01-30-2014 12:18 PM


الوثبان الأول قال للوثبان التاني : - وثبتي اعلي من وثبتك
التاني قال ليهو : منو القاليك .. نعمل لجنة تحكيم من الوثابين القاعدين كوووولهم يوم الوثبةز ديك
الأول رد عليه : كل القاعدين ديل وثباتهم قصيرة وبالتالي ما بينفعوا كمحكمين
التاني : طيب نرجع لي منو
الأول : طالما البلد كلها متوثبة حقو نشوف ناس الصياغة اصحاب فكرة النفرة الكبري - لا لا لا - آسف انا اقصد الوثبة الكبري
الثاني : ياخي ديل وثابين ساكت .. حقو نشوف المستمعين لأنهم عايزين يتوثبوا الي اعلي من المنصة ذاااااتا
الأول : يا خي ديل كان ممكن يثبوا حتي سقف القاعة لكن ؟؟؟؟
التاني : لكن شنو يا متوثب
الاول : لكن ناموا ثم صحو - ثم نامو ثم صحو تاني ... لقوا الوثبة في نهايتها
التاني : طيب يعني موضوعنا فشل ؟؟
الاول : موضوع شنو ؟؟
التاني : موضوع التحكيم ... منو الوثب اعلي من الآخر
الاول : الله - كتر خيرك ، ذكرتني قصة الوثبة
التاني : معقول نسيت التحدي بيننا بالسرعة دي ؟
الاول : والله ما نسيتو لكن قالوا في وثبة تانية وانا نفسي إنقطع من الوثبة الاولي وشايل هم التانية
التاني : حليلك ، انت ما متابع ، المتوثب الأعظم الظاهر الأيام دي ، نفي الموضوع
الاول : منو النفاهو - ما معقول ياخ ؟؟
التاني : انت متوثب نايم
الأول : المهم هل حيدعوا الناس كووولها تجي تاني للوثبة الأعظم المعادة ؟؟؟
التاني : ياخي انت ما بتفهم ؟ ما قلنا ليك لغووووووها
الاول : خالص خالص ؟؟
التاني : يعني مش خاااالص خاااالص - خالص حبة بس
الاول : يعني ممكن نقول وثباية صغمبوتية ؟؟
التاني : ايوااااااا - بالضبط كده ، لشرح الوثبة الغلبت الناس بي عجائزهم اللي حضروها
الأول : الحمد لله ... نفسنا كان قايم لي حسه من يومداك -
التاني : خلاص - بس المرة دي ما حتحتاج لي لبس ترينق واديداس ، يكفي بالعراقي البلدي والسفنجة بس
الأول : ياما إنت كريم يارب

[email protected]

تعليقات 2 | إهداء 1 | زيارات 1439

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#902267 [معتمد لواء كلب أمن]
0.00/5 (0 صوت)

01-30-2014 11:36 PM
تسلم يالباشا .لكن الأول كرنك حرم اكات عادوها ليهو اكان يظرط !


#901959 [sufian. khwad]
5.00/5 (1 صوت)

01-30-2014 03:05 PM
إمتحان الشهادة السودانية للعام 2014م في مادة (عمر البشير)
*********************************************
ملحوظة (يسمح بإستخدام الآلة الحاسبة و البرجل )
^^^^^^^^^^^^^^^^^^^^^^^^^^^^^^^^^^^^^^^^

1/ أكتب معاني الكلمات التالية:
أ- أحابيل
ب- إندغام
ج- إعتساف
____________



2/ جد الفعل من المصدر (إنبتات) و أدخله في جملة (عربية) مفيدة.
____________

3/ أعرب الجملة التالية:

إندغمَ الناسُ طوراً بعد طورٍ في أحابيلَ الإعتسافِ غيرَ مستشعرين لجوهرِ الواعي.

____________

4/ إذا كانت المناظرة تتقاطع مع النقلة النوعية لإنبتات المشروطية، كم يبلغ إندغام الوثبة بالوحدات المجتمعية الإعتسافية؟


صلاح الباشا
صلاح الباشا

مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة