10-10-2013 08:39 AM


يا الجاي من حوش بانقا


يا الجاي من حوش بانقا !!
زي التقول جاي تنتقم ؟
ابوك كان زولاً بيحلب
بس عاش نضيف
ومات شريف
وكهبنقا
داير تعوض فينا
زمن العدم الشقا
دمرت ما خليت
قتلت كل زول
ما رتيت
سرقت عصابتك
باسم الله والدين
ما إكتفيت
ما كفاك
قسمت الوطن
ما رضيت !!
كل شعبك عِدا
هوس الدين بالكضب
ساحات الفدا
والناس يا تعبدك
يا تشردا
يا تدق ليك ترقصك
ياكمان حريمنا تجلدا
والباقي ليهم من كرامة
تعدو انت تمردا
والباقي ليهم من وطن
كل المطالب ترفضا
والباقي ليهم من نفس
انفاسم انت تكتما
كل الوطن فاجر وكافر
وانت وعصابتك
شُهداء
والناس سواسية في الفقر
والاغنياء حزبك كفى
والناس تموت يود من عدم
ودين محمد ليك رداء
ادمنت كل الدم حلال
وانت الإله الاوحدا
والشايلة همها من فجر
ونار شايها موقدة
ما سرقت بنوكنا اتفسحت
كبرن جضوما اتنفخت
فِرحت وبيك إت عرست
اتشتحت
اتشتح الكان اسمو الوطن
وعشوشة روحا بتوءدا
كيفن تبيع شاي في الوطن
هي ذات الشريعة تدغمسا
راجيها هو الطفل اليتيم
عرس الشهيد ما يسترا
وما قد ترى ؟
وإيه قد ترى ؟
كل المارقين للموت جوعاً
نفوسم شاذة مجنترا
ويا عنترا !!
تقتل في شعبك
وحزبك قد افترى
تقتل في شعبك
بدين الرب كذبك اشترا
الفكرة صارت مضجرة
للثورة راسك قنطرا
في الثورة ديتك حاضرة
دية الوطن بالدم شعبك
يسطرا
يرجع وطن
ختيان كِضب
حب الوطن مذاكرة
درس العصر مفاكرة
نبنيهو نحنا هو الوطن
في القلب قبل الخاطرا
يا الجاي من حوش بانقا
الشعب سيرتك حقرا
الرصاص لو انت شايفو
مباصرة
الثورة قبرك تحفرا
الثورة قبرك تحفرا
البنشرجي 27/9/2013


[email protected]

تعليقات 1 | إهداء 0 | زيارات 2477

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#797076 [الحلبي التركي]
0.00/5 (0 صوت)

10-10-2013 11:05 AM
شكراً لهذه القصيدة المعبرة
بس العاش شريف ومات نضيف بيكون ربى أولادوا تربية كويسة .. ما تربية جوع .. وديل تربية جوع .. ديل اساساً ما اتربوا خالص


ردود على الحلبي التركي
United States [الكردفاني] 10-10-2013 01:03 PM
اصلا العنصرية والتخريب هم اللاضرو بثورة وعشان كدا البشير حاينتصر علي الحاقدين واكثر الشعب السوداني معاهو وناس عقار والحلو وعرمان واركو وعبد الواحد وجبريل صراحة ديل مستفيدين من معانات اهلنا في دارفور بس اللة موجود وشعب السودان واعي واللة يحفظ السودان.


عبد الحليم الخير محمد الحسن
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة