المقالات
السياسة
يا ريس: انت قاعد وين؟؟؟!!!
يا ريس: انت قاعد وين؟؟؟!!!
03-12-2014 06:34 PM

يا ريس انت قاعد وين؟
حالك شين
موثق سجلناهو في القنوات

كتلت الشباب
يتمت الصغار
حرقت حشا الأمات

اتجاوزت القانون
كترت الديون
وشيلت الرجال الهموم

سيلت الدموم
في السودان عموم
واتفاقمت أزمات

الجوع السكن البطون
بقى أهون العلات

عشان كتل النفس
بالباطل حرام
مدون في الكتاب آيات

ورينا كيف بتنوم؟
وكيف بتقوم
وكيف بتقابل القيوم
وشن بتقول
يوم يكون الاله قاضي للمظلوم؟

يا ريس: الكضب تب ما بحلك
عشان الاله علام الغيوب
عارف السويتو في شعبك
بى غباك وجنك

يا ريس: أمرق تعال
ما تكضب الشينه
أصلو التاريخ بسجل
والكاميرا حاضره أمينه

والدموم بتسيل
خلت قلوبنا حزينه
والشعب انفجر
ماسك عليك غبينه

أمرق تعال
وقول خلاص اتنحيتا
كلمة رجال
امكن يوم القصاص تشفع ليكا

رغم الشايلنو في القلوب
والشايفنو بالعيون
والظاهر للعيان
موثق سجل ماضيكا


منى خوجلي
[email protected]

تعليقات 1 | إهداء 0 | زيارات 1031

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#940569 [ود الرضي]
5.00/5 (2 صوت)

03-12-2014 10:34 PM
ريسنا المعيب شين تب خلقه ما بشبهنا
اتحكر و قعد مزنوق بالوثبة فات شلهتنا
للجنيات كتل محروق فاقد الضنا و ملمحنا
بكرة الزمان يرميه و نتفكا منه أنحنا


ردود على ود الرضي
United States [بت البلد] 03-13-2014 07:45 AM
يا ود الرضي
أبشر خلاص
قربنا نتفكا
الصقر وقع
غلبو الطيران
وطالت عليهو الركه
ما شفنا منو خير
وعكا البلد عكا
ولا كسبنا منو شي
ولا لقينا منو الحبه
فالح في الرقيص
والعرضه والربه
والكضب الكتير
الكضبه فوق الكضبه
وقع خلاص وتاني
ما فيهو قومه وهبه


منى خوجلي
مساحة اعلانية
تقييم
9.75/10 (4 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة