المقالات
السياسة
لملم خبوبك
لملم خبوبك
10-11-2013 07:44 PM

لملم خبوبك

كل الدقا باب حزبك
تقولو حبابك
يصفق ليك ترقص
يسرق يسير في ركابك
المعصور طول عمرو الشقي
ما باقي تقولو من وين ؟
من وين وليه الله جابك !!
يا كمان يركعلك
يسجدلك
يرضاهو عذابك
وإت يا آخر المرسلين
بإسم الله والدين
تكيلو سبابك
وإت يا أمير المؤمنين
أكملت خرابك
اتورمت شلاليفك كُضب
واليوم عذابك
ما تقول مخربين ديل
بشر حافظين كتابك
كتاب الهم الفقر
الغدر جابك
ما تظن رصاص برهبم
طالبين رقابك
ملعون إت جيت ملتحي
الدم في نابك
بالدم سيرتك تتمحي
إنتا وصِحابك
الثورة اوعاك تترخي
الخوف أصابك
ام الشهيد هوي أفرحي
الكل تشابك
دمانا هوي اسرحي
القصر ندقو بابك
الهِمة هوي لا تريحي
نشيل جنابك
ما في شي قد يتنسي
اليوم حسابك
كلاب امن ما تسوي شي
ريحة ذنوبك
الدم بنزين المشي
و يا وطن
عاشقين ترابك
الدم هو ما بيعني شي
رصاص سرابك
الشهيد في عرفك مرتشي
انتا وغُرابك
مرتشي الوطن ماعندو شي
بس كرامتو وما بيهابك
كُت قايل الشعب منتهي
الفهم سابك
أم الشهيد هوي افرحي
الكل تشابك
نشيل جناك
تضوق عذابك

البنشرجي 29/9/2013

عبد الحليم الخير محمد الحسن
halimkhair2005@gmail.com

تعليقات 0 | إهداء 0 | زيارات 761

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبد الحليم الخير محمد الحسن
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة