في



المقالات
منوعات
مساوى الجميله
مساوى الجميله
02-04-2014 03:35 PM


بمناسبة اليوبيل الذهبى لاتحاد ابناء مساوى
مساوى الجميله
انت يامساوى جنه **** وانت يانبع المحنه
يالجزيره الجبتى سيدى*** وهو دليلنا وهو عشمنا
شوقنا ليك وللسواقى **** ولنسيما فيك عليل
وشوقنا لريحة ترابك **** ولجداولك وللتمر وقتين يشيل
وشوقنا لقيزان رمالك **** وللدموع وقتين تســـــــــيل
شوق مكسف لى ديارنا **** ولى اهلنا وللعجلو بالرحيل
لو تشوفهم فى الجروف الهم يزيل ** ناس بتزرع وناس بتقرع
وناس تحش للقش تشيل
ياحليل الفاتو راحو **** وياحليل وادى البشـــــــــير
ام بشاير راى وفكره **** باقيه للخضـــــــراب دليل
شيخ ابو القاسم حليلو **** مشهود له بالعمل الجليل
ياحليل حواء ونفيسه **** ياحليلهم بالكتــــــــــــير
اصلهم منبع محــنه **** وطبعهم صافين ضمــــير
ود على احمد عديل **** راجلا اجواد مابخيل
وشيخنا ازرق سيد كرم **** وراجلا بهيل
يكرم الضيفان فى داره ****ويدى للمسكين يشيل
ياحليل ناس شيخنا جعفر **** وشيخ محمد الحسن الفضيل
نورى والماذون وكاليك **** محسنين وخيرهم وفير
شيخنا عبد الحى عميدنا **** وفى البلد قدرك كبير
وياحليل كورة اللبن **** وياحليل صحن الفطير
تانى وين الفاتو راحو **** والرجوع المســــتحيل
عمده الارباب ياحليلو **** فارس الحوبه الكبير
ياحليل زينب ونفيسه **** وياحليل فاطمه وقسيمه
وين حياة كانت كريمه **** والكرم فى داره ديمه
ليكى يامساوى شوقى **** وشوقى لبلدى ونسيمه
ولو قتلتى الشوق فى ريده **** مابقول الشوق جريمه
ياحليلك يابلــــــــدنا **** حليله مساوى القديمه

سعاد جدله
[email protected]





تعليقات 2 | إهداء 0 | زيارات 1055

خدمات المحتوى


التعليقات
#906435 [ياسر الجندي]
0.00/5 (0 صوت)

02-05-2014 12:38 AM
الأستاذه سعاد جدله/ لك الآف التحايا والأماني الطيبه ومتعك الله بالصحه والعافيه وطولة العمر حتي تتحفينا بالمزيد من القصيد والشجن الحنين .وارجو أن نري قصيدة (الحواته)في الراكوبه وبعدها كل يومين تلاته تنزلي لينا من أشعارك أنا عارف عندك الكثير من القصائد التي لم تري النور !!
وكمان يا أستاذه سعاد دايرين لينا فصيده في الكيزان الغرفو البلد (وكردو) البحر ديل !!بس ناصر ما يقراها !!!وهسه أنا من القصيدة بختار البيت عشان ما إتعشيت!!
وياحليل كورة اللبن **** وياحليل صحن الفطير


#906103 [ودعمر]
0.00/5 (0 صوت)

02-04-2014 05:06 PM
"وشوقنا لريحة ترابك **** ولجداولك وللتمر وقتين يشيل" ذكرتينا البلد يا سعاد


سعاد جدله
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة