03-29-2013 01:33 AM


اول مره ارى فيها وزارة الصحه كانت عام 1987 عندما زهبت مع عمى الذى كان يعمل طبيب بطوكر.... جاء ساعى البريد الى عمى فى المستشفى يحمل خطاب مكتوب عليه مستشفى طوكر الى الدكتور (...) . وفحوى الخطاب انه تم اختيارك حسب التسلسل الزمنى والخدمى والوظيفى فى بعثه الى السويد مدينة اوبسالا اتذكر فى الخطاب مع العلم انه لم يتقدم بمنحه ولايحزنون انما (جائته فى محلو), هكذا كانت البلد تسير بطريقه منظمه واسس اداريه حازقه وعداله فى التوزيع ...واذكر انه بعد شهر تماما من الخطاب سافر عمى الى الخرطوم وجاء الى المنزل واخذنى الى الوزاره تلك القابعه على شارع النيل الاشجار الفارهه الهدو وكان مبنى الوزاره يتكون من طابقين والسقف خشبى عندما تسير على الطابق الاول تحس باهتذاذ الخشب وكانت المكاتب صغيره جدا متلاصقه مع بعضها البغض بجيث انك تدلف من (مكيتب الى مكيتب ) فى بضع دقائق والامر لم يستقرق ربع ساعه حتى سلم عمى كل اوراقه المطلوبه واخذ ميعاد تسليم الجواز الى السفاره ولم نتلقى الا بطبيب واحد وطبيبه دليل على ان الاطباء لم يكونو يقضون الساعات بل الايام والاسابيع (مرمطه) للحصول على اى مستند كما هو قائم اليوم وكلمة مرمطه هذه لم اسمع بها الا فى وزارة الصحه.
اما الزياره الثانيه فكانت ديسمبر من العام المنصرم حيث اصر ابن اختى على ان اقوم بتوصيله للوزاره فى طريقى الى بحرى ولكن ماحمسنى للموضوع هو ان ازور الوزاره وان اطلع معه الطابق الاول لكى اسير على السقف الخشبى لكنه سخر منى وقال لى انت من داك الزمن .
عندما وصلنا الى الوزاره لم اجد اى من المعالم التى شهدتها من قبل مبانى كثيره اضيفت وغرف وصالات والعربات بكل اشكالها (ماتديك الدرب) واصوات مكيفات الهواء التى تزن بلاتوقف . عشرات الاطباء والطبيبات امتياز عمومى اخصائيين وغيرهم وكان الحديث كله يدور فى شى واحد وهو ( خلو الطرف من الوزاره)
قام زميل ابن اختى بدعوتنا الى كافتيريا تتكون من الجملون تقع غربى الوزاره كان اربعه ابن اختى وطبيبه وطبيبان جمعهم هم واحد وهو الحصول على خلو الطرف.
وكان لدى سوئال برىء وهو كيف تاحزون خلو طرف وانتم تعلمتم على حساب الدوله اليس لكم ضريبه يجب ان توءدوها ؟
الاجابه كانت من احدهم وهى انه عمل نائب 3 سنوات واخصائى 3 سنوات والان يريد ان يهاجر بعد ان يدفع 24 مليون ؟ وهل الحكومه محتاجه لهذا المبلغ الذى جمعه من عمله بالريف ؟ ومضى يقول حتى لو فرضنا ان الحكومه محتاجه ليهو لماذا ناس تدفع وناس ماتدفع ؟ فقاطعته الله الله الله الحكايه فيها خيار وفقوس ؟ قال لى الدكتور الثانى كيييييف لازم انت مفتكر الناس واحد فقلت لهم منو العفوهو من الرسوم هذه ؟ فزكرو لى اربعه اسماء هم من المفربين (ابناء او اقرباء النافذين)وقالو لى بالوضاح اذا عندك واسطه للوزير بتتعفى ولو مابتعرفو احسن ماتضيع وقتك (ساساقه). قاطعته طيب انتو ماتحاولو اوتخشو للوزير وتقولو ليهو نحن عايزين اعفاء او تخفيض قال لى احدهم انا مشيت 4 مرات فى خلال شهر كل يوم بقولو لى مره مسافر ومره فى اجتماع واخير قالو لى ان هنالك عشرات الطلبات لتخفيض الغرامه ولايمكن للوزير ان يخفض لك (فى ناس زيك كتيرين وماممكن الوزير يخفض ليك ويسيب الباقيين )ههههههه واذ بعد يومين نسمع بانه اعفئ طبيبه كانت فى مايزيا من مبلغ 50 مليون !!!!! واعفى ثلاثه اطباء وخفض لثلاثه كذلك ...طيب انتو ماتشوفو ليكم زول يعرف الوزير عشان يخفض ليكم ؟ قالو لى نشوف منو انت بتعرف ذول ؟؟؟. طيب اليس هنالك وزير دوله بالوزاره او وكيل يمكن ان يتوسط لكم ولا ادرى لماذا ضحك الجميع عندما سمعوا هذه الكلمات . الراى شنو ياشباب طيب انا والله عندى تشدو حيلكم وتدفعو المبلغ دا وربنا يعوضكم ...
لغاية ماتعرفو ليكم زول بيعرف الوزير ابدو جمعو المبلف ههههههههههه. ضحك الجميع .
بالمناسبه انتو مسافرين وين ياشباب ردو جميعا السعوديه ...
سالت ايضا ببرائه هل النقابه هى من يرتب لكم موضوع السفر مع السعوديه على قرار ماكان يحدث معنا زمان حيث نسافر عن طريق الاتحاد الهندسى ,,,مرة اخرى ندت من الجميع ضحكه مبتوره ويائسه ... قالو لى هنالك وكالات تسمى كدا وكدا هى القائمه بالامر . ليه وين اتحاد الاطباء ؟. اظنهم ماعارفين دا واجبهم رد احدهم ...
بتدفعو كم للوكالات دى هههه قال لى احدهم خليها (مستوره). قال لى احدهم كدى قدر بشيلو مننا كم ؟. قلت حوالى اثنين الى ثلاثه ملايين. وين ياخال قى لى احدهم انا اخصائى على ان ادفع ثمانيه مليون ومتين للوكاله براها قاطعته قال لى نعم . لا حولاااااء دا ما مبلغ كبير ؟
القروش دا بتروح كلها لجيوب ناس معينين . طيب ياخوانا انتو ماتمشو للنقابه وتقنعوهم يتفقوا مع السفاره السعوديه عشان يكون التعاقد يكون عن طريق النقابه لانه حتى فنيا النقابه هى الجهه المخوله للتعاقد من ناحيه الكيف والكم لا الوكالات لانو الناس الفى الوكالات ديل ماليهم علاقه بالطب ثانيا العائد من التعاقدات دا ممكن ينفعكم فى الخدمات التى تقدمها النقابه ليكم . ياخال البلد دى ماشه كده (زى عربية التراب تلزها لاقدام تجيك راجعه وراء ).
الله يكون فى عونكم يا ولادى طيب ياخوانا انا ستاذن والضحكه نفسها اليائسه المبتوره تعم المكان ويتفرق الجميع على امل ان يعود الوزير من السفر او يكتشفو له واسطه...



[email protected]

تعليقات 2 | إهداء 0 | زيارات 1252

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#630443 [اساقا]
0.00/5 (0 صوت)

04-06-2013 07:59 PM
نحن لاننا لسنا عرب فلا داعى لان نتقن العربيه ونتحدثها كما يتحدثها المتنبى


#622827 [ابو عناد]
5.00/5 (1 صوت)

03-29-2013 10:16 AM
مرة (زول) ومرة( ذول) مرة( اهتذاذ) ومرة(زهبت) ... الموضوع شيق .. والجهد مقدر .. بس كيف اتابع في الدقداق ده !! واحد من اتنين ياناس الراكوبه :- أما تفتحو ليكم فصل لغه عربيه ... واما تختو ليكم مصحح لغوي عشان مانبقى زي الواحد البيأكل في عدس مانضيف وفي اي لحظه يتوقع طقة حجر في خشمو ...


ردود على ابو عناد
Saudi Arabia [نوجا] 03-30-2013 01:54 PM
ههههههههههههههههههههه حلوة طقة حجر في الخشم دي


فيصل ميرفنى الامام
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة