08-15-2013 03:17 PM


كمِّل يومَك

سيب الأغبش ياكل نارو

مالك ومالو ..

لاكْ من توبو ولا مِن توبَك

ولا في يوم ح تصبح جارو

سيبو في حالو ..أنسَى خبارو

كمّل نومك سيدنا الوالي

تتعب ليه وليه ياغالي


تخَرِب جزمة و تملا هدومَك

ليل ونهار صارْ قدُّومَك

زيْ ماتقول الشعب بدونك

عيشو مُحال

خلّي الأغبش في مأساتو

السيل فدْ مِحنة

وعِد آلآف المِحَن الفاتو

جاع ما اديتو طرقة كِسْرة

صارَع مرضو وحال العُسرة

علّم ولدو بإيدو اليُسرى

وإنت في قصرَك نِعَمك تَتْرَى

ماكِل عرقو وكُلْ خيْراتو


الأغبش صخرة السيل مابْشيلو

خَاوَى الموت وبقالو دليلو

باكِر قطْعاً جرْحو بيبرا

وتوبو يلمّو الخيط و الإبرة

تهطل فِكرة و يدْفر سيلو

جامِح غاضِب

طامِح غاصِبْ

كاسِح قاطِب

يجرِف وَكَر الطاغي وليلو

شِبِع مِن ويلكُم جرّبوا ويلو

حليلو الأغبش لمّا يشمّر

رعَدو يدَمدِم ويدْفِق سيلو


[email protected]


تعليقات 1 | إهداء 0 | زيارات 2061

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#745813 [كضاب]
1.67/5 (8 صوت)

08-17-2013 07:23 AM
كمل كمل
لا فض فوك


سيد محمود الحاج
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة