08-14-2013 09:00 AM

image


جمعية صدقات تدعم المتضررين من السيول بمحلية بربر

ابراهيم ساعد

في إطار دعمها للمتضررين من السيول والأمطار قامت جمعية صدقات بتسليم أولي المساهمات لجمعية بربر الخيرية والمخصصة لمنطقة أبو حراز بمحلية بربر وتمثل الدعم في مواد غذاء وإيواء إضافة للكساء تمثلت في 9 طرود ملابس تحوي 4500 قطعة و252 مشمع و216 كيس مواد غذائية متنوعة إضافة ل 50 باكت من السكر والزيت والدقيق . الفريق يس قدور نائب رئيس منظمة بربر الخيرية قدم شكرهم وتقديرهم لجمعية صدقات مشيرا إلي أن المنظمة ستسير قافلة الدعم خلال اليومين القادمين لمحلية بربر مشيرا إلي أن منطقة أبو حراز تعتبر من أكثر المناطق المتضررة حتي الآن .. داعيا المنظمات والخيرين للوقوف مع أهلهم بولاية نهر النيل .. وأكد ناظم سراج المدير التنفيذي لجمعية صدقات عن شروعهم في تجهيز دعم آخر لعدد من المناطق المتضررة بولاية نهر النيل .





تعليقات 1 | إهداء 0 | زيارات 1549

خدمات المحتوى


التعليقات
#743833 [الجمكسين قاتل الصراصير]
5.00/5 (3 صوت)

08-14-2013 11:32 AM
لينا قريب إسبوعين بنسمع أخبار عن مبادرة نفير، وما قرينا (إسم) زول منهم مكتوب، ناهيك عن - كمان - كاتب وظيفته في صدقات! مدير تنفيذي؟ ياخي تخ!!

عمل الخير هو حاجة كويسة بالتأكيد، لكن البوبار والفشخرة الفاضية، وحنسوي وحنفعل دي ياها البناباها..!!!

العملي والأصلح يا ناس (صدقات) كان إنكم تنضموا للمبادرة (الأكبر والأكثر فعالية) .. إلا إذا كان الموضوع (تسويق لنشاطاتكم) ساي. مع العلم إنه العمل (الصحي صحي) ما بيحتاج لي لقاءات مع المدراء التنفيذيين أو شراكات مع جهات مشبوهة عشان يتسوق ليه!

بالإضافة لإنه ببساطة (إسمكم) ده ذاته حيخلي الكتير من ضحايا السيول ما يقبلوا بي حاجاتكم البتجيبوها دي. فالكثيرون لا يقبلون (الصدقة) .. ولكن بكل محبة ورضا يقبلون بالنفير!



العديل عديل .. والأعوج إن كسر رقبتو بيفضل أعوج!


ردود على الجمكسين قاتل الصراصير
[الجمكسين قاتل الصراصير] 08-18-2013 08:21 AM
ياربي لا تعولقنا لا تخوزقنا..!!!

كدي أرجعي أقري المقال الرئيسي الفوق داك تاني .. بعداك أقري تعليقي وردي ليك (برضو تاني) عسى تقدري تركزي شوية..!!!

الخبر الرئيسي الجابني وجابك هنا مكتوب فيهو: "... الفريق يس قدور نائب رئيس منظمة بربر الخيرية."

قمت أنا قلت إنو صدقات بتتعامل مع جهة مشبوهة في التعليق الأول .. بعداك شرحت ليك كيف إنو بربر الخيرية دي جهة مشبوهة في النقطة رقم (2) في ردي ليك الفات..!!!

فهمتي؟

أما بالنسبة لي ناس صدقات والحاجات البيعملوا فيها .. فكتر خيرهم وبارك الله فيهم وربنا يجعلها في ميزان حسناتهم!! ويسامح (بعضهم) علي البوبار والفشخرة الفاضية البيعملوها على حساب المتطوعين والمتطوعات المؤمنين بالفكرة..!!!

تاني شي .. منو أصلاً القال ليك إنو تطوع أعضاء صدقات في نفير عيبة؟؟ إنتي ما بتعرفي تقري عربي ولا شنو؟ ليه ردودك كلها برة الشبكة وتقويل كلام ما قلتو؟؟ وين قلت عيبة أنا؟؟ قلت كلام محدد أنا: ليه طالما متطوعين كتار من ناس صدقات شغالين في نفير - ناس صدقات يصروا يعملوا شغل حقهم براهم؟؟ مافي أي تبرير للحركة دي غير إنه (إدارة) صدقات (غارت) من التغطية الإعلامية اللقتها نفير وحبت (تنافس) بإعتبار إنه الإدارات ما دايماً بيكون همها المواطن المتضرر، بل الجنصصة والفشخرة والأولاد رهيبين وياسلام عليهم..!!!

التحفظات (ياشاطرة) متعلقة بالنظام الإداري بتاعها بإعتبارها جمعية (هبتلّي) ساي..!! رسلوا رصيد في الرقم ده .. وإتبرعوا في المكان ده، لكن الله خلقني ما شوفت كشف حساب لطريقة صرف القروش..!! وتحفظاتي برضو مربوطة بإطارات العمل المفاهيمية والمسائل بتاعة النوع الإجتماعي وحقوق الإنسان وإرتباطها المباشر بالعمل الخدمي (اللي هو غير موجود في صدقات) ..

تحفظاتي أعلاه هي خطوط عريضة لتفاصيل كتيرة (ممكن تتكتب في مقال أو ورقة علمية كاملة) .. لكن متحفظ عليها بإعتبار إنه في الظروف الحالية مناقشة تحفظاتي على مجموعة شبابية في الراهن ده ما عنده معنى .. والأفضل تأجيله لغاية ما محنة الناس الحسي دي تمر بإذن الله ..

طلبك الأخير مرفوض .. لأني أنا متابع صدقات من قبل ما (تتسمى) جمعية من أساسه .. هي والجمعيات البتشبهها..!!!

أما سطرك الأخير ده ففطسني بالضحك .. الأعوج البيقول كلام في الناس بدون كلام أكيد وساي" .. والله إنتي تحفة .. هو سيادتك وصفتيني بإني (كوز) عديل .. في كلام (ساي) أكتر من ده؟؟

ما تكوني defensive في الفاضي ساي .. أقري التعليقات .. وأفهميها .. حتن ردي .. سمِح؟ :)

United States [بنت النيل] 08-16-2013 11:38 AM
هل انت متأكد من معلومات عن أنها تابعه لي الحكومة أو لي طرف منها احب اصلح ليك المعلومة هم العكس تمام ودا بحكم احتكاكي الشديد بيهم فهو ليس ليهو علاقه بعسكريه إذا من بعيد أو قريب وكمان خليتو فريق باين عليك قاصد شخصيه تانيه وإذا انت شايف انو العمل الطوعي لي هوايه دي حاجه بتخصني أنا
وصدقات شغلها مارمضان بس امشي شوف الدور الايوائيه من المايقوما والمسنين لي الإصلاحيات ومستشفي سوبا والآبار والحاره 74
وانت قلته أنتو أعضاء صدقات جزو من نفير هل دي عيبه دا بسبت انو في شراكه شغل حتي بلمتطوعين وأبسطها الهدوم البودوها ناس نفير لي صدقات وفي معلومه احب أنبهك بيها في جمعيه تأنيه اسمها اوصول برضو شغالين براهم القصه ما انو زول شغال براهو بس كيف توصل الاحتياجات
والتحفظات أتمناه انك تكون واضح فيها وكلامك دا حسسني انك كوز
طلب أخير امشي مركز الراحلة ساره صديق أو مكتب صدقات وشوف بنفسك بدون ما تتكلم ساي
والأعوج البقول كلام في الناس بدون كلام أكيد وساي

[الجمكسين قاتل الصراصير] 08-15-2013 08:16 AM
وعليكم السلام يا بت النيل!!

عارفهم ياخ ناس صدقات .. ظريفين وبيلموا أكل للمحتاجين في رمضان (الغريبة هو الشهر الوحيد بتاع الصيام .. لوول) .. المهم .. تحفظاتي على صدقات كمؤسسة دي كتييييرة .. لكن محتفظ بيها لنفسي حسي .. وتعليقي مربوط بالكلام المكتوب في الخبر الفوق ده..!! الأسئلة المشروعة كالتالي:

1- ليه ناس صدقات يشتغلوا براهم وغالبية (أعضاء) صدقات جزء من نفير؟ وكمان تصريحات صحفية وتلقى الفيسبوك كلو إستيتسات صدقات ياسلام ونحن أرهب ناس وحنفعل وحنسوي..!! واضح جداً إنهم حسوا إنه إسم صدقات ما حيظهر لو إشتغلوا تحت نفير .. يعني الشوفونية والبوبار في ظهور الإسم أهم عندهم من حرصهم على إنه الحاجات تمشي بشكل كويس!

2- لعلمك (بإعتبار ردك بيدي إيحاء بإنك هاوية عمل عام بدون معرفة) .. أي منظمة سودانية فيها كلمة (خيرية) معناتها مأكلة بتاعة كيزان، ناهيك عن إنو نائب رئيسها (فريق)..!!! فريق تابع للجيش البيقتل في أهلنا في الجنوب الجديد والغرب؟ ولا فريق تابع للشرطة أم عصايات وسيطان قطعت ضهور الناس؟ دخلو شنو سيادة الفريق ده بالعمل الخيري؟؟ نائب الرئيس؟ يعني رئيس المنظمة مشير ولا كيف؟ كااك

3- أي جمعية في الحلة أو في مدرسة ثانوية بيكون فيها هيكل إداري يعني ماجبتوا الديب من ديلو .. ولا ده كان محور تعليقي الما فهمتيهو وجيتي فايرة فيهو ساي .. أنا بتكلم عن إنو ليه يقول إسمه ووظيفته للصحافة؟؟ البوبار ياهو ده .. السيد المدير التنفيذي يؤكد ويصرح وحنفعل و ورجغ ورجغ ورجغ الفوق ده. أمشي أٌري مقال أستاذ الطاهر ساتي لمن حكى تجربته لمن زار ناس نفير وكيف الناس كانوا بيتحاشوا يظهروا في الصور وما بيقولوا معلومات عن نفسهم!

وشكراً ..

[بنت النيل] 08-14-2013 04:51 PM
اذا انت شايف انو الموضوع فشخره وبوبار امشي بدرب عدييييل وشوف ناس صدقات بعملو شنو ولانهم مامحتاجين بوبار ماوصلو المرحله دي وتنبيه هي منظمه طوعيه شبابيه لا دخل لها بعمل السياسي من قريب او من بعيد وهي مسجله في الوزاره وليها قاعده شبابيه كبيره جدا فلازم يكون ليها مدير تنفيزي وهيكل اداري


مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة