10-06-2013 04:20 AM


حيو برهام وبوشي ، ويات المن لعين ما تـَرَّ
الواجهو السفاك ركوز ، البي الغرور إغـْـتــَرَّ
أمـَّات اللآلئ قلال ، ونـَادْرَه التــَّجـيب الدُرَّه
وبلدا مليانْ دُرَر ، يتزَاعم عـلـيهُن طـُرَّه !
-------------
طابقوهم نجتث الفـَساد ، نـَحَاسْب القـَتَـل والضـَّـرَّ
ونروي المكارِم رَي ، بعد اليـَبـَاس تخـْضـرَّ
ونـجـِل الزَرَع والتيرَب ، نـَعـِزْ الحَـلـَب والصـَّـرَّ
ونبني سودان الجَميع ، براد قلوبنا الحَـرَّه
-------------
ونسيها سلميه بالعِـصْـيان ، لا سيفيه بالكـَرَّه
وحاذر بجو "السيدين" ، إن نجضت الشـَرَّه
مسرجين جاهزين لي رمي الشباك والكـَرَّه
ديل الجـُحـُر والدابي ، وإتْ إنـْـلـَدَغ كم مَرَّه ؟
-------------
وكل زول ليو دينو ، لاضرر لا مَـضَرَّه
ومبروك عليك فردوسك ، مـَتــِّن عليها الصَرَّه
ليه غاصب عليها الغير ، وسيفك عليهم كـَرَّ ؟
كما السعران يعاضك ، داير بي عضيضك بَرَّه
-------------
وحتـْدُور علـيك يا ظالم ، فعايلك تبين تتـعَـرَّى
بودتك غـلــَّـقـَـت ، وَرَتـَابَـك هـَبـَد واصْـفـَرَّ
وخبير البوده قال: بعد الكـَبــِر تـَنـْشـَرَّ
خابت ماسورة القذافي ، شوفلك دخول في جـَرَّه
-------------
ويومك بجيك يا ظالم ، وإن دَخـَـل في جـَرَّه
فالشعب الفـَضَل دايْرَ- القـَصَاص ها المَـرَّه
الشعب الفضل داير القصَاص ها المَـرَّه
==========================
أحمد إبراهيم
[email protected]

تعليقات 0 | إهداء 0 | زيارات 2163

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




أحمد إبراهيم
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة