المقالات
السياسة
قناة العربية لا تعترف بعروبتنا
قناة العربية لا تعترف بعروبتنا
06-12-2013 03:56 AM


واحدة من مشاكلنا أننا شعب هويته ضائعة مابين العرب والأفارقة فكلاهما يحسبنا على الآخر ويتعامل معنا في كثير من المواقف بمنظور الغريب وهناك أمثلة عديدة تابعناها عبر أجهزة الإعلام وللأسف تفشت في الفترة الأخيرة ويكفي أن نشير الى الإعلان الاستفزازي لإحدى المستشفيات الكويتية التي أعلنت عن فرص عمل للمرضات وكان أهم شرط أن تكون من ذوي البشرة البيضاء وهي إشارة واضحة لبنات السودان.
وقبل أيام علق الأستاذ ضياء الدين بلال رئيس تحرير السوداني في زاويته المقروءة( العين الثالثة) على إعلان لإحدى الشركات لوظائف مهندسين وجاء فيه أن الفرصة لكل الجنسيات عدا السودانيين وهو بلا شك إعلان استفزازي يمس مشارعرنا وكرامتنا وكأنّ السودانيين حرامية او غير مؤهلين علما بأن تاريخ كل دول الخليج ونهضتها في كل المجالات كان بفكر وجهد أبناء السودان.
أمس الأول كنت أتابع نشرة الثانية عشرة منتصف الليل لقناة العربية الفضائية الجزء الخاص بالرياضة وقُدم فيه تقرير مفصل عن نتائج المنتخبات العربية الإفريقية في الجولة الرابعة المؤهلة الى نهائيات كأس العالم وتناول التقرير منتخبات مصر والجزائر وتونس وليبيا والمغرب وتجاهل منتخب السودان تماما وهو أمر ليس بغريب على هذه القناة وشقيقتها (ام بي سي) وكلنا يذكر ماحدث لإحدي بنات السودان المشاركات في برنامج (عرب اليدول ) الذي يشبه برنامج نجوم الغد فتعرضت المشاركة الى قمة الاستفزاز من الفنان اللبناني راغب علامة فقط لأنها سودانية وليس من حقها المشاركة.
وظلت قناتي العربية وام بي سي تتجاهلان تماما أخبارنا الرياضية وتورد تقارير عن كل الدوريات العربية عدا السودان رغم وجود مراسلين نشطين وهما الزميلان خالد عزالدين العربية وعبد الحفيظ عكود ام بي سي وأعلم أنهما يتابعان الأحداث ويرسلان الرسائل ولكن أغلبها لا يجد حظه من البث لأن السودان ليس من الأولويات.
كثير من الشعوب العربية في آسيا يتعاملون معنا بلون بشرتنا بل إن غالبية الأجيال الأخيرة لا تعرف أن السودان ينتمي للوطن العربي والدليل أيضا أن أجهزة الإعلام لا تمنح الأغنية السودانية او الدراما أي مساحة رغم أن هناك فنانين شاركوا في مهرجانات للأغنية العربية وحصلوا على جوائز ولكن المادة التي شاركوا بها انتهت صلاحية بثها بانتهاء المهرجان.
للأسف أصبح حالنا مابين الأفارقة والعرب كحال (اللقيط) وبالتأكيد نحن السبب فيما يحدث لنا لأننا فشلنا في فرض ثقافتنا بسبب ضعف إعلامنا بمحتلف تخصصاته.
ورغم ذلك نقول للمسئولين في قناتي العربية وام بي سي إن الشعب السوداني هو الشعب الوحيد من بين الشعوب العربية من المحيط الى الخليج الذي مازال يحافظ على مبادئ وقيم العروبة من شهامة وكرم وشجاعة وهي صفات اندثرت في عالمنا العربي.
صحيح أن نشر أخبارنا لا يزيد شيئا ولكن مايحدث هو قمة الاستفزاز.
من التسجيلات مايضحك
في وقت متأخر من ليلة أمس الأول اتصل بي شخص وبعد التحية قال لي(بكرة يا استاذ جايي التسجيلات؟) فقلت له أولا لم يحدث طوال مشواري مع مهنة الصحافة التي زادت عن الثلاثين عاما لم يحدث أن ذهبت لمكاتب الاتحاد لحضور تسجيل لاعب ولكن رغم ذلك ماهو المطلوب؟.
فقال(الحقيقة أنا عندي لاعب جايبو من مصر ودايرك تلقى لي ليه فريق!.) ضحكت وبعد أن سألته عن اسمه قلت له هل تعتقد لو كنت أنا رئيس نادي او مدرب يمكن أن أسجل لاعب بهذه الطريقة دون أن أعرف مستواه ؟ وهل هناك مدرب او إداري محترم يمكن أن يسجل لاعب دون أن يراه؟ وقبل أن أكمل حديثي أغلق الهاتف في وجهي ورغم ظهور الرقم لم أهتم بالرجوع إليه.
بالتأكيد لا ألومه ولكنه الحال الذي وصلنا إليه في موضوع تسجيلات اللاعبين التي أصبحت سوقا للسماسرة ومنهم للأسف صحفيون والضحية النادي.
هذا نموذج فقط لحكايات نعيشها كل موسم. أتمنى أن أجد مجالا لذكرها.

السوداني

تعليقات 61 | إهداء 0 | زيارات 8002

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#695876 [كمبوكل]
1.50/5 (3 صوت)

06-13-2013 12:36 PM
لن يزيدكم العروبة الا خبالا ولن تزويدوا العروبة الا سوادا وما تشبهوا العرب فى شىء احسن ليكم خليكم فى حالكم وبطلوا الشلاقة وارفعوا رأسكم عاليا خفاقاوبعدين خلينا من العروبة والاسلام وين كرة القدم بتاعتكم الماسكها مازدا زى روؤساء الاحزاب العتيقة ما فى ها البلد الا هالولد هل عقمت الامة السودانية اترك عنك العرب والعروبة وشوفوا لينا كرتنا الضيعتوها زى السودان !!!!


#695858 [كوكاب]
1.00/5 (1 صوت)

06-13-2013 12:21 PM
الى نوارة انا عادة لا ارد على بقايا ومخلفات الاستعمار والمستعربين منهم انت لا تفهمين اللغة العربية التي تتدعين التحدث بها والانتماء اليها عرقا وردك دائما ليس له علاقة بالموضوع وزي ما قلتي انو المصريين والشوام قالو ليكي انتي منخارك عديل ولونك ابيض وشعرك طويل وما بتشبهو السودانيين طبعا لانك شاذة يا شاذة وكمان علمتيهم كيف يطولو شعرهم وانا اقترح عليكي بان تعلقي على المواضيع التي لها علاقة بالنساء مثلا ان تردي بعنف على شيخ دفع الله الذي تحدث عن المراءة الغير مختونة بكل وقاحة وقلة ادب ولساني يستعف عن تكرار ما قاله وان تعلقي على المواضيع المتعلقة بختان الاناث والاضرار المترتبة على ذلك ونشر الوعي بين النساء ربما مساهمتك تكون افضل واتركي المواضيع الاخرى .وصراحة انتي فاقدة للهوية ومريضة نفسيا مثل الطيب مصطفى وربما انتي عضو في منبر الخال الانتباهي العنصري البغيض فلا تشوهي لنا الراكوبة بتعليقاتك المريضة .


#695372 [حمد النيل]
3.13/5 (4 صوت)

06-13-2013 01:04 AM
السلام عليكم ورحمة الله وبركاته
مشكور الاخ الكريم علي هذا الموضوع
حكاية صغيرة
مرة كنت بسمع في اذاعة ام بي سي فكانت المذيعة بتتحدث عن البمات احد الفنانين فلم تمدح الالبم
ولم تعتبرة ناجح لان الفنان المذكور تغني باغنية سودانية احترت فقلت هل الرجل تغني بلغة غير العربية ام تغني بلهجة سودانية فلو كان الفنان سوداني كنت قلت معليش ولكن فنان خليجي
حتي في الغناء ما بالعربي
ومرة ركب معي شخص خليجي في السيارة و كنت مشغل غناء سوداني فقال لي شغل لي غناء عربي
ولكم الشكر


#695363 [Ahmed]
3.50/5 (4 صوت)

06-13-2013 12:39 AM
خلينا من عرب وافارقه.....كورتك وينى البجيبهوها في التلفزيونات....ولا كل السودان نافع فى حاجه.....بطل الفشل باعذار قبيحه


#695340 [البجا وي الحزين]
3.00/5 (3 صوت)

06-12-2013 11:50 PM
دي ما مشكلتنا..وليست مشكلة اغلب السودانيين..وليست مشكلة العرب ..دي مشكلة مجموعة سودانية تعاني من فقدان الهوية..يعني عندهم انفصام هوية ..ودي في حد ذاتا ما مشكلة حصريا علي السودانيين المنفصمين لكن المشكلة ان هولاء المنفصمين هم المسيطرون علي السودان وهنا تنشأ مشكلة اخري اشد وبالا علي الجميع


#695323 [سودان جديد]
3.13/5 (5 صوت)

06-12-2013 11:15 PM
ياخ بلد جنوبو ما بتكلم عربي (نوير شلك زاندي ) شمالو ما بتكلم عربي (محس حلفاوين دناقلا ) شرقو ما بتكلم عربي ( قبايل الشرق علي كثرتها ) غربو ما بتكلم عربي ( فور زغاوة ) نكون عرب بس عشان ناس الوسط ؟؟؟؟؟؟؟؟؟؟؟؟؟


ردود على سودان جديد
United States [أبو الكدس] 06-13-2013 09:58 AM
يا زول ناس الوسط زاتو ده طرفهم من اللغة العربية عايزين نتكلم لغة تلحقنا بالعالم المتحضر


#695320 [زاهر]
0.00/5 (0 صوت)

06-12-2013 11:12 PM
والله انا ماعارف نحن جنسنا شنو لكن البضايق في الموضوع دا كلو البت بت الحنوت المشت تشارك في برنامج عرب ايدول دا الناس مالاقيه تاكل وهي ماشه تغني الله اقطعك ولا اجيب باقيك


#695317 [هدهد]
0.00/5 (0 صوت)

06-12-2013 11:09 PM
قمة الانحطاط وسوء الاخلاق ناس فعلا فارغة لا زلنا ندور فى هذه الدائرة اللانهائية !!!!!؟؟؟؟ نحن عرب ام افارقة ؟؟؟ نحن حلب ام عبيد ؟؟؟؟ تفجرت ثورة المعلومات والاتصالات وكل يوم نصبح بتقنية جديدة واكبها من واكبها وتخلف عنها من تخلف . يا امة السواد العالم لا ينظر الى لونك او عروبتك او عبوديتك ينظر الى عملك ويقيمك بعقلك وانجازاتك فماذا فعلنا نحن السودانيين حتى نظهر بقامات اكبر من حجمنا ؟؟؟؟ رحم الله امرءا عرف قدر نفسه .


#695248 [اوكامبو]
3.00/5 (1 صوت)

06-12-2013 09:03 PM
و الله لن تزيدنا العروبة شيئا و لن تنقص من قدرنا و هل كل من له بشرة بيضاء هو عربى؟ و إذا ما بحثنا فى أصول أمثال راغب علامة قد نجده شركسى أو أرمنى أو كردى ..الخ و رحم الله السيد/ محمد أحمد محجوب حين قال من الذى ينكر عروبة السودان أحباش اليمن أم بربر المغرب أم أرمن لبنان.

أما فيما يتعلق بطلب الكويت لموظفات من ذوات البشرة البيضاء فأنا أستغرب مثل هذا الطلب و أعتبره إنفصاما فى الشخصية الكويتية لأن الكويت من أكثر الدول التى يوجد فيها مواطنين من ذوى البشرة السمراء و السوداء و الكل يذكر أن ولى العهد الكويتى الأسبق كان داكن السواد.

كلكم لآدم و آدم خلق من تراب.


#695187 [سوداني جد]
3.00/5 (5 صوت)

06-12-2013 07:00 PM
((للأسف أصبح حالنا مابين الأفارقة والعرب كحال (اللقيط))!!
هذه الجمله في نظري هي الاجابه الكافيه لكل التساؤلات التي تحيط بالقبائل التي تدعي العروبه في السودان( وانا منها حيث انتمي لقبيله تصنف نفسهامن صفوة القبائل العربيه الحره ).استازي الصحفي الكبير يجب ان نقتنع بأننا فعلا ( لقطاء) يمكن ان نكون معروفين الاب والام ولسنا لقطاء بالمعنى اللغوي ويمكن ايضا ان نكون نتاج زنا حقيقي ولكن (مندثر )او ابناء موالي فكله وارد و لكن من ناحية الهويه نحن لقطاء وهذا معروف تاريخيا والباحث في هذا المجال يدري تماما ما اقول , فالاجدر ان نعترف بمكوناتنا حتى لا نتماهى من لا يعترف بنا ويتجاهلنا على الدوام


#695184 [kush soldier]
3.00/5 (3 صوت)

06-12-2013 06:56 PM
وهل أنت شخصيا مقتنع إنك عربي إصحى من التخدير يا بريش


#695174 [مغترب]
3.50/5 (2 صوت)

06-12-2013 06:41 PM
اقتباس ( قيم العروبة من شهامة و كرم وشجاعة) مين يا دايش قال ليك دي قيم العرب أولا دي قيم الإنسانية و هي بالعكس مفتقدة أو نادرة عند العرب و أنا عشت بينهم اكتر من عشرين سنة و أعرفهم اكتر منك و هم عرب أقحاح وجدت من اغلبهم الغدر و الخيانة و الجبن و الدهنسة فما عايز واحد قاعد هناك في السودان يحفظ في المعلقات و يفتقر ان دي قيم العرب


ردود على مغترب
United States [khairbarakat] 06-12-2013 09:57 PM
كلامك صاح يا مصباح ( مغترب ) الناس ديل عندهم عقدة !!! مين قال أنو العرب كويسين؟ دا العرب لو النبي صلى الله عليه وسلم ممافي حد بيعدهم بشر ... ديل ناس كل الصفات الرزيلة فيهم الجهل, التخلف, العفنة في خشومهم ديل وأستغفر الله العظيم في الصلاة الواحد تتضايق من ريحته وصلاتهم كلها أكل ضفور وطقطيق أصابع ومنهم من يسجد على خده ومنهم من يسجد على هامته ومنهم من يدرك الركعة الرابعة ويسلم مع الإمام... بس نحن البيقنعنا نبعد منهم شنو؟

United States [مواطن] 06-12-2013 08:21 PM
هسي شفت ليك خواجة كريم ويعطيك بدون مقابل ؟


#695171 [نذير]
4.00/5 (4 صوت)

06-12-2013 06:37 PM
السودان في النشرة الجويه ما بجيبوه


#695104 [ود كسلا]
3.50/5 (4 صوت)

06-12-2013 05:04 PM
بالله خليكم من النفخه الكضابة نحن بنبنا الخليج نحن سبب نهضة الخليج ياخي نحن عايشين في الخليج انتوا ضمن مجموعة الجنسيات البنة الخليج وين انتوا من الشركات الاوربية والامريكية والاسيوية النهضة باالخليج بالتكلونجيا العالية انتوا اتيتوا الخليج افراد زيكم وزي غيركم نحن بنينا كان الاولي تبنوا بلدكم ايه الكذب ده..بعدين وين العروبة في شكل السوداني من اللون ولاالشعر الناعم ول لالانف الزي السبف ولاالعادات الاجتماعية ياخي نحن في اعراسنا نرقص مع النسوان ونسلم عليهم بالمقالده ونزورهم لمن يلدوا في عنبر الولاده ههههه امركم عجب ياسوادنة ياأخوي خليك في افريقيتك ده العوجه تب ماتجيك واهتموا في امور السودان الفضل بلا يخمكم ..بعدين انت من كورتك المشرفة حققوا نتائج غصبن عنم يجيبوا اخباركم وبعدين نشوف اليحصل شنو..


ردود على ود كسلا
United States [أبو الكدس] 06-13-2013 10:03 AM
هاهاهاهاها والله كلامك في التنك


#695037 [ابوايمن]
2.00/5 (1 صوت)

06-12-2013 03:03 PM
الاخ عبد المجيدالميول للعرب او الافارقه هو ضياع للهويه نحن تمازج بين الاثنين لذلك يجب علينا التعامل مع كل الاطراف على السودانويه وهى ناتج تمازج حضاره افريقيه عربيه وتعدد ثقافى لمئات السنين وان حاول البعض تشويه هذا التمازج والعمل على فرض سياسة الاقصاء لذلك لن يستطيع كائن ما كان من تغيير النسيج السودانى الجميل ...واتمنى ان يعتمد انا سودانى انا لخليفة العطبراوى النشيد الوطنى لهذه البلاد الطيبه وليعمل الجميع من اجل السودانويه.


#695021 [ظلال النخيل/فريد محمد مختار]
3.75/5 (4 صوت)

06-12-2013 02:38 PM
نحن في القرن الواحد والعشرون والبعض يبحث عن هويته ..ما في داعي يا مستعرب مستعرب المستعربين من ادعاء العروبة مهما حاولتم الانتساب لها ..هم لا يعترفون بكم وانتم تكابرون وتتوسلون لهم حتى تنتسبوا لهم..
هويتنا يا استاذ عبدالمجيد واضحة قبائل نوبية في الشمال وقبائل البجة في الشرق و قبائل الفور والهوساوالفلاتة والزغوة في الغرب والدينكا والشلك والنوير في الجنوب ومن كان خارج هذه المنظومة فليبحث له هوية ووطن أو يرجع لأصله الذي يدعيه في جزيرة العرب او جزيرة الجن...
ثم ثانيا من قال لك يا أخ عبدالمجيد أن خصائل الشهامة والكرم والشجاعة مقترنة بالعرب فقط هذه صفات وخصائل ربانية موجودة في كل القبائل على وجه الارض لم يختص بها شعب دون الآخر ولا قبيلة دون قبيلة ,,, عشان كدة يا عبدالمجيد يا مستعرب نحنا عايزين ننقى المناهج والاعلام الذي تعمل فيه من تلك الفذلكات والادعاءات التي تحاول أن تحسن وجه العربي المهاجر الى بلادي السودان وتستقبح بها القبائل الافريقية الاصلية بل وللأسف تحاول أن تجرد كل القبائل الافريقية من أي خصلة نبيلة...
وزعلان ليه من قناة العربية ارجع شوف شكلك وشكل لعيبتك وسحناتهم هل هم ذوي سحنات عربية؟؟؟
بلاش ادعاء باطل
بلاش ادعاء أجوف
بلاش تكتب مثل هكذا موضوع مرة اخرى في منبرنا الراكوبة أو غيره
نحن عندنا رأي في تغيير اسم السودان الذي اطلقه علينا العرب بس خلينا نخلص من الانقاذيين وبعدين حنجلس في حوار هادي مع بعض لمناقشة كافة اشكالياتنا والاتقاق حولها لنقدم وطنا جديدا لاجيالنا واابنائنا واحفادنا وللعالم اجمع (وطن واحد يسع الجميع وكفي 00966/501351151


#695006 [كوكاب]
4.00/5 (3 صوت)

06-12-2013 02:23 PM
عفوا الشهامة والكرم والشجاعة هي ليست صفات عربية عشنا معهم سنينا عددا ولم نرى ماذكرت وهذا جزء من تشويه وتغبيش عقولنا كما درسونا في المدارس وعندما اتينا الى بلدامهم فوجدنا محصلتهم صفرا كبيرا في تلكم القيم النبيلة .


ردود على كوكاب
United States [نوارة] 06-12-2013 11:29 PM
طيب قاعد ومتلصق في بلدهم مالك ماتجي بلدك طالما انت كاره العرب مالك مامشيت محل بيعزوك ويقدروك ويعرفوا قيمتك تعال وتاكد تمام ان العرب ماخسرانيين من جيتك او رايك فيهم بل بالعكس


#694896 [المشتهى السخينه]
2.86/5 (7 صوت)

06-12-2013 01:20 PM
انا غايتو ( عبد ) ومن قبائل شمال السودان .. وممكن اسلفك المرايا بتاعتى عشان تشوف خلقتك ..


#694877 [وداللحوين]
5.00/5 (1 صوت)

06-12-2013 01:05 PM
التحيه اليكم وكاتب المقال
(مازال يحافظ على مبادئ وقيم العروبة من شهامة وكرم وشجاعة وهي صفات اندثرت في عالمنا العربي)
الاخلاق والشهتمه والشجاعه والكرم لم تكن حكرا على العرب
بعدين ليه ياخى محموق شديد انت وانا وغبرنا من السودانين افارقه شيت ام ابيت
هم ما عايزننا ونحن كمان ماعايزنهم
المريضين من عرب السودان والواهمين الذين فصلوا السودان لكى يظلوا عبيدا للعرب المتمسحون بالعروبه ولم يروا انفسهم اخترح عليكم ان تشتروا مرايات وتوزع فى السودان لكى نرى انفسنا

لماذ هذه الدونيه الم نخلق كما خلقوا
المساله مامساله اسود وابض المساله ياعزيزى مساله اقتصاد وسياسه اننا فقراء ومع ذالك سود ومتنكرين لاصانا والدوله الوحيد فى العالم التى تقول للسود ياعبد الدوله الوحيد الاميه فى اجتماعياتها وسياستها واقتصادها
لمتين يكون عندنا النقص ظز فى العرب
ليه تشارك السودانيه الهبيله فى البنامج والله لو انا اقول ليها انتى ماعربيه ماتعرف تنطق حرف السين من الثاء وجاهله وعبيطه اتحداك تشاهدها تخجل وانت لحالك جالس والسودانى الاهبل بتاع الهارمونكا
فن ايه وعندنا اكبر معهد للموسيقى فن لجنه التحكيم احلام الجاهله وناسسى الببغاء التى تقلد للعبيط راغب
كوره كوه ايه وتسجيلات ايه انت واهم


ردود على وداللحوين
United States [حسن سليمان] 06-12-2013 03:52 PM
الناس على دين ملوكها يا عزيزي يعني شيخك عنده نقص انت عندك نقص رئيس عنده نقص انت عندك نقص .. لانه البلد كلها باعلامها وصحافتها وفنها ومسرحها بتمجد وطبل لذلك النقص وكانه فضيلة .. يعني الموضوع بسيط والحل واضح تجيبوا رئيس وقيادة ما عندها احساس بالنقص اتجاه اي كان وانتهينا


#694876 [سيف الدين خواجة]
2.50/5 (2 صوت)

06-12-2013 01:04 PM
استاذي عبد المجيد صححكك الله وعافاك للاسف العرب نفسها لا تعرف اصلها والسبب تستطيح اجيال التلفزيون الحالي من ناحية ومن ناحية اخري اسباب كثيرة سببها نحن واولها ما ذكرته الاعلام ولكن اؤكد لك اصل العرب هو لوننا وهذا محفوظ بالشعر في التراث العربي
حيث قال قائلهم
انا اخضر الجلدة
اخضر الجلدة اصل بيت العرب
انا اخضر الجلدة املأ الدلو حد الكرب
ولكن يبقي المطلوب كثير والا نقع فريسة لهم وعلينا ان نعتز بانفسنا واول هذا الاعتزاز ان تستقر البلد وننتج ونصدر ونرغم الاخرين علي ما عندنا بذلك نكون اليد العليا وليست السفلي ولكن من يفهم ومن يستفيد ارجو ان يرتفع ساستنا لسقف طموحاتنا وينسوا الايدولوجيات والعمل لها اكثر من ايدولوجية الوطن والعمل له لان اي ايدولوجية لن تعيش لو لم يستقر الوطن وما هجرة المعصوم( صلوات ربي وسلامه عليه) للمدينة الا لموطئ قدم للدين ومن ثم الانتشار والحديث شيق يا استاذي الا تلاحظ ان ذلك يحدث في التحكيم الرياضي لنا عربيا وافريقيا !!! العروبة ليست ادعاء والافريقانية ليست ادعاء ... المهم ان تكون شخصيتنا سوية وتفرض وجودها بما تملك الكون كله ذاهب للانسانية !!!


#694872 [ود الحاجة]
5.00/5 (2 صوت)

06-12-2013 01:01 PM
الاستاذ عبد المجيد : ارجو ان لا ينشغل مثقفونا و النخبة منا بهذه التصرفات , علينا ان نركز على كيفية تطوير مجتمعنا حينها فقط سيجري العرب و العجم الينا

الا ترى ان اليمن اصل العرب من الدول المهمشة عربيا بينما لبنان الذي نصف سكانه مسيحيين و نصفهم من اصول غير عربية في الصدارة؟

هكذا الدنيا لمن غلب , يجب الا ينخدع بعضنا بانهم من نسل عدناني او قحطاني فعالم اليوم يعترف بالقوي و القوي فقط


#694870 [مجودي]
3.75/5 (3 صوت)

06-12-2013 12:58 PM
كلامك فيهو كتير من الغلط والغلاط

أولا راغب علامة اشاد بالفنانة السودانية وبالعكس لمن التانين قالوا

احنا ما بنفهم الكلام السوداني قال ليهم " المهم هل هي نشزت ؟" يعني

خليكم ناس احترافيين بتاعين موسيقي .. كيف يبقى راغب سخر منها؟

أما تجاهل ام.بي.سي فدا كلام شوية ما دقيق أول امبارح مصطفى الأغا

عمل استفتاء وطلع ليكم الوالي احسن رئيس نادي عربي .. بالصح بالكضب

رئيسكم وكل المنتفعين والحرامية بتاعنكم هللو لأستفتاء ام.بي.سي . اكتر

من كده يعملوا ليكم شنو؟

بعدين ياخي امكن الجماعة ديل رتوا لحالكم ، ما عاوزين يجيبوا فضايحكم

وقونكم الدخل الكورة في نفسو ..إنتو كان الله ستركم ، ما تشكروا نعمة الله

ساي وتنطموا.


#694838 [فني لاسلكي بدرجة صحفي ومفكر]
2.88/5 (4 صوت)

06-12-2013 12:26 PM
خليكم صادقين وما ترموا عقدكم وفشلكم على الناس،،انا فتشت يوم المباراة على كل القنوات السودانية قبيل وبعد المباراة لم اجد برنامجا تحليليا واحدا يتحدث عنها لدرجة اني شكيت في اقامتها وراجعت النت للتأكد من مواعيدها،،نحن شعب فاشل تقوده عصابة فاشلة ومتخلفة،،،بعدين لو الحكاية باللون والشكل ما كان العالم كلو بشجع غانا والكميرون ونيجيريا ويجيب اخبارهم الرياضية،،بعدين اسألكم سؤال في ناس اكثر عروبة من اليمن؟ ليه ما بجيبوا اخبار الدوري اليمني،،


#694833 [حتي اعرف جنسي]
3.50/5 (3 صوت)

06-12-2013 12:22 PM
المشكلة مافي العرب المشكلة فينا احنا عشان ماقادرين نحدد هويتنا حتي الان ننسب نفسنا للعرب وهم بيكرهونا ونرفض الافارقة رغم حبهم لنا وتاثرهم بثقافتنا نتبني القضايا العربية اكثر من العرب انفسهم كالقضية الفلسطينية في حين ان الفلسطينيين اعترضوا علي دخولنا جامعة الدول العربية بدعوي اننا لسنا عرب حاربنا في كل الحروب العربية ضد اسرائيل كل ذلك لم يشفع لنا بان تتغير نظرة الدونية تجاهنا حتي الصمغ استكتروا علينا انو نسميه باسمنا الصمغ السوداني بدلا من الصمغ العربي في حين انهم لاينتجون ولا قنطارا واحدا حتي في التلفونات يضعونا مع كافة دول العالم لماذا نرضي بهذا الذل والهوان فلوتوجهنا الي اخوانا الافارقة كان خيرا لنا ان نكون اول الافارقة افضل من ان نكون اخر العرب.


#694817 [خالد]
3.00/5 (2 صوت)

06-12-2013 12:10 PM
استاذي عبدالمجيد لماذا نريد ان ننضم للعرب او للافارقه وما معني الهويه التي ارهقتنا مع اهلنا في الجنوب حتي طالبو بالانفصال عن السودان لاخير في عرب او افارقه نحن سودانيين وهذه الهويه تكفي ولنقتنع ونقنع انفسنا بهويتنا وكفانا زل ومهانه وتزلف وملق لكل من لا يسوي حضارتنا من اقدم الحضارات القيم التي نتميز بها لا توجد عند العرب او الافارقه فيجب ان ننظر الي ما حبانا الله به من نعم كثيره ولننهض دون ان ننظر لراي الاخر فينا


ردود على خالد
United States [كوكاب] 06-12-2013 02:27 PM
اين موقع السودان جغرافيا ؟ وما اغلب اصول اهله ؟ يا اخي خلينا نكون واقعيين السودانيين افارقة بالجغرفيا والتاريخ واصول شعبه.


#694751 [الخمجان]
2.25/5 (5 صوت)

06-12-2013 11:07 AM
التلصق في العرب ....ياهو الجايب ليكم الهوان....


#694724 [Usher]
3.00/5 (5 صوت)

06-12-2013 10:42 AM
للاسف يا كاتب هذه الرسالة هم صاح وانت غلط ما تسبب لينا احراج مع هؤلاء التيوس انت لو ما معترف بالافريقانيه ياخي أنسب نفسك للاتراك


#694723 [sudany]
5.00/5 (2 صوت)

06-12-2013 10:41 AM
يااخى انت فى نظر هولاى الاجلاف سوى عبد ويلفظون هذة العبارة القبيحة فىوجهك اذا ذهبت الى بلاده فهم اشد كفرا ونفاقا


#694704 [هاشم علي الجزولي]
4.50/5 (5 صوت)

06-12-2013 10:26 AM
الاخ عبد المجيد نعم نحن نعاني من مشكلة هوية وهذا شيء معروف تاريخيا ففي مضابط الجامعه العربية وعند تسجيل السودان في هذة الجامعة كان هناك رفض من لبنان بحجة ان السودان ليس بعربي وما الحرب التي تدور الان في السودان ومن الاستقلال ماهي الا حرب لاثبات ان للاخر حقوق وانة مظلوم وان هناك استعلاء عرقي من مستعربي السودان استقل الدين لهذا الغرض وحقيقة ياعبد المجيد نحن شعب متعدد الاثنيات تجمعنا رقعة جغرافية واحدة ووطن وواحد يمتلك موارد ضخمة جدا مما جعلنا مطمع للاخرين وما سد النهضة الاثيوبي الا بداية للصراع الفعلي علي هذة الموارد اري اننا كشعب لابد من الاتفاق علي ان المواطنة هي الاساس وان نستفيد من تجارب الماضي قبل قدوم الديانات المسيحية والاسلام فلقد كانت مملكة مروي وقبلها نبتة ما يعرف بمملكة كوش كان لنا القدح المعلي وكانت اغني مملكة ولم يستطع الرومان ولا الفرس ان يفتحوها وكذلك فشل الاسكندر الاكبر في ذلك . لابد من الرجوع للتاريخ ولابد من قبول الاخر والجلوس معة فاالسودان للجميع السودان للجميع ومواردة ملك لشعب السودان وليس لحكامة


ردود على هاشم علي الجزولي
[واحد من الناس] 06-12-2013 10:46 AM
ياراجل مين القال لي نعاني من مشكلة هوية ،، من يعاني من مشكلة الهوية فهو أصلاً غير موجود ، طالما أنا موجود شنو تاني الهوية ؟دة كلام **** و ليس له قيمة ، و مصايبنا كلها من المثقفاتية و عباطتهم ،،هوية شنو ؟،، الله يقرف اللي جاب الكلمة دي في السودان ،،


#694696 [ود البلد]
0.00/5 (0 صوت)

06-12-2013 10:21 AM
الاستاذ عبد المجيد متعك الله بالصحة والعافية
ضيعوك يا بلد بثقافة الكيزان ، اين تراثنا اين حضارتنا من الاعلام ، اعلامنا فقط لتمجيد الحكومة في الرقص والكلام الفاضي اللي ما منها فائدة ،اعلامنا جاب العنصرية في البلد ،


#694672 [كردفاني اصلي]
2.25/5 (5 صوت)

06-12-2013 10:02 AM
نحن سودانيون الي افريقيا نسب وافضل لنا من العروبة والتي نتكلمها كلغة اما كعرقية لا نشبههم ولا يشبهونا ولو انا افصح منهم كلاما وادبا وشعرا ويكفي ان الشاعرة روضة الحاج (كإمرأة) العام الماضي توجت بلقب شاعر عكاظ وقبل سنوات نال البروفسير عيدالله الطيب رحمه الله (جائزة الملك فيصل للآداب) وهذا عبدالله الطيب هو صاحب "المرشد الي فهم أشعار الطيب" وقبلهم وقف فراج الطيب السراج بالمربد العربي ايام صدام في بغداد منشدا (بحرُ الخليل مخوفٌ كيف يركبه ضعفُ الشعارير وهو المصعب الخطرُ ) لينال المرتبة الثانية بعد محمود درويش فنحن عروبتنا لسان ولكن انتماؤنا افضل وافضل الف مرة لنا ان نتجه الي افريقيا


ردود على كردفاني اصلي
United States [شارون] 06-13-2013 07:59 PM
تسلمي يانوارة .

United States [نوارة] 06-12-2013 11:36 PM
طيب ياخي وقديما فسر الماء بالماء اذا لم نكن عرب كيف عرفنا الثقافة العربية والشعر العربي وابدعناىفيه وقبل ايام جامعة الخرطوم فازت بجائزة دولة قطر في مسابقة اللغة العربية واحرزت المركز الاول هل هذه الثقافة ومعرفة اللغة تعلمناها او عرفناها عن طريق استنشاقها من الهوء ام شربناها فقط من ماء النيل اذا لم نكن عرب كيف عرفنا اللغة وهي من اصعب لغات العالم


#694670 [Ivory]
4.75/5 (3 صوت)

06-12-2013 10:00 AM
في ال MBC الرياضية اذا كان هناك موضوع للمشاركة يقول مقدم البرنامج علي من يريد المشاركة إرسال رسالة علي الرقم المرادف لبلدك تجد كل أرقام الدول العربية ما عدا السودان والصومال وموريتانيا وهذا معناه ان القناة لا تعترف بعروبة هذه الدول


#694667 [Rashid]
3.25/5 (6 صوت)

06-12-2013 09:59 AM
انت في قرارة نفسك مقتنع انك عربي عشان العرب اقتنعو بيك يا خوانا خليكم من الوهم العايشين فيهوا ده أنكم عرب وهويتنا سودانيه سوداء مثل جلودنا ويكفينا حضارتنا النوبيه قبل آلاف السنين حينها كان العرب ياكلون الزواحف في الجزيرة العربية أي واحد عندو وهم انو عربى أشوف ليهو بلد غير السودان


#694661 [أبو أحمد السوداني]
3.75/5 (4 صوت)

06-12-2013 09:57 AM
لا شك أنك قامة صحفية عظيمة أستاذ عبد المجيد و أسطورة في عالم الصحافة الرياضية لكن دعنا من قناة العربية .. هل نحن حقاً عرب؟؟ يعني أصلنا عرب؟؟ و هل كل من يتحدث العربية هو عربي خلاص؟؟


#694651 [ali alfred]
3.50/5 (4 صوت)

06-12-2013 09:52 AM
عروبة شنو,انا شخصيا انتظر يوم تحررالسودان من العروبة والعربان,تلك الكذبه التي القنت على الناس بقوه وارهاب الاعلام الموجه. أن الأوان أن تعود لسودان الى مسارها الحضاري الصحيح التي هي دائما سائرة فيه لولا خازوق العروبة وثوب الجرب الذي فرض علينا فرضا ونحن مكرهين.


#694647 [عطوى]
3.25/5 (5 صوت)

06-12-2013 09:50 AM
قال الاخ عبد المجيد عبد الرازق مايلى : (ورغم ذلك نقول للمسئولين في قناتي العربية وام بي سي إن الشعب السوداني هو الشعب الوحيد من بين الشعوب العربية من المحيط الى الخليج الذي مازال يحافظ على مبادئ وقيم العروبة من شهامة وكرم وشجاعة وهي صفات اندثرت في عالمنا العربي.
صحيح أن نشر أخبارنا لا يزيد شيئا ولكن مايحدث هو قمة الاستفزاز.
) انتهى ..


الكلام المزكور اعلاة يا استاذ عبد المجيد هو اس البلاء نفسة يعنى شنو نحن اكثر الدول العربية محافظة على المبادى العربية ؟؟؟؟؟

هل تعرف ماذا يعنى هذا الاحتفاظ بالمبادىء ومحاولة تجويد اللغة العربية لاسيما السودانيين اكثر الدول العربية اهتماما بالشعر وغيره من التراث العربى ويفتخرون بذلك ولكن يا عزيزى هذا كلو عندو معنى واااااااااحد عن العرب اى الخليجيين والشوام وشمال افريقا يعنى بان السودانيين لديهم (احساس) بائن بالنقص لذلك تجدهم يحاولو تغظية هذا العجز او ال9خلل الذى يحسونة بانهم ليسو عربا او عرب خليط او افرارقة مستعرربة تجدهم يتخدنقوون تحت بنود القبيلة والاصصالة وتجويد العربية وادعاء الانتساب لبعض الصحابة وبعض القبائل العربية وكلل ذلك عندما ايضا يحسون بتجاهل العرب اليهم رغم الاجتهاد المبزول يغضبون ويقولون نحن لا عرب لا افارقة نحن سودانييييييين ككككككككككككك ..

خصمتكم بالله عيبووو لى افريقيا دى ماااااااالا والله كان تكسرو رقبتكم ولا تتحاربو قرون قادمة عشان تبقو عرب والله حتظلو اقارقة فى نظر العرب ولو تحدثتم بلغة قريش ..


#694634 [الكوشي]
3.88/5 (6 صوت)

06-12-2013 09:39 AM
وانت يابتاع الكورة القال ليك نحناا عرب منو ؟؟ ..........


#694632 [ابو عادل]
3.50/5 (4 صوت)

06-12-2013 09:38 AM
يااخوي يا عبدالمجيد بخصوص قناة العربية - العيب ليس في العرب ولا العروبة وانما نحن السبب في هذه المهزلة حيث بحثنا عن هويتنا في الاتجاه الخطا - انا داير واحد بس يوريني نحن بنشبه العرب في شنو - مش شوية اللغة العربية - حتي اللغة العربية السودانية كمان ما مفهومة عند العرب - طبعا الاسلام ما عندها اي علاقة بالعروبة فاكبر الدول رالاسلامية دول غير عربية مثل باكستان وكده . يا جماعة الخير احسموا امرنا و نتجه بهويتنا بالاتجاه الصحيح نحو الجنوب .


ردود على ابو عادل
United States [نوارة] 06-12-2013 11:38 PM
امشي براك الجنوب


#694625 [ممغتربة]
4.00/5 (2 صوت)

06-12-2013 09:35 AM
والله انت فاضي ورايق الناس في شنو والحسانية في شنو !!!!!!!


#694615 [أبو الدقير]
3.50/5 (4 صوت)

06-12-2013 09:28 AM
الاستاذ عبد المجيد سلام
خذها مني نصيحة وأنشرها إلى كل من يفكر بطريقتك هذه....أمة تنتظر الاعتراف بها من قناة اخبارية أو كاتب أو فنان ليست جديرة بالحياة... قل معي نحن سودانيون وكفى ويمكننا أن نبني مجدا.. ألا توافقني أن وردي وغبد القادر سالم وعمر إحساس وحنان بلو بلو قد اطربوا كل افريقيا حتى تأتي يا أستاذ وتقول أن راغب يعترف أو لا يعترف من هو راغب هذا وما هي علامته التي تركها في دنيا الطرب والموسيقى إذا قارنته بموسيقانا التي تدرس في أكثر جامعات العالم رصانة..أما تجاهلنا في الإعلام رياضيا اقول لك ارتفع بمستوى رياضييك في كل المجالات وسوف ترى نتائج ذلك في كل وسائل اخبار العالم.


#694613 [اسمر]
2.50/5 (2 صوت)

06-12-2013 09:27 AM
تحية وتقدير للاخ كاتب المقال. طبعا هذا الامر طبيعي جدا لان مدير هذه القناة هو عبدالرحمن الراشد وهذالرجل معروف بعدائه لكل ماهو سوداني منذ ان كان في صحيفة الشرق الاوسط فمعظم كتاباته تصيب بالغثيان وقد تحدث قبل ذلك ان موضوع الاستبان الذي اقيم في دولة خليجية واثبت ان خريج الجامعات السودانية في تخصصات مثل الطب والهندسة هم افضل خريجي الجامعات العربية وهو مستغرب جدا من نتيجة الاستبيان وهو لايعلم ان خريج الجامعات السودانية اثبت جدارته في بلاد العلم الحقيقة وهو لا يعلم ان السودان يحتا المرتبة الثالثة عربيا والخامسة افريقيا في تصدير الاطباء الي بريطانيا وكندا فلا تستغرب من مايقوم به القائمون على امر قناة العربية ولك تحياتي


#694612 [MHMD NOUR]
1.00/5 (1 صوت)

06-12-2013 09:26 AM
كل الناس من اصل واحد وهو ادم وحواءوتحديد الهوية يتم بمعيار اللغة والثقافة ونحن لغتنا وثقافتنا عربية اذن نحن عرب ومن يتخذ اللون كمعيار للعروبه لاصبح كل الاسيويين والاوربيين عربا بغض النظر عن لغنهم , اذن الذين يتخذون اللون كمعيار للعروبة فهم جهلاء واغبياء ولاداعى ان نعيرهم اهتماما , من يحترمنا نحترمه ومن لا يحترمنا ندوس عليه بالجزمة .اما بخصوص البطولة العربية يمكن ان نجبرهم على ان يذكرونا بتحقيق بطولة لان الانسان يفرض نفسه على الغير بالعطاء والانجاز وليس بالاعلام الاجوف .


ردود على MHMD NOUR
United States [ظلال النخيل/فريد محمد مختار] 06-12-2013 01:55 PM
عقلية عروبية متخلفة...لماذا نحترمك وأنت تتنكر لافريقيتك التي رضعت من ثديها وتعيش فوق ترابها وتأكل من ثمارها ...أخرج ايها المعتوه الدخيل على بلادي اخرج الى جزيرتك العربية القاحلة


#694607 [كتكوت]
5.00/5 (2 صوت)

06-12-2013 09:22 AM
والله امرك عجيب وانت مالك اهلك ديل عرب
ونحنا افارقة وانت ماعندك هوية نحن ذنبنا شنو
وبعدين انت لو عندك مركب نقص امشى تموا بعيييد مننا
قال عرب قال ناس مابتخجل


#694601 [Abu Alhuda]
3.50/5 (2 صوت)

06-12-2013 09:16 AM
هذا التصرف موجود من زمان وسببه النخب السودانية التي باعتنا للعرب ففقدنا انتماءنا الإفريقي وأصبحنا لا نسوى شيء بالنسبة للعرب ...نستاهل وهذا أقل من جزاءنا


#694583 [سعد بركات]
3.25/5 (3 صوت)

06-12-2013 09:02 AM
مبادئ قيم العروبة من شهامة وكرم وشجاعة ومن قال لك يا استاذ عبد المجيد هذه هي مبادئ وقيم عربية هذه ليس مبادئ وقيم عربية بل هي صفات سودانية فقط العرب يا استاذ لا يتصفون بهذه الصفات نحن نعيش معهم ونعرفهم جيداً ومن قال ان فيهم هذه الصفات فهو لا يعرفهم أما بالنسبة لوضعنها نحن كسودانيين في العالم العربي فهذا هو الوضع الذي القينا بأنفسنا فيه فلماذا نحتج اليوم على تصرفاتهم تجاهنا يا استاذ نحن مشكلتنا الاساسية هي ذلك الجيل الذي تولى الأمور في البلاد بعد الاستعنمار فلا هو قدم لنا نموزج سياسي جيد ولا حافظ على هويتنا الحقيقية فنحن تسيطر علينا الثقافة العربية ولكننا لسنا عرب بل نحن خليط من النوبه والزنوج والعرب المختلطين بالأجناس الأخرى من بجاوية ونيلية وغيره


#694575 [راكب]
3.50/5 (2 صوت)

06-12-2013 08:59 AM
شايفك مهتم بموضوع العروبة في السودان وانت ذكرتها كانكم لقيط ما سمعت بالمثل السوداني بالقول الما بشبه ابوه ولد حرام


#694567 [chinma]
4.00/5 (1 صوت)

06-12-2013 08:54 AM
قول الحمد لله قناة العربية لم تذكر منتخب السودان - هو عمل أيه علشان يجيبوا سيرته؟


#694560 [Gashrani]
3.00/5 (2 صوت)

06-12-2013 08:48 AM
ياخي العرب بالجرب. لماذا نصر على انتمائنا العربي؟؟؟ كدي عاين لروحك. هل أنت عربي. طظ في العرب. كل ما يهمنا هو اللغة العربية لأنها لغة القرآن ولسنا في حاجة لعروبة الإثني. أرفع رأسك وقل أنا افريقي أنا سوداني


#694558 [الدنقلاوي]
3.50/5 (2 صوت)

06-12-2013 08:46 AM
أخي استاذ عبدالمجيد لا أرى مشكلة ...هم لا يعترفون بنا كعرب وهذا صحيح نحن لسنا عرب، نعم مسلمين وثقافتنا عربية لكننا لسنا عرب فالسنغاليين والماليين والهايتيين وحتى الجزائريين ثقافتهم وتعليمهم ولغة الشارع في كثير من مدتهم فرنسية ولم يدعوا أنهم فرنسيين والجنوب أفريقيين زالجاماكيين وحتى الامريكان لغتهم وثقافتهم انجليزية لكنهم لا يدعون انهم انجليز، فلا تغضب إلا من أخطاء السياسة وخفتنا التي جعلتنا ندعي ونصدق اننا عرب ولا ارى شرفاُ في هذه الإدعاء


#694550 [Nagi]
3.00/5 (2 صوت)

06-12-2013 08:42 AM
يا استاذ عبد المجيد السودان دولة افريقية وستظل دولة افريقية بلا عرب بلا قرف


#694544 [مسكين محمد احمد]
4.00/5 (2 صوت)

06-12-2013 08:36 AM
شكرا لك استاذنا عبد المجيب الصحفي الرقم و الذي يتناول مواضيعهوا بكل شفافية و صدق و بمهنية عالية
حقيقة ما يحدث لنا سببه نحن لاننا تركنا حقيقتنا التي عبر عنها الشاعر اسماعيل حسن رحمه الله عرب ممزوجة بدم الزنوج الحامية و بهذا التعبير مفروض ان يكون انتمانا متوازن ما بين افريقيتنا و عروبتنا بان نكون فعالين في المواقف الافريقية كافارقة و نعطي العروبة فقط بقدر رابط الدين و اللغة
اما عن التسجيلات في السودان فهي سوق نخاسة عديل و للاسف سماسرته الصحفيين و من اتصل بك اعتبرك من هؤلاء


#694511 [Ageeb]
3.50/5 (2 صوت)

06-12-2013 07:56 AM
ومن يستطيع أن يزعم أن السودانيين عرب؟!


#694499 [ابو خنساء]
3.00/5 (1 صوت)

06-12-2013 07:43 AM
الاخ الكريم عبد المجيد
كثرة الحديث عن هذا الموضوع يزيد من تعقيد وتازيم الحالة السودانية لدي السودانيين خارج حدود الوطن . ولكي لا نظلم البعض لازال السودانيين في كثير من دول الخليج يلقون معاملة طيبة من اهل البلد ومن بعض افراد الجاليات العربية الاخرى وقد تصدي الاخوة من قبل لكثير من استفزازات بعض اجهزة الاعلام التافهة التي لم تنجح الا في ابراز مفاتن النساء وبث القول الرخيص على الملأ كما شاهدنا في حالة راغب علامة ولذلك اطلاق الامر على الكل فيه ظلم لانفسنا ولغيرنا ولا احسب ان الامور ستتحسن اذا استمرت اقلامنا ترد على كل ظاهرة تجاهل يلقاها الشأن السوداني بل العكس ستزداد تعقيدا كما ذكرت لك ولا احسب ان قناة العربية ان عكفت تتناول فعالياتنا الرياضية او الاجتماعية ستزيدنا احتراما لانفسنا او لدي الاخرين فلنهتم بترتيب امرنا الداخلي ونخرج انفسنا من دائرة الاهتمام السالب بشأننا وان لا نلتفت لهذه الظواهر التي يعرف الجميع منطلقاتها واسبابها الخفية وشكرا لقلمك


#694479 [صادميم]
5.00/5 (1 صوت)

06-12-2013 07:22 AM
تجاهلت قناة العربية خبر مباراة السودان لان النتيجة معروفة سلفاً وهي الهزيمة دائماً بحيث لم تعد خبرا يذاع لكن لو انتصر السودان فستتم قإذاعة هذا الخبر في جميع القنوات الفضائية و ألغيت البرامج العادية من اجل هذا breaking news وأتى المراسلون من جميع أنحاء العالم لتسجيل هذا الإنجاز بالقلم والصورة و الصوت يتبعهم مالكي الأندية العالمية للتعاقد مع مازدا لتدريب أنديتهم


#694464 [hadi]
4.50/5 (2 صوت)

06-12-2013 06:28 AM
حدث العاقل بمايليق الكوره السودانيه هي وين علشان يجيبوها في الاخبار وكورتنا الله يرضي عليك الدافوري ده كوره ياخي من رحمة الله علي السودان التجاهل ده محمده لانه ستر


#694456 [عباس الخير]
0.00/5 (0 صوت)

06-12-2013 06:17 AM
طيب وين الرياضة عندنا فى الاول عشان قناة (العبرية) تجيبها؟؟ انتو بضيعوا زمنكم فى حاجات فارغة, انت جيب نتيجة وجيب كاس واتاهل وبعدين تسال واما ان تكون تميمة جرتقة ..


#694445 [ركابي]
1.00/5 (1 صوت)

06-12-2013 04:49 AM
والله انته راجل طيب يااستاذ عبدالمجيد عبدالرازق الله يعطيك الصحة والعافية


#694438 [فنجاط]
3.25/5 (3 صوت)

06-12-2013 04:32 AM
ياخى ينعل العرب لأبو العرب فقط انظر إلى نفسك يا أستاذ عبد المجيد واسأل نفسك هل انت عربي أم أفريقي .والله العظيم كثر خير قناة العربية والام بى سى على الأقل هم يعرفون هويتنا أما نحن فحدث ولا حرج .


#694437 [التــــــــــــــــــــــــــــــــــــــــــــائه]
0.00/5 (0 صوت)

06-12-2013 04:26 AM
... السودان الذى كان ...
سفير العرب فى بلاد افريقيا وسفير افريقيا فى بلاد العرب
القطر الذى مثلت خلطته العرقيه ( قهوة كيف ) يتراوح لونها حسب اللبن المضاف
ولكنها تبقى قهوة كيف سادة او بى لبن ..
ارمى الدمعة فوق الدمعتين ياعـــــــــين .
وبعد خراب البلد حابساها الدموع لى مين .
الاعتراف يامجيد مش ذات اهميه ولاهو الشئ المؤرق لنا سواء كان فى العربيه
او باقى الفضائيات . الآن المصيبه فى السودان يكون او لا يكون وهو مربط الفرس
وكما قال الشاعر
فلا التأنيث للشمـــــــــــس عيب
ولا التذكير فخــــــــــــرا للهلال


ردود على التــــــــــــــــــــــــــــــــــــــــــــائه
United States [اوكامبو] 06-12-2013 09:25 PM
عفارم عليك.
يجب أن نهتم بتطوير أنفسنا و إصلاح أحوالنا فى كل المجالات وبالتحديد سياسيا و إقتصاديا و علميا ..طبعا بعد إزالة حكم الأنجاس المتأسلمين و دعونا لا نلقى بالا لكل هذة التفاهات و يعنى العرب عملوا شنو فلا زال الغرب يراهم من منظور الصحراء و البعير رغم حضارتهم الجوفاء حضارة الأبراج العالية و لكن الأخلاق لا زالت تحت الصفر.


عبد المجيد عبد الرازق
عبد المجيد عبد الرازق

مساحة اعلانية
تقييم
6.38/10 (5 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة