المقالات
منوعات
علي محمود .. آهه من وين نجيب.. الموية!!
علي محمود .. آهه من وين نجيب.. الموية!!
03-02-2013 02:31 PM

يا اخواني انا لي شهور وشهور قاعده متمحنة حيرة فيما سؤال: علي محمود .. آهه من وين نجيب الموية!! واقف لي في زوري وذلك اثر قراءتي لتصريح سعادة وزير ماليتنا علي محمود ونصيحته لنا باكل (الكسرة بالموية) تقشفا لحين خروج حكومته من وهدة ميزانيتها والا دُحديرة نفطها يعني إيش تفرق!!

لذا وللحيلولة دون اختناقي بسؤال: آهه من وين نجيب.. الموية!! قررت ان اسال وزير ماليتنا علي محمود ذا السؤال باثر رجعي.

علما انني حال اخباري لكم انني حال تأملي لنصيحة علي محمود لنا باكل الكسرة بـ(الموية) ومن ثم تذكيري لكم بمظاهرات نساء ومواطني العرضة احتجاجا على انقطاع المياه من منطقتهم لايام وليالي.

علما انني حال اخباري لكم انني حال تأملي لنصيحة علي محمود لنا باكل الكسرة بـ(الموية) ومن ثم تذكيري لكم لعرض قناة الجزيرة تقريرا مصورا عن معاناة مواطني أم بدة من الانقطاع الدائم للمياه تحت عنوان: عطش على ضفاف النيل.

علما انني حال اخباري لكم انني حال تأملي لنصيحة علي محمود لنا باكل الكسرة بـ(الموية) ومن ثم تذكيري لكم بانعدام وشح المياه في أنحاء واسعة من أم درمان والحاج يوسف والثورات والعزوزاب والمهندسين ووسط وجنوب الخرطوم وووو من محليات واحياء ولاية الخرطوم.

علما انني حال اخباري لكم انني حال تأملي لنصيحة علي محمود لنا باكل الكسرة بـ(الموية) ومن ثم تذكيري لكم بتظاهرات مواطنو بري إحتجاجاً على إنقطاع المياه.

باختصار حال تأملي لنصيحة علي محمود لنا باكل الكسرة بـ(الموية) ومن ثم تذكيري لكم بمعاناتكم من سنين وسنين من ازمة انقطاع (الموية) من حنفيات منازلكم بالساعات والايام والشهور ستسمحون لي ان اسأل باسمكم علي محمود وزير ماليتنا اللي نصحنا باكل الكسرة بـ(الموية) تقشفا اسأله متمحنة بحيرة ما بعدها حيرة وبريق ناشف قائلة:

ـــ علي محمود .. قول لقينا الكسرة آهه من وين نجيب.. الموية!!

رندا عطية
[email protected]

تعليقات 4 | إهداء 0 | زيارات 1991

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#600443 [هدهد]
0.00/5 (0 صوت)

03-03-2013 12:45 PM
عطش على ضفاف النيل !!!!!!!! والله هذا اروع تعبير واصدق كلام . لكن صراحة يا جماعة نحن فعلا عشانين وعلى ضفاف النيل وجعانين وعلى اخصب بقعة فى العالم وبها اكثر من عشرة انهار موسمية ودائمة . العلة الان فى رجال الدولة ورجال الخدمة المدنية فقد اندثر هؤلاء الرجال ع بزوغ فجر يونيو المشئوم منذ 89 . البشير الكذاب يقول مزقنا فاتورة السكر ونشرب الشاى بالتمر ويقول مزقنا فاتورة القمح والبواخر راسية على ميناء بورسودان وووو . خلوها مستورة وبس .


#600218 [محموم جدا]
0.00/5 (0 صوت)

03-03-2013 08:58 AM
قولي جاب ليك الموية سيد الموية البجيب ليك الدقيق من الطاحونة منو قولي جابو ليك الدقيق منو البجيب الذرة للطاحونة و منو البغسلها و منو البنشفها في الشمس و منو البغربل الدقيق و منو البعجنو و يخمره ومنو البعوسها و من وين نجيب ليك الغاز و الله قال يعوسوها بالحطب و من وين بجيب ليك الحطب و لما تعوسيها ما دايره مويه و العيش مرق في القضارف و اللا ما مرق و داير مويه واللا ما داير و اللوري البجيب العيش من القضارف لحدي ام بده بمشي بالموية و اللا بالجاز يا وريث عوض الجاز على الكرسي الهزاز في المالية دا... كل وزير مالية يجي أكثر عنطزة من الثاني دا داير يأكلنا ليها بالموية و لو قطعت الموية يجي يقطع إيد البسرق ليه لقمة يا جماعة ما تعجنوها كلها بموية المطر في الخريف الجاي من جبل اوليا الى الجيلى شمال و تنقد الرهيفة انشاء الله ما تترتق بي موية بي موية و سؤال اخير لاني حا اسكت من الكلام المباح حتى الصباح الناس الفي المنشية (منشية الترابي مش منشية البكري) بياكلوها بي موية النيل الازرق ؟؟ و المحيرني بالجد في الخريف بياكلوها بي طينها!!!


#599861 [حليم - براغ]
0.00/5 (0 صوت)

03-02-2013 06:19 PM
الأخت رندا تقبلي تحياتي.. الموية يا رندا بشتروها من الدكان.. الموية البتتكلمي عنها دي كانت موية زمان..زمن الزمن الجميل لمه السودان كلوه كان بيشرب وحتي الدواب كانت بتفرح وهي بتشرب من موية الحنفيات.. بس ده كان زمن الزمن الجميل !! الزمن ده يارندا تغسلي هدومك من شدة وساخة الموية الهدوم تطلع وسخانة وسوداء متل وش علي عثمان طه..ربنا يجيب العواقب سليمة.. سمعتي خطاب البشير في بورتسودان يارندا؟؟ في جزء من هبالتوه بيقول إنو هو نصير الضعفاء والمساكين والأيتام ..والأرامل ..لأنو دعوات المظاليم مسموعة عند رب العالمين..ومش عاوز المظلوميين يدعوا ويشتكوا عليه عند رب العباد.
وبورتسودان حتكون شنغهاي السودان ..والسواح تاني مابيمشوا دبي ولا الشرق الأقصي بيجوا السودان لأنو فيه سياحة برئية.. رحم الله أهل السودان ..البيحكمهم أنسان مجرم متخلف مريض !!


#599769 [sudani 100%]
0.00/5 (0 صوت)

03-02-2013 03:39 PM
حال تاملى للنيل قول ليهو يا نيل يا طويل يا ملولو (طبعا انا عطشان و زعلان)شيل مويتك فينا و ما بتسقينا شكرا ليك استاذه رنده


رندا عطية
رندا عطية

مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة