12-27-2010 11:40 AM

ساخر سبيل

الفاتح جبرا

أكثر 50 سؤالاً متداولة

ــــــــ


1- الشارع ده إتجاه واحد؟

2- الكهرباء رجعت؟

3- و ح تودوهو الأردن؟

4- بتعرف ليك واسطة؟

5- الجمرة فضل فيها كم؟

6- الليلة هو اليوم شنو؟

7- تودينى المشوار ده بى كم؟

8- المويه دى عكرانة كده مالا ؟

9- معاك فكة؟

10- الظهر أذن؟

11-الجنوب ح ينفصل؟

12- العقد فى ياتو مسجد؟

13-الدولار عمل كم ؟

14-الزول ده قبل يومين ما شفتو شديد .. الكتلو شنو؟

15-مالك زهجان وقرفان؟

16- ح ترفعوا الفراش متين؟

17- الجاب القون منو؟

18- الحفلة بى ياتو فنان؟

19- دفعتا حق الإيجار؟

20-البوش ده عاوز زيت؟

21-الرسوم كم؟

22-منو فى الباب؟

23- الإجتماع إنتهى؟

24-عندك رصيد؟

25-الطماطم الليله عملت كم؟

26-عامل كيف مع الفلس؟

27- نتيجة الفحص طلعت شنو؟

28- وح تسموهو منو؟

29-الحرامى شال منكم شنو؟

30-موبايلى ختيتو وين؟

31- العيد إجازتو كم يوم؟

32-صرفو ليكم الماهية؟

33-الجاب الأقوان منو؟

34-الكورة ناقلنها فى التلفزيون؟

35- الأسعار دى ح تزيد كده لمتين يعنى؟

36-متين اليوم إنتهى؟

37- شفتا الفديو بتاع الجلد؟

38- صحى التمباك ح يحظروهو؟

39- عربية النفايات جات ؟

40-و ح تتم باقى الشهر كيف؟

41- شهادة البحث وين؟

42-العريس شغال شنو؟

43-الناس دى عايشة كيف؟

44-والبص القلبو شنو؟

45- الوزير جا من السفر؟

46-الرغيف ده وزنو مالو بقى كده؟

47-الزول ده جاب القروش الكتيره دى من وين؟

48-الطيارة إتأخرت لمتين؟

49-الموظف الفى الشباك ده مشى وين؟

50-كان قدمتا ليهم ح يدونى مرابحة؟





كسرة :

أكتر سؤال متداول : فى أمل الحالة دى تتصلح؟

تعليقات 32 | إهداء 8 | زيارات 5591

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#68030 [ود البشير]
0.00/5 (0 صوت)

12-29-2010 02:23 PM
إعلان عن خطاب للرئيس ................
الليلة الحفلة بمنو؟


#67616 [الشاعر]
0.00/5 (0 صوت)

12-29-2010 04:56 AM
والسؤال رقم51
الناس ديل قاعدين لي متين؟؟؟!!!!


#67444 [كيف ةةمملا وووو ال]
0.00/5 (0 صوت)

12-28-2010 09:14 PM
السكر رجعتو


#67287 [علي تمساح الكدرو]
0.00/5 (0 صوت)

12-28-2010 03:54 PM
عشان نفوز بالأغلبية..(طبعا الايام دي انتخابات واستفتاءات لازم الكلام يكون بجنس الحاصل في البلد)..لذلك السؤال رقم (51) ..مهم جدا:
* نحن الدعا علينا منو؟؟


#67244 [ابو الحسن]
0.00/5 (0 صوت)

12-28-2010 02:50 PM
الدور فى الجلد على منو


#67190 [وجع الزمان ]
0.00/5 (0 صوت)

12-28-2010 01:54 PM
الجاب القون منو؟
طبعا قدو قدو
كسرة:
حقو قدو قدو يحترف في فريق (جلدووونة)


#67096 [ هجو]
5.00/5 (1 صوت)

12-28-2010 12:08 PM
من أين أتى هؤلاء؟؟؟؟


#67087 [أبورماز]
0.00/5 (0 صوت)

12-28-2010 11:55 AM
الكترابه .. ال.. قلت عندو تسعه شنو !!!


#66962 [المهاجر]
0.00/5 (0 صوت)

12-28-2010 09:37 AM
والبشير بيستقيل متين؟؟؟


#66901 [شلاق]
0.00/5 (0 صوت)

12-28-2010 08:39 AM
انتى الليله لفيتى كم مره
مزاجك فوووووق ولا شنو


#66817 [sulieman]
0.00/5 (0 صوت)

12-28-2010 12:33 AM
والكوره الحاصل فيها شنو اللعيبه من بلاد بره.
نحنا ماعندنا ناس زي ناس جكسا والسد العالي.


#66786 [الاعيسر]
0.00/5 (0 صوت)

12-27-2010 10:30 PM
قلت لى عمك دخل الشات ومشى عفراء دايرين سينارو بين البشير متجرس واوكامبو انشاء باسم مستعار عشلن نتخيل جرسة نافع والجاز كيف


#66740 [محمد عمر]
0.00/5 (0 صوت)

12-27-2010 08:57 PM
نسيت يا أستاذ دى مواصلات جبرا و لا وين ؟؟؟

و ربنا يكفينا شر الأسئلة


#66722 [الصاردي]
0.00/5 (0 صوت)

12-27-2010 08:13 PM
سؤال واحد انت اليلية سطلت بكم كرت


#66720 [بت ملوك النيل]
5.00/5 (1 صوت)

12-27-2010 08:03 PM
ياربي حانرجع السودان بي كرعينا ولأ في الصندوق؟؟؟


#66678 [واحد من الناس]
0.00/5 (0 صوت)

12-27-2010 07:07 PM
اوكامبو اليومين ديل ساكت مالو؟


#66653 [الزول]
5.00/5 (1 صوت)

12-27-2010 06:33 PM
السؤال الاكثر الحاحا اخى جبره الرقاص دا حاستمر لمتين !!!!!!!!!!!!!!!!!!!!!!!!!!!!!!!!!!!!!!!!!!!


#66638 [hamid]
0.00/5 (0 صوت)

12-27-2010 06:02 PM
والجماعة ديل قاعدين لمتين؟؟؟؟؟؟؟


#66624 [az]
0.00/5 (0 صوت)

12-27-2010 05:34 PM
الكمساري عندك فكه


#66612 [عبداللطيف]
0.00/5 (0 صوت)

12-27-2010 05:12 PM
ويا جماعة تطبيق الشريعة بتين ؟ عشان نحضر ابريقنه للوضوء.


#66609 [awad]
5.00/5 (1 صوت)

12-27-2010 05:09 PM
انتو الانتفاضه بتين ؟


#66548 [وحيد]
0.00/5 (0 صوت)

12-27-2010 04:01 PM
المشير دا عاقل؟
و هو بياشر لي وين؟
و لمتين؟




#66544 [ود البلد]
5.00/5 (1 صوت)

12-27-2010 03:57 PM
والله روعة لكن في أسئلة بتتكرر عند طائفة محددة مثل
_ الوزير ده عندو كم عمارة؟
_ والسفير داك فتح كم حساب في البنوك الأروبية
وكمان في أسئلة محظورة أوعك منها بتدخل النار ؟
فتاة الفيديو جلدوها ليه؟
والجماعة ديل مكنكشين فيها لمتين ؟


#66487 [واحدة من الناس]
0.00/5 (0 صوت)

12-27-2010 02:56 PM
الليلة الفاتح جبرا كاتب شنو؟


#66478 [سوداني و كفى ]
0.00/5 (0 صوت)

12-27-2010 02:47 PM
هل من أمل لعودة مستوى التعليم في السودان إلى ماضيه على الأقل ؟


#66476 [سودانية]
5.00/5 (1 صوت)

12-27-2010 02:47 PM
نسيت السؤال المهم جدا الناس دي بتسكت لمتين


#66435 [Zaid ]
0.00/5 (0 صوت)

12-27-2010 02:02 PM
الاسئلة ذاتها ذادوها ولا شنو الاسئلة 49 اذا علمت ان 33 و 17 نفس السؤال


#66434 [hamed]
0.00/5 (0 صوت)

12-27-2010 02:01 PM
وانت ملك تسال كتير كدا داير يطبقوا فيك الشريعة الجديدة


#66433 [jamal]
0.00/5 (0 صوت)

12-27-2010 02:00 PM
المغتربين نرجع و لا لا


#66399 [الزول السمح]
5.00/5 (1 صوت)

12-27-2010 01:09 PM
أستاذى جبرة فى سؤال واحد بعد الخمسين لينا نحنا المغتربين أستأذنك إضافته
51- ياربى غربتنا دى حا تنتهى متين؟


#66390 [wado]
0.00/5 (0 صوت)

12-27-2010 12:46 PM
اما اْن لهذا الفارس ان يترجل؟؟؟


#66380 [خالد دوشكا]
0.00/5 (0 صوت)

12-27-2010 11:52 AM
واكثر يتداول بين المختربين الفي المملكة الان الريااااااااااااال عمل كم


الفاتح جبرا
الفاتح جبرا

مساحة اعلانية
تقييم
8.92/10 (66 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة