12-12-2013 08:47 PM

مع الشغالة.. اغتصب البراءة!!

ألو يا عبدو..
ألو..
دايرين قروش..؟
أمس رسلت ليكى ألف ريال..
ما عايزين ولا هللة..
كل حاجة عندك مال..
في شنوا.. يا فيفي..؟
مصيبة كبيرة ما بتنقال..
كيف أحكيها بالجوال..
ألغيها الإقامة..
سريع أحجز تعال..
عشان تلحق هنية..
بنيتك الحلوة البريئة..
يا عبدو حطمناها..
حملناها الأذية..
مصيبة وجاتنا.. في بيتنا..
ما تسأل.. تعال..
بارينا الدنيا سكينا الريال..
جرينا ورا السراب..
سنين من عذاب..
ضيعناها البنية..
من الليلة من بيتي ما مارقة..
وبتي من عيني ما بتغيب..
أعاين ليها.. ما بقدر..
نظرة عينه لي حارقة..
سامحيني يا بتي..
أنا وبابا سويناها فيك..
ليك جبناها شغالة..
قاعدة معاك.. عشان ترعاك..
عشان نرتاح..
معاها لقينا ليك أمان..
مشيت شغلي.. من بدري..
الشغالة جاها كلب.. كريه سعران..
ديمة بجيها..
ما بشبه بني الإنسان..
عارف السكة ما ضهبان..
حاجاتنا نهبوها.. ما في ندم
المدخور خموهوا خم..
الدهب شالوهوا.. ما في ندم..
ندمانين عشان حطم..
زينة الدنيا يا عبدو..
وهل في الدنيا غيره طعم..؟
مع الشغالة اغتصب البراءة..
فات خلاها.. تنزف دم..
ساكتة وخائفة من كل زول..
مفجوعة وبتتألم..
في عينيها ألف سؤال..
لو تقدر بتتكلم...
مالك يا بابا خليتني..؟
وكان في ماما عندي عشم..
خلتني لي كلب سعران..
ما صدق لقاني هجم..
ينهش في جسمي يا بابا..
زي حيوان.. مفترس جيعان..
ليه زمان..
ما لاقي غيرى لحم..

زاهر بخيت الفكي
[email protected]

تعليقات 2 | إهداء 0 | زيارات 3639

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#856012 [ABOALKALAM]
0.00/5 (0 صوت)

12-13-2013 10:26 AM
وعبدو المسكين يعمل شنو ما انتي دخلت الحبشية بيتك وانتي بيتي الحبشية في بيتك

وتنام مع من تشاء في بيتك فماذا تتوقعين

واخبرني احد اامة المساجد وقال ان الحبشية عندما تزعل من صاحبة العمل تاخذ فرشاة

الأسنان بتاعة المرة والأولاد لتعطيها لريفقاتها من يحملون التهاب الكبد الوبائي

للسواك والبصق علي هذه الفرش لنقل المرض الي المرة والأولاد

كما ان تعامل النسوة مع الخادمات يتم بصورة غير انسانية حيث شاهدت احدي النسوة

في بيت صديق وقد جائته الحبشية قائلة ان العمل قد انتهي فامرتها طالما ان العمل قد

اكتمل ان تنام تحت السرير فقمت انا بمغادرة المكان حتي لا اري البقية


#855945 [ام احمد]
0.00/5 (0 صوت)

12-13-2013 09:10 AM
كان اغتربنا وووب وكان قعدنا وووبين ياناس وروني الحلل !


زاهر بخيت الفكي
مساحة اعلانية
تقييم
5.50/10 (2 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة