01-22-2014 07:13 AM


كتبنا عن المحن السودانية وعن المحن المؤلمة ذهاب البروفسر وابن البلد الرجل العظيم فاروق كدودة رحمه الله عليه لزيارة الترابي وكان مصحوبا بكمال الجزولي . هذه الحادثة اصابت الكثيرين بدوار البحر . وانا منهم . وليس هنالك اي قوة بشرية يمكن ان تقنعني بسلامة تلك الخطوة .
بعد كل الجرم الذي ارتكبه الترابي بداية من اعدام الاستاذ محمود محمد طه طيب الله ثراه الي نكبة الانقاذ والتآمر علي الوطن وتسليمه الي تنظيم الاخوان المسلمين العامي ، كيف استطاع كمال الجلوس مع الترابي وقرطعة الشربات او شفط القهوة والشاي ؟؟؟
في بعض الاحيان اقول ان الكوز بيكون فيه بقايا من كوزنة حتي بعد ان يصير شيوعيا مثل كمال الجزولي . والدكتور خالد الكد نظم انقلابه لصالح الكيزان لانه وشقيقه طه كانوا كيزان . ونشرت الميثاق ان خالد شيوعي . وعندما اخذ طه الجريدة للكيزان وهم يعرفون ان خالد رحمة الله علي الجميع منهم . قالوا له العمل السياسي بيطلب كدة . لان خالد قريب عبد الخالق . هل صار العمل الشيوعي يتطلب التهنئو والمؤانسة واعطاء شهادة خلو طرف ثم الهجوم ؟؟
ولكن الغريب ان فاروق كدودة كان دائما ضد الكيزان وبصلابة . وهو الذي قال بروحه المرحة عند اعتقاله ,, انتو بس ورونا جيتوا تنقذوا منو من شنو ؟؟ وقال بعد فترة قال للكيزان انتو بس رجعونا محل ما لقيتونا . ولهذا المني ذهاب فاروق للترابي . وذا كان هذا قرار حزبي ، فهذه محنة . لأن الاحزاب الثورية لاتساوم جلاديها . ولا تقدم التهاني والتمنيات الطيبة . لماذا البصق علي الشهداء وضحايا بيوت الاشباح واغتصاب الرجال والنساء . واين هي محاسبة جرائم الحرب المقدسة وساحات الفداء و ملاييب الشهداء من اهل الجنوب . انا افتكر ان كمال كان نايم وصحي دلوكت وعرف انو الترابي كعب وسجمان ورمدان . بس ما قادر افهم كيف تمشي بيت زول وتاكل وتشرب وتجي تشتمو ؟؟
ولا افهم كيف ذهب المناضل نقد رحمة الله عليه ووضع يده في يد الترابي وفي بيت الترابي وامام عدسات التلفزيون ؟؟ وليحاول الجميع باقناعي انها الحرية لنا وللجميع . وسنقول لهم . هذا منطق عاجز وضعيف .
وما دام كمال قد صحصح كمان بالمرة يشرح لينا تصريح الحزب بانهم لن يرحبوا بالمعارضة اذااتت مساكة بالبندقية . هذا الوضع اسوأ من موقف الترابي. وفيه من الخنوع والانكسار والانبطاح مالم يكن ليقبله المناضل صلاح الذي كان يغني له الشيوعيون في اجتماعاتهم وقعداتهم مؤتمراتهم . وفضل الموت علي الانكسار ,, يا صلاح آه يا صلاح آه ياصلاح . حسبوه سيساوم ووجدوه حرا يناضل وهو في الرمق الاخير ,,. ان المناضل صلاح يتسائل ما الذي حدث لحزب قاسم امين الجزولي سعيد الوسيلة وسلام وابراهيم زكريا والشفيع وجوزيف قرنق .
التحية
ع . س . شوقي

[email protected]





تعليقات 20 | إهداء 0 | زيارات 5567

خدمات المحتوى


التعليقات
#893929 [كمال ابو القاسم محمد]
2.00/5 (3 صوت)

01-23-2014 04:46 PM
الحل في الجبخانة ...الحل في الجبخانة.....الحل في الجبخانة و سد الخانة


#893712 [Al kalaas]
2.00/5 (3 صوت)

01-23-2014 01:06 PM
منو القال ليكم أنو (عمنا شوقى)نصب نفسه مفكر ولا قال ليكم أنو أصبح من مصححى مسارات التأريخ ولا عاوز يكتب ليكم فى حيطة التأريخ -للذكرى والتاريخ -!!!ما تحملوا الأشياء فوق ما يمكن أن تتحمله والعندو حاجات تانية يحلها فى محلها.ما قاله العم شوقى هى النصيحة وازول الداير يقول النصيحة لازم يكِبر عكازو وعمنا شوقى طول من شّيل العكاكيز. ولكن بالله ما تخلونا(ننبرى ليكم)زى ما قالو اأهل اللغة العربية.الحقيقة تظل حقيقة حتى ولو أنها لا تعجبنا.


#893189 [سليمان حمزة]
1.00/5 (2 صوت)

01-23-2014 05:47 AM
من النائم غيرك ؟ مقال ضعيف في فكرته وسخيف في عرضه وركيك في لغته وكما عودنا الكاتب الهمام أن ينصب من نفسه مفكرا وناقدا للآخرين وكأنه مصلح زمانه . ودائما ما تبدو الأنا المريضة واضحة في كتاباته الملئة بالحقد والكراهية وكأنه لا ينال الراحة الا بالنيل من الآخرين ولا أدافع عن الاستاذ كمال ومو بكل المقاييس لا يقارن بالكاتب اطلاقا لا حيث المبادئ ولا الثقافة ولا التعليم ولا المساهمة في العمل العام .


ردود على سليمان حمزة
United States [shawgh badri] 01-23-2014 07:53 PM
السيد سليمان حمزة لك التحية . انا عندي احترام وحب للبروفسير فاروق كدودة . هذا لايمنعني من انتقاده . انا لست بموسيقار ولست بمغني ولكن اعطي رأيي في اداء واغاني كبار الفنانين . لان كل اعمالهم ليست كلها بنفس الروعة . فليكل كمال الجزولي اعظم رجال السودان قاطبة ، لكن هذا لاينفي حقي في ان اقول رأيي في ذهابه مهنئا ثم مهاجما في دار الحزب الشيوعي . هي يقلل من مصداقية الحزب امام الناس .


#893106 [Amin]
1.00/5 (2 صوت)

01-23-2014 12:58 AM
مخطئ من يعتقد أن من يغيير النظام بالقوة ويصل السلطة
حيسلم سلاحه ويرجع لقريته في '' أم شنكبة '' وينتظر التنمية تجيه هناك ..(ليبيا شاهد)

أول الضحايا حيكونوا قادتهم الحاليين ,,
ويظهر ليك من تحت الدوشكا عوالم لا كوابح لها


تتلاشى كل القيم.. حينما يعلوا صوت السلاح .


حكى أحدهم عن الأستاذ الصربي المجتهد المحبوب من تلامذته كيف عندما إندلعت الحرب حمل سلاحه وقتل جميع تلامذته البوسنيين.


#893088 [عكر]
5.00/5 (1 صوت)

01-23-2014 12:16 AM
و الله يا عمنا بدري ما براك ... احترنا عديييييييل ....!!!!


#892885 [عمدة]
4.75/5 (3 صوت)

01-22-2014 06:52 PM
1- كمال الجزولى لم ولن يصحو فهو كوز سابق ونصف شيوعى حالى متأثر بنرجسية الصادق المهدى أحيانا وأحيانا أخرى يتوهم الجلوس على مقعد الراحل على المك ولكن هيهات!!!!!
2- الحزب الشيوعى والكيزان شاطئين لبحيرة اسنة تقطنها أحزاب طائفية وجهوية وقبلية وبها الكثير من البنطونات والغواصات ومراكب على الله محل ما ترسى تمسى!!!!!!!!
3- ساستنا جميعا كائنات عفى عليها الزمان ولا احساس لها بالمكان.
4-أحزابنا جميعا وُلّدت مصابة بعمى الألوان وبمرور الزمان أصابها شلل ارتعاشى وكثير منّا أصابه الزهايمر والعياذ بالله.
5-التعليقات كالعادة: هنالك دجاج اليكترونى (هجين) وهنالك من يؤمنون بأن السياسة نفاق محض ويريدون من غيرهم التعاطى معها بهذا الفهم وهنالك (الببكى وما عارف الميت منو) وقليل من أصحاب الوعى وبعض ممن يبتغى المعرفة.


#892836 [عائشة الفلاتية]
2.50/5 (2 صوت)

01-22-2014 06:01 PM
ماذا قدم الحزب الشيوعي للسودان ؟ ماذا قدم عبد الخالق محجوب والشفيع احمد الشيخ ونقد وعز الدين علي عامر والخاتم عدلان وكدودة ومعاوية واخيرا (العجوز الثمانيني الكهل ) - الخطيب - لدفع قاطرة السياسة السودانية . يا جماعة ارحمونا انتم والاخوان المسلمون وجهين لعملة واحدة خربتم البلاد وافقرتم العباد وشردتم اهلها وصرنا اضحوكة العالم كله .


ردود على عائشة الفلاتية
United States [shawgh badri] 01-22-2014 10:48 PM
الحزب الشيوعي قدم الكثير للسودان . حافظ علي حقوق العمال والمزارعين . وكانوا علي قيادة النقابات المحلية والعالمية . خدموا العدالة الاجتماعية حقوق المهمشسين والمرأة . قدموا اول نائبة برلمانية في الشرق الاوسك .
وضعوا دراسة للفدريشن ونظام ثلاثة برلمانات محلية في الجنوب وبرلمان عام في الخرطوم . واذا نفذت تلك السياسة لمل وصل الحال الي كل ذالك الاحتراب . والشيوعيون بزعامة جوزيف قرنق زالدكتور الطاهر ابو حوه والدكتور الفاضل عباس والاستاذ محجوب عثمان هم من نظم السلام واتفاقية اديس اببا . وقام النميري بتنفيذها وله اجر المناولة . عندما سأل النميري عبد الخالق قبل شنقه ، ماذا قدم للشعب السوداني قال الوعي لقد قدم الشيوعيون الوعي . ولم يسرقوا او ينهبوا . وكان الحزب لايقبل الا الشرفاء وخيرة الشباب .


#892832 [ساب البلد]
3.50/5 (3 صوت)

01-22-2014 05:48 PM
******* السلام عليكم الاستاذ شوقي ********* السلام عليكم الاخوة المعلقين ********* رجاءا التزام التعليقات الدمثة و ضبط النفس حتي يكون النقاش موضوعي و ذو فائدة ******** الي الاخوة (مجدي) و (اسامة علي) و (محمد احمد) الرجاء احترام الموقع و المعلقين اذا لم تحترموا الكاتب و شكرا *****


#892720 [عادل الامين]
0.00/5 (0 صوت)

01-22-2014 02:49 PM
الاحزاب العقائدية يا عمنا شوقي..لا تعتظ من فشلها ولا تستفيد من تجارب الاخرين..ولا تواجه الحقائق ولا ترضى ان يوجهها احد بها
تفتكر لو احزاب ذى دي قعدت الف سنة ضوئية بتجي بالانتخابات؟؟؟
عشان كده اتلم لمتعوس"الشيوعي مع خايب االرجا "الشعبي " عل قاعدة ومن نعمره ننكسه في الخلق
يا عمنا شوقي يااخ ما ترجع حزب عمك الشجاع ابراهيم بدري في بواكير الاستقلال عشان ننضم ليك


#892696 [اسامة على]
0.00/5 (0 صوت)

01-22-2014 02:15 PM
(( بس ما قادر افهم كيف تمشي بيت زول وتاكل وتشرب وتجي تشتمو ؟؟



اخشى ياستاذنا الجليل ان السيد كمال الجزولى يجسد مقولة ابى الطيب المتنبىء:-
جوعان يأكل من زادى ويشتمنى
لكى يقال عظيم القدر مقصود


....... ولله فى خلقه شؤون


#892689 [مدفع الدلاقين]
0.00/5 (0 صوت)

01-22-2014 02:11 PM
المشكلة يا عمنا شوقي انو احزابنا اُبتليت بزعمات ديناصورية مكنكشة ، وما اصابها أصاب الشيوعي ،
عبدالخالق كان قائداً للحزب و عمره 44 عاماً كذلك كان الشفيع والآخرين ..
الآن عمنا الخطيب عمره تجاوز الثمانين او أكثر ، كذلك كان نُقد عايز من ديل شنو غير (الإستكانه) ده الذي حصل في سوق بصل الاحزاب المتكلّسه .
... انظر لسيد الصادق .. و لمولانا سيدي ابهاشم ..

عاش ابهاشم .. عاش ابهاشم .. كع


#892663 [رانيا]
5.00/5 (4 صوت)

01-22-2014 01:41 PM
واللـه انا ضد عادتنا السودانية المألوفة دي .. الناس تكون غلطانة وقلوبها مليانة وعندما تتواجد في مناسبات إجتماعية يعملوا نفسهم حبايب !! أنا بعتبره نفاق ليس إلا !!فما بالك لمن تدخل السياسة في الموضوع .. حقو الناس تكون واضحة وصريحة وعند موقفها وخاصة عندما تريد حق لكن سياسة بأخوي وأخوك دي ما كسبتنا خير بل هي الضيعت السودان .. القضية تضيع من كونها وطنية وتبقي شخصية وحسب مزاج الأطراف ..معليش نحل المشكلة وبعدين نرجع العلاقات بيننا حتى ولو (مابقينا حبايب ).


#892637 [ود الحاجة]
1.00/5 (1 صوت)

01-22-2014 01:18 PM
لم اكن اتوقع من الاستاذ شوقي الذي عاش في مناطق كثيرة من هذه الدنيا و هو امدرماني مخضرم أن يكون بهذا المستوى من التطرف الفكري و السياسي و الاجتماعي !
اذا كان الترابي قد أضر بالوطن و أجرم في حقه فان الاشخاص الذين قابلوه ليسوا قضاة و لا نواب عامون و بالتالي هم مثل غيرهم من المواطنين في هذا الصدد .
يقول الاستاذ بدري ( لأن الاحزاب الثورية لاتساوم جلاديها ) هل قام الحزب الشيوعي في السودان بثورة ؟ ليتفضل الاستاذ و يكتب لنا عن تلك الثورة.


ردود على ود الحاجة
[ود الحاجة] 01-23-2014 09:40 AM
منظومة الامال العريضة للنظام الشيوعي و حتى النسخة المخففة منها في النظام الاشتراكي فشلت في اوربا الشرقية و قبلها في الاتحاد السوفيتي و المفارقة ان الاحزاب الاشتراكية لم تنحج في بعض اهدافها الا في النظم الرأسمالية

United States [shawgh badri] 01-22-2014 11:03 PM
برنامج الحزب الشيوعي هو اقامة الدولة الاشتراكية التي تقضي علي الاقطاع وتأتي بعلاقة انتاج جديدة لا تسمح باستغلال الشغيلة . وتعطي النقابات حق الاضراب وتحسين وضع العمال والمشاركة في تسيير العمل والانتاج ، وتنشء الجمعيات التعاونية وتنفذ الاصلاح الزراعي . وتأتي بدستور يحفظ حقوق الطفل وحقه في التعليم والعلاج وعدم استخدامه فب العمل . وتساوي بين كل الناس امام القانون . وتساوي المرأة والرجل في الاجور اذا كانا يؤديان نفس المهنة .... الخ . ولهذا تسمي هذه الاحزاب بالاحزاب الثورية
النازيون والفاشيون يدعون لثوره عنصرية تعطيهم الحق في اضطهاد واحتلال بلاد الآخرين ونهب خيراتهم . الاخوان المسلمون يؤمنون بثورة تمكن تنظيمهم العالمي بأن يسيطر علي كل الموارد والوظائف .


#892613 [محمد احمد]
3.00/5 (2 صوت)

01-22-2014 12:59 PM
يا شوقي بدري، ياخي مدام بتكتب عن المحن السودانية طيب اكتب عن نفسك..انت و امثالك من اكبر المحن السودانية..انت تمثل الشخصية السودانية المريضة الحاقدة..ياخي استحلفك باغلى ما عندك اذا كان عندك غالى غير نفسك السقيمة..توقف عن الكتابة...و الله كتاباتك تثير الغثيان...


ردود على محمد احمد
United States [shawgh badri] 01-22-2014 11:15 PM
السيد محمد احمد لك التحية . اذا انا بكتب كلام بيرضي كل الناس ، طيب انا كاتب ليه في المحل الاول . انا عندي رأي بطرحوا . انا لم اطالبك بأن توافقني . وحتي كلامك الكتبتو ده انا بحترموا لانه رأي . وانا اعرف ان كلامي لايمكن ان يكون صحيحا كل الوقت . لانني في احسن الظروف علي حق 50 % لانه ال50% دي حقتك انت او الطرف الآخر . علشان كده انا بناقش. واذا كنت علي اقتناع من انني معصوم من الخطأ لنفذت وصيتك وتركت الكتابة . كدي اسي انت وريني بالتحديد ان علطا كيف ووين . علشان انا اتعلم وينوبك ثواب

United States [ود النوبة] 01-22-2014 06:30 PM
انت بتفتحها و تقرأها مالك تثير الغثيان ولا بتعمل دوخان . نحن عاجبانا و مبسوطين الى الاخر .


#892606 [مجدي]
5.00/5 (1 صوت)

01-22-2014 12:54 PM
يا شوقي بدري ما انت ومن انت؟؟..ماعرفناك شنو، مرة تهاجم سيدك الصادق مرة تهاجم رجالك الشيوعيين ...يعني بالواضح و بالمنطق انت شغال لمصلحة الكيزان..عواز تدمر وتغتال كل الشخصيات من اجل سادتك وارباب نعمتك الحاليين: الكيزان..ربنا يشفيك ياخي من النرجسية و الوهم والاعقد العايش فيها


#892548 [محمد السر]
5.00/5 (1 صوت)

01-22-2014 12:04 PM
السلام عليكم و رحمة الله ـ أستاذنا و عمنا الرائع ..
من هو " صلاح " الذي كان يغني له الشيوعيون ؟
لك التحايا الطيبة ..


#892537 [Salaheldin.usa]
0.00/5 (0 صوت)

01-22-2014 11:47 AM
يا استاذنا بالمناسبة دي من الذي ارشد ناس الامن لمكان الاستاذ عبد الخالق محجوب ،،،، فى امدرمان ،،،


#892323 [المستجير بالرمضاء من النار]
5.00/5 (1 صوت)

01-22-2014 08:32 AM
بالله كمال الجزولي كان كوز.... عشان كدة كنت بقول الزول دا مالو ما بشبه الشيوعيين !!!!


ردود على المستجير بالرمضاء من النار
[كروره] 01-22-2014 01:51 PM
اقرأ المقال تاني ، وجّر النور الطويل .


#892288 [ممكون وصابر]
0.00/5 (0 صوت)

01-22-2014 08:03 AM
جيد ان يذهب السياسين لبيوت بعضهم البعض وهكذا السياسةوليس في ذلك غضاضة كمال الجزولي رجل محترم وسياسي وكذلك محمد ابراهيم نقد رحمه الله وفوق ذلك فهو زميل للترابي بحنتوب فالسياسة لا تمنع الصداقة فالسياسين ايام الديمقراطية كانوا يتشاكسون في البرلمان واذا خرجوا من البرلمان كانوا اصحاب فلا يدخلون الامور السياسية في الامور الشخصية والاجتماعية


ردود على ممكون وصابر
United States [ود الحاجة] 01-22-2014 01:23 PM
الاستاذ شوفي : أعتقد انه عندما نتمكن من بناء قضاء عادل و منصف و راقي نستطيع محاكمة كل من اجرم في حق الشعب حتى لو كان ميتا و لكن و حالتنا الان كما نعلم من الافضل ان نقتصد في و صفنا لما قام به الاخرون , لانه في هذه الحال مجرد ( كلام جرائد لا بيودي و لا بيجيب)

United States [shawgh badri] 01-22-2014 09:50 AM
نعم للسياسة ولكن ما مارسه الترابي وحزبه جرائم ضد الانسانية وضد شرع الله والعقل السليم . لقد رفض محاكمة عبود وزمرته ودافع عنهم دفاعا مستميتا . وشارك في جرائم نميري والشريعة تفصيل البرندات . وخرج سليما . بل لقد وجد التعظيم والاحترام . الانقاذ اسوأ من الفاشية والنازية . وهتلر لم يفتك بالالمان بل فتك بآخرين . مصافحة الترابي جريمة . وخيانة للشهداء

[thair] 01-22-2014 09:31 AM
ياخى والله نحن الممكونين وصابرين على تعليقاتكم دى.....انتو بتقروا وما بتفهمو ولا شنو؟...كلام انو مشى البيت او اكل معاهو او صافحو...دى تورية بمعنى جلس معه فى حوار او اتفاق...بمعناهو السياسى....الكلام دا ما عندو علاقة بالسياسه ولا الزمالة...الاتفاق مع ناس بمثل سوء الكيزان يعد خيانة حقيقية لضحايا هؤلاء القتلة والفاسدين والخائنين للوط.....وقع ليك؟؟؟؟؟


#892278 [برعي]
0.00/5 (0 صوت)

01-22-2014 07:55 AM
التحية والود شوقي بدري
انا رايي ان الحزب الشيوعي ، بقدر ما له من تاريخ عميق مليئ بالصمود والشخصيات القوية المجيده ، بقدر ما له من الاخطاء التي كنا نتمني لو يوجد به تيار من القوة قادر علي تداركها وايجاد تغيير يوازي ما استجد من تغييرات في عالم اليوم وفي السودان خاصة
اري ان الوضع السياسي مؤهل تماما لميلاد كيان سياسي اجتماعي يمثل القوي العريضة من جماهير الشعب الموجودين فكريا وعاطفيا جهة يسار الوسط كما يسمي في اوربا وبريطانيا
وراي ان الحزب الشيوعي مؤهل لسد هذا الفراغ العريض في الواقع السوداني لو امكن اعادة تاهيله وتغيير الكثير من افكاره ورؤاه
مع تحياتي وتقديري


ردود على برعي
United States [ود الحاجة] 01-22-2014 01:32 PM
هل نفهم ان الاخوان بزعامة الترابي نفذوا في سنة 1989 ما فشل فيه الشيوعيون بقيادة عبد الخالق؟

في النهاية هذا هوتفكير النخبة السودانية بكل اطيافها .

United States [shawgh badri] 01-22-2014 10:11 AM
العزيز برعي لك التحية . اذا قوقلت شوقي بدري بالانجليزية تجد انه مزكور كشيوعي . وهذا ما ورد في بعض الصحف الاسكندنافية . انا احب الحزب الشيوعي السوداني واحترم الشيوعيين . ولكن اعتبر الاستاذ نقد رحمة الله عليه او الزعيم التجاني الطيب بابكر او عبد الخالق بشر . لهم غلطاتهم مواضع قوة واماكن ضعف . نحن جميعا اشتراكيون . وانا كتبت وقلت ان الحزب الشيوعي هو السنان في رمح المعارضة الديمقراطية .
الحزب اخطأ في الموافقة علي الانقلاب الناصري بزعامة بابكر عوض الله والمخابرات المصرية وحمايةسلاح الجو المصري المرابط خاج العاصمة . عبد الخالق اخطأ بتدبير انقلاب هاشم العطا . لان الخطا لا يصحح بخطأ جديد . ولان الحزب الشيوعي لم يكن ليستطع ان يحتفظ بالسلطة لانعدام القاعدة العريضة . وكان من الواجب ان يدعوا الي مشاركة الاحزاب الاخري والرجوع الي الديمقراطية . الاستعانة بحزب البعث العراقي كانت ستكون كارثة علي السودان .
من اهم ممارسات الاحزاب الاشتراكية هي النقد والنقد الذاتي . الحزب الشيوعي ليس بطائفة . كمال او اي شيوعي آخر قد يكون اجدر الناسي بالاحترام . ولكي يعضد احترامه فعليه بتقبل النقد . هذا عمل عام ، ومصير وطن . لامجال هنا للمجاملات .


شوقي بدري
شوقي بدري

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة