الكلمة الشاذة
01-19-2011 11:45 AM

ساخر سبيل

الفاتح جبرا

الكلمة الشاذة

1- شارع مدني – شارع شريان الشمال – طريق بورتسودان الخرطوم – طريق الإنقاذ الغربي

2- - الأنيميا - اللوكيميا-التلاسيميا – الهيموفيليا

3- كنبة – طاولة – سرير - كرسى

4- الكهرباء – الموية – الغاز – النفايات

5- الصلصة – الطحنية – الشيبس – الوزير

6- الخريف – الصيف – الشتاء – سودانير

7- البنك – الخزنة - الدولاب – الجيب

8- الملاريا – الطلقة – تصريحات المسئولين - اللغم

9- بيت البكا – بيت العرس – بيت الشعر – بيت الأدب

10- إشارة المرور – الساعة الحائطية - الشمس - الموظف

11- فكى – طبيب – دجال – بصير -

12- روسيا – أمريكا – إنجلترا - الصين

13- الحكومة – المعارضة – البرلمان – المواطن

14- الذبابة – الأميباء – كريات الدم – الرغيفة

15- الأسانسير – درجة الحرارة – الطائرة – الأسعار

16- تاجر العملة – تاجر الرملة – تاجر الأقمشة – تاجر الزيوت

17- اللخمة – الزحمة – الهجمة – اللحمة

18- موية النار –الموية المعدنية – الماء المقطر – موية الحنفية

19- الحقنة – الشاش – القطن – المرض

20- قرش - أخطبوط - نسر - دولفين

21- فيل – وحيد قرن – مسئول – حصان

22- السيارة – الحافلة – البص - الدم

23- سلطة فواكه – كستليتة – سمك - فول

24- شريف نيجريا – الشريف الرضى – شريف أفلام الكاوبوى – الشريف الهندى





الإجابات :



1- طريق الإنقاذ الغربي عشان لسه ما ماتت فيهو ناس كتير (خلوهو بس يفتتحوهو)

2- الأنيمياء لأنها الوحيدة من أمراض الدم هذه التى يمكن أن تكون فى الدم وكمان فى الجيب

3- كرسى لأنو الوحيد بينهم الذى يمكن أن يتشبث به المسئول (عمركم شفتو ليكم مسئول إتشبث ليهو بى طاولة أو كنبه؟)

4- النفايات لأنها الحاجة الوحيده بيناتهن الما بتقطع .. الكهرباء بتقطع والموية العكرانة بتقطع والشنو ما عارف بيقطع لكن النفايات لا !

5- الوزير فهو الوحيد بينهم الذى ليس لديه تاريخ إنتهاء صلاحية

6- الخربف لأنو بيجى فجأتن وما عندو مواعيد .. (أكتر من سودانير زاااتا)

7- الجيوب لأن الجميع يستخدمون كأماكن لحفظ الأموال أما الجيوب فتستخدم لحفظ كيس التمباك

8- الملاريا لأنها لا تفقع المرارة .. الأخرين ممكن

9- بيت البكاء لأنه المكان الوحيد بين هذه الأماكن الذى تتم فيه مناقشة الكورة والسياسة

10- الموظف فهو الوحيد بينهم الذى يتوقف عمله ويمشى (الفطور)

11- البصير فهو الوحيد بين هؤلاء الذى لا يشترط عليك أجرة وبياخد الشئ البتديهو ليهو

12- الصين لأنها الوحيده التى ما (قد دنا عذابها)

13- المواطن لأنو الوحيد اللى بيدفع فى الثمن

14- الذبابة لأنها الوحيده التى يمكن رؤيتها بالعين المجردة

15- الأسعار فهى الوحيده التى تطلع وما تنزل بينما البقية تطلع وتنزل

16- تاجر العملة لأنه الوحيد بينهم الذى يمكنه أن يحصل على وسام إبن السودان البار

17- اللحمة لأنو الزول ممكن يكون مزحوم وملخوم أو مهجوم لكن ما ممكن يكون ملحوم

18- موية الحنفية لأنها الوحيده التى تركيبتها الكيميائية (إتش طين أو)

19- المرض لأنه هو الوحيد بينهم الذى لا تطالبك إدارة المشتشفى بإحضاره

20- القرش لأنه ينفع فى اليوم الأسود بينما الآخرين لا

21- الحصان لأن جلدو ما تخين كما البقية

22- الدم عشان الوحيد الما بيطالبوك بى شهادة (فحص آلى) ليهو

23- سلطة الفواكه لأنها الوحيدة بينهم التى لا تحتوى على البروتين (يعنى ما الفول !)

24- شريف (أفلام الكاوبوى) لأنه الوحيد الذى يحب القتل و لا يحب الشعر والغناء والفنون والأدب بينهم (يا عينى على الأدب) !


كسرة :

السؤال : إستخرج الكلمة الشاذة من هذه الكلمات

مصر – ليبيا – السودان – تونس

الإجابة : السودان عشان هو البلد الوحيد فى البلدان دى المطبق الشريعة .. (عارفكم إخترتو ياتو إجابة يا وحشين) !

تعليقات 24 | إهداء 6 | زيارات 6097

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#93398 [محمد يوسف]
4.07/5 (5 صوت)

02-10-2011 10:24 AM
فنان..........................
با استاذ ده الكلام الصاح ;) ;) ;) ;) ;) ;) ;) :D :D :D :D :D


#82349 [مارتن]
4.07/5 (5 صوت)

01-22-2011 01:08 AM
البشير - نافع -طة - كرتى ........... تقدر تطلع من الشاذ فى هؤلاء يا جبرة


#82025 [بابكر الخمجان]
4.07/5 (5 صوت)

01-20-2011 11:33 PM
يا ودجبره اليومين دى اعمل حسابك من ابو العفين نحن خايفين عليك


#81935 [عاشق النجمة]
4.07/5 (5 صوت)

01-20-2011 07:11 PM
ياجبره انا بتهمك اتهام خطير جدا جدا جدا وهو انك عميل للحكومة لانك بتضحك الناس وتكتل قلبهم وما يفكروا لا في انتفاضه ولا حريق بالبنزين
سلمت اناملك


#81831 [aljoker man]
4.07/5 (5 صوت)

01-20-2011 03:09 PM
الله يحفظك ياإستاذ واتمني تكون مع حكايات عشان نطلع عليك يومي:D


#81733 [احمد وراق]
4.07/5 (5 صوت)

01-20-2011 12:36 PM
(اتش طين او) دي ما سبقك عليها زول الله يديك العافية يا جبرة


#81696 [عثمان]
4.07/5 (5 صوت)

01-20-2011 11:36 AM
مقال جميل جدا..


#81656 [وجع الزمان ]
4.07/5 (5 صوت)

01-20-2011 10:50 AM
شكلك راكب الفيل بمزااااااااااااااااااااااج
عقبال ماالجماعة يركبوا التونسية
كسرة:
عينك في الفيل تطعن في ظلوا


#81541 [طارق]
4.07/5 (5 صوت)

01-20-2011 08:09 AM
أضحك الله سنك ياأستاذ
دا امتحان صعب جدا لو اديتو الجماعة بيحلوه
بعد أنا اضيف سؤال سقط منك سهوا لكنه لا يخفى على فطنة القارئ:
الجغمسة البشتنة البرطمة السفسفة
وكمان\\\\\\\\المشروع الحضاري شروع الجزيرة مشروع الرهد مشروع قناة جونقلي
يلا جاوب بقى


#81417 [haj abbakar]
4.07/5 (5 صوت)

01-19-2011 10:16 PM
القرش الابيض لليوم الاسود كضبا كاضب سويسرا جمدت وفرنسا جمدت
الاستعدادت تجرى على قدم وساق للاستعداد لمؤسم الخريف وبفضل الله نحن نستعد لمؤسم الخريف منذ الاستقلال والجماعة بيجغمو والفاس بقع فى الراس وبنغرق فى شبر موية
الموظف عندنا فى حالة فطور دائم يتخللها احيانا عمل
وكذلك الرئيس ليس لديه انتهاء صلاحية والنائب المكنكش فتارة اول واخرى ثانى ويمكن ان يكون ثالث ورابع وخامس طالما انه مكنكش تنتهى الصلاحية بدخول عزرائيل
او بالتونسة
ابو العفين جلدو اتخن من الحصان


#81405 [علي الحسن]
4.07/5 (5 صوت)

01-19-2011 09:54 PM
انضم معنا علي الفيس بوك لنخلص السودان من الكيزان

شكرا جزيلاً



http://www.facebook.com/pages/alantfadt-alswdanyt-dd-alkyzan-2011/127360107330689










THANKS


#81381 [ابو سامي]
4.07/5 (5 صوت)

01-19-2011 08:58 PM
بكرة بالله عليك بدل الكلمة الشاذة ( ضع خط تحت الاجابة الصحيحة


#81344 [سيدالبلد]
4.07/5 (5 صوت)

01-19-2011 07:36 PM
ضآآآآآآآآآآآآآآآآآآآحكة............بآآآآآآآآآآآآآآآآآآآسمة..........جآآآآآآآآآآآآآآآآبرا
;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)


#81302 [ابراهيم سماوى]
4.07/5 (5 صوت)

01-19-2011 05:15 PM
جيب اضانك . جاى....عاين وراك.......مافى زول ؟ انت الصنف ده بتلقاهو وين 0؟


#81257 [حلفاوي ]
4.07/5 (5 صوت)

01-19-2011 04:03 PM
تسلم ايدك يا أستاذ دايما زارع البسمه في شفاهنا وبنحلي بي كلامك الحلو بعد مانقرا الاخبار وكلام المسؤولين وءأمة السلاطين البفقعوا المراره..


#81211 [سودانية]
4.07/5 (5 صوت)

01-19-2011 02:54 PM
السودان بالقديم ولا الجديد


ردود على سودانية
Saudi Arabia [ود أحمد] 01-19-2011 03:53 PM
لا بصراحة دي حلوة شدييييييييييييييييد


#81203 [بت الخرطوم]
4.07/5 (5 صوت)

01-19-2011 02:38 PM
والله والله والله خايفة عليك ما يسحروك حفظك المولى عز شانة لولا خفة ظلك لموتنا كمد من المفارقات والواسطات والمكايدات واولاد المصارين البيض وناس البريدو فوق حقو بزيدو وخلوها مسسسسسسسسسسسسسستورة


#81192 [ابوارجوان]
4.07/5 (5 صوت)

01-19-2011 02:14 PM
والله ياستاذ تواصل كيده بقره تلقط ورق عديل......واعمل حسابك


#81186 [kamal]
4.07/5 (5 صوت)

01-19-2011 02:07 PM
والله متعة


#81161 [خالد فارس]
4.07/5 (5 صوت)

01-19-2011 01:26 PM
فعلا يا خالد

نحن غلطنا

لك التحية


#81156 [أبورماز]
4.07/5 (5 صوت)

01-19-2011 01:23 PM
الليله يا جبرا الظاهر عليك مبسوط 24 قيراط


#81133 [ود خطاب]
4.07/5 (5 صوت)

01-19-2011 12:43 PM
الليله قويه جدا ...انت احلى زول والله بس خائف الناس ديل يجغمصوك وجغاميص البلد تكون زادت جغموص
وخائف كمان تكون جغموص سرى


#81122 [الزول السمح]
4.07/5 (5 صوت)

01-19-2011 12:28 PM
والله يا أستاذ دايماً سباق

1/ الراكوبة : لاإستغنا عنها فى بيوت الطبقة الدنيا ( لعواسة الكِسرة) طبعاً ما بتكون موجودة فى فلل وزير المالية.

2/الركشة: وسيلة مواصلات (ديك/ تور...(مفاوض) نالها فخرية دون مؤهلات) يملك أسطول ركشات فى العاصمة .....جبرا بعرفو

3/ القطر :كان وسيلة سفر عندنا مواعيدو مضبوطة زى ساعة ( بيغ بن ) حليلا السكة حديد

4/ الضحاكات : من المتسول إلى طفلك فى البيت طلع جنيه من جيبك .. كلو يضحك.

5/ الزكاة : يدفعها المواطن ويستمتع بها الدستوريون.

6/ التفاح : كان سلعة إستفزازية فى بدايات الإنقاذ.. الآن فاكهة أساسية على موائدهم.

7/ قاعات المناسبات بملايين الجنيهات لليلة .. زمان كان الحفلة فى السهلة


ردود على الزول السمح
China [الرجل العنكبوت] 01-19-2011 01:53 PM
لك التحية

الخطأ من عندنا


الفاتح جبرا
الفاتح جبرا

مساحة اعلانية
تقييم
3.10/10 (53 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة