في الكركدي
11-26-2013 01:02 PM

إنتظمت مطار (أمازونيا) عاصمة دولة الأمازون حركة غير عادية .. عدد من رجال الشرطة بملابسهم الرسمية وهم يمسكون بكلاب شرطية ضخمة .. أعداد من رجال الأمن وهم يرتدون البدل السفاري ويضعون على أعينهم نظارات الشمس السوداء .. الجميع يبحث عن شئ !

في واحدة من زياراته لدولة (ناكوسيا) المتقدمة لم يصدق المسؤول الأمازوني عينيه عندما كان يسير مع نظيره (الناكوسي) وهما يطوفان بأحد المعرض الأمنية ويتوقفان أمام أحدي الفترينات التي تحتوي على عبوات من البخاخ الذي كتب عليها (غاز الصدق)
- والغاز ده عندكم من زمان ؟
- لا لقد إكتشفه علماؤنا حديثاً وهو يساعدنا كثيرا في إستجواب المتهمين إذ تكفي بخة واحده على وجه المتهم أو إذابة قليل منه في كوب قهوة أو شاي أن يعترف الشخص (بصدق) عن كل ما قام به أو يفكر فيه !
- ياخي والله نحنا محتاجين ليهو بشكل ! (وهو يحدث نفسه) – طيب ما ممكن تدونا منو كم عبوة كده ؟
- للأسف فإن الكمية الموجوده منه الآن قليله نسبة لأن المكونات والعناصر التى تدخل في تركيبته نادرة بعض الشئ لكنني أعدك بإرسال عدد من العبوات حالما نقوم بإنتاجه .
إنتهت زيارة المسؤول الأمازوني وعاد إلى بلاده وبعد أشهر قلائل وصلته برقية تفيد بإرسال (طرد) يحتوي عدد من بخاخ غاز الصدق عن طريق (الجو) أرسله له نظيره الناكوسي ، كاد المسؤول الأمازوني يطير من الفرح فأرسل مدير مكتبه إلى المطار لإحضار الطرد إلا أن الموظف المسؤول عن الطرود بحث عن الطرد (سما واطة) فلم يجده فإنتابته الحيرة وأخذ يردد :
- والله يا جماعة الطرد ده بالذات أن ختيتو في الحتة دي بأيديني ديل !
عاد مدير المكتب وأخبر المسؤول عن ضياع الطرد والذي هاج وماج متصلاً بكل الوحدات الأمنية طالباً منهم العثور على الطرد فالمسؤول يعلم تمام العلم بان وقوع هذا الطرد في أيدي أحدى الحركات أو الأحزاب المعارضة لحكومة (الأمازون) سوف تنتج عنه كارثة لا سيما لو تم إستخدامه لأحد المسؤولين الأمازونيين وهو يتحدث ويخطب في المواطنين في لقاء على الهواء .
لم يثمر البحث عن شئ .. يبدو أن جهة ما قامت بسرقة الطرد وتهريبه إلى خارج المطار .. قام المسؤول بعقد إجتماع ضم كل الوزراء وكبار المسؤولين بالدولة :
- شوفو يا جماعة لازم كل واحد فيكم يعمل حسابو ويزم الحيطة والحذر .. الغاز ده بخة واااحدة منو الزول طواااالي يفك آخرو ويقول الفي ضميرو .. مافي زول فيكم يشرب ليهو كباية شاي وللا فنجان قهوة بدون ما يكون متأكد من الزول العملو ! وأهو كلمتكم ..
في حشد جماهيري بمناسبة إفتتاح أحدي المنشآت التي تخص وزارته وبعد واجب الضيافة الذي قام به أهل المنطقة وقف سعادة الوزير مخاطباً الجماهير :
- شوفوا يا جماعة هسه الإنجازات الأنا عملتها دي .. في وزير تاني عملا؟ على بالطلاق ألاقي إسمي في التشكيلة الجديده الجايه دي مافي إلا أمشي أسجل إسمي مع ناس حركة الإصلاح والتغيير .. (الأمازونية طبعن) !!

كسرة :
يكون (بخوا) ليهو الغاز في (الكركدي) !!

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)؟

تعليقات 18 | إهداء 1 | زيارات 7656

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#840405 [الزول]
4.07/5 (5 صوت)

11-27-2013 07:23 PM
ربنا يديك الصحة والعافية يا أستاذ يا عبقرى ... لكن يا أستاذ عليك الله بشبش قاعد يقرأ مقالاتك دى , المصيبة انو يقراها وما يعرف المقصود منها شنو ( يعنى بشبش عايز فهامة )


#840261 [أبو النور]
4.07/5 (5 صوت)

11-27-2013 04:10 PM
ياريت شربوا من عصير كركدي دا كتار ، كنا حنعرف الأرقام الحقيقية للمال المنهوب ومحلو وين ، ومن اللي شفطو
كنا حنعرف الباع خط هيثرو منو وخاصة من عمنا ودبدر وصاحبه العجوز الشركاء، ويا للعجب ياسين حاج عابدين الشغال حاميها حراميها ( لأنه عضو لجنة التحقيق في خط هيثرو).
كنا حنعرف العلاقة بين وداد وبعض السماسرة، وحاجات كتيييييييييرة .


#839762 [كيمو]
4.07/5 (5 صوت)

11-27-2013 09:46 AM
كلمة ناكوسيا خطيره


#839468 [jahman]
4.19/5 (6 صوت)

11-27-2013 02:48 AM
والله يا جبره انا لحدي حسي منتظرك عشان اولعلا يا خي انا لافيا ليها سنه


#839334 [يا وسخين لطختو الدين]
4.19/5 (6 صوت)

11-26-2013 09:25 PM
يا جبرة عندك كسرة جديدة لنج اتنين من سودانير كيزان هبروا ليهم مبلغ فلكى الارقام وبما ان الامر هو لله فسيتم الافراج عن المتهمين حتى لاتستغل المعارضة الامر وتعمل لينا فلقة دماغ وهبوب راس .


#839285 [ابو صلاح]
4.19/5 (6 صوت)

11-26-2013 08:37 PM
الخامسة انا تزوجت وداد عن حب رومانسى


#839269 [ردود على ابن حواء]
4.19/5 (6 صوت)

11-26-2013 08:12 PM
(ودالباشا)


والله ضحكتنى حتى سالت الدموع فى زمن الضحكة اصبحت فية اغلى من الدواء اشكرك من الاعماق .اما استاذنا
اقول له بعد كنسهم كالذبالة لايحتاجون لهذا الغاز حتى من يحملون جوازات دول اجنبية هم الاغلبيه


#839169 [ممكون وصابر]
4.19/5 (7 صوت)

11-26-2013 05:55 PM
رايعة وهاك دي تقاوي القمح المسوس لجنة الوزير حملته المخزنجي قالت سوء تخزين وانا والله حزين مخزنجي يضيع مشروع العروة الشتوية والنهضة الزراعيةآل نهضة زراعية آل والوزير طلع منها مثل الشعرة من العجين-عجين القمح


#839141 [فنجاط]
4.16/5 (8 صوت)

11-26-2013 05:09 PM
وأنا لو م لقيت أسمى بمشى الجبهة الثورية عديل كده


#839138 [دا كلام ما صاااااح]
4.19/5 (6 صوت)

11-26-2013 05:08 PM
للأسف فإن الكمية الموجوده منه الآن قليله نسبة لأن المكونات والعناصر التى تدخل في تركيبته نادرة بعض الشئ لكنني أعدك بإرسال عدد من العبوات حالما نقوم بإنتاجه .



الخوف انو الكركدرى يكون هو احد المكونات


#839118 [ورا ورا ورا]
4.07/5 (5 صوت)

11-26-2013 04:37 PM
صدقني عندنا شربة هنا بتفك اخرك بكاس واحد بس تعال بالليل وحتشوف المخرات دة كيف


#839079 [مواطن]
4.19/5 (6 صوت)

11-26-2013 03:53 PM
حطرة والله ...... يا جماعة عمنا الفاتح بيقصد ابراهيم مهدي فهمتوها ولا لسه


ردود على مواطن
United States [ابراهيم] 11-26-2013 06:45 PM
اذا كان بيقصد ابراهيم مهدي فلماذا لا يذكره عديل من غير خوف؟!!
الى متى يظل عمنا جبرا يتضارى بالحيط ويتوارى ونحن نهلل له ونكبر
ونعطيه أكثر من قدره؟!!


#839014 [عشنا وشفنا]
4.07/5 (5 صوت)

11-26-2013 02:57 PM
ما على قدر المقام اليوم يا استاذ

لكن معليش لكل عال واط .


#839010 [Rotana]
4.07/5 (5 صوت)

11-26-2013 02:56 PM
بايخة


#838979 [amanyhamid]
4.07/5 (5 صوت)

11-26-2013 02:33 PM
!!!!!!!!!!!!!!!!!!!!!!!!!!!!!!


#838933 [moka.abdu]
4.19/5 (6 صوت)

11-26-2013 02:01 PM
راااااااااائع ياالفاتح جبره


#838908 [omer]
4.07/5 (5 صوت)

11-26-2013 01:44 PM
روعة يا أستاذ.


#838901 [مغترب بالسعودية]
4.07/5 (5 صوت)

11-26-2013 01:37 PM
هل الاستقالة جريمة؟


ردود على مغترب بالسعودية
[ابن حواء] 11-26-2013 05:25 PM
يا جماعة ردوا على الزول مرضنا


الفاتح جبرا
الفاتح جبرا

مساحة اعلانية
تقييم
5.50/10 (8 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة