المقالات
السياسة
طائرة الرئيس
طائرة الرئيس
08-12-2013 03:42 PM


ماشي تحج في قُم يا جائر؟
يا سلطان العهد الفاجر
وين متعدي الكعبة وطاير؟
وفي رمضان العشرة اواخر
بدل تتنطط وتمشي مشاتر
لي ايران السوقون باير
كنت تبعت اجماع الامة
البيها نفاخر
اسلامنا الوسطي
الخالي مناكر
او كنت قعدت واتفقدت
الناس الدمها فاير
الناس الماصت موية
المطرة بيوتن
الناس الشربكت خيوتن
الناس الطلعت زيوتن
الناس الراجين
يوم موتون
عروضن في السهلة تفوتن؟
وانت امير الغفلة الحائر
لكن رب الارباب القادر
مو ظلّام لعبيدو أو ناكر
حق الناس ماب يرجى لباكر
وضّحو فوقك بيّنو ظاهر
شوف الجو الواسع وباهر
كيف انسد عليك وين عابر؟
ارجع ارجع حجك باطل
حجك فاسد.. حجك فادر
وبكرة ياشعب اصيل يا صابر
تعبي الدنيا هدير يا ثائر
وهو يغادر.. وهو يغادر
ويرجع وطنك ناضر و زاهر

[email protected]

تعليقات 1 | إهداء 0 | زيارات 1508

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#742419 [محمد حجازى عبد اللطيف]
5.00/5 (2 صوت)

08-13-2013 12:20 AM
الباشمهنس ود العوض -- لك الود والتقدير
ويرجع وطنك ناضر زاهر ---- آميــــــــــــن
العشم فى الله لم ينقطع يوما ولولا ايمانا بالخالق الواحد الاحد والفرج القريب لدعونا انفسنا والشعب بالانتحار لما وصلت اليه الامور من استهتانة الحكام بمصير الرعيه وهوان الشعب على نفسه .
اللهم اجعلها فى موازين الحسنات واختم لنا بالصالحات ---دمت ذخرا للوطن


عبدالمنعم العوض
مساحة اعلانية
تقييم
10.00/10 (2 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة