المقالات
السياسة
انقاذ الاقتصاد ومسلسل التهديم
انقاذ الاقتصاد ومسلسل التهديم
11-24-2013 02:36 PM


قال : (في المؤتمر الاقتصادي اليوم لاحظت وجود لافتة المكان المخصص لتجليس الخبراء في اخر الصفوف ... وديل العاملين ليهم المؤتمر زاتهم ... يعني اهل الجلد والراس يختوهم وراء كيف ؟؟؟؟)
وقلت :
ظاهر عليك انك لسه طيب يابا
خبراء مين ياعم ؟؟
خبراء ايه !!؟
ديل ايي عوج .. مبدي ومتموم
العوج بس .. الصاح لا
وده تسجيل اعتراف رسمي .. وما متراجع
ايي صاح وعن قصد (لا طيابا ومسكنه وعلي النيات) .. لا .. عنيه كدي .. ايي صاح لا .. لا .. لا .. تتذكروا في فلم محمد هنيدي فول الصين العظيم لما ركب مع بتاع التاكسي ؟؟
وبتاع التاكسي ترده المكالمة الاولي وفي زهج "بودا .. بودا .. بودا ويجدع التلفون بالشباك" وثانيه ويكرر نفس ما يكرر وثالثه .. ونحن نظن ان كلمة "بودا" تعني لا .. ونكتشف ان معناها اكثر تطرفاً للرفض عموم .. ولا نستطيع كتابة المعني الحقيقي .
وهؤلاء يجرجروننا لنفصح عن معني ال "لا" الاكثر تطرفاً في الرفض والاستقصاد .. نطرفاً في لا تنميه .. ولا تنفيذ .. ولا شئ للصالح بقدر ما الابداع والادهاش وجودة التنفيذ في القشور .. ونمسك .. لا نصل المعني الاخر للبودا حتي لا ندخل قلمنا في سين وجيم .
ارجع للاتهام والاعتراف الرسمي والعنو ما متراجع
والمؤتمر الاقتصادي لي ناس علي بوابات الخروج .. لا بوابات الخروج والقصد يصبح التشكيل الوزاري .. لا هو فحسب ولكن الميزانية ونهايات العام وفروقات ال... آآخ نقط ما تنفع .. الفروقات دي شفاتة الموظفين بيجوا يتموها بي فاتوره نهائيه لبعض الحاجات الوهميه .. س س س س س .. آخ دي برضوا ما تنفع .. الهمس الغير مسموع ده قصدت به كذا وكذا وكذا .. ياألللله !! دي برضوا ما بتنفع .. ياخ نقول و"سجن سجن غرامه غرامه" .. زي ما يعمل صغار الموظفين ،، يتصل علي زبونه المعتمد و(عايزين فاتوره نهائيه .. في حاجات كده كان طلعنا ليها قريشات "ضيافه وحاجات دقيقه" وعايزين نقفل الحسابات .. اهه حقها كم ؟؟ حق الضرائب يقصد .. ويتم الاتفاق خلاص .. برسل لك القروش و... التفاصيل !! لا .. حاول املاها بي ايي شئ .. بس يكون المبلغ قدرها .. وهذه ال"ها" من قدرها قد تذهب لعدة اصفار تفوق قدرة الاستيعاب في ان هذا المبلغ قد ذهب للضيافة والحاجات الدقيقة التي قالها .
و ... وبنفس الفهم .. بس علي كبير شويي .. وصفر العشره قد يصبح صفراً فوق المائه .. وقد يزيد .. والارقام الفلكية قد لا يستوعبها قلمنا ولا نريد ان نكذب و... وتكلفة المشارك الواحد (الما خبير) ديل ناس يملو الكراسي بس .. الواحد تذهب التكلفة الحقيقة لبعض ساعاته داخل ومن والي القاعة تذهب لنحو 170 جنيه .. اجل مائه وسبعين جنيه لهذا العدد المهول واخرين تكلفتهم قد تزيد وايضاً هم لا فائده من حضورهم غير التشريف وملأ الكراسي
شفتو كيف ؟؟
وقصدت التكلفه الحقيقية لانه ما سيكتب في الاوراق ويرفع للميزانية سيكون تمام الضعف (ولا اتجاوز عن طيابتي لذلك قلت الضعف "فقط") وقد اشطح واقول الضعفين بينما الحقيقة (انا اعرف وانتم تعرفون) انها ستكون اكبر من ذلك .
والانقاذ تسوقنا ربما لسكره اكثر من هذه
وفي النكتة ان الابن عندما وجد سكراناً يعوم في "بوله" وعدم وعيه مرمياً في الشارع يسارع باحضار والده السكير (الذي يلح عليه الابن بالتوبة ويجتهد في ان يريه المساوئ) ليريه هذا الهوان والذل و... شفتا باابوي عليك الله !! شفتا "الجخفسه" دي !! شفتا "القرف" ده عليك الله ياأبوي .. ياخ توب عليك الله وخليك من الشغلـــ... والاب وكل تمني وانشغال البال يطل من عينيه الغائرتين الساهمتين و ... والله ياولدي سكره زي دي ابوك ليهو سنه يفتش لي واحده زيها ما لاقيها .
والانقاذ .. ما تري جحر ضب فشلاً وقائمة فاشلين حول العالم الا وفي رحلة بحثها عن سكره مثل تلك تزجنا في راسها .. وحتي الاسبوع الفائت , قائمة الدول الاكثر حوجةً للغذاء حول العالم .. ناتي فيها .. والاكثر فساد . والاكثر شنو ما عارف و...
حدو وين الدمار ده يا علي محمود !!؟
حدو وين الكلام ده ياجماعه !! وعن قصد تدمير السودان .. هذا المشروع الضخم يمضي لغاياته بنجاح
برافووووو
مؤتمر لاتقاذ الاقتصاد
يله صفقوا كلكم

[email protected]

تعليقات 0 | إهداء 0 | زيارات 717

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبد العزيز الننقة
عبد العزيز الننقة

مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة