المقالات
السياسة
رسالتى الأخيرة للأستاذ حسين خوجلى
رسالتى الأخيرة للأستاذ حسين خوجلى
12-06-2013 10:44 AM


كنت متابع ملتزم لبرنامج ( مع حسين خوجلى ) مساء كل يوم وملتزم لمتابعة الإعادة صباح اليوم التالى من 07:30 ص الى 09:00 ص لكن خلال الأربعة حلقات الأخيرة حدث تعديل متعمد فى الطرح قد تكون له مسبباته الأمنية وبدأتم تميلون للقضايا الإجتماعية وتقديم سلبيات حياتنا وتقول عبارة غير مقبولة ( ياجماعة نحن مالنا الحصل لينا شنو نحن زمان كان ناس عثمان صالح ديل يسوى جزم والصابون السودانى الحصل شنو ) اللى حصل يا أستاذ حسين أنه فى 30 يونيو 1989م إستولت الحركة الإسلامية على الحكم وبدأت بتدمير الخدمة المدنية للصالح العام وتعنى صالحها هى والضرر العام للبلد
يا حسين خروجك عن الحديث عن سلبيات الإنقاذ السياسية التى أدت لتدهور الوضع الإقتصادى التى نتج عنه تدهور إجتماعى جعل جماعة بلطجية سودانية يتحرشون بطالبة مدرسة - دا كله إفرازات لحكم البشير وجماعته
قادر تطعن الفيل وتفضح نظام حكمه - الحمد لله
ماقادر نقول لك مقولة صاحبك عبد الباقى الظاهر ( العفو والعافية )
فى رباطابى ود أخوه مغترب لكن مفلس ، فى جده لقى كرتونة من مصحف مطابع الملك فهد شاله ونزل البلد
كل زول وضع ليهو مصحف فى كيس
عمه كان منتظر ليهو جلابية وعمه وفتيل ريحه - فتح الكيس لقى المصحف وهو أمي
قال ليه ياحسين ياولدى كلام الله ما بناباهو لكن الفيك عرفناها
هسع يا حسين نحن الفيك عرفناها - بتحب شيخك حسن الترابى وبتحب شيخ على
ولم تذكر نافع بسوء علما ان كل السودان اجمع على انه الأسوأ
كما لم تذكر البشير لا بخير ولا بشر
مع السلامة

[email protected]

تعليقات 7 | إهداء 1 | زيارات 12120

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#849425 [الدندور أبوعوه]
5.00/5 (1 صوت)

12-07-2013 11:51 AM
تسأل كأنك لا تعرف ماذا حصل لنا وأنت المبشر بما حصل وأنت العراب لإنقلاب الانقاذ الحصل أن أبناء الفقراء الجياع واللابسين مسوح الدين دبروا إنقلابا بليل ويوم أن إستقر لهم الأمر بدأوا في تنفيث حقدهم ضد الشعب السوداني لأن جميعهم إما أبناء عمال حقراء أو فقراء جوعي إستولوا علي مقدرات الشعب وبدأوا بإفقار أغنياء السودان وأسره التجارية العريقه وخلقوا لهم طفيليات تجاريه مولوهم بأموال الشعب والبنوك وتعمدوا إيقاف عجة المصانع حتي يشتروها تجارهم الجدد وأعاقوا إستيراد قطع الغيار للمصانع وإستيراد بعض المواد الاوليه وأعاقوا سفن التجار المحمله في الميناء ليتكبدوا خسائر فادحه وتسأل ماذا حصل لنا الحصل لنا هو قدومكم المشؤم ،الحصل أن حفنة من السراق والزناة وشذاذ الآفاق تملكوا البلد بحد السلاح ، الحصل أن مدعي التدين السراق المأفونين باعوا البلاد وشردوا العباد الحصل أن من يدعون الاسلام هم أبعد الناس عن الاسلام وأخلاق المسلمين ، الحصل لنا يا حسين خوجلي أن أمثالك من المطبلين لهذا النظام الفاسد خلقا وأخلاقا إدعوا أن هذا النظام لا يشبهه إلا نظام أصحاب رسول الله صلي الله عليه وسلم وأن حكومة الانقاذ هي حكومة المدينه المنوره !!! هل خلفاءرسول الله سراق ؟ هل كان خلفاء رسول الله زناه؟ هل كان فيهم من يشبه المتعافي أوبشير طه أو مأمون حميده أو حسين خوجلي ؟؟ الحصل لنا أن من حكومونا بإسم الدين سراق وأبناء سراق ولست أنت يا حسين بدعاً منهم فلقد أثريت من قروض بنك فيصل الوهميه فكلكم سواء إذا كشفت سؤءة الانقاذ أم لم تفعل فعورات الانقاذ لا يسترها فقه ستره ولا كل مصانع النسيج في العالم تستطيع أن تستر لها عوره، فعوارنكم عيانا بيانا.


#848877 [ودالجخيص]
0.00/5 (0 صوت)

12-06-2013 11:08 PM
متي ولد القرد غزالا هو كوز ماذا تنتظرون منه الولد عمل فيها راجل هرشه واحده قلبها قصص ونكات استحق البرنامج اسم اضحك مع حسين خوجلي.


#848856 [مدحت عروة]
0.00/5 (0 صوت)

12-06-2013 10:42 PM
يا باشمهندس انحنا كتاب الله ما بناباهو لكن الفى الحركة الاسلاموية اتعرف وليس الفى حسين خوجلى وما هو الا عضو فى هذه الحركة السافلة الحقيرة القذرة!!!!
ووالله الذى لا اله غيره انها لا لامة فى اسلام ولا اخلاق انسانية زى ما موجودة فى الديمقراطيات والارث الانسانى!!!!!!!!!!!!!!!!
مكانها الصحيح هو صندوق القمامة!!!!!!!!!!!!!!
ووالله الذى لا اله غيره ما فيها زول واحد بالغلط يستحق الاحترام!!!!!!!!!!!!!!!!!
ياخى هؤلاء السقلة يفصلوا فى الناس من الخدمة ويشنقوا الناس عشان العملة وهم ما سارقنها ويعذبوا فيهم عشان بيعارضوهم وبعضهم حتى الموت وفسدوا اخلاقيا وماليا واداريا ده فى ياتو دين او اخلاق انسانية !!!!!!!!!!!!!!!!!!!!
ديل مفروض يستتابوا من هذا الفكر الذى لا علاقة له بالاسلام او ينفوا من الارض او يقتلوا الله لا تبارك فى اى واحد منهم!!!!!!!!!!
من هم حتى يتحكموا فى البلد كانها حقت ابوهم او امهم براهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يرحمك يا السيسى ويديك الصحة والعافية لانك ختيت الجماعة ديل فى مكانهم الصحيح وانشاء الله ما تقوم ليهم قايمة تانى ابدا!!!!!!!!!!!!!!! والسيسى ما براه بل معه اغلبية الشعب المصرى!!!!!!!


#848636 [فواد مصطفى ودلقمان]
0.00/5 (0 صوت)

12-06-2013 04:43 PM
استازى سلمان انا بعتبر الاستاز حسين خوجلى اخز اتجاه معاكس لبرنامجه اعتدنا البرنامج يكون فيهو نوع من الوضوح والكشف الحقيقى للسلطه الحاكمه واصبحه بعيد عن هدفه كل حديسه اصبح عن البايرات والعانسات ده كلام مامنطقى واللحمه يبدلوها بالبترول دايرين كشف حقيقى وكلام واضح لانو الشعب بفهم الكلام الواضح الانقاز ماواضحه لهزا السبب ماانقزت بل اهلكت فانت اوضح


ردود على فواد مصطفى ودلقمان
United States [سم زعاف] 12-07-2013 06:37 AM
العزيز فؤاد كدي أقرأ الكلمات دي من تعليقك وشوف مشكلتها شنو: استازي, اخز للسلطه الحاكمه حديسه الانقاز لهزا انقزت

United States [صديق] 12-06-2013 09:49 PM
حرام عليك يا (ود لقمان) جـننت اللغة وبهدلتها لا تعرف ذال لا زين لا ثاء لا سين.. الله يلعن حسين خوجلي وأخونا كاتب هذا المقال ما عنده شـغل غير حسين خوجلي الظاهر مشتهي ان يستضـيفه حسين زفت هذا في برنامجه..


#848583 [ود دنقلا]
1.00/5 (1 صوت)

12-06-2013 03:06 PM
يا اخوانا انتو مضيعين وقتكم مع الكلام الفارغ مالكم ايه يعنى حسين خوجلى فى الوقت الكان فيه يجعجع بالامس كان الموسيقار العالمى بشير عباس ينثر درره فى قناة الشروق


#848422 [mustafa]
5.00/5 (1 صوت)

12-06-2013 11:15 AM
فعلا مع السلامة لانو السيد حسين خوجلى شخصيا له دور كبير وكبير جدا فى الحصاصل ده ....


#848420 [خط هيثروا]
3.00/5 (4 صوت)

12-06-2013 11:13 AM
هذه بداية تدهور شعبية برنامجك يا حسين فقدت واحد من أكثر معجبيك والبقية تاتي ... ( ولا توجد منطقة وسط ما بين الشعب والكيزان ) فأختر ..(أمامك فانظر أي نهجيك تنهج * طريقان شتى مستقيم وأعوج)


المهندس سلمان إسماعيل بخيت على
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة