01-22-2011 02:37 PM

حديث المدينة

رئيس وزراء السودان..

عثمان ميرغني

انتهت حمى الاستفتاء.. وتأكد انفصال جنوب السودان.. الأجدر إذن أن نراجع أوضاع السودان الشمالي.. ونرمم بناءه الدستوري. اقترح استحداث منصب رئيس وزراء.. حكاية نائب أول وثاني وثالث مربكة للغاية.. وأحياناً توحي بتضارب المهام والسلطات.. أو المجاملة في تسمية المناصب.. فكلمة (نائب) عادة تعني مسؤولاً لا يباشر صلاحيات تنفيذية إلا في غياب المسؤول الأول الأصيل.. ولاحظنا كيف أنّ الفريق أول سلفاكير ظلّ في منصب \"نائب أول\" لرئيس الجمهورية دون أن يباشر أي مهام تنفيذية بالمعنى الحقيقي.. ولم ينُب عن الرئيس حتى في مجرد رئاسة اجتماعات مجلس الوزراء. استحداث منصب رئيس الوزراء ينهي حالة الارتباك هذه، ويصحح كثيراً من الأوضاع الخاطئة.. التي جعلت كل إقليم في السودان يطالب بمنصب (نائب رئيس) حتى يتمتع بصلاحيات تنفيذية ترضي الإقليم الذي يمثله.. إذا استحدثنا منصب (رئيس الوزراء) فإنّ منصب نائب الرئيس يصبح مجرد منصب دستوري رمزي يسمح بعد ذلك بـ(رمزية!) التمثيل فيه لأي أقليم أو فئة أو أية مطلوبات أخرى.. تمثيل الإقليم.. دارفور مثلاً .. أو تمثل (الجندر).. فيصبح للمرأة في المستقبل إنّ رأى السودانيون ترفيع تمثيل المرأة لمستوى نائب الرئيس.. ولا ينوب نائب الرئيس عن الرئيس في مهامه السيادية إلا في حالة سفره إلى الخارج أو خلال عطلته السنوية.. ولكنّه لا يتولى منصب الرئيس في حالة خلو المنصب لأي سبب قاهر مثل العجز أو الوفاة إذ الأجدر أن يتولى رئيس المجلس النيابي ذلك لحين انتخاب رئيس جديد. رئيس الوزراء سيكون مفوّضاً بصلاحيات رئيس الجمهورية في قيادة العمل التنفيذي في البلاد.. ويكون رئيساً لجميع الوزراء وولاة الولايات.. فنحن حسب الدستور جمهورية رئاسية.. غالبية السلطات فيها بيد رئيس الجمهورية.. لكن الرئيس في وسعه أن يصدر قراراً باستحداث المنصب، وتفويض بعض صلاحياته التنفيذية إلى رئيس الوزراء. ويساعد استحداث هذا المنصب في العمل الدبلوماسي الخارجي.. خاصة أنّ غالبية دولنا العربية والإفريقية ليس فيها منصب (نائب الرئيس) و يقود العمل التنفيذي فيها (رئيس الوزراء). مما يجعل الوضع الدستوري في السودان متناسقاً مع نظيره الإقليمي. ومن الممكن أيضاً أن يخوّل رئيس الجمهورية لرئيس الوزراء تشكيل وزارته بالصورة التي يفترض فيها أن تتجانس معه ( أعني مع رئيس الوزراء) ويملك بعد ذلك رئيس الجمهورية الحق في حل الحكومة في أية لحظة وإعادة تشكيلها بنفس رئيس الوزراء أو تكليف رئيس وزراء جديد لتشكيل الحكومة الجديدة.

التيار

تعليقات 27 | إهداء 0 | زيارات 7590

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#83584 [امين الشريف]
0.00/5 (0 صوت)

01-23-2011 08:40 PM
يا عثمان ارجو ان تقراء بتمعن ما كتبه المعلقون في الراكوبة على مقالك الذي اعتقد انه ليست لديه صلة من قريب او بعيد عما يدور من احداث متسارعة وعن ثورة قادمة كالطوفان مقتلعة لنظامك الظالم من جذوره رئيس وزراء شنو كلام فارغ ولى عهد الترضيات واللعب بعقول الناس(كبير مستشاري رئيس الجمهورية) اموت واعرف يعني شنو المنصب دا والمهام بتاعتو شنو !!!!!!!!!!! يا شعب السودان مافي لعب بالعقول اكتر من هذا الحد ...


#83253 [الساير]
0.00/5 (0 صوت)

01-23-2011 12:37 PM
يا عصمان . يظهر إنك لحقت غازي سليمان عليه وعليك الرحمة. قال رئيس وزراء قال !!!!!!!!!!!
حرام عليك يا خي أصحي شوية الشمس غابت.


#83203 [سودانى محب لشرع الله]
0.00/5 (0 صوت)

01-23-2011 11:59 AM
يا عثمان و الله انت زول مسكين ساااكت و ما كان يمكن ان تكون صحفى لولا ولاك لهذا النظام جيت و كت الولاء قبل الكفاء يا خى افكارك باايخة الناس بتتكلم فى تغيير النظام تقول رئيس و زراء و دستور هو دستورك دا عملو من ما ناسك الحرامية ديل


#82992 [الزول السمح]
0.00/5 (0 صوت)

01-23-2011 07:58 AM
يا عثمان إنتا قريت الكلام ده؟

واكد د.نافع على نافع ان حزب المؤتمر الوطنى يبادل جدية حزب الامة بجدية اكبر مبيناً انه فى هذه المرحلة من الحوار سيكون حواراً ثنائياً بين الحزبين.

ليه بين الحزبين بس ؟وين باقى الفغاليات السياسية؟ هل يريد المؤتمر الوطتى إستقطاب حزب الأمة لعقد شراكة ويفك باقى الأحزاب عكس الهوا؟

ألا يتابع البشير ونافع مايجرى فى لبنان؟

يا عثمان أكتب عن مواضيع زى دى يمكن تصحى الجماعة شوية.السياية وحكم الشعوب ليست فتونة وتقوية ضرعات!!!!


#82946 [zod]
0.00/5 (0 صوت)

01-23-2011 02:32 AM

(نرّمم بناءه الدستوري) ؟؟
ترميم .. ؟؟ هُو في دستور بيترّمم ؟؟

يعني هذه (الوظيفه) هي التي ستنهي (الارتباك) و (تصحح كثيراً من الأوضاع الخاطئة) ؟؟
المشكلة ، هي في تمثيل الرئيس في سفره و اجازاته وغيابه ؟؟؟
يا هي دي يا عثمان ميرغني ، الاوضاع الخاطئة ؟؟

واللّه .. لا ادري ماذا اقول لك ..!!!


#82940 [واحد من الشعب (الفضل)]
0.00/5 (0 صوت)

01-23-2011 01:54 AM
نصيحة للاستاذ عثمان ميرغني
والله انت تسئ لتاريخك المهني والصحفي بكتابتك (الهزيلة) هذه الأيام!
الناس في شنو (وعثمان) في شنو!! عليك الله هسي انا المواطن البسيط دا استفيد شنو من منصب (رئيس الوزراء) بتاعك دا؟؟
انت يا اخي عثمان (ماعندك) ذكاء الكتابة !! يعني مابتعرف تكتب شنو ومتين؟؟
لكل (مقال) مقام .. ياهذا
عليك الله حل عن سمانا ياخ؟؟


ردود على واحد من الشعب (الفضل)
Sudan [hassan] 01-23-2011 10:35 AM
والله فعلا عثمان ميرغنى بقى زى الديك المابعرف الوقت
وكمان بنقز برة الدائرة
رئيس وزراء ورئيس جمهوريه
ورئيس برلمان
كل الكلام دا يكون من غير معنى اذا لم تكن هناك ديمقراطيه حقيقية
الدغمسه اللى فى السودان بتخلى يكون فى تيس كبير ولا شئ بعده


#82937 [سميرة]
0.00/5 (0 صوت)

01-23-2011 01:42 AM
نحن النساء تعرضنا للتهميش والعمل المستمر في التربية المرهقة ونشعر باننا مواطنين من الدرجة الثانية وقد عانينا شتي صنوف القهر من جلد من ناس قدو قدو وحتي تمثيلنا في الدولة تمثيل سطحي لذلك نطالب بحق الاستفتاء علي ان نظل في بقية الدولة السودانية المتبقية او الانفصال وتكوين دولة النساء الحرة ولا نريد جنسية مزدوجة نطالب بهذا الحق
كسرة
اظن تعليقي هذا احسن من مقال المؤتمرجي لان كلامه خارم بارم


#82929 [Omar Humaida]
0.00/5 (0 صوت)

01-23-2011 01:03 AM
All the commentators stand against your BORING ARTICLE...and that is clear judgement on you.


#82899 [الباشا]
0.00/5 (0 صوت)

01-22-2011 11:29 PM
با عثمان الله يخليك وطى صوتك اخاف (أبو العفين ) يسمع و يقوم ينط فيها و يبقى رئيس وزرا - و يتم الناقصة لو فضل فيها شى ناقص 0


#82894 [عزيز جلال]
0.00/5 (0 صوت)

01-22-2011 11:15 PM
دي قويه دي يا مؤتمرجي


#82864 [محمود بابكر]
0.00/5 (0 صوت)

01-22-2011 09:40 PM
باش مهندس
اين انت وهموم المواطن
الشعب مالو وما رايس وزرا الشعب جيعان فقران
اراك حنين عليهم اقصد ملتك السابقه


ردود على محمود بابكر
Sudan [ضجر] 01-22-2011 11:36 PM
عثمان ميرغني
يوم بعد يوم يظهر لي انك شخص متواضع القدرات في مجال الصحافة و السياسة و الفكر
ما عايزين نشوف كتاباتك لانها غير مفيدة و ساذجة و متملقة... قوم لف


#82857 [واحد مستغرب]
0.00/5 (0 صوت)

01-22-2011 09:20 PM
يا هندسة (ياأخى الناس بيقولوا ليك تور !! وأنت مصر على حلبه!!) والظاهر انت واخريين (بوريكم معلق!!) يا أخى خليك مع الزمن 00وصلاح عووضة بيقول ليك ناس الترابى (ارسلو فيروسات بوظواسستم النظام) وخلوهم (لافين صينية) وانت تقول (رئيس وزراء) عشان يرئس منو بالله عليك،ود/زهير بجنبتو داير يصلح الاقتصاد بمقالة والبونى (ماتعرف بيقول فى شنو؟) والله يلزمكم كهربائى سيارات (باتع) ليزيل العطب العالق بيكم00وبالعدم (فكى) او شوفوا ناس يدقوا ليكم زار لعل الافكار المعشعش فى روؤسكم دى تتغير !!وتتموسق وتغردوا معانا0


#82844 [أبوتوفيق]
0.00/5 (0 صوت)

01-22-2011 08:45 PM
رئيس وزراء مين ياعم ما تعيش مع هموم الناس


#82829 [الأتحاد المدني السوداني]
0.00/5 (0 صوت)

01-22-2011 08:06 PM
عثمان ميرغني صحفي ماجور ومدفوع له ونحن تعلم ان دوره ايام الأنتخابات كان لايختلف عن دور بابكر حنين(المعروف بإنتمائه لحركة الأخوان المسلمين) ليس مشكلة السودان الوظائف الدستورية ومعظم كتابته تفوح منها رائحة الأنتماء للمؤتمر اللاوطني كما انهاتتسم بالخواء الفكري واللا موضوعية,ودائمايغرد خارج السرب


#82802 [ابو النصر]
0.00/5 (0 صوت)

01-22-2011 07:08 PM
اقتراح
من المفترض في الوقت الراهن المعارضة تركز علي الاجهزة الرقابية للدولة
العدل القضاء الاعلى المراجع العام الاعلام الصحافة لو حيدة هذه الحقب سوف تنفزج الاذمة بنسبة 3 % في اعتقادي


#82793 [عبد الله]
0.00/5 (0 صوت)

01-22-2011 06:35 PM
هي ناقصة مناصب ؟؟ مش كفاية سبعة ألف منصب وزاري و سيادي و بطيخ ؟؟ أنا أقترح أن يقول لنا أمثال الكاتب كيف يمكن إقتلاع طغمة يونيو من سدة الحكم .. أو فلينقطونا بسكوتهم رحمهم الله.


#82777 [فنجرى]
0.00/5 (0 صوت)

01-22-2011 05:53 PM
والله ذكرتنا قصه الفيله دايرا ليه رفيقه وماكان توضح اكتر وتقول رئيس الوزراء يكون على عثمان ولا اللبيب بالاشاره يفهم.


#82773 [بجاوي]
0.00/5 (0 صوت)

01-22-2011 05:36 PM
حرام عليك يا عثمان.... تمثل دارفور والجندر كانهم زي بعض.... دارفور تستحق رئيس عديل لكن الشمال لا يوافق علي ذلك.... الصراع بين اولاد بحر وغرابة


#82771 [سودانية]
0.00/5 (0 صوت)

01-22-2011 05:36 PM
عمك ابوعاج دراج المحن جعفر نميرى عليه رحمة الله وزرائه كانو اقله من عدد ركاب حافله روزا وكان هيبه وشخصيه فى عهده مافى زول سرق والبسرق بسرق قدر حق قعدة فى مزرعه فى الجريف او سوبا والمشكله ليس كم نائب وكم مساعد المشكله فى الزول الفوق وشخصيته وبالمختصر المفيد كده المشكله فى الكيزان وطريقة ادارتهم للبلد وانتم متخيلين ادارة بلد مثل اتحاد مدرسه ثانويه وياريت التفريق بين افكار المدرسه والجامعه والدوله


#82759 [mohamed ahmed]
0.00/5 (0 صوت)

01-22-2011 05:18 PM
so u suggest solutoin for the goverment to get out from all that they do to sudanese people .u thought we can forgive .u r mistaken so wait for next days u and your assasine gov.


#82743 [ابو سامي]
0.00/5 (0 صوت)

01-22-2011 04:45 PM
هناك قضايا ملحة وأخرى انصرافية أنت يا مؤتمرجي انصرافي إلى أبعد الحدود وفاكر الشعب السوداني ما زال يفكر بعقلية المؤتمرجية بلا رئيس بلا نائب رئيس ومتى فارق الرئيس كرسيه للنائب وهل خلال الـ22 سنة الكبيسة سمعت بالرئيس قضى أجازة سنوية وفي أي يوم غاب خارج السودان ما هو زي جمار الشاية ( والشاية دي عايزة شرح طبعا ) بأختصار الحمار المربوط على وتد له حرية حركة محدودة ... تشاد مصر اثيوبيا أرتريا وبالعكس يعني البيض الممزر على بعضة يا أخي نحن عايزين يفوت بس بلا نائب بلا لمة وشوف ليك موضوع غير دا اشغل بيه الناس تكلم عن الحريات تكلم عن الغلاء تكلم عن الفساد تكلم عن النهب الممنهج


#82742 [عاطف]
0.00/5 (0 صوت)

01-22-2011 04:44 PM
اها يعنى خلاص اقتنعت انو الجنوب مفصول وبطلت كلام (انا متفائل من احراز الهدف فى الدقائق الاخيرة) !


#82725 [قرفان من الكيزان]
0.00/5 (0 صوت)

01-22-2011 04:02 PM
ياخى نحنا ناقصين مناصب ؟؟ اليكتاتور الكبير ماعايز أحد يشاركه فى الكيكة

عايز يخليهم كلهم كومبارس يجعجعوا فى الفاضى زى ابو العفين __ وعلى عثمان

راضى يكون كومبارس علشان امن الكعة تجى يكب الزوغة ___

والبقية مفضلين الجعجعة والاختباء والانزواء عند اللزوم ____ خليهم كده __ العملية

مقصودة أصلوا راس الحية كده كده حيصطادوه ______

ثم الاهم مافى وقت للحاجات دى __ ولاعايزهم يلعبوا فى الوقت الضائع ؟؟


#82716 [gasim ali ]
0.00/5 (0 صوت)

01-22-2011 03:56 PM
فعلا الفهم خشم بيوت يا عصمان ....محاوله ما بطاله في حل مشكله الحكم في السودان وعليك الله انكت لينا راسك مره تانيه يمكن تلقي لينا فكره جديده...مثال يكون عندنا ملك او امير


#82704 [الحر]
0.00/5 (0 صوت)

01-22-2011 03:38 PM
نعم الاستاذه والصحفين المهمومين بقضايا شعوبهم توفووووووووووووووا على العمالة وإلارتزاق


#82677 [عدو الظلم]
0.00/5 (0 صوت)

01-22-2011 02:58 PM
اقترح أن يكون عندنا رئيس وزراء ونائب أول لرئيس الوزراء ونائب ثاني لرئيس الوزراء وهكذا بدل أن يكون عندنا رئيس ونواب رئيس و77 وزير فقط لأن السودان محتاج للمزيد من الوزراء ونثني اقتراح المهندس


#82671 [منذر]
0.00/5 (0 صوت)

01-22-2011 02:52 PM
يعنى انت يا عثمان مرغنى موافق انه يقعدو ، ويستحدثو منصب رئيس وزراء .... و الله حكاية عجيبة ، كيف تسمح لنفسك بهذا القول ؟ اما كان من الاجدر ان تركز على هموم المواطن ومعائشه التى ربما تكون فى خبر كان بعد زمن قصير ؟ اما كان من الاجدر ان تتصدى للظلم الحكومى بتعرية الظالم ام انك تحتاج لوثائق ويكيليكس ؟ عجبا و الله اننى ارى فيك مهندس كمبيوتر هجر كل ما تعلمه من اجل ان يكون بوقا لحزب متهالك ملى بالاوساخ و الادران ومتأكل وسوف ينهار هذا الجسم قريبا ان شاء الله


عثمان ميرغني
عثمان ميرغني

مساحة اعلانية
تقييم
3.59/10 (25 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة