المقالات
السياسة
ارشيف مقالات سياسية
هيثرو غيت..... الباطل يُقال !!
هيثرو غيت..... الباطل يُقال !!
03-21-2013 11:16 AM



أخونا الأستاذ الفاتح جبرا يصر بشدة على مواصلة البحث عن الحق في زمن أصبح الحق فيه كالديناصورات وغيرها من المخلوقات المنقرضة التي لم يعد لها وجود إلا ّ من خلال بقايا وأشلاء بالية مُحتفظ بها في بعض المتاحف وكتب التاريخ الطبيعي .. كما أنه يتوق إلى أن يُحظى بالعثور على مفردات لائقة من تلك التي كانت تستخدم في عصر يفصل بينه وبين عصرنا هذا ما يقارب ربع قرن من الزمان فيكون بذلك كمن يبحث عن ربع إبرة في المحيط الهادي .. يا زول إنت الله ماليك !؟.. أدب شنو الإنت بتفتّش عليه وتقعد تسأل بعين قوية :" إيه الأدب دا ؟!".. يا أخي لكل زمان ناسه و لكل زمان مفرداته وعباراته وتقليعاته كمان.. إيه يعني ببغاوية وإنطباعية والخوض والخائضين.. مالا .. عيبا ليْ!!.. دي يا أستاذ جبرا تُعتبر تحلية كمان زيها زي الكستر والجلي والكراميل تتناولها بعد تتغدى بكلمات من مثل .. جزمة .. حشرة..شذاذ آفاق..لحس كوع.. رمَم.. الحشّاش يملا شبكته.. الزارعنا يجي يقلعنا .. الداير يشيلنا يجيب بندقيته ويجي يواجهنا !!.. يعني أقعد أنزّل ليك قاموس الجماعة كلمة كلمة وألا إيه..ما إنت حافظه أكتر منّنا !! .. إنت فعلاً نظرتك للأحداث نظرة مجردة وماسك بالعصاية من النص وخائض مع الخائضين وبقيت للعم قوقل في روحه وكرهته اليوم الجابو.. مالك ومال هيثرو و ليه تشيل همه فوق كتفك !!.. كم سنة وإنت جاري وراء السراب !! أها إن شاءالله مليت سِعنك !؟ .. ياخي ما تشوف مصالحك وأكل عيشك زي ما أخونا (العيشابي) جاري وراء مصالحه وأكل عيشه بدل كل مرة فاقع مرارتك ومراراتنا معاك وتقعد تكورك للولد يناولك الحبوب .. بالله ليه هسه مابكون بلعت ليك صيدلية كاملة !! .. شوف مصالحك ياخي وغير شوية من المفردات الما بتجيب حتى مريسة تامزينو وصدقني ما ح تندم أبداً لأن الكلمة الباطلة في الزمن دا بتساوي ألف كلمة حق وتساوي وزنها ميّة مرّة دهب أحمر مش أصفر ! فأحسن بدل قلمك يمسك بالعصاية من النص يعدّل وضعها ويمسك بيها من الموضع البيرضي أخوك (العيشابي) والزمرة الوراه وان تكف عن التكلف الواضح لإخراج الكلمات عن صياغها لإضحاك القاريء والمشاهد.. ياخي في حاجات كتيرة ممكن تكتب عنها وتاكل شهد..سد مروي ..الكباري..شوارع الإسفلت .. نعم هي مشاريع كبيرة لكن ما أكبر من الفساد الحاصل بس الكلام عنها بكفيك شر أمثال (العيشابي) وفي نفس الوقت بخليك من أصحاب الأملاك والحال بتبقى ألسطة بس إنت قول خير وعينك ما تشوف إلا الفيلا الما خمج ويبقى بيتك مِلِك وترنبيلك ماهو عاريّة .. من يوم بكرة سيب الكسرة بتاعت هيثرو وسيب شيخ هيثرو في حاله .. يقطع هيثرو وخط هيثرو وسيرة هيثرو و لو سمعت الكلام وما ركبت راسك أكيد ح تاكل ملبن وترتاح من الجرجرة في المحاكم وبين دهاليز الأمن.. فيا أستاذ ما تركب راسك وتتابع عنادك... خليك عيشابي !!


[email protected]


تعليقات 6 | إهداء 0 | زيارات 1581

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#615906 [العركي]
0.00/5 (0 صوت)

03-22-2013 02:24 AM
واضح جدا انك من الجماعة عديمي الضمير مصاصي الدماء لتقل خير او لتصمت


#615671 [عامر السر]
0.00/5 (0 صوت)

03-21-2013 05:56 PM
شوفوا مشكلة ردمية الصرف الصحي بتاعت وددفيعة لأن شارع الأسفلت بقي متر واحد


#615588 [ابوداؤود]
0.00/5 (0 صوت)

03-21-2013 03:47 PM
الفكر الانبطاحى والتخذيلى . انت اكل الملبن وخليهو انفعك .. الاستاذ الفاتح حرك المياه الراكدة وفتح ابواب للكثيرين وحتما فان مساهمته فى حركة جماهير الشعب سترى نتيجتها عاجلا أنت ومن على شاكلتك .. وحينها سيقفز من يمتطون المركب الغارق طلبا للسلامة .
الاقزام يمتنعون


#615408 [حسكنيت]
0.00/5 (0 صوت)

03-21-2013 12:39 PM
كلامك دا ( شروع فى الزنا)


ردود على حسكنيت
Sudan [الكوشى] 03-22-2013 11:58 AM
ده زنا عديييييييييييييييييل

Sudan [ابو الجد] 03-22-2013 09:53 AM
Liiiiiiiiiiiiiiiiiiiiiiiiiiiiiiiiiike


#615352 [حسين]
5.00/5 (1 صوت)

03-21-2013 11:50 AM
كدى شوفوا لينا موضوع مجرى المطر الخور من شرق امبدة شارع ليبيا وماشى غرب لغاية سوق ليبيا - ماشاء الله تم سقفه اسمنت وحديد وعمال وشركات وبعد دا كله أعوذ بالله تم هدم معظم ما تم انجازه يعنى خراب عجيب .
مين وضع المواصفات ومين الاستنشارى ومين المقاول ومين حايدفع للهدم وهل فى تانى تعمير - وكيف تمت الترسية .
أهو دا الفساد اليومى . خلونا شوية من هيثرو والقطن والجزيرة وسندس . دا حدث ظاهر لكل من يمشى على شارع سوق ليبيا .
وين الاعلام وين ناس العيسابى ؟ اموال مهدورة وأكيد تم ترقية المهندس المختص بالمحلية ربما اكتشف العيب .


سيد محمود الحاج
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة