المقالات
السياسة
بكينا و سنبكي كمان فى دولة الأسلام
بكينا و سنبكي كمان فى دولة الأسلام
11-26-2013 02:40 PM


بكيت :
يوم أغتصب العسكر سلطة الشعب لا لشئى سوى إرضاءاً لرغبات الشيطان الاصفر
يوم ضاع من بين ايدينا وطنا ورثناه عن الجدود موحداً و قسمناه تجبراً
يوم قتلت جهة مجهولة و معروفة( جوة العاصمة) مئتان شاب سودانى فقط لانهم تظاهروا
يوم رايت صفوف الرغيف تعود من جديد ( بعد ربع قرن رجعتونا نفس المحطة)
يوم نسى بنو وطني عبادة الله و عبدوا طاغوتا إسمه البشير(أليس فيهم رجلُُ ُُ رشيد )
يوم خان العهد من أقسموا بالله جهد إيمانهم لئن خرجتم انخرجن معكم (حضرنا و لم .....)
يوم أحرق الطيارون السودانيون ارضاً سودانية يقطنها سودانيون
يوم نادى الطاغوت لحرب إبادة فاستجاب بعضنا جهلاً
يوم إجتمع الجمعان فاعلنوا حرباً دون أسير او جريح
يوم أكل الثور الاسود إحتفالاً بفصل السواد الاعظم ( في السوق مافي غير ثور اسود!! )
يوم أغتصبت الشريفات المسلمات فقط لانهن دارفوريات ( مفروض يفتخروا لان المغتصب جعلي مش)
يوم دفن ثمان رجال احياءاً فقط لانهم زغاوة ( مافي اي تطهير عرقي يا زول ...)
يوم بلغ التغيير الديمغرافي مرحلة تهجير المناصير من ارضهم ( الشايقيه مش ساكنين جنب النيل بردو)
يوم أحرق المجرمون ابرياءاَ فقط لانهم جنوبيون ( الله يسامحكم يا ناس الضعين)
يوم أعدم 28 مسلماَ في نهار رمضان فقط لانهم ارادوا التغيير
يوم اعلن المراجع العام ان الاعتداء على المال العام قد بلغ مليارات الجنيهات ( و لم يتحرك احد)
يوم وطئت ارض بلادي اقدام اكثر من اربعون الف اجنبي يحملون السلاح ( بردو هي لله يا جماعة !!)
يوم أذن المؤذن للثورة .... فلم يستجب احد ( ما الناس كلها مرتاحة تتظاهر لشنو ؟؟)
يوم أغتصبت الطفلة مرام في دولة ظننتها تعرف قيم الاسلام (إعادة صياغة الانسان السوداني )
يوم بكت الفتاة المسكينة من الم السوط و جهل الشرطي ( دي ياتو شريعة يا الله !!!!)
يوم بكت صفية من الم الاغتصاب ( رجال الدولة الاسلامية تغتصب ؟ مال العلمانيين يعملو ايه ؟؟)
يوم صرغت قائلة إغتصبوني ... ( و تخاذل الشباب في رد شرفها ) ... الله في
بكيت و هل يجدى البكاء .... هل ياتي يوم النصر ام نستعد لنصب سرادق العزاء ؟ أجيبوني ايها الشرفاء
كلنا مع صفية حتى يوم يقول هيا
نداء اخير :
دولة الظلم البغيضة ,,,, نهدمها يوما في دقيقة
و يبقى كل الشعب حر مافي عبدا مافي سيدا
كفاية حكما كلو عربي كفاية حكما كلو نوبه
خلونا نحكم بالتساوي كل حزب و كل قبيلة
نبني سودان متعدد فيهو رملة و فيهو طينة

[email protected]





تعليقات 1 | إهداء 0 | زيارات 797

خدمات المحتوى


التعليقات
#839482 [jahman]
0.00/5 (0 صوت)

11-27-2013 02:47 AM
تبكي بس


نجم الدين جميل الله
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة