المقالات
السياسة
مهازل جامعة كرري
مهازل جامعة كرري
06-27-2013 10:31 PM

قبل اربعة اعوام قام احد الخيرين ببناء الجسم الخرساني و جدران مسجد جامعة كرري داخل حرم الجامعة علي شارع الوادي ..
و توقف العمل عند مرحلة ما قبل تشييد السقف .. و منذ ذلك الوقت ابدت بعض الجهات رغبتها في اتمام البناء ولكن ذهبت وعودهم ادراج الرياح وما يزال المسجد هيكلآ تداعبه الاماني ..
في صبيحة الاربعاء السادس و العشرون من يونيو 2013 قام قائد لواء الطلبة العميد حيدر عمر احمد البشير بجمع طلاب كلية الهندسة و ابلغهم بان مرتب شهر يونيو سوف يخصم منهم لاتمام بناء المسجد .. و عندها تضجر بعض الطلاب فما كان من العميدحيدر الا ان قام بصفع عدد منهم و ركل الاخرين بالارجل مع الامر بحلق الرأس للبعض و سجن احد الطلاب لمدة 21 يومآ لمجرد رفضه المساهمة علنآ .
و مما يؤسف له بان غالبية المغضوب عليهم يشكلون بعضآ من الدفعة 14 و التي سوف يتم تخريجها خلال الاشهر القادمة كضباط مهندسين بالجيش السوداني .. و لهذا الرفض خلفية اذ سبق خصم خمسون جنيهآ شهريآ من كل طالب طوال ثمانية اشهر بما يفوق الستمائة مليون جنيه لبناء سور للكلية من السلك الشائك و سكت الطلاب خوفآ من البطش بهم .. الي ان جاءت واقعة المسجد الاخيرة .. و حينها ارتفع صوت احتجاج الطلاب في وجه قائهم حيدر و كان ما كان في واقعة يندي لها جبين العسكرية السودانية خجلآ .




عبد الوهاب الرفاعي
[email protected]





تعليقات 9 | إهداء 0 | زيارات 18472

خدمات المحتوى


التعليقات
#711347 [عبد القادر عبد الكريم عمر]
1.00/5 (1 صوت)

07-02-2013 08:25 AM
سيادة العميد حيدر رجل بر وإحسان وانا أشهد علي ذلك فهو يجهز الافطار للصائمين بالمستشفيات كما يشارك من حر ماله لدعم الخدمات وتوفير وجبات للفقراء بجانب دعمه السخي لاعمال البر والاحسان ومصدر دخله معروف للجميع فهو استاذ جامعي متمكن بالاضافة لادارته لمشروعات اسرته الزراعية الكبيرة بولاية الجزيرة وماقدمة من دعم وجهد وعرق لسبيل تمكين اعمال الخير ونهضة القوات المسلحة يستحق علية الثناء والتقدير وليس التشهير به ونحن في ادارة الجامعة والمكتب التنفيذي راضون تمام الرضاء عنه وعن اعمالة الخيرة ونسأل الله ان يعينة علي اعمال البر ويبعد عنه الحاسدين والحاقدين الساعين لتشويه سمعته


#709262 [لسان الحال]
3.00/5 (2 صوت)

06-29-2013 05:01 PM
زول سبحان الله ( العميد حيدر ) راكب سيارة برادو اخر موديل قبلها باجيرو اخر موديل قيلهم بوكس جمل اخر موديل ودا كلو منذ قيادة لواء الطلبة الحربيين وتتضارب أقواله للناس عن مصادر الأموال مرة قطعة أرض ومرة جامعة شنو ما بعرف اسمها ومرة حقت فلان خلاها لي وسافر والله أعلم الحاجه الحارة وبتوجع شدييييد شديد خصم قروش الاعاشة خلال فترة الاجازة بحجة الاحتياطي والميزانية كعبة والمشاريع مع العلم انو الاجازة شهرين ومرتين في السنة يعني 4 شهور في السنة و300 جنيه للشهر يعني 1200 ج من طالب ف السنة دا غير التعيينات البتتباع برة كمية مهولة من شوالات السكر (كنانة) وقول وعدس وزيت واللشاحنة بتقيف بتفضي الصباح في المخزن وبالليل تجي واحدة تانية تملا والطالب الحربي عندو دعم للمعيشة أصلا من القيادة العامة ما بشم ريحتو والبنفع معاو وبساعدو ثابت في منصبو والمابنفع محول لي وين ووين دا للضباط وماخفي أعظم من كلام ووعود والمضحك انو مرة لما الطلاب وقال ليهم انا قللت ليكم خصم الشي الفلاني 2 ج في الشهر من 5 الئ 3ج دا ياهو المودي السودان لي ورا نحنا بنتكلم من حبنا للوطن الجينا من اجلو الجيش وهو لو راجل وعلي حق يخصم القروش ويا نحنا يا انت وبتشوف الكلام دا بوديك وين


#708658 [almulla]
2.75/5 (3 صوت)

06-29-2013 12:20 AM
هو دكتور في هندسة الكهرباء وليس الكيمياء يا استاذ...


#708532 [كوني]
2.50/5 (5 صوت)

06-28-2013 07:13 PM
والله يا اخوانا حيدر دا عمل كتير اكتر من كدة وحرامي عينو قوية
وانا شغال في جامعة كرري دي وبعفو كويس يا ما شال قروش وملايين من الطلبة بدون سبب ولو سالوهو بقول تعليمات


#708307 [mamoon]
5.00/5 (1 صوت)

06-28-2013 11:34 AM
ياخى الكربم جامعة كررى مؤسسه اكاديمبه تتبع للقوات المسلحه
يعنى لها لوائح ونظم تتبعها فى ادارة شئونها الاكاديميه والعسكريه
المرتب الذى يمنح للطالب بالكليه عبارة عن منحه تمنح للطالب وهو غير مدرج فى هيكل المرتبات والاجور
يعنى انه قابل للزباده والنقصان فى كل شهر حسب الخصومات وتحسينات الاعاشه واحتياجات الطلبه
حلق الصلعه والحبس اجراءات تاديبيه معمول بها فى كل الكليات العسكريه
قائد لواء الطلبه العميد حيدر هو عالم قبل ان يكون عسكرى ويحمل درجة الدكتوراه فى الكيمياء
ورجل مهذب جدا ومن اسرة كريمه واستبعد ان ياتى هذا التصرف منه
واللهم اعلم وحده بما خلف الكوالبس


ردود على mamoon
[أبو احمد] 06-28-2013 08:32 PM
أدنت صاحبك من حيث لا تدري يا مامون .. باعترافك بخطيئته و استبعاد ان يفعلها !!!
وقد شهد عليه اثنان( مع القسم ) .. بيكة و كوني .. اضافة لضحايا الدفعة 14 و بقية الكلية .. انشاء الله يدوك شريط ..


#708166 [بيكة]
3.25/5 (3 صوت)

06-28-2013 07:03 AM
طالب حربي ينضرب كف؟؟؟؟؟

والله يا اخوانا حيدر دا أنا بعرفو خمسة سنة معاهو وكان أستاذذ في قسم كهرباء والله زول مريض ورجالتو تاميها شنب والجيش لو فضلت فيهو رجالة وحمرة عين شبه الرجال الزي دا مابيقعد
وبالمناسبة من أسباب مايحدث صغر السن الجامعية
والطلبة الحربيين ما شبعو تدريب عشان اولاد قادة الجيش الكبار منومنهم كتير ومرتاحين عشان كدول قلوبهم ميتة ومابنفعو ياحليلك ياعكرمة اخوي


ردود على بيكة
[سلوكة] 06-28-2013 10:08 AM
مشكلتنا يا بيكة البلد متحكمين فيها اشباه رجال امثال نافع و عبد الرحيم و حيدر ..
تكمن قوتهم في طول لسانهم و تمترسهم خلف القوي الامنية اضافة لصمتنا الجبان .


#708156 [ابو الزينة]
4.50/5 (4 صوت)

06-28-2013 06:10 AM
عرفنا الصلعة و السجن .. كمان جابت ليها كف و شلوت ! ! !


#708110 [isic]
5.00/5 (1 صوت)

06-28-2013 01:21 AM
أخير ديل كلموهم قبل ما يخصموا منهم والله في مؤسسات يخصم منك ومافي زول يجيب خبرك .


#708078 [عجيب]
4.00/5 (2 صوت)

06-27-2013 11:31 PM
جيش و عنده جامعة و الشرطة كمان عملو جامعة الفضل عايزين جامعة للجامعيين الجدد ديل


عبد الوهاب الرفاعي
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة