الوثبة..الوثبة




الوثبة..الوثبة
قال الوثبة..
تعالوا يا شعبي..نحو الوثبة
بعد ما حطم فينا الرغبة
ووصل الدم في بلادنا..
حد الركبة
وجاع الناس..
ويبقى طبيعي إنك مفلس..
وما في جيبك حق الوجبة
دنيا عجائب..
من حطمنا ..يدعو الناس
للنهضة..ويدعو كمان للوثبة
سلم لي على الوثبة
والرباطة كتلوا الناس..
زرعوا الخوف..وزرعوا الرهبة
من بيصدق انك ..
تطلب نشر السلم..
وترفع للحرية الراية..
وبناتنا بتُجلد..
والأولاد ترميهم بالمرزبة
ومن بيصدق انك ..
بكرة تحارب الفقر..
وأهلك وحزبك..
أكلوا الخير الفيها..
وشربوا النيل فد شربة
قال ايه..قال يا ناس
تعالوا معاي للوثبة
من بيصدق قولك تاني..
وانت قسمت بلدنا..
قصمت ظهرنا..
واتشتتنا في عهدك ..نطلب غربة
وقال يا ناس..
تعالوا معاي..
لي بكرة..وعهد الوثبة
كفانا..كفانا تعبنا
دا انت طلعت وحزبك..
أكبر كذبة
قال الوثبة..
والناس ما عندها حق الوجبة ؟!!!

[email protected]

أسماء عبد اللطيف | 01-29-2014 12:26 AM



التعليقات
#901200 United States [اليبي]
0.00]/5 (0 صوت)

01-29-2014 09:08 PM
بصراحة يا ست اسماء خطاب الرئيس كان مهزلة لكن علي كل حال كان احسن من قصيدتك دة, معليش الحق ما يزعل


#900263 European Union [aborafat]
0.00]/5 (0 صوت)

01-29-2014 08:03 AM
يسلم لسانك ويسلم قلمك ويدك التى تكتب


#900143 United States [كتكوت]
0.00]/5 (0 صوت)

01-29-2014 01:12 AM
كضاب .. كضاب .. ياالبعيو يمين كضاب .. دي فاجعة .. مش مفاجأة .. و انا لله و انا اليه راجعون .



Powered by Dimofinf cms Version 3.0.0
Copyright© Dimensions Of Information Inc.