المقالات
السياسة
(رباعيات المفاجأة)
(رباعيات المفاجأة)
01-27-2014 05:48 PM


البلد الوسيع الكان مخدِّر عودو
معطاءاً كريم عمّ الجوار بي جودو
جانا زمن عجيب (منقذنا) ضم حدودو
عطشانين وجوعى في شواطي سدودو
***
صبراً يا بلد والحق مصيرو يبين
ولو طال الزمان لابدّ منتصرين
حيَّ على الجهاد والشعب سيفو سنين
يقطّع لي أيادي السرقوا باسم الدين
***
والعجب العجاب حتى اسمهم مقلوب
والسمّوهو (نافع) ضار وكلو عيوب
ما تشوفوا الدقون والتوب قصير مسلوب
للسرقة وفساد فتحولا ألف دروب
***
والــ (نافع) لبلدو وهو بيدمّر فيها
نسى أيام حفاهو وجوعو في واديها
علّاها القصور فاكر بيخلد فيها
عاليها المسلّح يوم بكون واطيها
***
والسمّوو ربيع كان الجفاف والصيف
بألفاظه البذيئة أذى المذيع والضيف
في العربية ينشر للخداع والزيف
والعالم جميع يشهد على التزييف
***
واليوم المفاجأة بدري روح إتعشّى
واشرب شاي مقنن واتكي وادّشى
الغرقان بيمسك حتى لو في قشّة
عاد بتفزّوا وين الليلة يوم الكشّة
(أبوسارة)

[email protected]

تعليقات 1 | إهداء 0 | زيارات 974

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#898381 [الدنقلاوي]
1.00/5 (1 صوت)

01-27-2014 10:43 PM
قوية يا أبو السارة تسلم


عزالدين حسن محجوب
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة