المقالات
السياسة
التحرش واستغلال الفتيات جنسيا في الضعين
التحرش واستغلال الفتيات جنسيا في الضعين
11-21-2015 11:17 PM


تظاهر شباب مدينة الضعين غرب السودان أول أمس إحتجاجا علي تصرفات قوات جهاز الأمن وإتهم المتظاهرون قوات جهاز الأمن بالتحرش وإستغلال الجنسي للفتيات وطاف المتظاهرون شوارع مدينة الضعين وسلمو مذكرة لرئيس المجلس التشريعي.
مدينة الضعين هي مسقط راس حسبو محمد عبدالرحمن (حسبو بلكات) نائب رئيس الجمهورية حسبو الذي جند أهله وزج بهم في الحروب لينعم هو في الخرطوم بأموال دماء أهله و تسلق ووصل الي هذا المنصب بدماء وأشلاء أهله لزم الصمت ولم يقل شئ .
مدينة الضعين هي مسقط راس المستشار والوزير السابق عبدالله مسار الذي قام بتعبئة أهله ضد الثورة والثوار في دارفور ليكافئة عمر البشير بهذه المناصب قبل أن يركله وينهره كالطفل أمام الجميع وعدسات الكاميرات في قاعة الصداقة.
حسبو محمد عبدالرحمن وعبدالله مسار أكثر شخصان قاما بتعبئة وتجنيد أبناء أهلهم وقدما أكبر دعم لحكومة المؤتمر الوطني بمليشيات الجنجويد التي تحرق القري وترتكب الجرائم الوحشية في دارفور وجبال النوبة وقتلت المتظاهرين في الخرطوم في ثورة سبتمبر لتكافئهم عمر البشير بالمناصب وإنشاء ولاية شرق دارفور لتكون عاصمتها مدينة الضعين وتدار بواسطة إثنيتهم وهذا سبب قتل وتشريد قبيلة المعاليا في ابو كارينكا والضعين بإشراف مباشر من حسبو وعبدالله مسار .
هاهو الحكومة ترد لهم بضاعتهم وهاهو قوات الأمن يتحرشون نهارا جهارا وعلي عينك يا حسبو وعبدالله مسار وحميدتي بأخواتكم وبناتكم في ولايتكم الهتفتو ليها قبل ميلادها (باالضعين ولاية وأوكامبو دعاية) لم تشفع لكم إستقبال أرتال الجنجويد الفارين من المعارك بجنوب كردفان باالزغاريد والذبائح بقيادة حميدتي في مدينة الضعين.
لم تشفع لكم محاولة إنتحار الجنجويدي الذي طعن نفسه أمامكم وأمام عمر البشير معترضآ المحكمة الجنائية ودفاعآ عن عمر البشير .
وهذا هو حال الإنتهازيين يدعمون ويساعدون الديكتاتوريين
وفي النهاية يعجزون حتي الدفاع عن انفسهم وتلاحقهم لعنات الأبرياء في حياتهم ومماتهم.

[email protected]








تعليقات 2 | إهداء 1 | زيارات 5033

خدمات المحتوى


التعليقات
#1373341 [المحمودي]
0.00/5 (0 صوت)

11-22-2015 10:13 AM
كلام بتاع تورا بورا ، انت عارف يا محمد نور حتموتو بحقدكم على ناس الضعين طالما ما حتبطلو وصف الناس بالجنجويد ،،، يعني كل ناس الضعين في نظرك جنجويد ؟؟ يا هو ده تفكيركم وحقدكم الخلى ناس كتير في دارفور يكرهوكم واولهم ناس الضعين..
بعدين انت قاصد حسبو ومسار وحميدتي ولا ناس الضعين كلهم؟؟ طالما ده تفكيركم ابشرك محل ما قبلت حتلقى الجماعة ديل قدامك ،، وذي ما طرشتو دم في قوز دنقو حتلقو الناس البتقول عليهم جنجويد ديل قاعدييييييين شوكة حوت وما حبا في البشير و لا الانقاذ ،، لكن بس عشان كلامكم الماسخ ده ، قال فارين من المعارك قال ... المسح بيكم الارض في دنقو منه؟؟

وابشرك ايضا لا جهاز امن ولا غيره (وغيره دي فسرها ذي ما عايز) بقدر يتطاول على ناس الضعين وانت عارف الحقيقة دي ، بس الحقد ما ريحك ،، واحسن ليك تبطل قتنة وتأليب الناس على بعضها و الزج باسماء قبايل هم اقدر واعلم بالحديث منك يا (عودو)
بعدين تعال اخد ليك جولة في احياء الضعين عشان تعرف فعلا ديمقرافية الناس الساكنين في الضعين ،، كل السودان في الضعين .. انت فاكر بكلامك ده حتالب ناس الضعين عشان يعملو حاجة في صالحك .... اهلا ... وصح النوم


ردود على المحمودي
United States [فوراوي] 11-22-2015 10:56 AM
يالمحمودي كلامك سمح، لكن ردة فعلك جعلتك تقع في نفس الخطأ الذي وقع فيه محمد نور عودو، التعميم المخل، بالمناسبة كل شخص مسئول أمام الله عن نفسه، قال تعالى:
وَكُلَّ إِنسَانٍ أَلْزَمْنَاهُ طَائِرَهُ فِي عُنُقِهِ ۖ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنشُورًا (13) اقْرَأْ كِتَابَكَ كَفَىٰ بِنَفْسِكَ الْيَوْمَ عَلَيْكَ حَسِيبًا (14) من سورة الاسراء...المطلوب من جميع السودانيين الوقوف ضد من يفرقهم على أسس لا يرضاها الله و رسوله.


#1373220 [ود المراحيل]
0.00/5 (0 صوت)

11-22-2015 06:37 AM
ههههه بالله.... انت ياعارف (ياعود الباصور) الرزيقات وكل عرب دارفور تماما عندهم حاجتين ممكن الواحد يموت فيهن ( البهيمة والمرأة) وتعرف معظم مشاكلهم وتناحراتهم كانت بسبب اموالهم او نساءهم .. لاتسوق الامور نحن نعرف تماما اكثر منك عن عبد الله مسار وحسبو وغيرهم ... وعن جهاز الأمن يعرفون تماما محل بلعبوا ٠المي حامي ما لعب قعونج) بعرفوا محل بلعبوا وهم عارفي نتائج اللعب بالنار .


ردود على ود المراحيل
[المحمودي] 11-22-2015 11:57 AM
اقتباس : ((..... يا اخي كل ما ذكره الاخ في المقال صحيح ...)


اخي عبدالله احمد هل انت جاد؟ ارجو اعادة قراءة المقال ....

United States [فوراوي] 11-22-2015 10:37 AM
ارجوا من جميع اهل دارفور ان يصحوا ويتركوا هذا العبث ويجلسوا من بعضهم لا مع الحكومة
أتفق مع من رد عليك في أنَّ جلوس أهل دارفور لوحدهم هو المطلوب...الغريبة هذا هو البند الوحيد الذي تعطله الحكومة..في كل الاتفاقيات الهشة...الرزيقات أهل شهامة و كرامة، و لا نؤاخذهم بجرائر المجرمين، فكل القبائل بها مجرمون ... و التقييم يكون في ظل ظروف السلم لا الحرب...عشنا مع الرزيقات قبل الحرب...فكانوا نعم الجيرة و نعم الاخوة...و الأصل هو السلم و الحرب حالة طارئة...فأصحاب الغبائن إذا تجاوزوها سيحققون ما ذكرناه...العدو هو المؤتمر الوطني...هو الانقاذ...كل السودانيين الذين ينتمون الى هذه الحكومة هم مجرمون...و سيلقون جزاءهم قريباً بإذن الله.

[عبدالله احمد] 11-22-2015 08:20 AM
كذاب يا ود المراحيل ..لا تدعي الرجالة .. رجالتك الغبشة دي كانت وين عندما اهان رجال الامن في الخرطوم المناضلة والبطلة ( سمية هندوسة ـ وهي رزيقية اصيلة وشتموها بالخادم والمهجنة وحلقوا لها شعر رأسها وقالوا لها : الشعر الناعم دا جبتيهوا من وين ؟ . يا اخي كل ما ذكره الاخ في المقال صحيح وقد كتب المقال لا ليشمت في اهلنا الرزيقات ولكن ليحرك غيرة و نخوة الرزيقات ليواجهوا افعال جهاز الامن المنكرة وهي للاسف تمارس في كل السودان ولا احد يرفض . الرزيقات وكل القبائل العربية في غرب السودان خدعتهم حكومة المؤتمر الوطني واستخدمت ابناءهم للزج بهم في حرب دارفور نيابة عنها وقالوا في سرهم : دعوهم يقتلوا بعضهم بعضا فكلهم .....
ارجوا من جميع اهل دارفور ان يصحوا ويتركوا هذا العبث ويجلسوا من بعضهم لا مع الحكومة .


محمد نور عودو
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة