المقالات
السياسة
غربة وتغالب في الشجن - الي روح كل بهنس
غربة وتغالب في الشجن - الي روح كل بهنس
12-22-2013 06:27 AM


غربتنا فيها الشوق ظعن
وما قلّبت ظهر المجن
نخفيها من حدق العيون
تظهر وتهتف في العلن
غربة وتغالب في الشجن
وصارت تراسيم للوطن
وطناً بنقريهو السلام
في اليقظة أو عند الوسن
حدودو سابحة مع النسيم
وابعادو ابعاد الزمن
نيلينو من أوتار حنين
وجروفو تشدو علي فنن

نخلاتو من نور المنارات
وبقت المراكب والسفن
وابنوسو من جنح الدجي
للفجر عانق واحتضن
ورمالو من همس السنين
في ريدا ما بنعرف وهن
وجبالو أشمخ من نجوم
فوق للغمامات والمزن
لا لوبو من ياقوت بديع
بالحمد سبح واتزن
تبلديهو للافاق فتن
وهشابو بالطيب اتعجن
وطناً يقين في كل حين
لا فيهو شك ولا فيهو ظن
بالفصحي ادينا القسم
ووجدانا بالاشواق رطن
عز الخريف أو في الربيع
ليهو بنتوق وديمة بنحن
عند الأصيل وسط الثلوج
بنسالم الفال الحسن
غربة وتغالب في الشجن
جثمت وكمنت بالبدن
حلت واقامت في الضلوع
وبنت المساكن والمدن
وملكت براحات الضمير
وبقت الشرائع والسنن
كسحت متاريس الدجل
وكسرت مقاديف الوثن
غربتنا قالت يا وطن
تسلم وتبري من المحن
وطن الجدود .. بارواحنا جود
وحطم لجدران السجن

[email protected]

تعليقات 0 | إهداء 0 | زيارات 737

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




ضياء الدين مدثر رجب
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة