12-29-2013 10:37 PM


* من المفترض ألا تختلف أعراض وعوارض المرض بين شخص وآخر؛ ذلك لأن المرض لا يفرق بين كبير وصغير، ولا بين رجل وامرأة.

لكن الواقع يقول إن للمرض مع الرجال حكاية خاصة تختلف عن المرض عند النساء، فمرض الرجال فيه شيء طفولي وكثير من (الدلع) والمبالغة، وربما هذا ما يؤكد أن الرجل طفل كبير.

وربما ترتبط حكاية (دلع الرجال) أثناء المرض بعقدة (أوديب) التي لا يخلو رجل من تفاصيلها، وهي التي تدفع بهم لا شعورياً لممارسة بعض الدلع وإظهاره في مناسبات متباينة من رجل لآخر، ما بين دلع المرضع، والخصام طلباً لاستماتة الزوجة في محاولات (الترضية)، و(النقّة) والانتقاد سعياً لفرض السيطرة الكاملة وإذعان المرأة واستجابتها لكافة الأوامر من أجل عيون (سي السيد).

وفي حالات المرض تحديداً يمارس الرجال نوعاً من المبالغة والتهويل وإبداء الإعياء بصورة واضحة وإطلاق الآهات ومحاولة إقلاق الزوجة بإطلاق عبارات مخيفة عن دنو الأجل ومحاولة التأكد من إخلاصها بطرح أسئلة عن شكل الحياة من بعده ودرجة حبها له وهل يمكن أن تفكر في آخر غيره أم لا، مما يجعل الزوجة تنخرط في بكاء مُرّ قلقاً على شريك الحياة و(أبو العيال) وتشعر بأهميته وحبها له حتى وإن كانت عشرته سيئة على المدى البعيد ولكن فطرتها الأنثوية العاطفية تدخلها في حالة من الخوف والتفاني في خدمة الزوج وممارضته والدعاء له والاستجابة لكافة طلباته حتى يشفى.

وبينما يجد الرجل في المرض حجة لكي يتدلل ويطلق العنان لأوامره ورغباته، فهو لا يحب مرض المرأة، وبعض الرجال يتذمرون لمرض زوجاتهم بل يذهبون لأبعد من ذلك ويتهمون الزوجة بادعاء المرض والمبالغة فيه، وغالباً ما تكون ردود أفعالهم تجاه الأمر قاسية وبها شيء من الضيق ربما لأن فطرتهم الأنانية لا تريد لعجلة حياتهم الزوجية المرتبطة كلياً بهذه الزوجة أن تتوقف، دون مراعاة لإنسانيتها وحاجتها الجسدية للراحة والعافية

بعض الرجال يكرهون فكرة الاستسلام للمرض، وما بها من إظهار للضعف وحاجة للمعاونة والاهتمام، وكأن لزوم فراش المرض به انتقاص للرجولة، بينما يهرع البعض الآخر للاستلقاء على فراش المرض والتمتع باهتمام الزوجة والأبناء والأكل الخاص والشراب الطيب والهدوء الذي يسعى الجميع لتوفيره له والحرص على موعد دوائه. والنساء يفعلن كل ذلك عن طيب خاطر حتى وإن كُنّ يعلمن أن الزوج (يبالغ شوية) وهذا هو الفرق بيننا نحن النساء وبين الرجال المترفعين عن إبداء الاهتمام أو أي مظهر من مظاهر القلق والمحبة.

ومؤخراً أظهرت نتيجة استفتاء عالمي في ألمانيا رصد ردود الأفعال المختلفة لحوالي 200 شخص ما بين رجل وامرأة أصيبوا بجرح في أصبعهم، أظهرت التباين الواضح في طبيعة كل منهما، التي تختلف كلياً. فبينما تعتبر المرأة أي جرح تصاب به أثناء عملها في المطبخ مثلاً شيئاً ثانوياً وعادياً، يعتبر الرجل مثل هذا الحدث أمراً درامياً. فالمرأة عندما تصاب بجرح من سكين أثناء تقطيع الخضار فإنها ببساطة تغسل الجرح بالماء وتبحث عن أي قطعة نظيفة لتربط الجرح وتواصل عملها.

أما الرجل فإنه يصرخ ويقطب جبينه ويستاء ويبعد نظره عن منظر الدم ثم يبحث عن مقعد للجلوس حتى لا يصاب بالدوار وهو يطلق عبارات السب والضيق وينادي على زوجته لتعتني بجرحه وتبحث عن المراهم والمطهرات حتى تربط له الجرح، ثم تُحضر له كوباً من العصير الطازج وترجوه أن يبتلع حبة أسبرين ويحاول أن ينام. كل هذا وهو لا يكف عن التذمر والتبرم من هذا الجرح (الكبير) الذي أصابه في وقت حرج.

وبهذا تكون الزوجة نفسها سبباً مباشراً في لجوء الزوج لحجة المرض من أجل الحصول على جرعة أكبر من الاهتمام والرعاية وتغيير المواضيع المزعجة وهذا ما يجعل الزوج يستمرئ الحكاية ويمضي في دلاله ومرضه.

* تلويح

"قالوا متألم شوية!.. يا خي بُعد الشر عليك

اليوم التالي

تعليقات 33 | إهداء 0 | زيارات 6653

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#872223 [مك]
0.00/5 (0 صوت)

12-30-2013 09:20 PM
دى داليا الياس ياجماعه


#872048 [تينا]
0.00/5 (0 صوت)

12-30-2013 05:56 PM
الأخ الفاضل ((( الصوت )))ان شاء الله طيب ... ههههههه فعلا ياليتنا وجدناها لانه باين دعواتها مستجابة كان انصلح حالنا ... الأخ الفاضل ((( بشير عوض احمد ))) هههههه هو الراجل مجرد وجع بطن عادى اتجرس تتخيل لو جربوا الام المخاض حايعملوا شنو ؟؟ أمانة ما نسمع جرستهم بالشوارع ... مسكينات الحريم المتحملاتنو كتير ... تحياتى لكما ...


#871985 [ابو السيد]
5.00/5 (2 صوت)

12-30-2013 04:58 PM
(والنساء يفعلن كل ذلك عن طيب خاطر حتى وإن كُنّ يعلمن أن الزوج (يبالغ شوية) وهذا هو الفرق بيننا نحن النساء وبين الرجال المترفعين عن إبداء الاهتمام أو أي مظهر من مظاهر القلق والمحبة.).....هذا المقطع مأخوذ من المقال أعلاه - هل قرأتموه كويس؟ تعالوا تاني ندقق شوية ..... (وهذا هو الفرق بيننا نحن النساء وبين الرجال المترفعين عن إبداء)... الكلام دا من المفترض أن يكون كاتبه رجل ألا وهو باشمهندس عثمان ميرغني لكن (نحن النساء دي لزوما شنو؟؟؟؟ في زوله في البيت بتكتب ليك؟؟؟؟؟؟؟؟؟؟؟؟؟؟؟؟


#871879 [Basheir Awad Ahmed]
0.00/5 (0 صوت)

12-30-2013 03:33 PM
تعليق الاخ [تيناينم عن مقدرة على الادلاء بحجج قوية من منكم جرب الام المخاض سيبو الدلع و ارجلو


#871875 [Basheir Awad Ahmed]
0.00/5 (0 صوت)

12-30-2013 03:29 PM
اود التعليق على ابو شوارب و United States [كفاية] وAhmed Grain
امل تحرى الدقة فيما تكتبون يستطيع الاخ عثمان اقامة دعوى ضدكم و سوف يكسبها لاتقولوا لن يستطيع الوصول لنا بل يستطيع ما تكتبونه خطير و يشكل جريمة الكترونيه ارجواذا لم يكن لديكم دليل التحلى بفضيلة الاعتذار رجل يكتب بعمركم الا يستطيع كتابة موضوع كهذا


#871781 [abu shawarib]
0.00/5 (0 صوت)

12-30-2013 01:51 PM
يا عصمان بقيت تعمل نسخ ولصف

وللأسف المرة دى المقال كاتباهو مرا وكان مفروض تغير الصيغ من حقت حريم لى حقت رجال لكن فاتت عليك ( من مؤنث الى مذكر )
عاملينا فيها ابوالعريف لكن طاعت ( شفاف ساكت )


#871771 [محمد]
0.00/5 (0 صوت)

12-30-2013 01:38 PM
انت يا عثمان مرغنى خايف من الامن و لا شنو ليه توقفت عن الكتابة عن فساد سودانير..والله حكاية


#871762 [Basheir Awad Ahmed]
0.00/5 (0 صوت)

12-30-2013 01:33 PM
على غير العادة موضوع اليوم اجتماعى صرف والله ريحت بالنا اليوم من رهق السياسة المزعج باريت ياباش بين كل فترة والاخرى تتناول موضوع اجتماعى مع الاسباب اما موضوع اليوم شكلك عايز تتدلع اعن الله ام ميرغنى او عبدالله لا ادرى بس في كل الاحوال اسال الله ان يرزقك الزرية الصالحة


#871743 [تينا]
5.00/5 (2 صوت)

12-30-2013 01:12 PM
صدقت أستاذ عثمان موضوعك فى التنك حقيقة الرجال بتدلعوا دلع شديد فى المرض ... هههههه ما تسحرنا يا ((( موسى الضو ))) يا اخوى ... حكت لى صديقة انو احدى صديقاتها كانت تتألم جدا من ألم المخاض ألم غير محتمل لدرجة كانت تبكى وزوجها مستهون الحكاية بل ضحك عليها وقال لها دا دلع منك ساكت وهى فى لحظة تعبها دون ما تشعر انتفضت فيه وقالت له أسأل الله أن يصيبك مجرد وجع بطن وليس كألم بطنى لترى دلعى ... فضحك عليها ... المهم اليوم الثانى وضعت بالسلامة واتحلت ... سبحان الله بعدها بيومين اصاب الرجل وجع بطن واتجرس جرسة شديدة وهى تنظر اليه الى أن جاءها واعتذر واعترف لها بأن النساء يتحملن فوق طاقتهن وانه ليس دلع كما قال وأصبح يتكبكب ويخدمها مجرد أن تشكى من أيى ألم ... هههههه يعنى دعوتها جابت ليها فايدة ...


ردود على تينا
United States [الصوت] 12-30-2013 04:43 PM
طيب ما تدعوا لينا على (( العِرّة )) القاعد في نفسنا 25 سنة دا ...ههههههههههههههههههها
تحياتي يا الغالية


#871700 [كفاية]
5.00/5 (1 صوت)

12-30-2013 12:29 PM
المقال كاتباهو واحدة ست واظنها من جريدة التيار مش كدا يا عثمان


#871699 [عشنا وشفنا]
5.00/5 (1 صوت)

12-30-2013 12:29 PM
اقتباس :

( وهذا هو الفرق بيننا نحن النساء وبين الرجال المترفعين عن إبداء الاهتمام أو أي مظهر من مظاهر القلق والمحبة.)

هل هذا المقال لك يا أستاذ ؟؟؟؟؟ ام لامرأة

ولكنك لم تذكر صاحبته !!!!!!!!!!!


#871696 [قبلنى فى البرهة القليلة وفارقنى مابين يوم وليلة]
0.00/5 (0 صوت)

12-30-2013 12:27 PM
موش دلع ( جلع ) .. فى ناس بجلعوا لو شالوا منهم وظيفة أو قفلوا ليهم جريدتهم ( جنس جلع ) .. إجلعى وإجلعى وأنا قلبى بالريد مبتلى ... كلامك ده كلو كلام الطير فى الباقير والفى راسوا ريشة يحسس عليها .


#871616 [موسى الضو]
5.00/5 (1 صوت)

12-30-2013 11:33 AM
يا اخي الكلام دا دشليون بالمية ما صاح ... بل بالعكس تماماً النسوان الواحدة تشتكي ليك 40 مرة بالدقيقة من الصداع لمان تجيب ليك مانخوليا في راسك في حين انو ببساطة ممكن تبلع ليها بندول وتاخد نومة صغيرة تقوم زي العفريت


#871600 [الجمبلق]
0.00/5 (0 صوت)

12-30-2013 11:21 AM
يا اخوى والله نحن كن مرضانين ولاغيروا يا هو الحال نفس الحال وبعدين الراجل البدلع بالمرض دا راجل ما عندوا موضوع احسن ما يضيع زمنو فى حاجات فارغة ويكون راجل مالى هدوموا.


#871399 [Ahmed Grain]
0.00/5 (0 صوت)

12-30-2013 09:26 AM
DEAR OSMAN

I WOULD LIKE YOU TO READ BELOW LINK FOR BENEFIT OF SUDAN
THIS ARTICLE IS PUBLISHED TODAY ON NEWSPAPRE AL SHARQ ALAWASAT MON 30 DEC 2013 ARTICLE NO. 12816


http://www.aawsat.com/details.asp?section=6&article=755726&issueno=12816#.UsEN5Lx4acM.gmail




REGARDS


AHMED GRAIN


ردود على Ahmed Grain
United States [كمبال] 12-30-2013 03:09 PM
مافيش حاجة عندها صلة بالموضوع دا ياAhmed Grain في الرابط
بتاعك دا. سبحان الله ناس ماقادرة تكتب ولمن يكتبوا ليهم همهم
كووووولو يفتشوا لنقطة ضعف الكاتب. Bull Shit


#871357 [ابوالريش]
5.00/5 (2 صوت)

12-30-2013 08:56 AM
اقتباس من المقال" ...وهذا هو الفرق بيننا نحن النساء وبين الرجال..."
من هي "كاتبة" هذا المقال؟؟؟!!!


ردود على ابوالريش
United States [ضد الكيزان] 12-30-2013 01:23 PM
فعلا من هى كاتبة هذا المقال


#871289 [Observer]
5.00/5 (1 صوت)

12-30-2013 08:04 AM
( والنساء يفعلن كل ذلك عن طيب خاطر حتى وإن كُنّ يعلمن أن الزوج (يبالغ شوية) وهذا هو الفرق بيننا نحن النساء وبين الرجال المترفعين عن إبداء الاهتمام أو أي مظهر من مظاهر القلق والمحبة.) وهذا هو الفرق بيننا نحن النساء . وقفت عند هذه العبارة وتعجبت من كاتبه عثمان ميرغني الذي ضم نفسه لزمرة النساء.


#871157 [hasc]
0.00/5 (0 صوت)

12-30-2013 01:56 AM
يعني اشان ما جيت اجتماع المكتب القيادي ياخي مدلع شوية


#871120 [مهيرة]
0.00/5 (0 صوت)

12-30-2013 12:37 AM
ياراجل اختشي وين بقية القصة


#871100 [الشاكووش]
5.00/5 (2 صوت)

12-30-2013 12:02 AM
هسع الكلام دة معناتها شنو ويعنى عايز تقول شنو؟ والله يا عثمان حيرتنا وإذا عندك مشكلة مع أحدهم فبالله خليها بهناك وما تقتل زمننا وخلينا من الفارغات دى،، زوجة وهناى وتلويح وعبدالزنبار،، بديت تحكى لينا جرائم أصحابك اللصوص حبة حبة لزوم السوق وترويج الجريدة لكن القصة معروفة من زماااااان،، جاي تبيعها لينا فى قوارير جديدة،،، حركات كيزان،،،


ردود على الشاكووش
United States [سجمان] 12-30-2013 12:38 AM
والله حيرتوا الكوز الراجل يا جماعة خلي السياسه وجاب لكم موصوع انسخ والصق برضوا ما خليتوه في حاله يعمل شنو حتي تصدقوا انه تاب من كوزنته اقبلوه حالته بقت تحنن


#871097 [ودالبله]
5.00/5 (1 صوت)

12-29-2013 11:56 PM
الفايق يهمز امو


#871095 [هيثم]
5.00/5 (5 صوت)

12-29-2013 11:51 PM
المقال جيد لكن اعتقد انو منقول من جهة ما،وهذا هو الدليل:
وهذا هو الفرق بيننا نحن النساء وبين الرجال المترفعين عن إبداء الاهتمام او أي مظهر من مظاهر القلق والمحبه.
من الواضح ان الكاتبه امرأ ه.


ردود على هيثم
United States [Observer] 12-30-2013 08:08 AM
تعليقي يتفق معك لقد كتبته قبل المرور علي نقطتك هذه يا هيثم, لقد أستوقفتني هذه الجزئية

[عم عبد الرحيم] 12-30-2013 01:59 AM
برافو هيثم . انت انسان لماح

[ساب البلد] 12-30-2013 01:06 AM
******* انت سمعت بكوز (راجل) ******** كترت الانبطاح بتخلي الراجل زي مرتو ********* هع هع هع هاي ****** ****


#871086 [حد بيعرف احسن م الحكومه!!]
5.00/5 (2 صوت)

12-29-2013 11:41 PM
ايه الموضوع بالظبط يا عصمان.. عاوز تقول شنو!!انت ألآن تبدو زى التكنّك فى اعلى درجه من حالات مرضك .. بس مقالك دا كان مفروض يكون مسجل على كاسيت وتسمّعو لأيف (ويا حبذا لو كان صوت وصوره من عند احدى قنوات حاتم سليمان) للست ام المؤمنين طرفكم وانت ترسل ألآهات يمين وشمال متابعا "خليل افندى فرح" فى نهايات "عزّه فى هواك".. ولآ شنو الراى يا عبلطيف يا بونى بدون ما نجيب سيرة البحر!!!


#871083 [الزيدابى]
5.00/5 (2 صوت)

12-29-2013 11:37 PM
انت ياحبوب قاصد الوقّف جريدتك

الزول شديد ..... وقالو هو المرشح القادم

شوف الزول الغاب من اجتماع قاعة الزبير خبرو شنو ؟؟؟؟


#871075 [تاتاي في الربع الخالي]
5.00/5 (1 صوت)

12-29-2013 11:26 PM
اقتباس (والنساء يفعلن كل ذلك عن طيب خاطر حتى وإن كُنّ يعلمن أن الزوج (يبالغ شوية) وهذا هو الفرق بيننا نحن النساء وبين الرجال المترفعين عن إبداء الاهتمام أو أي مظهر من مظاهر القلق والمحبة.) ياجماعة انتو الكاتب دا مش عثمان مرغني والمفروض يكون راجل ..طيب راجعوا معاي المقطع البين القوسين الزول دا نسى انو راجل ولا شنو ..ولا هو بتكلم بلسان النساء ..فهمونا بالله ...او فهمنا انت يا اخ عثمان...


ردود على تاتاي في الربع الخالي
[ساب البلد] 12-30-2013 01:09 AM
****** يا تاتاي ******* كترت المسيح و الانبطاح و الدهنسة بتكتل الرجولة ****** فهمت ولا افهمك اكتر ****** شوف حسنية بت خوجلي و ام الحسن بت اللمين و غندوووور ... الخ الكيزان ******


#871074 [ساب البلد]
5.00/5 (1 صوت)

12-29-2013 11:26 PM
************ وانت اي نوع من الرجال ؟؟؟؟ ******* يا ود ميرغني *************


#871073 [دنقلاوى]
5.00/5 (1 صوت)

12-29-2013 11:24 PM
عاوز تقول ايه يا اوسمان


#871043 [عصمتووف]
5.00/5 (1 صوت)

12-29-2013 10:50 PM
قصة الدلع الطلعتة لينا بيها دي نعتبرها خاتمة لدلع سودانير


عثمان ميرغني
عثمان ميرغني

مساحة اعلانية
تقييم
9.00/10 (2 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة