الهلفوت‎
02-04-2014 01:58 PM


* إبان زيارة الرئيس المصري المخلوع حسني مبارك لبلادنا كتبت كلمةً سميت نفسي فيها (الهلفوت)..
* وبصراحة، سميت رؤساء التحرير كافة - وكبار كتاب الأعمدة - (الهلافيت!!) ولكن بعد احتجاج أغلبهم على التسمية هذه قصرتها على نفسي..
* والاسم هذا - من باب التنبيه - هو من وجهة نظر (المنظمين!!) للمؤتمر الصحفي ذاك عقب إجتماع بين البشير ومبارك بقاعة الصداقة وليس لأننا (هلافيت) فعلاً..
* ففي الوقت الذي صحب فيه نفر من صحفييِّ شمال الوادي رئيسهم وهو يتجول داخل القاعة - (الحجل بالرجل) - كان رصفاؤهم السودانيون (ملطوعين!!) لدى الباب ومعهم رؤساء تحرير كبار في السن..
* وسبب (اللطعة) تلك هو عدم إبراز (البطاقة) وكأنما صحفي في قامة إدريس حسن ليس - في حد ذاته - (بطاقة صحفية!!) تمشي على رجلين..
* ورغم (الهلفتة!) التي تعرَّض لها (الكبار) هؤلاء فقد رفضوا الإعتراف بأنهم في نظر (منظمي!!) المؤتمر المذكور محض (هلافيت).،.
* وبما أنه (من يهن يسهل الهوان عليه!!) فقد حصرت التسمية على شخصي، وقلت طالما إنني (في نظرهم!!) كذلك فعلي أن (أحترم نفسي) وأمتنع عن تلبية أي دعوة فيها (كبير!!) من كبراء الإنقاذ..
* والتزمت بكلمتي هذه إلى أن كان يوم رآني فيها (أحدهم!!)أتوضأ - بالزميلة «آخر لحظة» فداعبني قائلاً: (طيب ما إنت زول كويس أهو؛ خلاص ح نكرمك بدعوة)..
* ومجاراةً مني له في مداعبته (الخشنة!!) هذه سألته باسماً: (طيب عشان أكون كويس أكتر وأحظى بما هو أكبر من حتة دعوة أعمل شنو؟!)..
* فأجاب قائلاً دونما تردد: (سؤال وجيه جداً، شوف إنت لازم تحفظ القرآن إضافة لصلاتك دي وبعدها ننظر في أمرك)..
* واستغرق في نوبة ضحك ارتج له جسده الذي عنوانه (سمحة العافية) حين سألته متظاهراً بالدهشة: (وإنتو قاعدين لحد الوقت داك؟!)..
* ثم فوجئت - بعد أيام - بدعوة ذات صلة بعيد الإستقلال (مدعومة) بعبارة تحذيرية فحواها: (إياك ألا تحضر!!)..
* ولم (أحضر) بالطبع بما أنه ما من مؤشرات تفيد بالكف عن النظر إلينا كـ (هلافيت!!) لا نستحق من الإحترام حتى الذي نالته الصحفية المصرية الصغيرة تلك - التي (لا راحت لا جت) - بصحبة حسني مبارك..
* وعقب خطاب الرئيس (المفاجأة) لم (أُفاجأ!!) - شخصياً - حين قرأت لبعض من الزملاء (احتجاجاً) على ما لاقوه من معاملة عند مدخل (القاعة) ذاتها..
* ثم من ضمن (المعاملة) هذه السؤال ذاته - كذلك - عن (البطاقة الصحفية!!)..
* أما كاتب هذه السطور فقد كان (عزيزاً مكرماً!!) - في اللحظات تلك - وليس (هلفوتاً!!)..
* ومن أراد أن يعرف (الهلفتة) - أكثر - فليشاهد فيلم عادل إمام (الهلفوت!!!!!).


الصحافة

تعليقات 14 | إهداء 0 | زيارات 5665

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#907631 [وردة]
5.00/5 (1 صوت)

02-06-2014 05:50 AM
انشاء تكون نهايتهم كنهاية عسران الضبع فى فيلم الهلفوت


#907456 [krkasa]
4.00/5 (1 صوت)

02-05-2014 09:48 PM
اوصيك بالآتي تعمل دقن + سبحة + غرة +....الخ وسوف تحصل ليس على دعوة بل برادو كده حته واحده.


#907252 [عبد الله]
5.00/5 (2 صوت)

02-05-2014 04:23 PM
انت الصحفى الوحيد الذى نقرأ له ، فأذا ذهبت مع هؤلاء الهلافيت لن نقرأ لك ولا سطرا وسنمر عليك مرور الكرام كما نفعل بأعمدتهم البائرة


#907232 [ابومحمد]
0.00/5 (0 صوت)

02-05-2014 04:03 PM
بصراحة كتاباتك في الفترة الاخيرة بفت مليانة هلافيت وشخصنة ... شكلك دخلت في حالة من الافلاس الفكري


#906904 [سامى]
5.00/5 (3 صوت)

02-05-2014 10:23 AM
والله ياصلاح عووضة انت زول كويس ....بس اذا ماكنت فى حزب الامة كنت بتكون قامة وهامة اسه انت قامة بس


#906421 [التاج محمد احمد]
5.00/5 (1 صوت)

02-04-2014 11:11 PM
والله انت قامه من قامات الوطن وانت دومآ تزرع فينا الوطنيه وما عهدناك الا جلدآ اطال الله في عمرك


#906279 [الزول الكان سمح]
5.00/5 (2 صوت)

02-04-2014 07:25 PM
يا أخى تبرأ إنت من الهلفته...التى هى خشم بيوت..لبعض الهلافيت

ولد ددده


#906251 [NB]
4.00/5 (1 صوت)

02-04-2014 06:52 PM
* وسبب (اللطعة) تلك هو عدم إبراز (البطاقة) وكأنما صحفي في قامة إدريس حسن ليس - في حد ذاته - (بطاقة صحفية!!) تمشي على رجلين..

ليس بينى وبين القوم ودٌ ولكن بُغضٌ ورد. ولكن ما اضاع السودان غير الخلط بين الخاص والعام! الدعوة الى المؤتمرات والدخول الى مكان اقامتها يجب دوماً ان يكون تحت السيطرة التامه والا تمكّن ايُ شخصٍ من الدخول. فباللّه عليك في هذا الزمان خاصةً كيف يمكن التحقٌّق من شخصك ان لم تحمل معك ما يُعضد ادعاءك كالبطاقة الشخصية مثلاً. و هل يمكنك السفر بغيروثيقة للسفر ايٍ كانت!


#906199 [مشاوي]
5.00/5 (2 صوت)

02-04-2014 05:48 PM
صاحبك عاوز يكرمك بالقرآن كله !!! مش زي جماعة البرلمان ( البعاقبوهم ) بالبقرة بس .. أصلهم ( قادين ) .. تربية اسلامية ...


#906088 [المتفائلة جدا]
4.50/5 (2 صوت)

02-04-2014 03:48 PM
حسى ياود عووضة كان من الزمن داك سمعت الكلام و حفظت القرآن ..ماكان الجماعة ديل لى حسى طاروا وريحتنا منهم؟؟ ..حسنى مبارك طار بى صحفيينو... ومرسى طار بى جماعتو..شوف ضيعت مننا كم سنةالله يسامحك ..


#906075 [المتمني حاكم عادل كامل الدسم]
5.00/5 (1 صوت)

02-04-2014 03:37 PM
ياعوضة الزومة بقي خارج الشبكة وذي الحلبي خال الوثبة وانت ماقريت لصاحبك الهندي كتب ايه امبارح والله ماقاله هذا الهندي حقو تعملوه مادة دراسية حتي تعرفون كيف بعضكم من الصحفين اغباء من الحمار كالهندي هل راجل يقول هذا لحاكم لو لا انه مرتشي وحرامي


#906058 [shah]
5.00/5 (2 صوت)

02-04-2014 03:22 PM
بسبب زملائك فى المهنة زى الهندى و البلال ... ممكن تعتبر نفسك هلفوت ... ومن عاشر قوما اربعين يوما... صار منهم.


#906024 [AHMEDJALAL]
4.00/5 (2 صوت)

02-04-2014 02:59 PM
في يوم مشهود ومسطر
اتجمعت كل الناس
وكان جميل المنظر
والمكان تفوح منه ريحة
الند والمسك والعنبر
الكل صفوة والكل زعيم
والكل ساكن افضل البندر
لافي مريض ولافي فقير
ولافي زول دموا معكر
وفي الشارع المنظر غير المنظر
كل الطرمبات عداده صفر
لاخبز لاسكر لاحبوب ولا دواء مقطر
لاموية وكل حنفيات الفقراء بتشخور
والمرضي في المستشفيات حالم مابتسر
ماالوزير لمشافيهم جفف وباع ودمر
عشان الزيتونة تنمو وتكبر
ناس من الفجر تعافر عشان برغيفة تظفر
ياربي ناس القاعة ديل فيهم واحد لينا بذكر
وبفكروا فينا وفي المستقبل
وبذكروا الاغتصبوها ودمروها
ودايرين يحاسبوا اليها رمل
دحين بفكروافي الاتشرد والاتمرد
والبرصاص والقنابل اتورد
وياربي مهمومين بل من حقوا وكرامتوا تجرد
وفي الراح ليه طعم السكر وشكل اللحمة
وفي الواقف في الاسواق والمساجد
كايس الرحمةوفي الضاع في الزحمة
ام الامر جوطه ولخمه
ياربي الناس ديل نسوا جرحنا الغائر
ونسوا الشهيد والثائر
ونسوا جرم القسم البلد واغتصب الحرائر
فجاة الكل انتصلح واتعدل والفلاش دور
..جاء قائد العسكر
وجاء الخرب ودمر
وجاء القتل وفجر
وجاء لبلد شطر
لكن الكل صامت
والعجيبة مافي زول هلل و
ولا في زول كبر
عرفنا الامر خطير
والحدث جلل
ياربي الريس داير يترجل
ياربي ضميروا صحي
وحظنا اتعدل
ياربي داير يقلب الطاولة
ويزيع البيان الاول
ويقول نادم علي الفات
وجاهز للمحاكمة الان واترجل
لكن خاب الامل والحلم اتبخر
بداء الخطاب كان مجهول
ومبتور والواضح انو مبدل
خطاب مخجور ومجوج
لاواضح ولامفسر
ولا حمل جديد
ولابخير بشر
الريس فيه ضاع
وكم مرة اتتعتع واتعثر
والحضور فيه النام والشا رد
وفيه الاصلوا غائب ومودر
وفيه الما فاهم حاجة لحدي
ما الريس اشر
لكن يافاطنة ماتخافي
لسه شبابنا قوى وحاضر
والمستقبل زاهي وانضر
وما شفيته كيف لسبتمبر فجر
ولكل العالم اذهل
وثبت امام الرصاص
لااترجع ولا انكسر
ومن اجل حريتك قدم نفسه وبدموا مابخل
ومازل علي شبابنا يافاطنه معقود الامل
ولسه وهج النضال جواهم
والفجر بايديهم سيطل
وخلاص نوره وصل


ردود على AHMEDJALAL
[ربش] 02-04-2014 09:27 PM
صح لسانك ... وكتر الله خيرك .


#906020 [الهادي بورتسودان]
5.00/5 (2 صوت)

02-04-2014 02:57 PM
ما يضيرك أخي أن لمكن يعرفوك ... نحن نعرفك ..وجموع المخلصين من ابناء هذا الوطن المخلصين يعرفوك وينلهفون للقراءة لك ... خير لك أن لم يعرفوك . كما قال سصقراط في القصة المشهورة عندما كان برفقة غني "إن في الطريق صعاليك يأخذون سلب الناس ويطالبونهم بالمال، فقال الغني: الويل لي إن عرفوني، فقال سقراط: الويل لي إن لم يعرفوني "


صلاح عووضة
صلاح عووضة

مساحة اعلانية
تقييم
8.11/10 (7 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة