( كمان بنفس اللون )
04-09-2013 09:08 AM


** السيد/ رئيس التحرير .. تحية طيبة .. الموضوع : طلب تصحيح دون المساس بالحقوق.. بكل تقدير واحترام ونيابة عن الدكتور/ عبدالوهاب عثمان شيخ موسي ننهى اليكم الاتي :
1- بما انه قد ورد في صحيفتكم بالعدد رقم (2604) بتاريخ 24 مارس 2013م بالصفحة (الأخيرة) تحت عمود (اليكم) للكاتب/ الطاهر ساتى تحت عنوان (هيثرو.. قطرة فى بحر)، وقد اورد كاتب المقال بأن عبدالوهاب عثمان عضو بمجلس أدارة شركة الفيحاء.
2- وبما ان موكلي الدكتور/ عبدالوهاب عثمان شيخ موسى وزير المالية الاسبق والاقتصادى المعروف لا علاقة له مطلقا بشركة الفيحاء كما ورد في المقال.
3- وبما أن ما نشر فى المقال المشار إليه قد ألحق ضررا بالغا بسمعة موكلي كمواطن تصدى للعمل العام من أجل البلاد والعباد. كما لحق الضرر بأفراد أسرته.
وعليه واعمالاً لنص المادة 27 (1) من قانون الصحافة والمطبوعات لسنة 2009م نرجوا تصحيح المعلومة بنفس العمود..وبنفس المساحة .. وبنفس حجم الخط .. وفى غير يوم الجمعة. شكراً
عبدالصمد عبدالله الخليفةالمحامي
صورة إلى الجلس القومي للصحافة

** من إليكم ..
** السيد الأستاذ عبد الصمد عبد الله الخليفة المحامي .. تحية طيبة .. الموضوع : توضيح دون المساس بأصل القضية..بكل تقدير واحترام، ونيابة عن نفسي / الطاهر ساتي، نوضح اليك الآتي : -
1- بما أن موكلك الدكتور عبد الوهاب عثمان شيخ موسى - وزير المالية الأسبق والاقتصادي المعروف - لاعلاقة له مطلقاً بشركة الفيحاء، ما كان عليك أن تهدر زمنك - وهذه المساحة - بهذا التصحيح ..راجع المقال المشار اليه، وكذلك سلسلة المقالات التي تناولت قضية سودانير وعارف والفيحاء طوال السنوات الفائتة، فلن تجد فيها اسم موكلك باللقب والاسم الخماسي المشار اليه (الدكتورعبدالوهاب عثمان شيخ موسى، وزيرالمالية الأسبق والاقتصادي المعروف)..!!

2 - فالمهندس عبد الوهاب عثمان، الوارد اسمه ولقبه في كل مقالات السنوات الفائتة - بهذه الصحيفة والصحف الأخرى - منذ بيع سودانير والى يوم ضياع خط هيثرو، وكذلك الوارد اسمه ولقبه في الموقع الالكتروني لشركة عارف - وابنتها الفيحاء - ليس بالضرورة أن يكون هو موكلك هذا..ذاك يعرف نفسه جيداّ، ومعروف للرأي العام، وكذلك يعرفه موكلك، ولم يكن هناك داع لنفي النفي وتعريف المعروف بهذا التحذير المعنون الى مجلس الصحافة..!!

3- بعد ذاك التوضيح، وبعيداّ عن موكلك هذا و ذاك العضو بمجلس إدارة الفيحاء والمسمى بعبد الوهاب عثمان أيضاً، نسأل الاستاذ عبد الصمد المحامي وكل أعضاء نقابة المحامين..كيف - ومنذ متى - صار أن يكون زيد من الناس أو عبيد عضواّ في مجلس إدارة شركة بمثابة إشانة سمعة؟..وهل نفهم من هذا الوصف أن كل السادة بمجلس إدارة شركة الفيحاء، وكذلك السادة بمجالس ادارت الشركات الأخرى، من ذوي السمعة المشينة ؟..بمعنى، هل - فعلاً - لديكم إحساس أوعقل باطني أو نص قانوني يحدثكم بأن نيل عضوية مجلس إدارة أي شركة يسبب ( ضرر بالغ بسمعة العضو)، أم نيل عضوية مجلس ادارة الفيحاء فقط هو الذي يسبب ( ضرر بالغ بسمعة العضو) ..؟..وإن كانت عضوية مجلس إدارة شركة (إشانة سمعة)، فكيف يكون حال وزير وزارة، سابقاً كان أو أسبقاً أو حالياً ..؟؟

4 - وعلى كل حال، عملاّ بحرية التعبير و إيمانا بحق الاستاذ عبد الصمد المحامي في نفي المنفي، ننشر التصحيح بنفس الجريدة..وبنفس العمود..وبنفس حجم الخط (بونط 10).. وكمان بنفس اللون ( أسود داكن)..وفي غير يوم الجمعة أيضاً، علماّ أن تحديد يوم النشر ليس من حقوق الأستاذ عبد الصمد المحامي ما لم يجتهد - زي اجتهادو ده - ويحدث تغييراّ في قانون الصحافة..وشكراّ.. !!
ساتي

tahersati@hotmail.com





تعليقات 19 | إهداء 0 | زيارات 4556

خدمات المحتوى


التعليقات
#633761 [زول ندوية]
0.00/5 (0 صوت)

04-10-2013 06:52 AM
والله حاجة تحير
آل محامى آل
الله المستعان


#633538 [جلال]
0.00/5 (0 صوت)

04-09-2013 08:28 PM
في ناس هنا الظاهر عليها فهمها متأخر وكدا ولا مافي اصلا ما معروف ولو مشينا بي منطقها معناتو اي زول في السودان اسمو عبد الوهاب عثمان يشوف ليه محامي ويرفع قضية اشانة سمعة ضد الطاهر ساتي دا شنو الغباء دا جابوهو من وين ما عارف ولا يكونو من الجماعة اياهم ؟ الله يحفظنا ويحفظكم ...


#633537 [عبدالوهاب الشريف من غير دقن]
0.00/5 (0 صوت)

04-09-2013 08:28 PM
المشكلة عبدالوهاب ون وعبدالوهاب تو الاثنين كيزان اظهر كده والاثنين لهم دقون يبقي علي الزول الشافي انه شريف يعلق لوحة في كل بدلة يكتب يقول ده مش انا الحرامي


#633381 [خالد علي]
5.00/5 (1 صوت)

04-09-2013 03:54 PM
الحق حق يا الطاهر ساتي
طالما عبد الوهاب عثمان المذكور هو ليس عبد الوهاب عثمان الوزير مفترض أن يكون أعتذراكـ واضحاً و بدون لولوة للرجل و تكتب بوضوح أن السيد عبد الوهاب عثمان المذكور ليس هو عبد الوهاب عثمان شيخ موسي الوزير دون أن تجعل الأمور مبهمة .


و نعم عضوية مجلس إدارة شركة متهمة بالفساد تعتبر تهمة و إشانة سمعة


ردود على خالد علي
Sudan [darfury] 04-09-2013 09:54 PM
يعنى يا مفتح اى صحفى جاب ليهو اسم زول فى جريده يكتب فى آخر المقال اعتزار للمليون سودانى الاساميهم بتتطابق مع اسم الشخص دا ولا رايك شنو انت والمحامى الموهوم بتاع عمك الحرامى عبد الوهاب؟
الفى راسو ريشه


#633329 [atifer]
5.00/5 (1 صوت)

04-09-2013 02:42 PM
.I LOVE YOU MR. AL TAAAHIR SATY.WALHI


#633280 [عاطف]
0.00/5 (0 صوت)

04-09-2013 01:49 PM
الظاهر المسؤول دة ( مابيشرب بس بخمس)


#633257 [ابوعديلة]
4.00/5 (1 صوت)

04-09-2013 01:18 PM
عايز الصراحة ياأستاذ ساتى ؟
نعم إن نيل عضوية مجلس ادارة الفيحاء هوضرر بالغ بالسمعة .


#633197 [زول مشتاق لسودان زمان]
4.00/5 (1 صوت)

04-09-2013 12:13 PM
هاهاهاهاهاها يا الطاهر براحه على الجماعه الناس دي كلها بقت تخاف من قلمك ... من الخلعه لمن تشابهة على المحامي الأسماء وغلبوا يدقق ... بس ردك حامض لمن يكيف.


#633189 [عاطف]
0.00/5 (0 صوت)

04-09-2013 12:09 PM
ههههههه عضوية مجلس ادارة الفيحاء اشانة سمعة !! القضية مازالت فى يد القضاء لماذا كل الناس تشمئز من اسم الفيحاء وعارف وتهرب منو


#633146 [حاتم أب تفة]
0.00/5 (0 صوت)

04-09-2013 11:18 AM
يا عبد الصمد
جيب من جوه.. إنتا والدكتور بتاعك الخايف على "سمعتو ومصاريف جامعتو" ده..!!


#633126 [حيرتونا]
0.00/5 (0 صوت)

04-09-2013 11:02 AM
كلامك فى غير محلو ياالطاهر ساتى .. حرية التعبير مامعناها تصفى حساباتك كما تريد ....

طالما انت عارف ان الرجلين ماواحد ليه بتخلى الموضوع مبهم وتكابر ؟؟؟؟؟ فى دى فرقك من

الانت بتنتقدهم شنننننننننننو؟


ردود على حيرتونا
[ود يعقوب] 04-09-2013 02:01 PM
يا استاذ
لماذا تعملون معركة فى غير معترك
الاستاذ ساتى ذكر اسم ثنائى.
انظر كم شحص فى السودان يمكن ان يشتركو فى
الاسم الثنائى وحتى الثلاثى.

اعتقد ان هذا المحامى يريد ان يعمل شهرة لنفسه
ليس الا .


#633122 [بتكلم ساكت]
3.50/5 (3 صوت)

04-09-2013 10:59 AM
واحد رسل رساله الى كبارات المدينه بصيغه واحده:أهرب لقد عرفوا كل شبى ....تانى يوم البلد فضت....


#633109 [عصمتووف]
4.50/5 (3 صوت)

04-09-2013 10:48 AM
محامين اخر زمن **** ومن هو عبدالوهاب عثمان الوزير السابق ليكون لدية محامي محامين سمسرة الاراضي والسيارات وفيهم( مزور ي الاوراق القانونية)انتوا شنو حكاية الجماعة ديل اصبحت تحت ايديهم مليشيات والسواقين والحرس والخدم والحشم وكمان محامين عقبال كل واحد يفتح له قسم شرطة ونيابة وقاضي ومحكمة عليا


#633098 [يحيي العدل]
0.00/5 (0 صوت)

04-09-2013 10:39 AM
( وفى غير يوم الجمعة. شكراً )


ومالو يوم الجمعة ؟؟؟؟


ده يوم عظيم يا محامي الوزير


#633085 [قناعة تامة]
3.00/5 (1 صوت)

04-09-2013 10:27 AM
قلت لى قال محامى وكده ؟!
زولو ده زاتو لو فتشتو حاتلقى حاجات كتيرة وراهو . موش كوز وكان وزير ... اصلا ما ياخدك شك انو حايكون وراهو مصايب كتيره


#633075 [جنوبي]
3.88/5 (5 صوت)

04-09-2013 10:20 AM
هسي كان في داعي لزي الكلام ده يا خليفه خلف خلاف المحامي !!!
هسي كان اعضاء مجلس ادارة الفيحاء رفعوا عليك قضية اشانة سمعه موقفك يكون شنو ؟
دخلت نفسك في موقف بااااااااااااااااايخ ,,


#633074 [ود شندي]
0.00/5 (0 صوت)

04-09-2013 10:19 AM
هههههههههههههههههههههههههههههههههههههههههههههههههههههههههههههههههههههههههههههههه


#633011 [الطير المهاجر]
5.00/5 (1 صوت)

04-09-2013 09:27 AM
الاخ الطاهر ساتى لك التحية ولقلمك الجرىء كالمشرط فى يد جراح بارع والمثل السودانى الفى قلبه حرقص يراه بيرقص هو عضو مجلس ادارة فى كم شركة وعدد الشركات الخاصة به
ومهما تكن عند امرء من خليقة وان خالها تخفى على الناس تعلم
والدور جاييك ماتستعجل


#633005 [سوداني وبس]
5.00/5 (2 صوت)

04-09-2013 09:23 AM
ابن عمي انت من عندنا بالاسم بس اظنك متربي عند الرباطاب. عشت وعاش قلمك الباحث عن الحقيقة اينما كانت لك التحايا والتقدير


ردود على سوداني وبس
[بسام] 04-09-2013 10:55 AM
با اخي من حق الدكتور عبد الوهاب يطلب ما طلبه عن طريق المحامي بكل احترام ومن جقه عليك الرد باحترام وكذلك الاعنذار- هل ورد في مقالك كلمة مهندس؟ من الواجب توضيح الاسم المقصود فقط
بدل الهجوم دون داعي


الطاهر ساتي
 الطاهر ساتي

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة