09-02-2013 12:15 PM


هناك اشكالات كبيره وكبيره جدا في المكون العربي او المنتسب للعروبه اذا تحرينا الدقه في السودان فهم في وعيهم الظاهر يشعرون بان العرب كثقافة بها كثير من الاشكالات والاشياء غير المحبوبة او الغيرالمتوافقه معهم او لنقل مع سودانيوتهم الكامنه,لذا نجد انهم في المناطق الحضريه او المتمدنه يسخرون من يحمل بعض محمولات الثقافه العربيه فيصفوهم باهل العوض والروس والعرب الاجلاف وغيرها من اوصاف تحقيريه ويحاولوا التبرء منهم باعتبار الاعراب صنو ومرادف للتخلف والجلافه,وفي ذات الاثناء يمارسو استعلاءً علي بعض المكونات الافريقيه بانهم عرب اصلآ(اولاد عرب وحرين)وهو نوع من المحنه التناقضية ان جازت التسميه التي تعيشها تلك المجموعات,بل نجدهم يقولواللابيض او فاتح اللون حلبي(هنا اعتراف ضمني بانهم ليس فاتحي اللون) وللاكثر سوادآ عب او فرخ واذا كان الاسود ينتمي اليهم ولا يمكن الهروب من هذا الشئ يجدو معالجه بوصفهم للون الاسود بالخدار او القول بان البطن بطرانه وهم هنا لم يدرو بان بطران البطن انما هو الجين الافريقي الذي منه يهربون,والملاحظ ان صفة الخدار ليس من الدرجات اللونيه للبشر علي الاطلاق فالوان البشر هي الابيض والاصفر والاسود وربما البني,وليس هناك لون اخضر للانسان علي الاطلاق وانما هو لون مميز للنباتات لوجود مادة الكلوروفيل ولكنها محاوله للهروب او ايجاد مخرج للمعضله المستفحله, او ربما يكون المقصود رجلا كلوروفليآ أتيآ من احد المجرات؟
احيانا يضيفوا اليها عبارة الثقافة والملاحظ ان الغالبية من مستعربي السودان يميل لونهم للسواد ونجد ان المكونات العربية او المنتسبه للعروبة في كردفان ودارفور تعاني من محنة مزودوجة او مركبة فهي تمارس استعلائها الاجوف علي قبائل دارفور وكردفان الافريقيه بيد ان هذا الشئ هو في الواقع محاولة تعويضيه للاستعلاء الذي تمارسه قبائل النيل او الوسط المستعربه حيث انها لا تري فرقا بين القبائل المدعيه العروبة اوالافريقية القاطنه في الغرب وهم في الذهن الجمعي للعروبين مجرد غرابه سوا كانو عربا او افارقه,وهم هنا اي القبائل العروبية او المدعية العروبة في وسط وشمال السودان تعاني من ذات الشئء حين ذهابها للخليج موطن العرب الاصليين ,فحين ذهابهم يكتشفوا انهم وكل قبائل السودان الافريقيه مجرد(خيلان) او عبيد في ذهنية العرب الاصليين وكما تدين تدان فلا مورفولوجيآ ولا ثقافيآ هم بمشابهين لعرب الخليج فكانما وهم عروبتهم الزائف اغتسل في مالح البحر الاحمر,فالموضوع سلسلة من الاستعلاءات كل حين يضيق هامش عروبته في ذهن الاكثر عروبة يمارس اضهاده واستعلائه الاجوف لمن هو اقل عروبة في نظره وهكذا,وهي حالة نفسيه مركبة افضت وأدت الي هذا الكم من التمييز علي المستوي الاجتماعي ومن ثم السياسي والاقتصادي,فلو كان المحسوبين علي الثقافه العربيه ادركوا انهم افارقه او سودانيين ولكنهم يتحدثون العربيه,وتصالحوا مع هذا الشئ وتخلصو من عقدة اثبات العروبه الاصيلة
لكان افضل واكرم لهم,...
فنحن نجد ان دول في غرب افريقيا تتحدث الفرنسيه ولكنهم مفتخرون باصلهم الافريقي وثقافتهم افريقيه خالصة لا تشويه فيها او استلاب وارتباطهم لا يتعدي الفرانكفون اي التحدث بالفرنسية ونفس الحال للانجلوفون اي المتحدثين بالانجليزيه دون ان يتماهوا او يدعوا الانجليزيةه فلماذا لا يكون المتحدثون بالعربية مثلنا اربوفون دون هذا الاستلاب الماسخ والذي افضي الي كل هذه الماسي في هذا الوطن السودان من حروب واقتتال ونزوح وتشرد وغيرها من ماسي ,فمن البديهي والمعروف ماذا يعني اسم السودان اي السواد مها اجتهدت فتياتنا في استعمال المبيضات ومهما حاولنا التماهي الماسخ في اثبات عروبه لاتُعطي لنا الا مجاملة او نفاق...


[email protected]

تعليقات 8 | إهداء 0 | زيارات 1404

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#758531 [تينا]
0.00/5 (0 صوت)

09-03-2013 04:53 PM
هوى يا ((( ابو الكدس ))) اول حاجة يا خسارة طول وقتى بعلق معاك هنا للان ما عرفتنى من ياتو نوع ؟ يا سيد لابحب العنصرية ولا بحب البتكلم عن العنصرية لاى جنس يعنى لو كان الكاتب دا بدل اساءتو للجلابة على رايك كان اساء لاى قبيلة اخرى ستجدنى برضو من الواقفين ليهو فى زورو الظاهر عليك اول مرة تقرا لى تعليقات . ثانيا برضو حكاية فاكرنى كتكوتة وعلى كده قلت تخمنى وعملت نفسك شمالى برضو ما بتنفع معاى اللهم الا كان انتا حلبى زى ما قلت وعندك عقدة تجاه الجلابه وما صدقت الكاتب اساءهم ليك فرحت ودافعت له . يا زول شخصى حقانية جدا وجنى وجن الكذب وعدم قول الحق قصة الحاجات البتقول لازم نعترف بيها دى ما مغالطاه فيها فى ايى جهة فى الصالح والطالح وبقدر ما فى ابناء من المستعربين عنصريين بنفس القدر فى كثير من مناطق اخرى اشد عنصرية طيب اذا بترى مقالة الكاتب العنصرية بتعالج المشكلة لماذا تطالبنى انا اقراها واصمت ولا اعلق ايى تعليق سلبى تجاهه ولا تطالبه هو المفروض من الذين يكتبون لينورون الناس ان يكتب بحيادية بمثل ما طلع كل المستعربين الفى السودان بكل هذا السوء لماذا لا يكتب عن سوء بقية اهل السودان لنرى صدقه ولا نزعل ونفكر معه فى ايجاد الحل ؟ المصيبة انتا جيت تكحلها عميتها وكمان وصفتنى بانى عندى عقدة عروبه وهو اضاف ليها عقدة لون احمد الله رضيانه بيحالى وبيلونى وبيجنسى ولا احمل ايى عقدة ولا ضغينة تجاه احد شوف الناس الفلقونا يوم والتانى بنفس المقالات دى واسالهم عن عقدهم . وقصة تقول لى سودان جديد ولو كره المستعربون . دى بقا زيك ضحكتنى لما وقعت دى ياها اكدت لى العنصرية تجاهنا ذاتا نفس الكلام بنسمعوا طوالى ومنو القال ليك انا زاتى ما دايرة السودان الجديد ؟ دايراه لكن بكل ناسو المسالمين من كل اتجاهاتو وبدون ان تقولوا نقصى الجلابة هههههه يعنى سودان جديد ومعاهو الجلابة ولو كره العنصريون


ردود على تينا
European Union [أبو الكدس] 09-04-2013 09:35 AM
شايفة مشكلتك برضو عنصرية ومركزة شديد في جنس الكاتب والمعلق ومصرة أنهم في الغالب ما شماليين ولو كانو شماليين يعني وقتها كنتي حتقبلي كلام الكاتب وتبصمي عليه بالعشرة؟؟!!
تاني حاجة إنت عايزة الكاتب يسلط قلمه وينتقد بقية أهل السودان ويعدد سلبياتهم وكده في اعتقادك أنه حيكون حيادي ؟كيف يستوي الأمر إذا كان بقية أهل السودان واقع عليهم ظلم الحسن والحسين وفقدوا كل حاجة فقدوا أعز ما يملكون في حين أنه الطرف المعتدي الطرف الظالم مسيطر على كل شي سلطه تجارة وأقصو البقية ولسه كمان عايزة الكاتب يكون محايد وينزل فيهم هرس بالله في عنصرية أكتر من كده؟
وبعدين قصة عندك عقدة عروبة ولا ما عندك عقدة عروبة دي حاجة تخصك وما بتهمنا كتير و زي ما قلت ليك العايز يعمل مستعرب خليهو يعمل واللماعايز برضو خليهو ده كله ما بهمنا البهمنا انو البلد والقوانين الفي البلد وتوجه البلد تكون على الحيادغير منحازة لي فئة محددة وعلى مسافة واحدة من الجميع ويتساوا الجميع في فرص المنافسة سواء كان شغل ولا تجارة ولا سلطه وكتها حتلقي كاتب المقال مشغول بأمور تانية وما حيقدر يقول تاني بغمممممممممممممم .
وتاني مرة بذكرك انو قصة نقصي وما نقصي ده شغلكم انتو البتعرفوهو زي جوع بطنكم اشان كده خايفة شديد من قصة الاقصاء زي الحرامية تلقاهم اكتر ناس بتكلمو عن الامانة والشرف .
وبأمنة ضحكت الاخيرة دي عجبتني شديد عارفه ليه لانو عارفه الصح وين والكاتب قاصد شنو من مقالو بس مشكلتك بتكابري وأيد على أيد لسودان جديد


#758258 [تينا]
0.00/5 (0 صوت)

09-03-2013 11:25 AM
وانتا يا ابو المفهومية يا ((( ابو الكدس ))) جايى تدافع عن الكاتب العنصرى وطلعت برضو عنصرى زيو ليه توصفنى عندى عقدة عروبة بل عند الكاتب البدا وعندك انتا ايضا البتدافع ليهو وما بتقول الحقايق كيف يعنى يكون عندى عقدة عروبة واصلى ما ببدا اتكلم عن كلام زى دا بل بدافع عن الهجوم الدائم علينا من اصحاب العقد وثانيا ما تلف الكلام وكون حقانى لو هو قاصد النظام ليه يعمم واصلهم العنصريين كده المقالات دى مكرره دائما بنقراها نفس الطراز الواحد يعمل نفسو قاصد الحكومة ويقوم اشتم فينا نحن بدون سبب الا بسبب الحقد فقط وثالثا مش افترضت بل متاكده تماما الكاتب ما من المستعربين كما تقولوا لانو كان ممكن يكون امين بقدر ما انتقد اهله بنتقد الباقين لكن مش اطلع اهله ملايكه والمستعربين هم السيئين بالاضافة لانى متاكده ما من المستعربين نفس لكلام العنصرى البنقراهو تجاهنا دوما تقول ناقلنو بالكربون . والبخلى الكاتب لو قلت امكن مستعرب اسيىء اهله بهذا الشكل ويخليك انتا تدافع لابن اهلك شنو ؟ خسارة كلكم كذابين عاملين فيها دايرين ديمقراطية ومساواة وانتو بتكيلو لابناء الشمال وعايزين تخرجوهم من المشهد السودانى تماما والدليل مثل مقالة كاتبك البتدافع ليهو والمصيبة دايما تهاجمو الناس وتحجرو على رايهم وقايلين نفسكم بتخوفوا الناس وباسلوبكم دا بتقصوهم من السودان ودا بعدكم كلنا سودانيين شئتوا ام ابيتو وما جبنا ايى سيرة عروبة المهتمين بيها انتو اكتر مننا وتجو تعايرونا بيها . يا تقول خير يا تصمت
ا


ردود على تينا
European Union [أبو الكدس] 09-03-2013 02:24 PM
أقتباس 1:
الواحد يعمل نفسو قاصد الحكومة ويقوم اشتم فينا نحن بدون سبب الا بسبب الحقد
أقتباس 2:
لو قلت امكن مستعرب اسيىء اهله بهذا الشكل ويخليك انتا تدافع لابن اهلك شنو ؟
أقتباس 3:
خسارة كلكم كذابين عاملين فيها دايرين ديمقراطية ومساواة وانتو بتكيلو لابناء الشمال

طبعا بعد الاقتباس 2 و 3 قربت أقع من الضحك على الكتكوته الفلهيمة تينا وهي تدعي زورا وكذبا ونفاقا بأني بدافع عن الكاتب لانه بتجمعني بيه صلة قرابة ظنا منها أننا من منطقة واحدة كيف عرفت؟الله أعلم .لعلمك يا تينا يا فهيمة أنا شمالي ومن العينة البقولو عليهم أولاد عرب ولو يخففو لوني درجة واحدة ببقا حلبي عديل طبعا ده على حسب التصانيف الانتو خاتنها للسودانية ده كله اشان اقرب ليك الفهم .فليس لي أي صلة بالكاتب ولا أعرف أصله ولا فصله ولا أريد أن أعرف لانو بكل بساطه ده ما بهمني بقدر ما بهمني فكرة الكاتب في المقال وزي ما ذكرت ليكي في تعليقي الأول توجد هنالك مشكلة حقيقية ولو قلت لي طيب السودان مليان مشاكل ليه قصدتو المستعربين حأقول ليك لانو بأيدهم القلم والحل والربط من ما عرفنا بلد اسمه السودان وكان بأمكانهم يخلو السودان جنة تسع الجميع لكن واقع الحال يغني عن السؤال واللف والدوران الكتير.
وبرجع بقول ليك المشكلة معروفة وواضحة وضوح الشمس ومحتاجة شجاعة وبدون مجاملة ومافيها قصة أقصاء ولا حاجة لانو قصة اقصاء الآخرين من المشهد السوداني وما عارف شنو ده شغلتكم انتو يا المستعربين وبعدين لما الواحد ينتقدكم في غلط بين وواضح تقومو طوالي تقعو فيهو خبت ويا عنصري و يا حاقد ويا كذاب دي برضو بقت ما بتخوفنا وحنك بيش ما بناكل منه والتغيير جاي جاي وسودان جديد حاصل حاصل ولو كره المستعربون


#758255 [عزو]
0.00/5 (0 صوت)

09-03-2013 11:22 AM
موضوع ممتاز


#758033 [kareem]
0.00/5 (0 صوت)

09-03-2013 07:03 AM
مشكور ياستاذ اسماعيل. مقالتك لاترضى المستعربين, وهم بالملائين في السودان


#757911 [تينا]
0.00/5 (0 صوت)

09-02-2013 09:10 PM
الحاجة البتغيظنى من الكتاب العنصريين أمثال هذا الكاتب دائما يكتبوا اننا عندنا عقدة عروبه ووو الخ كدي ورينا متين جوك مستعربين كما تقول وقالوا ليك نحن عرب العقدة دى عندكم براكم يا هذا ودائما توصفونا بيها ومين فينا قاعد اجيب سيرة اللون الظاهر عليك براك عندك عقدة لون ما تلصقا فينا ولو عشان ناس الحكومة عنصريين لماذا تعمم كلامك علينا ولماذا تكذب وتقول نحن المستعربين بنقول اهل العوض وايه وايه اتنكر انكم ايضا تقولون اهل العوض وايه وايه بل اتنكر انكم دائما تقولون علينا ((( الجلابة ))) كعنصرية منكم واستحقار لنا ودائما تكتبوا عن هذا الموضوع فهذا يدل على عقدة فيكم انتم وليس نحن. نحن عارفين نفسنا ومرتاحين على كده والمثل يقول العارف عزو مستريح فلماذا هذا الموضوع ممثل لكم هاجس وشابكننا عندما تمشوا الخليج يقولوا لكم ياخال نحن نقيم فى السعوديه لم يقل لنا ايى حد هذا الكلام ابدا الا كان قالوه ليكم ودائما تجوا تلصقوه فينا مثل مواضيعكم العنصرية هذه لا تخدم ايى قضية وما هى مناسبتها يوم والثانى نفس الكلام وما هو الدافع ؟؟ كنت أكره العنصريه لكن اصبحت أخاف على نفسى ان اصير عنصرية من كثرة المقالات التى تكتبونها عنابعنصرية مقيتة اسأل نفسك لماذا المستعربين كما تصفهم لا يكتبون عنكم بعنصرية كما تكتبون أنتم عنا كل واحد فيكم لايجد موضوع يدبج مقالة ويسيىء فيها للمستعربين والجلابة كما تنعتونا اذا انتم الكتاب المنتظرنكم تنوروا الناس لتنقذوا البلد واطاتنا أصبحت وعلى الدنيا السلام كرهتوووووووووووووووووووووووووووووووووووووووووووووونا


ردود على تينا
European Union [أبو الكدس] 09-03-2013 09:17 AM
شكله فعلا انك مستعربة وعندك عقدة عروبة الكاتب بتكلم بشكل عام عن فئة من السودانيين فئة المستعربين العاملين فيها عرب أكتر من العرب نفسهم والفئة دي موجودة مهما حاول البعض الإنكار بس دي في حد نفسها ما مشكلة فالشايف نفسه عربي اليبقا عربي مبروك عليه عروبته وربنا يسهل عليه والشايف نفسه أفريقي اليبقا أفريقي وربنا ينورلو دربو والعايز يبقا أي حاجة تانية برضو اليبقا قشة ما تعتر ليه زي ما قلنا ليك دي ما مشكلة المشكلة إنو الفئة دي ومن الاستقلال مسيطرة على مقاليد الحكم في البلد وعايزين يوجهو البلد كلها على حسب فهمهم ومركبات نقصهم حتى ولو كان الفهم ده ضد مصلحة السودان البلد الجامع وليس الفئة الحاكمة المستعربة ولو عايزة أمثلة الأمثلة كتيرة وأقرب وأبسط مثال السيول والفيضانات والمشاكل الموجوده أصلا من أول دارفور جنوب كردفان النيل الازرق جبال النوبة حروب وكوارث بتحصد في ارواح الالاف من السودانيين وجماعتك المستعربين بيتظاهرو أشان رئيس في بلد عربي طلعو عليه جماعتو وزحلقوه ياخي لو واحد ساكت بالغلط اتشنكل وقع على وشه في أي بلد عربي ناسنا هنا يقوموا ويقعوا التقول القيامة قامت وطيب الناس التعباة والناس البتموت دي مش برضو سودانيين ويستحقوا انو الناس تهتم بيهم.
وتاني حاجة القال ليك منو انو كاتب المقال من مناطق غير مناطق المستعربين وليه افترضتي الحاجة دي مش ممكن يكون جلابي حاسي بتأنيب ضمير على كم الخرائب الهائل الذي حاق ببلده السودان بسبب ضيق وأحادية نظرة الفئة دي لحكم السودان وعايز يكفر و يسهم لو بي مقال في تصحيح الوضع قبل الدمار الكامل الشامل .
في رأي المتواضع انو كاتب المقال بناقش في مشكلة موجودة ومتجزرة ويجب ايجاد الحلول لعلاج المشكلة بشكل ناجع وتقليل الآثار الجانبية ولا يوجد وقت للمجاملات


#757763 [elsir]
2.00/5 (2 صوت)

09-02-2013 04:09 PM
ه زول وهم ساكت وملئ بالعقد ويعتمد على الابتزاز فى كتابته..اهل السودان فيهم الافروعرب ويجب الا يتم ابتزازههم بسبب ذلك وان كان ثمة تمدد لثقافة على حساب اخرى فايضا لا يمثل ذلك سببا لاستهداف اصحاب هذه الثقافه البديل لذلك هو وجود صيغه تجمع هذه المكونات فى اطار وطن واحد بدلا من اجترار تعابير سخيفه مثل جلابه وغرابه..حاجه تطمم البطن..


#757663 [issam]
5.00/5 (1 صوت)

09-02-2013 01:36 PM
كنت اتردد كثيرا في قراءة المقال لخوفي مما يحتوية المقال من نبرات عنصرية ولكن اخيرا قررت ان اقراء المقال ومما اعجبني فية كما تدين تدان والنظر الفوقية وإحتقار السودانين لبعضهم علي حسب ايهم اكثر عروبة والحق يقال لو اننا بنينا الثقة في انفسنا دون النظر الي مكوناتنا العرقية لاصبحنا اكثر الامم تطورا يجب علي الجيل الجديد ان يبحث علي بناء الكيان السوداني الموحد ونقل تجارب المختربين وتعاونهم كما البحث في إنضمامنا الي كيان الجامعة العربية كدولة بل نطالب انسحاب السودان منها لعدة اسباب اولا لعدم اهميتها ككيان وثانيا لانها قائمة علي اساس عروبي ودليل عدم اهميتها عدم تدخلها في الحروب القائمة الان وانشاء دول الخليج العربي كيان اخر بما يعرف بدول التعاون الخليجي


#757644 [Addy]
5.00/5 (2 صوت)

09-02-2013 01:08 PM
نريد تعليقاً من أحد العروبيين ..

من المؤكد أن كل مستعربي السودان النيلي تجري في عروقهم دم نوباوي .. أؤكد دم نوباوي .. وذلك من شأنه إكمال النقص الذي يتلازم مع العروبة فيهم (لا نقص عروبتهم) كون العرب أمة وحشية لا حضارة لها (مقدمة إبن خلدون) بينما للنوبه حضارة معروفة باقية آثارها في وادي النيل .. حضارة كانوا روادها قبل هجرتهم منه إلى كردفان بعد سقوط ممالكهم المسيحية .. هذا عوضاً عن الثقافة والعادات والتقاليد والملامح المعنوية للشخصية التي تميز السوداني النيلي المستعرب عن أي شعب آخر في محيطه بما في ذلك العرب ..

هؤلاء القوم .. لماذا لا يريدون الإنتساب لكل هذا الإرث النوبي الفاخر المتجلي فيهم .. وبدلاً من ذلك يلهثون لهث العطشان للإنتساب إلى العروبة وهي لا تشبههم ومنكورة عليهم؟؟ وبرضو عند الزواج والطهور عايزين يغسلوا عرسانهم في مياه النيل!!


ردود على Addy
United States [سنوي] 09-02-2013 03:37 PM
والله كلامك صحيح 100% اي سوداني فيه جين زنجي مهما اتى من انساب

السوداني مهما يكون لونو فلا بد ان تجد فيه شي من الزنجية
اما في الطول
او اللون
او الانف
او الشهر

شفتو ليكم سوداني خارج عن هذا الاطار اتحدى اي واحد
تصالحوا مع انفسكم ايها السودانيين واعترفوا فافريقيتكم او سودانويتكم يرحمكم الله
والله اني افتخر اني سوداني


اسماعيل احمد محمد
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة