﻓﻲ ﺍﻟﻮﻻﻳﺔ ﻳﻌﻨﻲ ﺍﻟﻘﺮﻭﺵ ﺩﻱ ﺑﺎﻟﺒﻠﺪﻱ ﻛﺪﺍ ﺑﺘﻌﻤﻞ ﻟﻴﻬﺎﺍﺍﺍﺍ ﺗﻘﺮﻳﺒﺎ ١٠٠ ﻣﻠﻴﺎﺭ ﺟﻨﻴﻪ ﺍﻟﺮﻗﻢ ﺩﺍ ﻣﺎ ﻇﻬﺮ ﻟﻴﻨﺎ ﻟﺤﺪﻱ ﻫﺴﻲ ﻓﻲ ﺍﻟﺨﺮﻃﻮﻡ ﺑﺲ ﻣﺎﺗﻜﻮﻥ ﺇﺗﻘﺴﻤﺖ ﺇﻥ ﺑﻌﺪ ﺍﻟﻈﻦ ﺇﺛﻢ، ﻫﻢ ﻗﺎﻟﻮ ﺣﻴﻮﻇﻔﻮﻫﺎ ﻟﻲ ﻋﺪﺓ ﻣﺸﺎﺭﻳﻊ ﻳﺎ ﺟﻤﺎﻋﺔ ﺍﻱ ﻣﺸﺮﻭﻉ ﻳﻘﻮﻡ ﺩﻩ ﺩﺍﺧﻞ ﻓﻲ ١٠٠ ﻣﻠﻴﺎﺭ ﺩﻱ .
ﺗﺨﺮﻳﻤﺔ::
ﻗﺎﻝ ﺍﻟﺸﺎﻋﺮ ﻉ . ﻡ:
ﻗﺎﻟﻮ ﺍﻟﺒﻜﻮﻥ ﺍﺧﺮﺱ ﻟﺴﺎﻥ
ﻗﺪﺍﻡ ﺑﻀﻮﻕ ﻋﻴﺸﺔ ﺍﻟﻨﺪﻡ
ﻟﻲ ﻫﺴﻲ ﻣﺎﻧﻄﻖ ﺍﻟﺴﻜﻮﺕ
ﻟﻲ ﺍﻟﻠﺤﻈﺔ ﻣﺎ ﺯﻭﻻ ﻧﻀﻢ
ﻟﻤﺘﻴﻦ ﻧﻜﻮﻥ ﺑﺎﻟﻌﻴﻦ ﻣﺮﺍﺭ
ﺣﻠﻖ ﺍﻟﺨﻼﺹ ﻫﺴﻲ ﺍﻧﻔﻄﻢ
ﻣﺎ ﻛﻨﺎ ﺟﺪ ﻓﻲ ﻳﻮﻡ ﺭﻗﻴﻖ
ﻣﺎﺳﻜﻴﻦ ﺭﻗﺎﺑﻨﺎ ﺯﻱ ﺍﻟﻐﻨﻢ
ﻻﻋﺸﻨﺎ ﻓﻲ ﺍﺭﺿﺎ ﺧﺮﺍﺏ
ﻣﺰﺭﻭﻋﺔ ﺑﺪﻝ ﺍﻟﺤﺐ ﻟﻐﻢ
ﻧﻘﻄﺔ ﻭﺧﻼﺹ ﻛﻤﻞ ﺍﻟﻜﻼﻡ
ﻻﺑﺪ ﻧﺤــــــﺮﻙ ﻟﻠﻘﺩﻡ



عمود الرسالة الخالدة - رامي عابدون
[email protected]

تعليقات 25 | إهداء 0 | زيارات 8847

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#577674 [خضر عابدين]
0.00/5 (0 صوت)

02-05-2013 09:40 PM
اكتب يابني انهم جداد اكتلروني واقلبهم من الاعاجم ومالو الشباب يكتب بصدق ويتعلموا فيهم السياسة افضل من القعاد ساكد؟ لا تتوقف عن الكتابة حتي ولو سطر بصدق افضل من كتاب كذب .!


#577593 [عباس فضل الله]
5.00/5 (1 صوت)

02-05-2013 08:03 PM
والله ما شايف انو فى فرق بين وجهك ووحه على عثمان


#577564 [السفاح]
5.00/5 (1 صوت)

02-05-2013 07:18 PM
يا أبني حاول صلح من لغتك العربية ،،،،،،أنت ماكنت بتمتحن إملاء ولا شنو ؟ كلامك ده خارم بارم ساي


#577531 [mansour]
0.00/5 (0 صوت)

02-05-2013 06:42 PM
هو مابعرف حاجه اسمها كريم ديانا يبيض بيها وشو المسود دا.


#577298 [انا بكره البعثيين]
4.00/5 (1 صوت)

02-05-2013 12:59 PM
مقالك دا مامفهوم ويفتقر الي ابسط قواعد اللغة (الأملاء ، ) دعك من القواعد النحوية ، وأغرب مافي الامر الود الأسمو رامي دا بعثي يعني قومي يعني ينشد العروبة ويعتز بها وليس هنالك اعتراض علي هذا المنحى ولكن فاقد الشيء لا يعطيه ...


#577214 [ابو المشاكل]
4.00/5 (1 صوت)

02-05-2013 11:33 AM
ارجع الروضة وكمل التعليم وتعال


#577205 [mansour]
0.00/5 (0 صوت)

02-05-2013 11:00 AM
خليك من قروش القرض الصيني دي انحن مادايرنها الياكلوها . المهم القروش القطريه راحت وين وديل مابخلو حقهم


#577113 [سودانى ساكت]
0.00/5 (0 صوت)

02-05-2013 09:29 AM
الامير المفدى عمر بن البشير حفظك الله اعدت بنا الذاكرة لعهد الخليفة عمر بن الخطاب فلا جوع ولاخوف وصحابتك الكرام على بن عثمان الذى جمع اسمين لاثنين من الخلفاء الراشدين والحاج بن رحمة والتقى نافع بن نافع وبقية مجلس الصحابة نشهد لهم طيلة حكمكم الرشيد عفة اليد واللسان والزهد فى الدنيا ابتغاء مرضاة الله والفوز بالاخرة حفظهم الله لخدمة المسلمين والعباد
اها لقيت وظيفة قدامك يا عبدالله


#577099 [واحد ونص]
3.00/5 (1 صوت)

02-05-2013 09:20 AM
انت يا رامي رامي قدام ولا رامي لوراء.

تصدق بالله العظيم قرأت لغاية السطر الثاني.. واقسم بالله رغم العظيم على ذلك رغم انني لا انتمي للمؤتمر الوطني وليست لي صلة به.. ورغم انني ليست لي صلة بعلي عثمان لا قرابة دم ولا من اي نوع آخر.. إلا أنني امقت مثل هذه الكتابات.

يارامي اسه انا زاتي داير اسالك انت حنكك دا طويل كدا مالو؟؟؟ من شنو ياربي


#577083 [السحار]
3.00/5 (1 صوت)

02-05-2013 09:07 AM
سود الله وجهك كمان خلقة الله ليك فيها راي -- منتهي الجهل


#576935 [عبد المغيث ابو شيخة]
4.00/5 (1 صوت)

02-05-2013 07:23 AM
لا اعلق على المقال بقدر مااعلق على العلة التي اصابت شبابنا ونفورهم من العربية الفصحى- هل هذا جهل بها حقا كما تثار عن ضحالة ثقافة شباب اليوم - حتى الشعر الذي هو معيار قياس الأدباء اصبح عندنا بالعامية - فيا ابني انت في مقتبل العمر حاول ان تعود نفسك على الكتابة بالعربية الفصيحة وانصحك بكثرة القراءة التي اصبحت مهجورة من شباب اليوم - ولك خالص ودي !!!!


#576916 [مواطن حر]
0.00/5 (0 صوت)

02-05-2013 07:07 AM
لا تهتم للنقد ألسلبى وواصل الكتابه حتى تخرس ألاخرين من جداد ألكترونى وأنعام مغيبه


#576878 [زول]
5.00/5 (1 صوت)

02-05-2013 06:21 AM
مقالك ده دخل لينا وطلع بخوجلي


#576692 [omer]
4.50/5 (2 صوت)

02-04-2013 08:40 PM
يا اخ كلامك ركيك والدليل (بعد الظن والعجب ) وزي ما قال احدهم كلام مشاطات يااخ امش اقرا واتعلم وبعدين اكتب انت مالك ومال ده اسود ودا ابيض يمكن ربنا يعملك مبرص اها حتقول شنو


ردود على omer
United States [فرقتنا] 02-05-2013 05:17 AM
وانت عايزوا اكتب بي لغة عربية لية يا عمر السليلي بن اللهبي


#576676 [جركان فاضى]
0.00/5 (0 صوت)

02-04-2013 08:11 PM
الزول دا كان وجهه ناير ووسيم ولكن ربما يكون دعى عليه احد المظلومين من الصالحين الذين لايرد الله تعالى دعوتهم وقال له الله يسود وجهك - ومن يومها والوجه اسود


#576650 [بي كرت]
5.00/5 (1 صوت)

02-04-2013 07:07 PM
يا استاذ قصة الارواح المعلقه في رقبة النائب علي دي ما صحيحه لأنو الزول ده قلبو ميت والحاجات دي ما بتأثر فيهو , كل الموضوع انو هيئة العلماء طلّعت فتوي بتحريم استعمال الكريمات لاصحاب المناصب الرفيعه من السلالات الاندلسيه الكريمه الماليه البلد وحتي لا يتعرضوا للفشل الكلوي والامراض الجلديه الخبيثه بهدف المحافظه عليهم حتي يتموا مابدأوه من أعمال جليله لتشريد وانهاك باقي الشعب الفضل .


#576624 [الطيب عبد الله]
4.00/5 (1 صوت)

02-04-2013 06:28 PM
انت عارف يارامى عيبك حتى التقليد ماعرفت له خلى فى حالك مافى شص يستطيع ان يتحدث عن هذه الشخصيه لاتستطيع من الافضل ان تستقفر ربك والا سيبتليك المولى عز وجل


ردود على الطيب عبد الله
United States [كوشن تود] 02-05-2013 09:06 AM
هو كبيرهم الذي علمهم السحر وبالعربي الفصيح هو حرامي كذاب منافق وعنصري ومشترك في قتل الالاف في دارفور وجبال النوبة .

علي عثمان لو كان رجل صالح يا كان الجماعة بدري ركبوه التونسية أو السودان كان مشي الي الأمام .

ما تنسي الرجل وقع علي أتفاقية نيفاشا بدون ما يقرأ والكان رفضه زميله في الحزب غازي صلاح الدين .

أما سواد وجهه وتغير لونه فهذا أمر ألهي لا دخل لنا فيه .

أرجوك لا تقل لي الرجل نظيف وهو نائب الرئيس والبلد وضعه يحنن العدو .

الرجل كان قبلنا في الجامعة وكنا نفتكره نظيف لكن الزمن كشف لنا غير ذلك .

United States [فرقتنا] 02-05-2013 05:23 AM
لية هو اتكلم عن ود الجيران ولا عنك اتكلم عن (شصيه) معروفة بالخبث والمكر للكل المهم اعبر ولا حكر (لشص)ان يعبر عن من بداخله عن شخصية لا شكل لا اخلاق وحرامي كمان الله اسألني حرامي منو الاختاره عشان اكون نائب رئيس ومنو الاختار رئيسه انت وكت بتعرف ربنا ما تقول الحق


#576612 [MAHMOUDJADEED]
4.00/5 (2 صوت)

02-04-2013 06:08 PM
هوي يا رامي مقالك أشتر عديل كدة .

قال مقال سياسي قال .


#576556 [عبداللطيف]
0.00/5 (0 صوت)

02-04-2013 04:32 PM
ليس علي عثمان وحده برضو علي الحاج وفتحي خليل سؤال محتاج لاجابة عايزين اخصائي بتاع جلدية يوضح ليناعلاقة النفاق والفساد بسواد الوجه وقد وصف الله الصادقين بسيماهم في وجوهم من اثر السجود يعني ذي ما الصالحين لديهم علامات في الوجه ايضا المنافقين لديهم علامات


#576553 [تربال]
0.00/5 (0 صوت)

02-04-2013 04:28 PM
يوم تبيض وجوه وتسود وجوه .. الظاهر الاخرة قربت


#576525 [سيد إبراهيم محجوب]
0.00/5 (0 صوت)

02-04-2013 03:53 PM
علي عثمان قلب أسود .. وعشان كده وشو أسود
علي عثمان يعاني من سرطان الدم منذ أكثر من 26 سنة ويغير الدم كل ستة أشهر في مستشفى يمتلكه هو (( في الأردن )) وربنا يخلصنا منو ومن أشكالو ...


#576518 [omer]
5.00/5 (2 صوت)

02-04-2013 03:44 PM
دا داير شنو اسى وقاصد شنو ما فهمنا حاجة


#576514 [ابو علي]
5.00/5 (2 صوت)

02-04-2013 03:40 PM
هو على عثمان براهو؟؟ كدى معن النظر في وجوه كثير من المسئولين السودانيون هل هي مضيئة ام مسودة؟؟؟؟


#576503 [توارة]
4.50/5 (5 صوت)

02-04-2013 03:30 PM
والله يارموي لا عرفنك كاتب ولاعرفنك مشاطة هس بالله دي مقال والله مافي شئ مقوي الحكومة دي وموقفة علي حيله لا امثال الكل صار صحفي وبدل يخدم قضية يقوم بضرره سبحان الله قال كاتب


ردود على توارة
United States [رامي عابدون] 02-04-2013 08:23 PM
على الأقل انا بكتب بغض النظر انا صحفي ولا ماصحفي انا بقيمني قرائي ياتوارة وبقول وبكتب من غير خوف لكن انت ساكت مالك الساكت عن الحق شيطان اخرس

United States [ود توتي] 02-04-2013 06:34 PM
أتقن الإملاء العربي عشان نقدر نفهم كلامك


#576484 [عبد الله]
5.00/5 (6 صوت)

02-04-2013 03:04 PM
على عثمان محمد طه رجل دين نقي وطاهر وقد تحمل امانة هذا الشعب وكافح من اجله ودفع من اجل رفاهية الشعب السودانى ثمنا غاليا من حياته الخاصة وصحته
التوقيع :
واحد داير ليهو وظيفة


ردود على عبد الله
United States [مواطن حر] 02-06-2013 07:54 AM
ألوظايف لمن يتقنون ألقواده فقط

United States [faten ahmed] 02-05-2013 07:52 PM
مبروك الوظيفة مقدما

United States [fadeil] 02-05-2013 07:12 PM
يا عبدالله اذا كنت ترغب في وظيفهحقا ، أعمل دقن وسبحه كاربه وكل مناسبه وانت في الجوقه قول هي لله هي لله لا للسلطه ولا للجاه ، كده يا دوب حصلت ليك علي مقعد في هذه المرمطه .

United States [ممغوص شديد من الوهم الهندي عز الدين] 02-05-2013 01:58 PM
حتي مدير مكتبه (الخواض) عرف عنه الثراء الفاحش وقد قام بشراء عقارات ومشاريع بمليارات الجنيهات (تقول لي علي نضيف) هذا الرجل تسبب في تفتيت الوطن باثارته للنعرات القبليه وفصل الجنوب بعد ان استبعد الرجل النضيف المستنير (غازي صلاح الدين) وبرغم انني لست كوزا الي انني اقدر غازي واحترمه..علي عثمان وشيخه الذي عاقه هم سبب الكوارث الحلت علي وطننا الحبيب ومزقته اربا اربا حقدوا علي الوطن واهله ...علي عثمان حية رقطاء الله يخلص الوطن وابنائه من سمها الزعاف

United States [مدني الحبيبة] 02-04-2013 10:52 PM
انشاااله الايام حاتكشف ان علي عثمان طه شيخ المفسدين ، يكفي انه الحامي للحرامي الشريف احمد عمر بدر ، مشروع الجزيرة ، تحت ادارة علي عثمان طه ، شركة الاقطان السودانية علي غثمان طه ، الخطوط الجوية السودانية علي عثمان طه، وماخفي اعظم ، انشاالله عند زوال الانقاذ سوف تنكشف كل تلك المصائب ، من هو المتسبب في فصل الجنوب عن الشمال شيخك علي يامولانا ،

United States [سم زعاف] 02-04-2013 07:47 PM
هاك الوظيفة دي يا عبدالله من يده مباشرة

United States [زول من زمن الغبش] 02-04-2013 07:28 PM
ههههههههههههههههههههههههههههههههههههههه عليك الله أديني معاك شوية نفاق كدا يمكن يوظفونا

United States [اسير الشوق] 02-04-2013 07:18 PM
وانا بقول لي عبدالله علي عثمان انسان نضيف وتقي وبحب السودان وانشا الله حا ادخل الجنه بالمزيكه بس عندي اخوي اشغلو لينا

United States [عاشق] 02-04-2013 06:54 PM
بتلقاها كان بترضى تكون زى الهندى عزالدين

United States [المشتهى السخينه] 02-04-2013 06:28 PM
السيد عبدالله . اطلع السيد نائب الرئيس على تعليقكم .. وافاد بان سواد وجهه من السهر لراحة الشعب السودانى اولا والعباده ثانيا .. وكذلك جفاف البشرة الناتج عن كثرة الصيام والقيام والوضؤ فى برد الشتاء .وانه رفض كل العروض من شركات الادويه والاطباء لاستعمال مبيضات البشرة حتى يتشبه بالعرب وترك تلك المعالجه لشيوخ هيئة علماء السودان وشيوخ المجلس الاعلى للذكر والذاكرين .. واخيرا وعد سيادته ان يوظفك انت وكل الخريجين فى خلال فترة نيابته للرئيس الدائم خلال ربع القرن القادم . ودمتم فى خدمة دولة الخلافه الاسلاميه ..


رامي عابدون
رامي عابدون

مساحة اعلانية
تقييم
5.00/10 (6 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة