المقالات
السياسة
وعي البطة ووعي النسر
وعي البطة ووعي النسر
10-13-2013 04:49 PM


image

البطة ذلك الطائر الاليف...الذى يجيد السباحة ولكنه لا يجيد الطيران،صغار البط المسكينة عندما تموت امها تتبع الكائنات الاليفة في المنزل كبديل للام احيانا القطط واحيانا الكلاب واحيانا البشر هذا ما درسناه في علم طبائع الحيوان في كلية العلوم في الثمانينات....لا تتسع الرؤية للبطة اكثر من المنزل الذى تقيم فيه والحوض الذى تسبح فيه..ولا تعرف اي عالم خارج هذا الاطار...هذا النوع من الوعي المحدود يتسم به بعض منتسبي احزاب السودان القديم وان لم نقل جلهم...اسماه العلامة د.منصور خالد بجمهورية العاصمة المثلثه...يعني وعي ممتد من فتيح للخور للمغالق او من ود نوباوي لحدت ام بده السبيل...والغريب في الامر ان سكان جمهورية العاصمة المثلثة وممثليهم لا يجدو ابدا تفسير لتكدس اهل الاقاليم الستة في الخرطوم عبر السنين وحالة الاستسقاء الدماغي التي يعاني منها رجل افريقيا المريض وتيبس الشرايين ايضا..تحت ظل الدولة المركزية العروب اسلامية ذو الثلاث شعب لا ظليل ولا يغني من اللهب...فوعي البطة المحدود ينعكس في السلوك ايضا...عندهم الخرطوم التي اقسموا ان لا يدخلها عليهم مسكين رمز السيادة ومهددة دائما بالحزام الاسود وهذه نظرية د.حسن مكي...ومن اميز نكت الهادي الضلالي"عندما وجد جماعة من ود راوة مشتبكين مع ولد من ام درمان..بعد انتهت الشكلة..قال ليهم انتو من وين؟؟...قالو ليه نحن من ود راوة...قال ليهم :البجيبكم انتوا هنا شنو؟؟ نحن قعدين نجيكم هناك!!"وذهبت مثلا...ولمن جاءت حركة العدل والمساواة الخرطوم2008...قعدوا كل ناس السودان القديم يولولوافي المركز ...رغم ان افراد العدل والمساواة سودانيين وجاءوا من غرب السودان عبر 1000 كيلومتر داخل الاراضي السودانية....
...
طبعا اذا فتحنا ملف الخرطوم ونشاتها التاريخية من الناس الجابتم "ام كواكية" التعايشي لحدت الناس الجابتم مجانية التعليم الى المركز وقايلين الانجاز بيت في الخرطوم ومرتين وواحدة ثالثة سرية وعربات وهلمجرا...نجد ان المركز تاسس وفقا لاسس غير طبيعية وغير موضوعية وعندما انحسرت ماثر الانجليز من سكة حديد ونقل نهري ومجانية تعليم وخدمات صحية في الاقاليم عبر العصور بدا الناس ينزحوا بسبب انعدام الخدمات رغم الفدرالية المشوهة التي جعلت الوزراء اكثر من المزارعين وناس جابتم الحرب اللعينة وناس الجفاف والتصحر
وطبعا افضل نموذج وصحيفة تعبر عن وعي البطة هي صحيفة الانتباهة...واغرب ثقافة ممجوجة هي بتاعة مستجدين النعمة في العاصمة التي ماتت فيها الحضارة والكورة والثقافة والسينما وكل ما يدل على القرن.21 وعايشة مع تواشيح النهر الخالد وجلسن لا يا حلاتن...
....
بالله ناس وعي البطة الحدهم يوم 9/7/2011 ديل...فقط يجاوبوا السؤال المباشر ده
هل علة رجل افريقيا المريض في دماغه؟؟ولى كرعينو(الجنوب والغرب والشرق والشمال والوسط)؟؟
.....
النسر ذلك الكائن القوى الذى يحلق عاليا في ذرى الجبال ويلد ابناءه احرار في الغابات بعيدا عن البشر ورزائلهم...وكلما حلق النسر عاليا كلما اتسعت دائرة الرؤية واتسع الوعي وارتقى السلوك...فوعي النسر وعي متكامل ويناسب انسانية وحضارة القرن 21 وعصر العلم والمعلومات...والسياسة علم والاقتصاد علم والادارة علم والفهم اقسام....وعي النسر ينظر الى السودان من نمولي لي حلفا ومن بوتسودان للجنينة...وعي النسر يغوص في اعماق التاريخ الي 2500 ٌق.م..ويعود الى اخر ما وصل اليه العالم من نظم اخلاقية وسياسية...وعى النسر...هو الذى يصنع الحضارة والتقدم لانه يفكر "بعقل المعاد" والغيرية وليس "عقل الغرائز" والذاتية والنرجسية المقيتة كعقل البطة...
.....
والسودان بين وعيين
وعي البطة/السودان القديم ووعي النسر/السودان الجديد....فهل يستوى الاثنان مثلا؟؟




تعليقات 6 | إهداء 0 | زيارات 1701

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#801605 [عادل الامين]
0.00/5 (0 صوت)

10-15-2013 02:42 PM
زول ما قعد في كوش-الاقليم الشمالي- بين الاثار العريقة..ما بعرف قيمة السودان وزول ما بعرف قيمة السودان ما بعرف قيمة الجنوبيين الذين ادرجو هذه الحضارة في سلامهم الوطني وزول ما بعرف قيمة وذكاء الجنوبيين ما بقدر اتفاقية نيفاشا..وزول ما عرف قيمة نيفاشا غير مؤهل لحكم السودان الان ومستقبلا
والعايز يعرف قيمة نيفاشا يقرا كتاب منصور خالد(تكاثر الزعازع وتناقص الاوتاد) او يقرا الاتفاقية شخصيا ويقيما مع الدستور الانتقالي ..بعدين يجي يدعي الوصاية على الناس...ويخترع لينا حاجة احسن منها...


#801517 [عادل الامين]
0.00/5 (0 صوت)

10-15-2013 10:53 AM
هل كان بعد تجربة الاخوان المسلمين الاولىبتاعين قوانين سبتمبر 1983 "بتاعين الفلاشا والبنك الدولي وبنك فيصل الاسلامي التي لم يطقها الشعب السوداني عام واحد1984 وانتفض عليها 1985...ترجع تاني بي انقلاب الانقاذ الاخواني لتستانف المخطط الجهنمي لتفكيك السودان وتفصل جنوب السودان ونجي نحن نستمر في اعادة تدوير نفس كائنات الوعد الحق والفجر الكاذب.كبديل للنظام القائم...
هسه الاقاليم الخسمة الباقية دي
عايز واحد منها يوريني منو البمثلو في نخب المركز واحزاب السودان القديم؟؟
انا من الاقاليم-شمال السودان وبتمثلني اتفاقية نيفاشا فقط كرؤية استراتيجية لحل ازمة علاقة الاقليم الشمالي بالمركز..وبرنامج الامل الانتخابي 2010..


#800735 [عادل الامين]
0.00/5 (0 صوت)

10-14-2013 06:58 AM
اتفاقية نيفاشا 2005 والدستور الانتقالي المرجعية الاساسية للتغيير..

*الثوابت الوطنية الحقيقية
1-الديموقراطية "التمثيل النسبى"والتعددية الحزبية-1
2-بناء القوات النظامية على اسس وطنية كم كانت فى السابق-2
3-استقلال القضاء وحرية الاعلام وحرية امتلاك وسائله المختلفة المرئية والمسموعة والمكتوبة"التلفزيون-الراديو –الصحف"
4-احترام علاقات الجوار العربى والأفريقي واحترام خصوصية العلاقة مع الشقيقة مصر
5-احترام حقوق الإنسان كما نصت عليه المواثيق الدولية
6-احترام اتفاقية نيفاشا 2005 والدستور المنبثق عنها
********
روشتة 2013
العودة للشعب يقرر-The Three Steps Electionالانتخابات المبكرةعبر تفعيل الدستور -
المؤسسات الدستورية واعادة هيكلة السودان هي المخرج الوحيد الامن للسلطة الحالية..بعد موت المشروع الاسلامي في بلد المنشا مصر يجب ان نعود الى نيفاشا2005 ودولة الجنوب والدستور الانتقالي والتصالح مع النفس والشعب ..الحلول الفوقية وتغيير الاشخاص لن يجدي ولكن تغيير الاوضاع يجب ان يتم كالاتي
1-تفعيل المحكمة الدستورية العليا وقوميتها لاهميتها القصوى في فض النزاعات القائمة الان في السودان بين المركز والمركز وبين المركز والهامش-وهي ازمات سياسية محضة..
2-تفعيل الملف الامني لاتفاقية نيفاشا ودمج كافة حاملي السلاح في الجيش السوداني وفتح ملف المفصولين للصالح العام
3-تفعيل المفوضية العليا للانتخابات وقوميتها وتجيهزها للانتخابات المبكرة
4-استعادة الحكم الاقليمي اللامركزي القديم -خمسة اقاليم- باسس جديدة
5-اجراء انتخابات اقليمية باسرع وقت والغاء المستوى الولائي للحكم لاحقا لعدم جدواه
6-اجراء انتخابات برلمانية لاحقة
7-انتخابات رآسية مسك ختام لتجربة ان لها ان تترجل...
8-مراجعة النفس والمصالحة والشفافية والعدالة الانتقالية
...


#800725 [عادل الامين]
0.00/5 (0 صوت)

10-14-2013 06:14 AM
عدم الاعتراف باتفاقية نيفاشا والاستهتار بالانتخابات 2010 حتى بعد سجل 18 مليون ناخب..هي السبب المباشر لكل ما حاق بالسودان وشعب السودان بعد انفصال الجنوب واخراج الحركة الشعبية شمال من المشهد السياسي وتشرزم حركات دارفور..وعودة"اهل القبلة" ال كارهم القديم..لماذا لا يحبط الشعب الذكي ويقعد في البيوت....
ومنو القال السودان ده حصر على المؤتمر الوطني والشعبي والامة والشيوعي والاتحادي..في اكثر من 70 حزب مسجل وفي قوى جديدة بدت تظهر..وديل احزاب جمهورية العاصمةالمثلثة فقط"النخبة السودانية وادمان الفشل" وانتم لهم عاكفون من 1964 ومع -نفس الناس-..
وتمرد رؤية طلعت 34 مليون مصري للشارع وجاءت الاحزاب تلهث وراءاها بعد التشرزم في انتخابات 2011الذى ادى الى فوز الاخوان المسلمين تماما كما فعلنا في انتخابات 2010 وفاز المؤتمر الوطني في نظر العالم...واكتشب شرعية يقتلكم بهاالان"مش انتو اخترتوهم"...
والحركة الشعبية شمال اضحت نفسها تمارس ادمان الفشل بالهرولة مع لمهرولين في انتخابات 2010 والتحالف "الغوغائي "معهم وفقدت ارضية صلبة كانت ممكن تكون حزب طليعي"حزب السودان الجديد" يجذب الملايين من الاغلبية الصامتة والقوى الجديدة ..وتحافظ على مكاسبها التي جاءت مع نيفاشا 2005"حرية العمل السياسي في السودان.. فقدت كل شيء ورجعت مرة اخرى للبندقية والمشوار الصعب"الجبهة الثورية" ونبذت القرار 2046 وراء ظهرها ومبادرة نافع عقار..وسط"الكمونية" دي عايزين تاني مواطن يطلع الشارع ومافي اي برنامج حقيقي للتغير او رؤية في راسو.... واستنساخ اكتوبر بانتقاء شهيد واحد "السنهوري" من 200 متوفي بالرصاص لاستعادة "القرشي"في اكتوبر..واعادة تدوير -نفس الناس-.. والولولة التي ليس خلفها برنامج او رؤية وتقليد الربيع لعربي المازوم..واحد بس ما جاوب...لماذا عزفت الملايين عن الخروج؟ كما كانت تفعل في السابق؟وسبق ان خرجت 18 مليون وسجلو في انتخابات 2010...الموؤدة..


#800554 [نرفض لعبة الإقصاء]
0.00/5 (0 صوت)

10-13-2013 10:36 PM
ده شنو ده بط ونسور وحدائق حيوانات؟
يا أخي الناس زفت كوكبة من الشهداء من داخل العاصمة ومن كل أرجاء السودان في تلاحم تكافلي.
ليس ذنب أهل الخرطوم أن أتى بهم شظف العيش من فجاج السودان العميقة.
ولكن من أهمل الأطراف لنأتي منها هو من يستحق التقريظ والعقاب.
من سرق القوت والجهد والعرق هو من أجبر كرام الناس على تسول قوتها عبر المدائن حتى في الغربة التي أظن أنك أنت من روادها.
من الغريب المريب أن أرى أقلاماً مثل قلمك يسلخ في جسد هذا الشعب المتكافل البسيط من غير ما عته أو منة لغير الله عز وجل.
كفى الشعب ما يعانيه ولا تجلدوه بأقلام وألسنة غلاظ.
نحن بحاجة لكل من كان له رأي سديد يدفعنا إلى الأمام وليس مخونين ومثبطين.
فالشعب في دارفور كما الشعب في الخرطوم كما الشعب في كادقلي يرزح في أغلال سالبي القوت والعز والكرامة والكبرياء.
إن كان لك ولغيرك ما يفيد فأهلاً وإلا فلتصمت ويصمتوا وإلى الأبد.


ردود على نرفض لعبة الإقصاء
United States [عادل الامين] 10-14-2013 06:33 AM
1-في اغنية لعبد الوهاب الصادق تقول "كلام الحب كلو قلتوهو بس كلامي انا الما عرفتوهو"
قلت عايز ترجع احفاد على دينار الشجعان الى دارفور الغنية الموارد وناس الاقاليم الستة الى اقاليمهم عالج الاسباب الموضوعية الجابتم المركز-ونحن عندنا رؤية لا نكتفي بالولولة غير المجدية
2-زمن نميري كان برفس بس البنافسو في الكرسي بس ومحييد الشعب والاقاليم كانت مزدهرة لسه بي انجازات الانجليز من سكة حديد ونقل نهري ومشروع الجزيرة ومؤسسات اقتصادية-قطاع عام-مزدهرة ايضا والمرافق العامة والتعليم والصحة واضافات عبود كمان الشاهدة لحدي الان
3-زمن البشير البداء بالتمكين1989 فصل 67000 كفاءة سودانية خمس نجوم واستبدلهم بكوادر الاخوان المسلمين لضعيفة اخلاقيا وغير مؤهلة فنيا..وفكك الاقاليم المحدودة الى ولايات سرطانية تتكاثر كل يوم وانهار الهامش الثاني -الاقاليم- عبر الزمن- والقاتل الصامت-مشروع الاخوان المسلمين مسشري واتسع التمرد ليشمل كل السودان واضحى البشير بدل ان يرسل المعلمين والاطباء يرسل الجنود وطائرات الانتنوف لتقتل الناس وماشيتهم ومزارعهم.. وجعل الهامش جحيم..وجاءو كنازحين الى الهامش الثالث-اللفة وصابرين- ولمن بلغت الحلقوم في التردي الاقتصادي في المركز من فساد وتبديد ثروات وخرج ابناء الهامش المحرومين للبحث عن طعام"هوت دوق"..استغلت احزاب المركز لانتهازية الظرف وارادت اعادة تدوير ا كتوبر مع- نفس الناس- وبنفس الاسلوب وبانتقاء شهيد-السنهوري- من بين ا200 المتوفين الله يرحمهم وهم اضافة لي 2,5 مليون سوداني قضى عليهم وباء الانقاذ عبر السنين..في الاقاليم ونص مليون نزاح في دول الجوار و5 مليون عبر العالم..
ناس وعي البطة شايفين الحصل في لخرطوم "فادح" ولكن ناس وعي النسر شافين الحصل في السودان من 1989-2013 "افدح"..


#800388 [الخمجان]
4.00/5 (1 صوت)

10-13-2013 06:48 PM
ياعمنا الامين .....المشكلة في عقلية السودانيين ....الان البلادة وصلت ذروتها ولكن احترنا في الانزلاق المستمر والانحدار....والله ارى تشوهات نفسية وعقلية في السودانيين غريبة.....والكل يقول يانفسي....والكل في غرائزه.....


ردود على الخمجان
United States [عادل الامين] 10-14-2013 06:52 AM
قال تعالى (( وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا القَوْلُ فَدَمَّرْنَاهَا تَدْمِيراً))16 الإسراء
الخمجان
سلام
السودانيين لا اتشوهو لا حاجة هناك علاقة جدلية بين الاقتصاد والاخلاق..تنهار اخلاق "المترفين" ويعم الفساد اهل "الحصانة"..فينهار الاقتصاد- وتضيق حالة الشعب..فتنهار اخلاق المواطنين...
والسودان اصلا مجتمع ليبرالي اشتراكي ...فقط شجرة الاخوان المسلمين الخبيثة التي تمثل الطبقة الحاكمة ستقطلع من جذورها بوعي جديد...وياتي للحكم من يصلح ومن يختاره الشعب بارادة حرة..sooner or later
والشريعةالتي يتشدقون بها ما فيها "حصانة" والعدل اساس الحكم وقوانين سبتمبر1983 سبق ان قطعت ناس من خلاف بجرائم تخريب الاقتصاد اقل من ما يمارسه الانقاذيين بي كثير في تجربة "التمكين الاول" مع مايو الاسلامية 1984..واي عالم من "اهل الصرفة" عريض قفا يتستر على فساد اهل السلطة المريع الذى خرب الاقتصاد والنفوس ومصر على"الشريعة"فقط...لازالال الشعب وجلد البنات والمتظاهرين ..احسن يراجع نفسه كويس ..تلك الايام نداولها بين الناس ...
ويتذكر..مادة "تخريب الاقتصاد" موجودة في قوانين سبتمبر1983..والعقوبة ايضا-القطع من خلاف- ولها سوابق قضائية موثقة..اذا افل ملك البربون فالجزاء من جنس العمل ودي سنة الله في الكون...
بالذات ناس "الانتباهة" ديل الذين جعلو الدين عضدين
وقل الله وزرهم في خوضهم يلعبون


عادل الامين
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة